عيد الأم

[أم روعة]

بناااااااات باقي على عيد الأم تقريبا شهر .. شبتسون ؟ شنو أفكاركم حق هدية عيد الأم ؟

لأن كل سنة نحتار.. خل نتبادل الأفكار .. يلا همتكم نبي أفكار يديدة

 

[bnt_kwt]

مشاركة: عيد الأم

والله انا بشتري لها طقم مواعين بخاطرها فيه كااااااااااامل
وبتخذ لها شويه دهونات من المرشود او القرشي لانه غرامها هالاشياء

 

[ام ناصر الدلوعه]

مشاركة: عيد الأم

ام روعه
خوش موضوع علشان نتبادل الافكار
بصراحه انا
بخذلها خاتم الماس

 

[أم روعة]

مشاركة: عيد الأم

والله أنا بعد ماكو شي معين في بالي .. عشان جذي كتبت هالموضوع عشان ناخذ أفكار من بعض

ام ناصر و بنت الكويت أفكاركم حلوة الله يخليلكم أمهاتكم ويطول بأعمارهم أنشالله ومشكورين على مروركم

 

[brownness]

مشاركة: عيد الأم

والله انا مادري بشوف اختي شنو بتشتري واشتري معاها

 

[om hasoooooooooon]

مشاركة: عيد الأم

بصراحة آنا هالسنه ناويه اعطيها فلوس وهي تشوف هديتها
لان كل شي تقريبا شريناه وماعندنا شغلات يديدة كل شي الحمدلله موجود

الله يحفظها ويخليها لي انشالله
ويحفظ امهاتكم يارب

 

[xxx]

مشاركة: عيد الأم

انا غيرت موعد هدية امي وخالتي

خليتها مع القرقيعان

 

[مجنـ ML ـونة]

مشاركة: عيد الأم

انا مادري ششتري العام شرينا لها تلفون يديد اول مانزل ...

هالسنه ابي شي غير ساعودني ...

اشتري صندوق في بخور وعطور ومرش وهالاشياء ... ؟

 

[Miss-Cosmetics]

مشاركة: عيد الأم

متي عيييييييييد الام بالضبط مو 20\3 ؟؟


و لا قبل ؟؟؟

جنه 20\3 صح؟؟

 

[مستشاره قانونيه]

مشاركة: عيد الأم

لالا 21/3

امم انا العام شريت لها قميص نوم وعطور من ماركس سبنسر

هالمره مادري

 

[bnt q8 in usa]

مشاركة: عيد الأم

انا:راح اختم لها القراءان واطلع لها صدقه رحمة الله عليها

 

[Miss-Cosmetics]

مشاركة: عيد الأم

والله ما ادري .... محتاره ما ادري شنو اشتري لها عموما انا لازم اشتري هديتين وحده حق امي ووحده حق يدتي ولا تزعل علينااا عااااااااد هذي ماما عووده


ومحتاره فيهم


امي اتحب مكياااااج ماك وااااااايد يعجبها خصوصا الحمر ملوتهم ما ادري اييب لها مكياج ولا شنوو ؟؟ ويدتي اتوقع اطقم مواعيين هذا اكثر شي يحبونه اليدات يا اطقم امواعين يا اطقم استكانات ... والله ما ادري محتاااااره عطونا افكااااااااار حق الام وحق اليده الله يطول ابعمرهم و ييخليهم لنا ذخررررر ياااااارب و انفرح قلبهم و يشوفونا متزوجين و متستتين ببيوتنا مع رياييلنا و اعيالنا و اعيال اعيالنا .. اميييييييييييين

 

[الغلاااااااكله]

مشاركة: عيد الأم

السلام عليكم

.
..
...

مما لاشك فيه حبنا لامهاتنا

ومحاولتنا الدائمه لارضائها

لانه كما قال حبيبنا صلى الله عليه وسلم

الجنه تحت اقدام الامهات .


لكن هناك نقطه مهمه : يجب ان نشير لها

خواتي الغاليات

الام لها حق علينا ولا يقتصر ذلك على يوم خصصه الكفار والغرب لها !

نحن مسلمين لنا هويتنا وقيمنا الساميه

يجب ان لانخلط امورنا الحياته بعادات غربيه

من المعلوم ان في الدول الاجنبيه اذا وصل الابن او الابنه سن 18 سنه ينفصل عن عائلته

من هذا المنطلق عاشوا في تشتت وضياع وغربه .. الخ

فما كان منهم الا ان يضعوا مثل هذه الايام كما يسمونها عيد !!!


ولاتنسون ايضا >> لعن الله اقوام كثرة اعيادهم !!


ولكن هذا بالنسبه لنا كمسلمين .... لايمت لنا بصله لان ديننا الاسلام حث على بر والدينا

كما قال تعالى : " وبالوالدين احسانا "

الاحسان على طول العام وليس في يوم مخصص !!


اما حرمة هذا الاحتفال


اترككم مع موضوع اختي الغاليه دموع الكويت



هنــــــــــــــــا




اسأل الله العظيم ان يبعدنا عن الفتن ماظهر منها وما بطن .

 

[om_nasser]

مشاركة: عيد الأم

والله ما ادري شنو اشتري
شنو افكاركم

 

[* LOVE STORY *]

مشاركة: عيد الأم

يزاج الله خير اختي الغلا كله


وبالنسبه لي انا ما اعترف بهاليوم لأنه بالاسلام عيدين فقط


على حياة امي الله يرحمها كنت افاجئها بين فتره وفتره باللي خاطرها فيه


والحين عندي ام ريلي اهي مكان امي ومثل ماكنت اسوي لأمي الله يرحمها اسوي لها


وعسى الله يخليلكم امهاتكم يارب

 

[كويتية أمورة]

مشاركة: عيد الأم

بنت الكويت بامريكا هذا احسن شي تقدمينه لامج الله يرحمها سواء حية او ميته
وهذا اللي بينفعها صج يوم القيامة يزاج الله خير



الغلا كله مشكورة على الرد الحلو وفعلا احنا ناس بطلنا نحتفل بهالاشياء حتى عيد ميلاد مانسوي لليهال
والحمدلله الله هدانا ولا قبل والله نقط بلاوي على عيد ميلاد اليهال وفرقه وشخصيات تنكريه
وعيد الحب وعيد الام
اللي بيهادي امه ترى طول السنه تقدرون تهادونها مو شرط هاليوم عشان لاتستاثمون

 

[عمري الكويت]

مشاركة: عيد الأم

انا عن نفسي راح اعطيها فلوس والله يعيني راح اعطي امي الغاليه وبعدين خالتي ام زوجي ولا بعد زوجت أبوي حسبت امي راح ياخذ ميزانيه

 

[jolie_q8]

مشاركة: عيد الأم

تم النقل

 

[أحلى الجياكر]

مشاركة: عيد الأم

أنا إنشاء الله بشترى لها ساعة ديور اليديده ..حدها داشة خاطرى ....

 

[أم جوري]

مشاركة: عيد الأم

بالنسبة لي انا دايم اخصص لها هدية غير في اول ابريل


هالمرة ناوية اسوي لها صندوق احط فيه شيلة وعطر وبخور وخاتم ذهب واسوارة وعباية ودراعة وسجادة صلاة ومبخر .... وهالصندوق بيكون مزين بشكل مميز ...