عيال اختي متسلطين على ولدي ساعدوني

[حكيمه المسيار]

السلام عليكم

عندي مشكله لهافتره وماعرفت الاسلوب الصحيح لحلها اتمنى منكم تساعدووني


ولدي عمره خمس لما ازور اهلي فيه اولاد اختي واحد عمره ست وواحد عمره احدعش

سنه متسلطين عليه يضربونه والولد الكبير ياخذ كل العيال الصغار اللي بعمر ولدي

ويلعب معهم ويطرد ولدي لاجا يلعب معهم والادهى من كذا مايخلي احد يلعب معه يعني

مسوي حزب ضد ولدي غير التعذيب النفسي يرسل العيال الصغار اللي بعمر ولدي يقولون له

مانحبك انقلع مانت صديقنا ولما يشوفونه مع البنات يقولون يالبنت ولدي مره صار يخاف

ويضيق صدره منهم مع انه كان مره حبوب ويلعب معهم وكل الاولاد يحبونه واذا صادف رححت لاهلي وماجت اختي اللي

عيالها شياطين يلعب مع عادي ويندمج وكلهم يبونه

والحين انا متوهقه مادري وش اسوي بعيال اختي خصوصا الكبير مادري ليه مستشر على ولدي ولاعرف وشلون اتعامل مع

الموضوع تكفون ساعدوني

 

[attoosh]

انا من رايي انج ماتودينه اذ هم موجودين طيعيني انا ولد نفس حالت ولدج مسكين ابيضاني وشعره مفلفل كل ما يزولر بيت جده يقولوله الجهال انت حمص وفلافل تعقد كل ما نروح اهناك اضيق صدره قلت لنفسي اهم شي ولدي مو مهم لزواره والله وقمت اخليه بالبيت يلعب بلستيشن ابركله مليون مره وعلى فكره اهو بعمر ولدج

 

[oshi_q88]

جربي طلعيه مع ولد اختج وخليهمم يتمشون
ويشتري له هديه يعني يتقرب منه
واذا ماضبط الوضع خلاص لاتجين بوقت زوارة اختج

 

[fatma A]

ترا هالشي عادي وباجر لي كبروا بيصيرون ربع كلنا مرينا بهالشي

 

[mafio98]

وليش ساكته كل هالمده من رايي كلمي اختج تكلم عيالها يفجون عن ولدج وانتي من ناحيتج اشتري اغراض حق اليهال وخلي ولدج يوزع عليهم كل اسبوع عشان يتقرب منهم

 

[حكيمه المسيار]

جزاكم الله خير وبالنسبه لاختي كلمتها بس ماسوت شي هذا اللي قاهرني وعيالها كل مره يزيدون

 

[سندس 90]

كلمي ولد اختج بينج وبينه عاادي ترا اهو بعد نفس ولدج
قوليله ليش ما تحبه

عندي ولد اختي سم لله علييه ملقوووف وما يحب اخوي " خاله " المعاق داون
وكل مرا يضحك عليه وما يبيه ولا يحبه
بس ذيك المرا اخووي المعاااق بجى حيييل ماادري على شنوو ، لا تشووفين ولد اختي عيونه قامت ادمع فديييييته وشوي ويبجي

ترا عادي سوالف يهاال


*

 

[سندس 90]

كلمي ولد اختج بينج وبينه عاادي ترا اهو بعد نفس ولدج
قوليله ليش ما تحبه

عندي ولد اختي سم لله علييه ملقوووف وما يحب اخوي " خاله " المعاق داون
وكل مرا يضحك عليه وما يبيه ولا يحبه
بس ذيك المرا اخووي المعاااق بجى حيييل ماادري على شنوو ، لا تشووفين ولد اختي عيونه قامت ادمع فديييييته وشوي ويبجي

ترا عادي سوالف يهاال


*

 

[Kocheko]

ههههههههههههه الله يحفظ لكم عيالكم .. صج برائة

حبيبتي جربي اتعزمينهم عندج فالبيت يلعبون وياه يمكن الوضع يتغير شوي

 

[Kocheko]

ههههههههههههه الله يحفظ لكم عيالكم .. صج برائة

حبيبتي جربي اتعزمينهم عندج فالبيت يلعبون وياه يمكن الوضع يتغير شوي

 

[MISS-CAT]

كلمتي اختج

 

[أمانيQ8]

الله يعينج اعرف هالشعور حتى انتي ماتتهنين بقعدتج مع الناس ....مريت بهالحاله

والمفروض ابو 11سنه هذا اتكلمونه ان اللي يسويه غلط بحق الولد وحاولي ماتودينه عشان الولد لاتتعب نفسيته ويتعبج وان اخربت خلاص امسكي ولد اختج وعطيه ماعطاه زمانه قوليله ان قربت ولا ماخليته يلعب ياويلك ...
واذا ماكنتي قادره تمنعينه من الروحه معاج وديه وخلي عينج عليه +تهديداتج لاعيال اختج

 

[رفيعة الشآآن]

انا اقول هذة فرصة تقوين شخصية ولدج

وخليه ما يهتم باحد ويستمتع بوقته سوا لعبوا معاه او ما لعبوا

لان ممكن يقابل مثل شخصية ولد اختج باي مكان ثاني فلازم يعرف شلون يتعامل معاه

لاتمنعين ولدج من زوارة عشان فيها شخص يضايقة هذا بيخله انسان جبان و يخاف يواجهه الناس

بالعكس قولي له روح العب و اذا طردوه تدخلي انتي وازفي الكبير وقوليله شفيك تعلب مع اليهال خلهم يلعبون بروحهم وانت اطلع منهم

 

[حكيمه المسيار]

يعطيكم العافيه خواتي الله يجزاكم خير

 

[M!SS.LOBY]

الله يحفظه لج وتفرحين فيه ولا تشوفين مكروه

 

[M!SS.LOBY]

مسكي المتسلطين على ولدج وكلمي اهلهم بالأدب
وعطيهم دروس قاسيه

ولا تسكتين عن حقه باجر يتعقد الولد

 

[M!SS.LOBY]

مسكي المتسلطين على ولدج وكلمي اهلهم بالأدب
وعطيهم دروس قاسيه

ولا تسكتين عن حقه باجر يتعقد الولد

 

[بوليودية]

عآدي يهآل ، بس مآ ادري كيف ترضين ع ولدج إنه ينضرب ! قوية هآي بصراحة لو أنه ولدي جآن ذبحت إللي يضربه
آنزين علميه إنه يكون قوي يعني شخصيته قوية يرد عليهم ولا عقب بيحس انه منبوذ .

 

[Combat]

اي اعرف نوعية ولدج اكيد مدلعته بزيادة
اذكر واحد من اليهال يصير لي نفس جذي
تدرين المشكلة ولدج اهو صحيح مو راعي شر يمكن بس شخصية ولدج مايعرف يحبب بروحه وبنفس الوقت تلقينه شكاي والجاهل الشكاي يستضعفونه ترى
خل اهو ياخذ حقة مو كل شي تروحين انتي جنج بودي قارد !!

 

[البارونـه]

صح كلام الي فوقي
خل ولدج شخصيته قويه مو من الحين كل ساعه تفزعين له
اذا ياج يشتكي ويقول مثلا فلان يطقني(الي بعمره) قوليله روح طقه
علميه ياخذ حقه ولا تحسسينه ان الموضوع جايد لان بينعكس هالشي عليه سلبا
اما الكبير بو 11 هو مراهق مو وايد كبير يعني حرام مو تطردينه ولا شي روحي كلميه
ووايد عجبتني فكرة وحده ان تطلعينهم وتخلين ولدج يشتري لهم هدايا
صج صج ووووااايد ياثر هالشي على الياهل، قبل ماتروحون الزواره اشتري كيس حلويات او كاكاو خل ولدج يوزع
بيحس بالثقه وبيحبونه وبيلعبونه، وبالنهايه نصيحه اتمنى تسمعينها مني
انتو الكبار لا تتدخلون بمشاكل اليهال ابداا والله جد جد نصيحه اليهال لازم يتعافرون ومردهم يكبرون وينسون فماله داعي تخربين علاقتج مع الكبار وخاصه ان مافي شي جايد كلها حركات يهال ، احنا بعيلتنا صارت مشاكل كبيره كلها بسبت وحده من الحريم الله يهديها ماترضى على عيالها ومدلعتهم اذا اليهال تهاوشوا مع بعض تتدخل وتزعل وماتروح الزواره وهالشي استمر بالسنين وصار بينا حساسيات وعيالها كبروا وصاروا هم والي معاهم ربع وحبايب
وهذي اختج مو حماتج او وحده تقدرين تبعدين عنها فلاتتمشكلين معاها حبيبتي