عيالنا أمانه ماهم مهانة- السايق والثقة الزايدة

[MN.collection]

كلامك صحيح 100%


الله يحفظ عيالنا من كل شر
ويهدي كل غااافل

 

[ابيك لي بروحي]

الله يحفظناا ياارب
جزااج الله خير

 

[WOMAN MARK]

اشكرج على هالموضوع المهم اناعن نفسي ما احب الخدامات او السواق يمسكون عيالي فيني وسواس منهم من اللي اشوفه لدرجه اني قاعده تقريبا سنه ماعندي خدامه وكل الشغل علي مع ثلاث اطفال والحمدلله مرتاحه بس بديت افكر اسوي طلب حق رمضان والله كريم وبعد محتاره السنه الجايه اعيالي اثنين يبلشون مدرسه ومابي سايق اخاف على اعيالي والحين قاعده استفسر عن سايقات خدامات على الاقل اضمن لي ولعيالي وانشأالله الاقي<<<<<<< قلت قصه حياتي
المهم من فتره كنت بالعديليه بصاله العاب اطفال والله نسيت اسمها المهم وانا نازاله من السياره اشوف ثلاث سيارات كل سياره تقرب عند الباب داخلها سايق ينزل خدامه اواثنين ومعاهم يهال ماادري وين الام والابو مالت عليهم ....
المهم واحنا قاعدين داخل جدامي طاوله فيها خدامتين واثنين يهال يتعشون كلهم بوجبتين طبعا يتقاسمون البرجر اهما الحصيله الاكبر واليهال الربع وفي وحده منهم اللي قاعده عنده طفل معوق وكل مايمد ايه يشرب بيبسي تقرصه بفخذه من تحت حيل علشان محد يشوفها واهو مسكين يتألم بدون صوت واخر شي طقها بجيه:eh_s(14): وانا قاعده على اعصابي اترجى زوجي اقوله الله يخليك خلني اقوم ادفنها بمكانها واهو يقولي قعدي مالج شغل فيهم راح تطلعين انتي الغلطانه لان محد شايف والياهل اكيد ماراح يتكلم من الخوف واهله موبعيده يدرون وماعندهم اي مشكله اهم شي يفتكون منهم مالت عليهم اهمه وخدمهم باجر حسابهم عسير عند الله *كلكم راع وكل راع مسؤل عن رعيته* وسلامتكم:eh_s(9):

 

[moone GRL]

حبيبتي انا مدرسة روضة ونشوف بلاوي


اوكي نقول مرات الام تنشغل ولا ماتقدر تجي مع انه بعض الاطفال انا اعرفه انه امه ماتشتغل ومتأكده نقول يمكن مرات ماتقدر تجي وتخلي الشغالة تجيبه بس شلون تخلي سايق يجيب ولدها ويوديه والمصيبة بعد اذا بنت مو ولد وتخليها تروح مع السايق

والله فيه امهات مو كفو تكون ام واذا صار شي ببنتها ولا ولدها حزتها يمكن تحس على دمها

 

[مسك الجنه]

تكفون ديربالكم والله بلاوووووووي هالسواق والخدم انا اعرف بنات الحين كبار عندهم سايق قبل الغزو يعني حزتها الدنيا اماااان تحرش فيهم كلهم وكان مخوفهم كلهم مايقدرون يعلمون اهلهم بس الحمدالله التحرش سطحي وكان يوميا لما يوديهم المدرسه والبنات مافتحوا قلوبهم الا لما كبروا وانصدموا ان الكل متحرش فيه والاهل مااخذتهم الثقه فيه لانه شايب ومن عمر عندهم ​

 

[chakletaA]

كان الله غفور رحيم
دنيا معتفسه فووق تحت
خاربه خاربه
زمن الانانيه وحب الذات
زمن اني ابي استمتع بحياة
زمن المصالح والغش التجاري
وش بقااا بعد بهالدنيا غير
الصحة والعافيه ولله الحمد والشكر

 

[روحـ الكويتـ]

مشكووورة يا الغالية على الموضوووع صراااحة روووعة من ناحية الموضوعية لووونقووول موظفة واللة يعنهاااا شنو رايكم بوحدة تخلى اعيالها هم يلبسوون بنفسهم وعندهااا 3اعيال وبنت وشنووو فى اولى ابتدائى والرووضة ويرحوون البقالة اللى جنبهم بروووحهم ويروحون مع السائق برووحهم وتنام وكاشتة بعيالها وخايفة على خدامتها لاترووح معاهم شنووو العذر ماتبى الخدامة تحتك بسائق هذاااا مووواهمال حسبى على كل ام ماتهتم بعيالهااااا

 

[laco$te]

شكرا عالموضوع الحلو
وجعلة في ميزان حسناتك
والله يستر علي عيالنا وعيال المسلمين

 

[الصابرة المحتسبة]

عسى ربي يحفظنا

ومارك وومن عورتي قلبي على المعاق كلش ولا أشوف أحد يطقه أو يهينه.

بس اذا الأهل آآآآآآآآآخ شي يعور القلب.

عسى ربي يهديهم.

 

[الصابرة المحتسبة]

للنقاش

 

[سكر العيوون]

اي والله صح لسانج على هالموضوع

 

[روانتي 12]

أي ؤآلله معآـآج حق بككَل كلمه قلتيها . . مو أي أحد نرسل عيالنا وياهم حتى لو كانو ثقه مايندرى شيصير . . عاد ياليت الامهات يتعظون من إلي يسمعونه . . ,’

 

[عادت ذكرياتي]

الله يستر عليهم

 

[om.googi]

وحدة معاي بالدوام قرت موضوعج جان تقوول

( وييـه ما عليهم الا العافية ,, شلون يعني وقتنا كله لهم !! لازم نشوف نفسنا )

حسستني انهم صج ( كانوا ) ماخذين من وقتها شي .. الحمدلله والشكر ,,

طبعا قلتلها بويهها مو من وراها هالحجي ,, قالت ايي اللي ايده بالنار غير اللي بالماي ,,

قلتلها انا عندي ولد وماعندي خدامة وعندي زوج وبيت وفوق هذا موظفة يعني صايرة أخطبوط
وفوق هذا المدير مو مقدر ظروفي (بحكم اني ما أقوله شنو اهم بس اقوله ظروف وبس)
ولا عمري أفكر لا بسايق ولا خدامة ..

راحتي ألقاها وقت ما ينام وانتي اللي تقدرين تتحكمين بالوقت وشغلهم ولحد يقول ماقدر ومو فاضية
مو فاضية تجابلين بس فاضية اتيبين ليش ! عشان جم 50دك تحطونها في بطونكم !

والا زيادة عدد عالفاضي لا تربية لا مجابل لا اهتمام والا بس تتفيخر ( انا يبت 7والا 6 )
ولما ينحرف ( ولدي راح مني , انا الغلطانة ,, ماعرفت أربيه ,, يا رب سامحني ) اي ليش هاللوية!

عندج مناسبة أو عزا أو أو أو ,, حاولي تقطينه عند أهلج ,, خالتج ,, المهم في أحد من أهلج يشوفه حتى لو مع خدامة ,, لو اهي أمينه ع بنتج وولدج هم في تصرفات اهم يسوونها بديرتهم عادية احنا عندنا نقوم الدنيا عليهم.

وسالفة السايق هذي قضية يبيلي دفتر بو 60 صفحة ,, هذا اذا ما كملت الكتابة برا الدفتر ..

مشكورة عالموضوع اللي يفتت ميخ الصابر ,, ​

 

[basemah]

خواتي الله يحفظ عيالي وعيالكم يا رب ...انا مرة قريت قصة حطتها بنت في المنتدي تقول انه وهي صغيره كان عندهم سائق وثقه وكان يلاعبها ويحن عليها لغاية ما استدرجها ووصلها للسياره وكان يعمل فيها عمايل حزة الظهر الاب والام نايمين وتكرر هالشي مرات ومرات وفقدت شرفها وكانت تفوت بيتهم تعبانه واليوم اللي فقدت فيه عذريتها كان عملابسها دم وامها سالتها حسبالها طاحت وتعورت وسبحتهاالله لا يوفقه هالساايق يارب والله يكون مع هالبنت المسكينه اللي حملت هالجرح معها لغاية ما كبرت الله معها يااارب والسبب اهماااااال الأهل والثقة الزايدة في الخدم.....الاولاد امانه امانه حرام ينتركو للخدم الطفل برئ ليش نشوه برائته لييييش

 

[زعفرانة_73]

الحمدلله والشكر تدرين هذول الناس مو مقدرين النعمه اللى عندهم مثل ما قطوهم بايد السايق والخدامه باجر اذا كبرو راح ينقطون نفس الشى ، بس فالحين بالهياته ومن مكان لى مكان شنو هالمبدأ اللى عايشين عليه .
تسلمين حبيبتي عالموضوع انفعلت شوى​

(الحمد الله الذي عافنا مما ابتلاهم به وفضلنا على كثير ممن خلق تفضيلا)

 

[toto84]

ذاك اليوم بالمستوصف شفت بنت تقريبا عمرها سنه و نص ... معاها السايق و الخدامه...مادري شنو الظرف الي ما يخلي الام و الابو ما يدوون عيالهم...
و تالي اذا صار شي قاموا يطقون على روسهم من الحسافه..
الي مو قد العيال لا ايب عيال ...

 

[الصابرة المحتسبة]

لاحول ولا قوة الا بالله

عسى ربي يحفظ عيالنا

ناس تحلم بضنى وناس تفرط بعيال

 

[الصابرة المحتسبة]

للنقاش