عيالي مرضى تعبت والله حالتي حاله

[أم حمني المزيون]

الله يعينج -وديهم محمد سعيد صج شااااطر ...ترى العيال على قولة أمي ماوراهم الا الشقا انا عيالي على طول مرضى مشهووورين عند أهلي الله المستعان ماااا أرتااااح وأخذي بعد هم التدريس والمحاتاة يعني النفسية صفررررررررررر ... وهم مريت بظروف اني بدون خدامة يالله بيكبرون انشاء الله والحمدالله على كل حال ..انتي كله ادعي ان الله يعطيج الصحة والصبر ويهون عليج هالظروف وان شاء الله تعدي .....

 

[بـاسي قــوي]

رد : عيالي مرضى تعبت والله حالتي حاله

الله يعين انا بعد ولدي ردت له الكحه و صدره تعباان مامداه صار زين استغفرالله ياربي

 

[انوار المحبه]

والله بنات نفسيتي صفر و الله ما مداهم صاروا زينين اليوم يبت خدامه امي تساعدني بالتنظيف . بنتي حدها ظعفانه

 

[غيمه ظميانه]

رد : عيالي مرضى تعبت والله حالتي حاله

الله يعينج الحمدلله على كل حال

والله انا عيالي من جبتهم وربي ما يمر اسبوعين كاملين يكونون متعافين اذ مر اسبوعين لام الثالث طايحين مانعتهم صفررر

وصدر الله وكيلج وحراره والحاله حاله والخدامه تطيح معاهم عاد ددلع الخدم تضرب عن الشغل وتنسدح بدارها

وانا مرا وربي مواصله 3 ايام نومي بو نص ساعه واقوم غفوات مو نوم


اسمعي بنتج جيبي لها حليب نوفولاك مضاد للاسهال من اول رضعه يوقف الاسهال

واخذي من المستوصف شراب المغذي عشان ما يصير معاها جفاف

وولدج اذا فيه كحه لا تعطينه عصير برتقااال نصيحه ترا يزيدها عطيه عصاير خفيفه مثل التفاااح


وانا اقول اخذيهم وروحي مستوصف سناء معروف بالسالميه عند الدكتور عبدالحليم

حده حده فاهم ماشا الله
انا ولدي يوم تعب الحكومه يحطون له كمام فنتولين وقامت تزيدا لكحه ما اعرفو له

وديته عند عبدالحليم قاللي شنو هاذا وقفي فنتولين وعطيه انتروفونت

والله الحمدلله 3 ايام وحسيت تحسن 70 بالميه بفضل الله ثم عليه


روحي وتوكلي على الله اهم شي يرتاحون وانتي ترتاحين معاهم والله حاسه فيج تعب مو طبيعي وتفكير

الله يشافيهم يارب

 

[حساسه]

بنتك اعطيها عصير جزر وزبادي ورز مصري

وكلنا والله نفس الحاله بنتي من عنادها الدواء يمرضها اكثر لانها تشرق فيه

 

[أم متعب 66]

ماكو الا تدفينهم

واهم شي المستشقيات الخاصه اهي الحلوه والا المستوصفات ماتنفع والله
والادويه ماتنفع اخذي لهم مغذي

والله يقومهم بالسلامه يارب

 

[ندى العبير]

الله يشفيهم يااارب

الاسهال عطيهاا ماي الرز المصري زين وهم الشاااي والروب ولاتعطينهااا اكل فيه زيت

 

[تروبيكانا]

الله يشافي عيالج حبيبتي
بس نصيحه للوز سيده روحي عبدالله العلي اللي بميدان حولي بس ان شاء الله تحصلين موعد انا ولدي كان نفس ولدج اسبوعين والثالث طايح لوز وكل مره المستوصف يعطونه مضاد ما يمديه يخلص المضاد الا صرفوله ثاني مرات يكون نفس حالة ولدي مو ميكروب على اللوز حجم اللوز كبار فدايما تييله والمضاد قالي ديري بالج تعطينه لازم تنشال لوزه وصرف لي دوا قالي للوقاية على ما تشيلون اللوز يزيد مناعته اهو اخصائي انف واذن وحنجره
وبنفس عمارته بوحيمد وايد يمدحونه للاطفال بس للامانه انا ما جربته
وان شاء الله يقومون بالسلامه