عيالكم بتخلونهم يداومون؟؟

[الحراير]

توني كلمت الابله وتقول مافي دوام واكثرهم باجر ماراح يداومون

 

[كويتية صغيرة]

انا عيالي داوموا

و الحمدلله انهم داوموا

في صف بنتى بس اثنين اللي غايبين

و تم شرح للمواد
و عطوهم واجبات

و نسبة الحضور 90%
الحمدلله

 

[حجيه هيونه]

بعد بنات يالله عطونا شنو صار معاكم

 

[يمامة]

انا عيالي داوموا متوسط

واحد يقولي 7 بالصف ما درسونا

والثاني يقولي 10 وبعد ما درسوهم
بكره ما راح بداومون

 

[رفرف]

انا مدرسة والحضور عندنا كامل بالابتدائي كل صف يمكن 2 بس اللي غايبين ..
وشرحنا وكل شي طبيعي ..
ووديت بنتي مدرسة خاصة وهم خذو املاء وواجبات وعاااادي الوضع ..
خلو عيالكم يداومون بسهم دلع

 

[أم _ أيون]

الكل مداوم

 

[**أوراد**]

باجر عيالي مايبون يداومون مع اني ودي يروحون بس شسوي ماكو شي
قزروها اليوم احتياط وبهدله ..ليش عاد؟؟


...

 

[أم _ أيون]

الكل مداوم

 

[ام حمنو]

انا وديت بنتي اليوم وهي في الصف الثامن بس شكلها باجر بتغيب تقول اللي مداومين اليوم عشر بنات وباجر اتفقو ايغيبون والله مشكله بعدين يركضون بالمنهج الله يستر :23_asmilies-com:

 

[ام حمنو]

انا وديت بنتي اليوم وهي في الصف الثامن بس شكلها باجر بتغيب تقول اللي مداومين اليوم عشر بنات وباجر اتفقو ايغيبون والله مشكله بعدين يركضون بالمنهج الله يستر:23_asmilies-com:

 

[حصوص الكويتية]

انا كل عيالى والله راحوا

ويقولونيمه باجر محنا رايحين كل الصف غايب

 

[اسرار الغلا]

وديتهم بس محد مداوم ولا عطوهم شي

باجر بغيبهم

 

[الحراير]

الكل غايب بعد شنسوي والمدرسه تقول ماراح نشرح لانه العدد قليل واكثرهم باجر غايبين وهاذي اخر عطله لهم والله يوفقهم

 

[يمة يادلبي]

انا اليوم داومت ونسبة الحضورة كبيرة حييييل
يمكن 6 بس الي غايبين
ودرسنا وعطونا واجبات وحددولنا الامتحانات وكلشي كان طبيعي

 

[:: Diva ::]

يا بنات والله مو ملحقين نخلص المناهج
خلوهم يداومون


اولى و ثانيه و ثالثه ابتدائي
اوكي ماكو امتحانات غيبوهم لو تبون


بس رابعه و خامسه
الله يخليكم خلوهم يدامون وراهم امتحانات
متى نخلص المنهج و متى نراجع لهم ؟
مو تبون درجات زينه ؟

 

[شانييل]

أنا غيبت عيالي مو لشي بس ريلي ماله خلق يقوم يوديهم هذا عذره وأنا إجازخ< خوش أهل هههههههههه
بس يقول إن الناس كلهم بيغيبون مادري شالسالفة والله؟!!!!!!!!!!!!! ريلي منتقل لمحافظة تحب الغياب هههههه بس ماراح أقول أسم المحافظة أخاف أنطق من بنات هالمحافظةههههههه
إنخليهم يداومون باجر ولا لأ ياجماعة أحد بجنوب السرة ييبلنا خبرهم؟!!!!!!!!!!!!!

 

[قناديل الخير]

انا بناتي داوموا وما في غياب يمكن بس ثنتين ثلاث وكان يوم دراسي عادى وعطوهم واجبات وحفظ قران لان باجر عليهم تسميع

 

[سبائك]

انا عيالي داومو اليوم والحضور كان عادي يعني الكل مداوم وباجر بيداومون ان شاءالله

 

[{الجارحه}]

انا ولدي غيبته امس

وابلته تقول لاتجيبينه مافيه احد بيداوم

 

[F.A]

عيالي داوموا
بنتى بثامن تقول10 غايبين ودرسوهم
وولدى بخامس درسوه كل المواد بعد وعطوه واجبات
أشوه ما غيبتهم