- إنضم
- 28 يناير 2008
- المشاركات
- 3,115
- مستوى التفاعل
- 2
- النقاط
- 0
هاي بنات دشوا بليز لا تطلون ابي رايكم ووجهة نظركم
قوة :ggdw:
بنات انا في شغلة صارتلي قبل جم يوم بالمباركية وهذي مو اول مرة
هالشغلة تكررت معاي قبل هالمرة بعد بس طوفتها لكن هالمرة بطت جبدي
يعني لو انتي مثلا عجبج منتج
ولا محل بضاعته حلوة
ولا بضاعة وحدة يايبتها من بره مثلا وغريبة
وانتي لاتعرفينهم هذول كلهم ولا بينج وبينهم اي شي
عيب لو قلتي كلمة حق فيهم ومدحتيهم ؟؟
مرة من زمان كنت مشاركة بمعرض ببيت ديفا تصميم ازياء وبشوت وغيره
المهم
في يمنا كانت وحدة ينقالها ام جراح تييب ملابس ماركات من الصين
مادري لو اهم تقليد ولا لا بس اسعارها وايد وايد حلوة وبضاعتها تينن الصج ينقال
المهم وقفت عندي وحدة قعدت تطالع البشوت وبجم هذا ومن وين يايبته وشلون سويتيه
واللي معاها تقول بروح افتر ابي شي راقي ياربي ملينا من الخلاجين اللي مالها سنع وماتسوى
( ماكان قصدها عني بس لان توها يت من طاولة وحدة شغلها كلش مو ذاك الزود ومبين خام بوطقة وخياط هنود والسعر بالعلااااااااالي وسمعتها قاعدة تسولف مع الي معاها عنها )
جان انا الملقوفة المسحوبة من لساني وما اتعظ :tomato2:
اقولها :
في وحدة هناك حاجزة غرفة اهيا وخواتها عندها بضاعة تينننن وصج صج راقية وماشالله عليها دوس
روحي شوفيها ملابسها وايد حلوة لاتطوفج !
(( ياربي حالي حال البنات اللي يدلون بعض على اماكن حلوة وزينة ولا علشان ان مشاركة بالمعرض لازم اصير سوسة وما امدح الا شغلي ؟؟؟؟؟؟ ))
جان تخزني وتسكت بعدين قالت انتي معاهم صح؟والله الظاهر
متوزعين وكل وحدة تمشي شغل الثانية
عرفنا القمندة فهمنا بنروح نشوف بس ماله داعي تمدحين وايد !!!!!!!!!
قليلة ادب:eh_s(14):
عاد ما سكت لها
قلتلها والله الشرها علي انا اللي دليتج ولا جان خليتج تطلعين من غير لاتشوفينهم
انا الغلطانة بغيت لكم الزين
جان تتبلعم وويها صار احمر ورفيجتها تنغزها شفيج الله يهداج
جان تتاسف والله سامحيني مو قصدي بس والله وايد طحنا ببنات جذي بس يمدحون شغل بعض وبالاخير احنا اللي ناكلها بالاسعار الغالية والمقصة
قلتلها اصابعج مو سوى ولازم مايكون عندج سوء الظن بس يالله على قولتج وايد في من هالنماين
انا ولا عرفهم ولا شي انا مشتركة مع خالي بهالطاولة وبس
جان تقولي الله يوفقج حبيبتي وسامحيني مرة ثانية مو قصدي
قلتلها حصل خير
********
الموقف الثاني وانا ملقوووووووووووووفة يلعن خيري ما اتأدب
هذاك اليوم كنت بالمباركية
دشيت مكياج المنصور بسرداب الشايع
المهم قعدت اخمط والقط ولا في ثنتين كبار بالسن ( عيايز بالمختصر المفيد لووول )
مبين انهم اول مرة يدشون وقاعدين يسئلون شنو هذا وهذا حق شنو
وسمعتهم يسولفون
يقولون مادري خوفج ناخذه ويطلع اي شي ومايسوى
جان تلتفت علي وتقولي : هذا من محله؟ وايد زحمة .. لهالدرجة بضاعته زينة ؟
قلتلها اي هذا محل مكياج المنصور معروف
ماشالله بضاعته وايد حلوة وجودتها زينة
مو ماركات غالية بس نوع المكياج وايد حلو ووايد بنات ياخذون منه ماشالله شغله نظيف وبضاعته اول باول تخلص يعني ماتلاقين عنده شي مغبر
جان عيوز قريح اللي معاها تقولي انتي من بنات المنصور؟؟!!
قلتلها لا مو من بنات المنصور
جان تقولي وايد شاطة عمرج وتسوين دعاية لهم شكلج من بنات المنصور !!!!!
وتلف ويهها مو عاجبها
جان اقولها لا والله ولا اصيرلهم ولا اعرفهم حتى بس الحق ينقال بضاعتهم ومكياجهم وايد حلو ونص بنات الكويت اذا مو كلهم ياخذون منه موشرط لازم يكون ماركات غالية
حتى الرخيص كد ومد
جان اللي معاها تقولي اي صاجة صاجة الواحد لما يشوف شي زين لازم يقول الحق فيه يعطيج العافية حبيبتي كثر الله من امثالج !!
صج الناس نماين تبط الجبد
ان مدحتي قالوا تسوين دعاية لهم واكيد تصيرينلهم
وان ذميتي قالوا محترة ومنافسة لهم
وان سكتي قالوا مثل المسبهة تمشي مالها شغل باحد
الواحد شيسوي
ياربي انا لما اشوف شي زين الصراحة ماحب اسكت وان شفت شي مو زين انبه بس بطريقة ماتقطع الرزق
يعني مو حلو الواحد يمشي اطرم بالسوق :tomato2:
يعني لما اروح الحواي مثلا اشوف بنات وايد يسئلون هذا حق شنو وهذا حق شنو وتحسينهم ودهم ياخذون ويجربون بس مايعرفون شلون
والحواي مايعطيهم الجواب اللي يرويهم على قولتهم لووووول بس يقول هذا سنفرة ولا صابونه تبييض ولا هذا حبة سودا وجذي سعرهم
اي حق شنو شلون
يقول والله تستخدمينه بالحمام ولا تحطينه مع الحنة
اي عطني تفاصيل مايعرف اكثر من جذي
عاد انا افج بالوعتي:dddds: ماتحمل تكسر خاطري ودي لها الزين
واشرحلها بالتفصيل الممل اللي اعرفه ويستانسون
واصلا من مصلحة صاحب المحل يعني لو قلتلها على شغلات بتفيدها بتاخذ منه وتشتري وتجرب
بس في حريم ماعندهم اسلوب كلش :eh_s(14):
انتوا لو بمكاني شتسوون لو شفتوا وحدة متوقهة مثلا ولا تدور على شي زين ولا على محل
انطم واسكت مرة ثاني واخلي الناس تشتري عمياني وبالطقاق ولا اتكلم :eh_s(1):
قوة :ggdw:
بنات انا في شغلة صارتلي قبل جم يوم بالمباركية وهذي مو اول مرة
هالشغلة تكررت معاي قبل هالمرة بعد بس طوفتها لكن هالمرة بطت جبدي
يعني لو انتي مثلا عجبج منتج
ولا محل بضاعته حلوة
ولا بضاعة وحدة يايبتها من بره مثلا وغريبة
وانتي لاتعرفينهم هذول كلهم ولا بينج وبينهم اي شي
عيب لو قلتي كلمة حق فيهم ومدحتيهم ؟؟
مرة من زمان كنت مشاركة بمعرض ببيت ديفا تصميم ازياء وبشوت وغيره
المهم
في يمنا كانت وحدة ينقالها ام جراح تييب ملابس ماركات من الصين
مادري لو اهم تقليد ولا لا بس اسعارها وايد وايد حلوة وبضاعتها تينن الصج ينقال
المهم وقفت عندي وحدة قعدت تطالع البشوت وبجم هذا ومن وين يايبته وشلون سويتيه
واللي معاها تقول بروح افتر ابي شي راقي ياربي ملينا من الخلاجين اللي مالها سنع وماتسوى
( ماكان قصدها عني بس لان توها يت من طاولة وحدة شغلها كلش مو ذاك الزود ومبين خام بوطقة وخياط هنود والسعر بالعلااااااااالي وسمعتها قاعدة تسولف مع الي معاها عنها )
جان انا الملقوفة المسحوبة من لساني وما اتعظ :tomato2:
اقولها :
في وحدة هناك حاجزة غرفة اهيا وخواتها عندها بضاعة تينننن وصج صج راقية وماشالله عليها دوس
روحي شوفيها ملابسها وايد حلوة لاتطوفج !
(( ياربي حالي حال البنات اللي يدلون بعض على اماكن حلوة وزينة ولا علشان ان مشاركة بالمعرض لازم اصير سوسة وما امدح الا شغلي ؟؟؟؟؟؟ ))
جان تخزني وتسكت بعدين قالت انتي معاهم صح؟والله الظاهر
متوزعين وكل وحدة تمشي شغل الثانية
عرفنا القمندة فهمنا بنروح نشوف بس ماله داعي تمدحين وايد !!!!!!!!!
قليلة ادب:eh_s(14):
عاد ما سكت لها
قلتلها والله الشرها علي انا اللي دليتج ولا جان خليتج تطلعين من غير لاتشوفينهم
انا الغلطانة بغيت لكم الزين
جان تتبلعم وويها صار احمر ورفيجتها تنغزها شفيج الله يهداج
جان تتاسف والله سامحيني مو قصدي بس والله وايد طحنا ببنات جذي بس يمدحون شغل بعض وبالاخير احنا اللي ناكلها بالاسعار الغالية والمقصة
قلتلها اصابعج مو سوى ولازم مايكون عندج سوء الظن بس يالله على قولتج وايد في من هالنماين
انا ولا عرفهم ولا شي انا مشتركة مع خالي بهالطاولة وبس
جان تقولي الله يوفقج حبيبتي وسامحيني مرة ثانية مو قصدي
قلتلها حصل خير
********
الموقف الثاني وانا ملقوووووووووووووفة يلعن خيري ما اتأدب
هذاك اليوم كنت بالمباركية
دشيت مكياج المنصور بسرداب الشايع
المهم قعدت اخمط والقط ولا في ثنتين كبار بالسن ( عيايز بالمختصر المفيد لووول )
مبين انهم اول مرة يدشون وقاعدين يسئلون شنو هذا وهذا حق شنو
وسمعتهم يسولفون
يقولون مادري خوفج ناخذه ويطلع اي شي ومايسوى
جان تلتفت علي وتقولي : هذا من محله؟ وايد زحمة .. لهالدرجة بضاعته زينة ؟
قلتلها اي هذا محل مكياج المنصور معروف
ماشالله بضاعته وايد حلوة وجودتها زينة
مو ماركات غالية بس نوع المكياج وايد حلو ووايد بنات ياخذون منه ماشالله شغله نظيف وبضاعته اول باول تخلص يعني ماتلاقين عنده شي مغبر
جان عيوز قريح اللي معاها تقولي انتي من بنات المنصور؟؟!!
قلتلها لا مو من بنات المنصور
جان تقولي وايد شاطة عمرج وتسوين دعاية لهم شكلج من بنات المنصور !!!!!
وتلف ويهها مو عاجبها
جان اقولها لا والله ولا اصيرلهم ولا اعرفهم حتى بس الحق ينقال بضاعتهم ومكياجهم وايد حلو ونص بنات الكويت اذا مو كلهم ياخذون منه موشرط لازم يكون ماركات غالية
حتى الرخيص كد ومد
جان اللي معاها تقولي اي صاجة صاجة الواحد لما يشوف شي زين لازم يقول الحق فيه يعطيج العافية حبيبتي كثر الله من امثالج !!
صج الناس نماين تبط الجبد
ان مدحتي قالوا تسوين دعاية لهم واكيد تصيرينلهم
وان ذميتي قالوا محترة ومنافسة لهم
وان سكتي قالوا مثل المسبهة تمشي مالها شغل باحد
الواحد شيسوي
ياربي انا لما اشوف شي زين الصراحة ماحب اسكت وان شفت شي مو زين انبه بس بطريقة ماتقطع الرزق
يعني مو حلو الواحد يمشي اطرم بالسوق :tomato2:
يعني لما اروح الحواي مثلا اشوف بنات وايد يسئلون هذا حق شنو وهذا حق شنو وتحسينهم ودهم ياخذون ويجربون بس مايعرفون شلون
والحواي مايعطيهم الجواب اللي يرويهم على قولتهم لووووول بس يقول هذا سنفرة ولا صابونه تبييض ولا هذا حبة سودا وجذي سعرهم
اي حق شنو شلون
يقول والله تستخدمينه بالحمام ولا تحطينه مع الحنة
اي عطني تفاصيل مايعرف اكثر من جذي
عاد انا افج بالوعتي:dddds: ماتحمل تكسر خاطري ودي لها الزين
واشرحلها بالتفصيل الممل اللي اعرفه ويستانسون
واصلا من مصلحة صاحب المحل يعني لو قلتلها على شغلات بتفيدها بتاخذ منه وتشتري وتجرب
بس في حريم ماعندهم اسلوب كلش :eh_s(14):
انتوا لو بمكاني شتسوون لو شفتوا وحدة متوقهة مثلا ولا تدور على شي زين ولا على محل
انطم واسكت مرة ثاني واخلي الناس تشتري عمياني وبالطقاق ولا اتكلم :eh_s(1):
التعديل الأخير:
