عيال اختي متسلطين على ولدي ساعدوني

[صاعقة بيوتي]

شوفي الكبير انتي هاوشيه وقولي له ياويلك لوتشيش اليهال على ولدي ولعبوه معاكم ولا اوريك شغلك اما اليهال اللي بسنه علمي ولدج ياخد حقه بروحه واذا تدخل الولد الكبير لاتسكتين وريه العين الحمرا
طبعا هذا رايي الشخصي واللي رح اتبعه لو انا منج بس مدري اذا هو الصح ولا لا
شي يحر والله

 

[جوهانة]

يمكن ولد اختك يغار بس حاولي تسوين شي قبل لايتعقد ولدك والا تضعف شخصيته لانه راح يحس انه مبوذ اعزمي اختك للبيت واشتري لهم هدايا وخلي ولدك يقدمها لهم حاولي تقربينهم من بعض واذا ماتسنع ولد اختك الزم ماعليك ولد واهلك روحي لهم بيون ماتكون اختك موجوده والا لاتاخذين ولد معاك

 

[سحرالعيوون]

الكبار ما ينسكت عنهم يضربون وضربهم حار بعد كلمي الكبير منهم بالطيب قولي له انا كلمتك الحين
وانت ماشاءالله الكبير اكيد بتخلي كل الجهال يحبون بعض صير رئيسهم وبيتشجع ومثل ما قلوا خلي ولدج
يوزع عليهم شي وقت التجمع ولا تحرمون روحكم من تجمع الاهل واذا مافاد رفعي صوتج ديك الحزة بس
عقب كم تكليمه نو من اول مرة وبالتوفيق

 

[ياهم لدي رب]

عززي ثقته بنفسه ودايم امدحيه والله المدح يغير من حال الى حال المدح لاتستهينون فيه
اما من ناحية اعيال اختج كلمي الكبير قوليله فلان دير بالك على فلان انا ما اثق الا فيك ومن هلكلام ترا 11 سنه ياهل
واذا انتي عارفه شخصياتهم وماينفع معاهم الاولاد الصغار جمعيهم مع ولدج واشتري لولدج لعبه تلفت انتباهم يعني خلهم يشوفونه ملك كل زواره شيء واهم اللي راح يتلزقون فيه بس اللعبه تكون غريبه وممكن يعطيهم بس ولدج لا تبلغينه بالسبب ولاتقولين له راح يحبونك ويتمعون عندك ابدا خلي الوضع طبيعي

 

[يستفزني غلاك]

اختي عادي الجهال تصير بينهم جذي شي طبييييييعي وانتي لاتكبرين الموضوع و تضايقين روحج وتصير حسااسيات بينج وبين اختج


في طريقه حلوه
اشري العااااب لهم و قولي لولدج يوزع عليهم وجذي بيحبونه لانهم اطفال قلوبهم بيضا​

 

[صاحبة الكلمة]

عمر الطفل هذا هو عمر بناء الشخصية و ديييييري بالج من شغلتين
انج تخلين الوضع كما هو !!
او انج تروحين تدافعين عنه !!
لانج اذا دافعتي عنه عمره مراح يدافع عن نفسه و على قولت اجدادنا الاولييين " راح يصير الولد خيخه" يعني كلش مووول راح دايما يطلبج و راح ينطق بالمدرسة
احسن حل يالغاليه انج تاخذين ولدج على صوب و بالسر و بدون لاحد يدري قوليله حبيبي ماما ليش لما يطقونك ما تطقهم ؟
يمكن يقول لج لان عددهم وايد ماقدر بروحي عليهم او يقولج اخاف اطقهم يطقوني اكثر
او اي رد ثاني المهم انج تججزين له دوره تايكواندو او كاراتيه بو شهرين 3 شهور و تدخلينه يتعلم فن الدفاع عن النفس ترا الطفل الي يشوفه يصدقه ما يصدق نفسه فلما يشوف روحه ينطق يصدق انه ظعيف لكن اذا شفا روحه قوي راح تزيد ثقته بنفسه خصوصا ان الفنون القتاليه ميزتها عن الضرب السخيف انها دفاعيه و انها هدفها انها تحمي واحد ضد 3 واحد ضد 6 هذي ميزتها عن الضرب العادي واحد ضد 2 دايما جي تبرز ان العدد ما يفرق المهم القوة الداخليه
اذا حس انه قوي راح يرد عليهم بدووووووووون ما تتدخلن و تكبرين الموضوع و لي تضاربوا و ضربهم قولي مسكيين لعب جهال يلعبون مو اول مره يتضاربون
و نبهيه انه ما يقول انه داخل هالكلاسات علشانهم علشان ما يحسون ان هذا تفكير و تدبير اكبر منه و ان لج يد بالموضوع علشان ما يحسون انج تحطين عقلج عقل جهال


\
\
ثانيا
عرفيه على اصدقاء جدد ما يروح الروضه ؟ ما يروح المدرسه ؟ خليه يتعرف على اصدقاء يلعبون معاه و يحبونه خليه يفهم ان سبب ابتعاد هالوالاد عنه ان هم فيهم شي مو هو فيه انه او هم زايدين عليه بشي او هم احسن منه بدليل ان في ناس غيرهم عاديين و طبيعيين و يرافجونه عادي
جذي علشان ما تتأثر نفسيته

 

[سعوديه 1]

لما يتصرفون جذي مع ولدج ... خذي اليهال وكلميهم انه هذا ولد خالتكم وما يصير هالتععامل و وقت الزواره خليه يجيب هدايا للاطفال عشان يحبونه ويستلطفونه .. ولابد من التعاون بينكم يالخوات عشان تهذبون اليهال بتعاملهم واحترامهم لبعض

 

[Salot]

افضل حل انه اختج تكلم ولدها الكبير وتفشلها يعني مثلا تاهذه جدام خواله وتقوله مو عيب حاط دوبك دوب ياهل وانت المفروض تصير الاخو الكبير حقه بهطريقة اعتقد ولد اختج راح يوقف عن اذيته حق ولددج

 

[أم مهره وميثاء]

بسيطه... كلمي اختج مايبيلها