عيديتي أحلى عيدية.. نصائح و خطوات و صور لكريم اساس مخملي و بشرة حريرية

[Mrs_Orchidia]

حياج يا قلبـــــــــــــــــــــــــــــي

اولا .. عيدكم مببارك مقدمًا ... و عساكم من عواااده .. و ان شاءالله ايامكم كلها عيد .. و سعيده باذن الله

حاولت اني احط لي بيتين شعر عن العيد .. بس قلت الكلام يطلع من قلبي احسن :ggdw: مو و للا مو مو؟؟؟



المهم ..

شلونكم مع ركضة العيد؟؟؟ خلصتوا و للا بعد؟ و من وين شريتوا؟؟ << شكو :080402ask_prv:















ندخل الموضوع










الصراحة واااااااااااايد كاااثرة استفسارات البنات عن احسن كريم اساس تغطيته حلوه و خفيفه و طبيعية حق العيد .. و المحظوظة اللي تلقالها شي حلو و يطلع زين مثل ما تبي!


انا طريقتي بالاساس اللي تعلمتها مع الوقت خلتني اامن ان الاساس الزين مو بالماركة!

الاساس الزين تقيمينه على هالاساس:
صحة البشرة
اللون المناسب للبشرة
الادوات اللي تدخلينها مع الاساس
الخطوات المتبعة




أول شي ... شلون تختارين اللون؟؟

ابتعدي عن الدرجات الوردية .. اللي راح تطلعج بنسجية او زرقا

لاااااااااااااا تاخذين افتح منج بدرجة او درجتين علبو انجج تبين ويهج ينور .. تبينه ينور اشتريلج اضاءة
لان الدرجات الفاتحة راح تقلب رمادي بعد قل من ساعة

يعني اختياج الغلط للون راح يلون بشرتج .. أزرق و بنفسجي او رمادي



رقم 2 ...صحة بشرتج .. حطي لج ماسك مرتين بالاسبوع ... و غسلي ويهج عادي


اذا توهقتي و ما عندج ماسك .. حطي لج زيت زيتون مع شكر و ملح .. و فركي بشرتج بلطف و غسليها بصابونتج المعتادة



ثالثا
الادوات

المرطب .. البيس .. الكونسيلر

هذه كلها اجزاء مهمممممممممممه بالمكياج .. مايصير تخلين شي على حساب شي .. اللا في حال كان البيس فيه مرطب .. او كانت بشرتج مثالية و ما تحتاج كونسيلر

و خلونا نصير واقعيين .. كلنا نحتاج الكونسيلر .. عالاقل لتحت العين!

الفرش .. الفرشة تلعب دور كبيييييييير بجودة مكياجج اللي تحطينه .. و احيانا الفرشة اللي تخلي الاساس يغطي و الكونسيلر يصير مركز عالبشرة!

و طبعا ماله داعي نقول ان فرش ماك اهي التوب .. و لو ان البعض يعتبرها غاااالية


الخطوات المتبعة .. امشي صج باستخدامج للمكياج .. لا تقدمين خطوة قبل الثانية بهدف انج بتجربين شي .. او بتشوفين شيصير .. او حتى لانه وحدة مكياجها حلو .. اهي ناسبتها طريقتها لكن مو شرط تناسبج


و احسن طريقة عشان تعرفين . اقري التعليمات عالكونسيلر مثلا .. شوفي متى ينحط .. و لا تستهينون بهالسطرين اللي محد يدري عنهم .. و مو كل مرة كلام الموظفين بالمحلات صح


تخيلوا مرة موظف ببدي شوب قالي حطي الماسك على ويهج و نامي فيه!!!! لوووووووووووول

و متكوب عالعلبة خلبه 15 دقيقة و غسلي ويهج .. شوفو الفرق




هذه نصايحي .. أتمنى انها تعجبكم و تفيدكم ..





و الحين .. تااااااابعوووني مع طريقتي الخاصة بالفاونديشن .. اللي تخلي بشرتي ماشاءالله بيرفيكت!


خطوات سهله و صورة وااااااضحة و مفهوومة
_03BA:

 

[مستقبل]

متابعه

 

[miss mama]

متابعه........حدي اعااني من هالشي..يلا علا ايدج بليز ..الله بوفقج

 

[Mrs_Orchidia]

الحين نيي حق طريقتي


طبعا اهي طريقة سهله حدها .. و ما يبيلها شي

بس انا حطيتها حق اللي ما يعرفون!




أول شي تتبعوا ارقام الصورة لانها اهي الخطوات

بعد المرطب و الحماية < اذا كان نهار

1- احط بيس من ماركة ايفلين .. رووووعة

2- كونسيلر من ماركة ارتديكو << موجودة عند الجوثن .. و احطه بفرشة ماك الصغيرة مالت الكونسيلر .. رقمها 194
هالفرشة احسن شي حق الكونسيلر .. بلا منازع


3- احط الفاونديشن من ماكس فاكتور .. اهو يمكن اقدم نوع عندهم .. لكنه عجييب ... و كله محذوف تحت بالستاند محد داري عنه وعليه :dddds: بس انا موجودة و ادري عنه و عارفة قيمته
و احط الفاونديشن بفرشة ماك 187 .. احسن فرشة استخدمتها بحيااااااااااتي .. عجييبة!



اخر شي .. هذا السر الخطييير

اهو liquid powder من كارغو اللي بسيفورا .. اهو تاثيره مثل تاثير اللوز باودر .. عجييييب .. يخلي البشرة متغطية عدل و ما فيها و لا عيب .. و الملمس يصير عجبة!!

اوزعه بعد الفاونديشن عادي

لااازم تجربونه



و بعدين عاد احط البلاشر و الاضاءة .. و الخ .. و طريقتي ماخذتها من موضوع العضوة رورو88 .. واايد حلو موضوعها اللي عن مكياجها





و هذه نهاية موضوعي السريع ان شاءالله يكون يه بوقته .. و ساعدتكم و لو شوية :eh_s(6): ..










و ما ابي منكم اللا دعوه بظهر الغيب ان الله ينولني اللي ابيه .. و يرزقني على قد نيتي
:eh_s(17):

 

[sosotchino]

مشكووووره عالطريقه الحلوه :*

 

[ساندريلا]

الله يعطيييييج العافيه

 

[واثقة بجمالها]

الله يوفقج ويعطييج ع قد نيتج يارب

 

[Mrs_Orchidia]

متابعه

متابعه........حدي اعااني من هالشي..يلا علا ايدج بليز ..الله بوفقج

مشكووووره عالطريقه الحلوه :*

حياااااااااااااااااكم يا قلبي .. ثااانكس عالمرور .. و اي سؤال انا حاضرة و من عيووني
:eh_s(6):

 

[مستريحة البال]

مشكووووووره يعطيج العافيه

 

[اهواك بلا امل]

وناسة خل اجرب طريقنج انا عندى الدنيا سهلة احط بس كريم الاساسا واتحلطم اقول ليس مايطلع حلو لوووووووووووول
يعنى لا احط بيس ولا مرطب
اهو الكريم وبودرتة كان الله غفور رحيم

 

[مراسي الشوق]

مشكوووووووووووووووووووووووووووووووووووووووووووووووووووره

 

[drama77]

مشكورة اختى على ها المعلومات المفيدة و ما يحتاج اقول ان سر المكياج النجح هو تقشير و ترطيب البشرة بسالك اختى كيف توزعين كريم الاساس با الفرشة وهل هى افضل من الفرشة 188

 

[طيب القلب]

يعطيج العافية

 

[مس يونيك]

ميرسي

 

[Pascal ~]

~.. SaLaM

موضوعج خطير وعجييييييييييييييييييب صج صج روعه
أحلى شي انه فاونديشن ماكس فاكتور رقمه 105 نفسرقمي بالضبط هههههههههه سبحان الله وناسة
صاجة موشرط ماركة الفاونديشن المهم جودته وطريقتج لما تحطينه ..يمكن نشوف ثنتين حاطين فاونديشن من نفس الماركة .. بس تحسين الاولى شكله عليها احلى من الثانيىة الاسباب بسيييطة حيل مثل ماذكرتيها بالضبط
شوفي انا احرص اني اخذ نفس لوني او افتح مني بدرجة بس عمره ماقلب لوني رمادي الحمدالله
وعندي فاونديشن لونة وردي بس ما استخدمه روحه مستحيل هههه لازم اخلطة مع شي .. انا احب فرش بودي شوب بس في فرشة من ماك للفاونديشن مربعه ناوية اشتريها
الله يعطيج العافية عالتقرير الرووووعه .. حدي استانست لما عرفت انه اكو وحده درجة فاونديشنها مثلي لووووووول =) وصج لاستنغ برفورمنس بالنسبة لي احلى فاونديشن استخدمته في حياتي! .. اذا انتي نفس لون بشرتي ولأ بعد حابة فاونديشن ماكس فاكتور هذا .. انصحج جربي لوريال تر ماتج ليكويد فاودشن درجة c5 وماراح تتحسفين =)

SeeYa ..~​

 

[Mrs_Orchidia]

الله يعطيييييج العافيه

الله يوفقج ويعطييج ع قد نيتج يارب

الله يعافيكم يا قلبي .. و مشكورييين عالدعوات .. يزاكم الله خير

 

[Danger_Beauty]

صراحة طريقه ولا اروع

فعلا اتبعتي الخطوات الصح

بس عندي مو ملاحظة .. اهو تعليق

الليكويد باودر .. اهو مو مثل اللوز باودر

اهو تينت موستورايزر .. يعني مرطب بس فيه شويه لون

و يفضل ينحط بروحه

بس اذا انتي حطيتيه فوق الكريم الاساس .. اشوف انها طريقه حلوة

بس يفضل تفتغنين عن المرطب اللي تحطينه قبل .. لانه اهو اصلا مرطب

و انا بالعكس ماقام انتقد طريقتج .. لانها وايد حلوة

والف شكر على الموضوع العجيب

**********
دينجر بيوتي

 

[مستريحة البال]

مشكووووووره يعطيج العافيه

 

[Mrs_Orchidia]

مشكووووووره يعطيج العافيه

العفو حبيبتي الله يعافيج

وناسة خل اجرب طريقنج انا عندى الدنيا سهلة احط بس كريم الاساسا واتحلطم اقول ليس مايطلع حلو لوووووووووووول
يعنى لا احط بيس ولا مرطب
اهو الكريم وبودرتة كان الله غفور رحيم

لووووووووول .. عادي كنت جذي قبل .. بس انا ما اعرف اقعد على حيلي بدون ما احط مرطب .. و للا بشرتي تصير جنها قرطاس .. لووول .. نااااشفة و قااسية حدها!

مشكوووووووووووووووووووووووووووووووووووووووووووووووووووره

العفوووووووووووووووووووو

مشكورة اختى على ها المعلومات المفيدة و ما يحتاج اقول ان سر المكياج النجح هو تقشير و ترطيب البشرة بسالك اختى كيف توزعين كريم الاساس با الفرشة وهل هى افضل من الفرشة 188

ممم .. و الله الفرشة 188 ما جربتها! بس اتوقع اهي اللي نفس مالتي بس صغيرة؟ و الله ما جربتها بس هذيج وايد صغيرة .. يعني تصلح حق البلاشر اكثر!

اما طريقة التوزيع شوفي الله يسلمج .. انا ماخذتها من فيديو .. اهي انج تحطين الاساس بالكمية اللي تبينها على سطح نظيف .. و بعدين تغمسين الفرشة بالاساس و توزعينه على ويهج بطريقة دائرية

المنتدى وااقف .. و ماني قادرة اروح اي صفحة ثانية و للا جان حطيت لج رابط موضوعي اللي فيه الطريقة بالفيديو

او روحي يوتيوب و كتبي how to use mac 187 foundation brush
بتطلع واايد فيديوات مفيييدة

يعطيج العافية

ميرسي

الله يعافيكم حبايبي ثاانكس عالمرور

~.. SaLaM

موضوعج خطير وعجييييييييييييييييييب صج صج روعه
أحلى شي انه فاونديشن ماكس فاكتور رقمه 105 نفسرقمي بالضبط هههههههههه سبحان الله وناسة
صاجة موشرط ماركة الفاونديشن المهم جودته وطريقتج لما تحطينه ..يمكن نشوف ثنتين حاطين فاونديشن من نفس الماركة .. بس تحسين الاولى شكله عليها احلى من الثانيىة الاسباب بسيييطة حيل مثل ماذكرتيها بالضبط
شوفي انا احرص اني اخذ نفس لوني او افتح مني بدرجة بس عمره ماقلب لوني رمادي الحمدالله
وعندي فاونديشن لونة وردي بس ما استخدمه روحه مستحيل هههه لازم اخلطة مع شي .. انا احب فرش بودي شوب بس في فرشة من ماك للفاونديشن مربعه ناوية اشتريها
الله يعطيج العافية عالتقرير الرووووعه .. حدي استانست لما عرفت انه اكو وحده درجة فاونديشنها مثلي لووووووول =) وصج لاستنغ برفورمنس بالنسبة لي احلى فاونديشن استخدمته في حياتي! .. اذا انتي نفس لون بشرتي ولأ بعد حابة فاونديشن ماكس فاكتور هذا .. انصحج جربي لوريال تر ماتج ليكويد فاودشن درجة c5 وماراح تتحسفين =)

SeeYa ..~​

حركااااااااااااات احنا .. خل نسويلنا تجمع مستخدمات فاونديشن ماكس فاكتور لاستنغ بيرفورمانس درجة 105 .. لووووووووووول قصة هذا مو تجمع _03BA:

ان شاءالله اشوف الاساس اللي قلتي عنه و نقارن الدرجات و حددددددددددده وناسة









مشكوريييييييييييييين بنات كللللكم عالمرور .. الله لا يحرمني هالطلات ان شاءالله






تحياااااااتي للجميع
:aha:

 

[قمر^خالد]

مشكوووووووووورة وصج ماكس فاكتور حلوووو