عيالي مايتريقون شسوي معاهم

[نوروظلام]

من العنوان عيالي ذبحوني مايتريقون عيزت سويت لهم الحليب والبيض والكورن وكل شي مايبون شسوي معاهم حتى بنتي في يوم طاحت عليهم بالمدرسه اولى ابتدائي لانها مو ماكله الخايسه وابوهم يشري لهم الاغراض تخيلو ياخذون كل شي ويخلون الكرواسون او الصمون بالبيت ويروحون شلون احببهم بالريوق شلون وياريت كل وحده تقول شنو تريق عيالها من الصبح وجزاكم الله خير

 

[(كويتيه عسل)]

انا مومتزوجه بس بقولج طريقه

اول شي لازم تعرفين اهما شنو يحبون نوع الصمون اسمر مدور صغار ... الخ

وعلى شنو على جبن موتديلا زعتر بيض ..الخ

وسأليهم بليل شنو يشتهون ياكلون باجر الصبح وشنو نوع الصمون وعلى شنو

اذا مثلا يحبون جبن اصفر ويا طماط سويلهم صمون جبن وزيني الصمون اليهال يموتون على هالسوالف

ممكن بالسكيينه تقصصينه على شكل مربعات صغار وتقزينه بعود الخشب او تقصينه مثلثات

او مدور او في شي اللي يقطع الصمون على اشكال

على شكل نجمه وورده وحطي الصمون في صحن مكشخته و ميزن بالزيتون والخضره والطمام وهالسوالف

او اذا ياخذون الصمون المدرسه حطيه في جيس على رسوم متحركه يحبونه

او جيس عادي ملوت الصمون وحطي عليه استيكيز او حطيه في علبه يبيعونها في كل مكان

علبة الصمون في منها موديلات والوان واشكال

وفي علب صغار تينن تكون مقسمه شحلاتها حق اليهال ياخذونها معاهم المدرسه

تحطين فيها افندي او خيار او كيك او بسكوت او كورنفيكس ياكلون في الفرصه اكل مفيد من البيت وهم حلو وكشخه وذرب

 

[نوروظلام]

جزاك الله خير انا اشهد انج عسسسسسسسسسسسسسسل

 

[(كويتيه عسل)]

جزاك الله خير انا اشهد انج عسسسسسسسسسسسسسسل

وياج حبيبتي تسلمين هذا من ذوقج

 

[أحلى عيون]

انا عندي بنتي بعد مأذيتني اسوي لها كل يوم صنف ليما تقعد تقول يما مااشتهي تموت بشي اسمه بيبسي من صباح الله خير وكل يوم وانا وياها هواش

حتى لي سويت لها صمون اخذه معانا للسياره انا اكله واهي ما تاكله

وبعض المرات اعطيها مصروف يروح ويرد بالمخبى اقول لها ليش ما تاكلين تقولي مااشتهي قعدت اخذها كل يوم للجمعيه واخليها اي شي تشتهيه اشتري لها ويالله تاكل

 

[manarah]

انا اعيالي ما يتريقون ولا يمكن ياكلون شي اول ما يقعدون من النوم يبيلهم اقل شي نص ساعه فللي اسويه اني احط الحليب بحلجهم بس يكونون ليلحين مو مستوعبين انهم قعدوا بس يمكن ليش اعيالي صغار تنفع وياهم هالطريقه .

 

[سيدة الكويت]

حطى لهم بسكويت .............كيك صغار .........كريم كرمل ..دنينو ..... جلى

مو لازم صمون اذا ما يحبون

 

[كويتية أصيله]

قوه ..أشلونكم........ اول شي للي تقول بنتي تشرب بيبسي من الصبح .. ليش البيبسي أصلا موجود في البيت ؟؟؟؟؟؟؟؟ تري هالمشروبات ما منها فايده .... بنتج لو مالقت بيبسي راح تضطر تشرب حليب بداله المسأله مسألة تعود فقط لا غير ... وفي طريقه حق إللي عيالها ما يتريقون أول شي والأهم لازم ينامون مبجر يقومون صاحين وشبعانين نوم وبنفس الوقت صار لهم فترة ما أكلو فيكونون يوعانين ... لا تشتريلهم بطاط وكاوكاو وخرابيط إلا في نهاية الأسبوع بس علشان ما ينحرمون منها..صدقيني الياهل إذاما لقا بدائل راح يضطر ياكل ومو أي أكل راح ياكل أكل صحي ........ طولت عليكم ...مشكورين

 

[حلم الطفولة]

أختي الله يعينج.. بس بسئل سؤال : اهمه الساعه جم ينامون بالليل ؟؟؟
أكيد ينامون متأخر ., صح؟؟ ... لازم تنومينهم مبجر ويقومون مبجر شبعانين نوم , وياخذون لهم نص ساعه بعدين يتريقون
والله يوم شفت عنوان الموضوع قلت بدش أسأل عن وقت نوم عيالج.. واستانست فيه أحد غيري نفس ملاحظتي ..
كويتيه أصيله وحلم الطفوله نتفق ان السبب الرئيسي قل النوم ,, يربك المعده ويسد الشهيه ..
وما قصرت كويتيه عسل حطت أفكار ... وآنا مع سيدة الكويت ,, كريم كاراميل , روب , موزه ,مو لازم سندويش .
بالنسبه لعيالي .. عندي بنتي الوسطيه نوعها تحتاج تنام أكثر من خواتها , من صغرها ,, فإذا نامت شوي متأخره. لايمكن تتريق.
أما شنو أحط لهم .. : التمر ,, .... شاي بالحليب . أو .. حليب بالكاكاو ..,, خبز ولبنه , فواكه معلبه ..
أو خبز وجبن ,, روب بالفواكه , ولازم تفاحه وحده مقطعه بينهم ,, أفندي أو موز أحيانا .
وآنا بعد عيالي مو نوع ياكلون زين لا بالريوق ولا بالغدا ... مو أكيلات . بس الحمدلله آنا أدري هذي شهيتهم ( مثلي )

_________________________________

أودي لهم بالمدرسه : بسكوت مالح وبسكوت حلو
أحيانا شيكن ناقتس وأحيانا مكرونه مفيوحه ساده بالملح ..ومرات سوسيج ( نقانق).
وغالبا خبزه وجبنه .. يحبون الخبز بالجبن ,, .. روب الفواكه الصغار وايد يحبونه اليهال ..
ولازم نوعين عصير كي دي دي .. أو حليب كاكاو كي دي دي .. وكرواسان .

وسلامتج ... ويارب تلقين الحل وتبشرينا حبيبتي ..

_______________________________
الاخت اللي تعطي بنتها بيبسي .. ديري بالج من أمراض السكري .. ومن هشاشة العظام المبكره ..!!
مسكينه حرام !! .. ,, لا تزعلين , بس لازم توقفين عنها المشروبات الغازيه ,, وخصوصا تقولين تشربه الصبح عالريج !!
.. شيليه من البيت نهائي ,, خليه بالمناسبات اذا اشتهو واكسرو خاطرج !! والله يسلم الجميع ويكافي عيالنا وعيالكم الشر .

 

[توتيه]

انشالله يكونون البنات فادوج ماقصرو

 

[حلوة الروح]

والله انا بعد ما ياكلون الصبح مجرد الحليب يشربونه

ومرات اذا طق براسهم كورن فلكس اعطيهم بسرعة قبل لا يهونون خخخخخخخخخخخ

 

[حلم الطفولة]

حبيبتي آنا كتبت رد أمس مادري أول أمس ... بس تذكرت بعد شي ..

أحيانا إذا ماو .. اشتري لهم تشكيلة فطاير بالليل .. وأصخنها الصبح .. يستانسون ..
وذكرتيني الله يذكرج بالخير .. كنت قبل سنتين أودي معاهم المدرسه .. فلافل !! .. ترى يستانسون بالشي الغريب ..

وصديقتي .. ولده غريب .. حتى الكاكاو ماياكل !! .. تدرين شكتشفت ؟؟؟؟؟ !!!!!!
اكتشفت يستانس عالأكل المفلفل !!! قامت تسويله جتني لبنه .. ( سندويش لبنه مع شوي الفلفل الأخضر الحار وبقدونس .. مثلا ) ..

:::::::::::::::::::::::::::::::::::::

وحده من بناتي ماتحب البيض نهائي ... أخلط معاه قفشتين جبن قلاص .. وشوي فلفل غراش ( هوت سوس ) وملح ...

بس ماتاكله وقت المدارس لايمكن ياكلون بيض الصبح !! بس بالعطل ..

::::::::::::::::::::::::::::::::

عاد كتبي بشرينا .... شسويتي معاهم ؟؟؟ وشنو نفع وشنو ما نفع ... بس صج لازم ينامون مبجر وتنفتح شهيتهم ان شالله .

::::::::::::::::::::::::::::::::::::::::

 

[الاسطورية]

اشتريلهم اماعين على الشخصيات الي يحبونها بيجابلون الريوق وديهم يختارون على شخصيات بلاند مارك

 

[لازوردي]

قوه ..أشلونكم........ اول شي للي تقول بنتي تشرب بيبسي من الصبح .. ليش البيبسي أصلا موجود في البيت ؟؟؟؟؟؟؟؟ تري هالمشروبات ما منها فايده .... بنتج لو مالقت بيبسي راح تضطر تشرب حليب بداله المسأله مسألة تعود فقط لا غير ... وفي طريقه حق إللي عيالها ما يتريقون أول شي والأهم لازم ينامون مبجر يقومون صاحين وشبعانين نوم وبنفس الوقت صار لهم فترة ما أكلو فيكونون يوعانين ... لا تشتريلهم بطاط وكاوكاو وخرابيط إلا في نهاية الأسبوع بس علشان ما ينحرمون منها..صدقيني الياهل إذاما لقا بدائل راح يضطر ياكل ومو أي أكل راح ياكل أكل صحي ........ طولت عليكم ...مشكورين

:eh_s(15): و الله قالت اللي كنت بقوله و ماقصرت ...حبيبتي اهم شي النوم و اذا عيالج يحبون البيبسي خلاص قطعيه من بيتج و الصبح سوي لهم عصير برتقال فريش ترا كل اليهال يحبونه خلي طريقة تقديمج للأكل تكون غير عن قبل ترا هم شكل الاكل بالتقديم يأثر على شهية الاطفال يساعدهم على انهم ياكلون ..... و اذا عيالج شهيتهم موذاك عطيهم مشهي ...​

 

[أم أنور]

البنات كفوا ووفوا

 

[فلونة احلى وردة]

أي والله انا مثلج
وفادوني البنات
بس مشكلتنا ما يبوووون نهائيا الا بعد ساعتين من قعدة النومة
يعني لازم اقعدها مبجر

 

[ديرتي الغاليه]

والله انا بنتي اول اعام الدراسي ما شاء الله تتريق بس الحين هونت ارت تاكل بالفرصه قهررررر .[س لمن فكرت قلت اهي اهي ...بالبيت متى يقومون ايام العطل الساعه10 او اكثر فيقوموت ويتريقون يعني نفس المدرسه وقت ريوقهم بس هونت وريحت راسي قبل كنت بذبحها واطقها بس هونت

 

[Om eL-3a9aGeeL]

انا مو متزوجة والحين بالثنوية بس كنت نفس حالة بناتج اشرب ماي واطلع

بس خل اقولج شي يمكن يفيد معاهم

مو لازم على طول يتعودون انهم ياكلون شي
عوديهم انه يطلعون من البيت واهما يشربون حليب كي دي دي الصغيّر فراولة او موز او ككاو

مع الوقت زيدي عالحليب صمونة جبن صغيرة مثلا

بعدين انشالله بيتعودون انهم ياكلون شي لما يطلعون وذيج الساعة كل يوم حطيلهم شي

وإي حطيلهم صحون وقفاش حلوين
ترى شهية الطفل تنفتح إذا الصحن اللي ياكل فيه حلو =)

 

[حلم الطفولة]

................. رفع ..................
,,,,,, للاستفاده ,,,,,

 

[أمانيQ8]

والله انا متعذبه معاهم على هالسالفه
بس لي شهر الحين ما ابي احسدهم لووول اتحايل عليهم لو بلقمه وحده اعطيهم كورن فليكس كاكاو والثانيه ماتحبه تحب الصون الترف مع جبن والثالثه لو عليها تشفط البيبسي اللي في البيت كله بس حريمتها شلته ما اعطيها من صباح الله خير بس اشوه اشوفها تروح تاكل كورن فليكس نتفه واتخليه يولي وخواتها مثلها عمرهم ماكملوا الصمونه قرمه ويقطونها بس نعمه ولا يطلعون جذي بصراحه سنين وانا اعاني من هالسالفه مادري ليش جبود اعيالنا جذي يا خلاف على ناس من هالعرب من الصبح فلافل وفول ماشالله واحنا اشكال وارناق وماياكلونه