عيد زواجنـا 16-10-2010

[فوشية]

يسعدلى مساكمـ


راح اكمــــل سنه بنااااات :eh_s(11):

ادعوا لى الله يرزقنى بالذريه الصالحهـ

وبنات بما انه عيد زواجـــى الاول مانى عارفــــه شســــــــوي

ابي فناتق اسويها بالبيت وشنو البس ؟ مــــانى عارفه

ابي ينصدم من هالليله


كل وحده تقولى شنو سوت؟؟؟؟؟؟؟؟؟؟؟؟؟؟؟؟؟؟؟؟!!!! بقلدكمـ :080402ask_prv:​

 

[Miss McDonald]

,
الله يرزقج الذرية الصصآلحة المعافاة
مآعندي فكرة !
شششوفي المواضيع بالصصفحآت اللي قبل ,
كل عام وانتوآ بخير =)

 

[آلزينْ مُلكيْ]

وانا يوم زوآجي الاول 23 \10
خلاص آعطييج من افكاري شوي لول
بس مو لحيين لاني لحييين بطلع ..،

 

[وحش سعود]

حطي مفرش سرير عرسكم
وألبسي قميص ليله الدخله
جهزي لعبه مثل لعبه شغف ودلع على فكره حلوه للي توهم متزوجين
وشوفي في الفلبينيات إلي يجون ويسون لج بالونات بأشكال حلوه
زيدي وحطي ناموسيه
وأهم شي لا تبينين يومها أي شي
وبعد لمبات الأبجوره غيرها بلون البالونات
مممممممم ونسيت
الله يوفقكم

 

[سبسيال]

رد : عيد زواجنـا 16-10-2010

الله يوفقج ويرزقج .. البنات يفيدونج ان شاءالله ..

بس حبووبه عيد زواج .. عيد ميلاد .. كله بدعه ماتجوووز .. << لا اتزعلين مني ..:/

 

[فوشية]

تدرون صارلى سنه مالعبت معاه ولا لعبه من اللى اسمع عنهم

قولوا بناااااااااااااات

الحين بشتري الناموسيه بس من وين
وبشتري بالونااااااااااات الوان من وين
وابي ليتات الصغر بعلقهم على الدرج مال بيتناااااااااااا........!!!!

وبحط مسجله باغنيه معينه
وبتري له كيكه صغيره بصورته
وبعد

 

[فوشية]

سبسيال الله يعلم بالنيات

 

[محبوبه25]

رد : عيد زواجنـا 16-10-2010

الله يوفقج

 

[وحش سعود]

الناموسيه من محل جنب محل بيبي لوف إلي بالفروانيه
والليتات من محل الكهربائي
والكيكه أنصحج حطي عليها صورته وهو معرس بالبشت
واللعبه والله حلوه خصوصا شغف ودلع وموشرط تلتزمين بالمكتوب طبقي فيها أسياء من عندج
والله يوفقج

 

[الشهد كله]

ماشاء الله مو محتاجة أفكار

احنا محتاجين منج أفكار حلوة :33_1185028183:

عسى الله يهنيكم ويسعدكم ويرزقكم الذرية الصالحة ​

 

[_ظل الياسمين _]

نفس تاريخ زواجى ...:33_1185028183::tek:


الليتات روحى هوم سنتر عندهم شغلااااااااااااااااااااااات روعه..وباكثر من لون.

 

[miss-winter]

رد : عيد زواجنـا 16-10-2010

الله يرزقج يارب بالذريه روحي فندق

 

[جذابه بنت ذيابه]

رد : عيد زواجنـا 16-10-2010

الله يهنيــــج وعقبال مليوووون سنــــــه.............

أهم شئ اشتريله هديه فخمه مثل تلفووون نقال أو عطر الشيــــخ أو دهونات عود من أمل الكويت...

أحجزي بمطعم فخم للعشا...... تمكيجي وتسنعي على سنغت عشرة وتصوري قبل العشـــــا.....

وماأوصيج بتغير نظام غرفة النوم ( اشتري كفر جديد وحطي باقة ورد طبيعي وشموع )......وإذا مافي مانع كيكه فيها صورتكم عشان تحلون فيها بعد العشـــــــا.....

والأهم اشتري قميص نوم جديد وغريب للمناسبه والله يوفقكم ويخليكم لبعض.............​

 

[noo7a]

الناموسيه حدها فكره حلوه
انا بخاطري اسويها

بس بنات بسال سؤال داش عرض شوي
الناموسيه شلون يركبونها ؟؟؟
لازم شي بالسقف عشان تتعلق و لا شلون بالضبط ؟؟؟
لان خاطري فيها و كل ما قررت اشتري اخاف اخذها و اتوهق ماعرف اركبها بروحي

 

[Zen&7ala]

رد : عيد زواجنـا 16-10-2010

شنو ناموسيه ؟

 

[وآحشنــي زمآنـك]

رد : عيد زواجنـا 16-10-2010

أطبعــي على الكيكه صوورتج أنتي ويــآه بالعرس ..


وشنـوو بعد تووني شفت وحده مسويه عيد ميلآد لـزوجهاا حآطه ورد على الكفر على شكــل قلب وبالنص حطي هديتج ..

أمممممم إذاا ذكرت شي بقوولج ..

 

[نـعـومـه]

رد : عيد زواجنـا 16-10-2010

انا اقولج فكره حلوه

اول شي كشخي حدج حتى لو تلبسين نفنوف حفله وتحطين مكياج صالون

حلوو تغيرين حق زوجج وتحطين مكياج صالون بالمناسبات

عيد ميلاد عيد زواج >>>> عشان تتميزين

خلصنا من ناحيه الكشخه

سوي فناتق حلوه حطي طاوله فيها كيكه

حطي شموووع بالغرفه عاليمين وعاليسار واشتري ورد نثريه بالصاله

والله يرزقج بالذريه الصالحه

 

[Dalal.al3tibi]

رد : عيد زواجنـا 16-10-2010

انا ماكملت السنة بعد وانشالله يرزقج بالذرية بس شفت وحدة من العضوات حاجزة فندق بدون مايدري زوجها وناوية اسويها لما اتم السنة اعجبتني السالفة خاصة انا وريلي مانزلنا فندق مع بعض ولا مرة حتى ليلة عرسي على شقة سيدة

 

[Dalal.al3tibi]

رد : رد: عيد زواجنـا 16-10-2010

تدرون صارلى سنه مالعبت معاه ولا لعبه من اللى اسمع عنهم

قولوا بناااااااااااااات

الحين بشتري الناموسيه بس من وين
وبشتري بالونااااااااااات الوان من وين
وابي ليتات الصغر بعلقهم على الدرج مال بيتناااااااااااا........!!!!

وبحط مسجله باغنيه معينه
وبتري له كيكه صغيره بصورته
وبعد

الناموسية من الشعبي بقسم المفروشات
الليتات مادري بس اعتقد بالمكتبات او قسم الالعاب بالشعبيات
والبالون بدار الشفا محل الورد الي فيه يسوي بالون بس ياسوي ابيض وازرق ياوردي وازرق نت روحي يمكن يسولج ملون

 

[Dalal.al3tibi]

رد : رد: عيد زواجنـا 16-10-2010

الناموسيه حدها فكره حلوه
انا بخاطري اسويها

بس بنات بسال سؤال داش عرض شوي
الناموسيه شلون يركبونها ؟؟؟
لازم شي بالسقف عشان تتعلق و لا شلون بالضبط ؟؟؟
لان خاطري فيها و كل ما قررت اشتري اخاف اخذها و اتوهق ماعرف اركبها بروحي

انت مع الناموسية في قطعة حديد على خطاف بس هذه لازم تطقينها يالسقف بدرل
بس عندي لج طريقة احسن كله نستعمل هل الطريقة في بيت اهلي بغرفنا
شفتي العلاقات الي تلصق الي على حبة فيها تعليقة اخذي وحدة واخذي الي نوعها راسها حديد عشان تحرك ماعج ولصقيها بالسقف بس مو بلصقتها لانها بتطيح حطي عليها باتكس وظلي راصة عليه بو 5 دقايق بالسقف وبتثبت وتصير جنها خطاف وعلقي ناموسيتج عليها
تلاقينهم عند بوامية وعند مال الفراشات الي بجمعية القرين العلبة بربع فيها كذا حبة