عيميــــــــــــــــــات تعالوا علموني بليز

[SOKAR MALE7♥]

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥​

السلام عليكم ورحمه الله وبركاته ،،،
كيفكم صبايا ...؟
طبعا هالموضوع مو دعوه دينية او طائقية ولا من هذا القبيل وخصصت العيميات لانهم اهم يعرفون الطريقه الاصلية والصحيحه والدعوه اهنيه ا مجرد استفسار يخص البطن لوووووووووول
كملوا الموضوع ويتعرفون
انا يمكن لي 3 ايام وانا احوس بالنت ابي الطرقه الصحيحه والاوكي مو أي كلام لا
بنات حبيباتي ابي تعلموني طريقه البيذان بالحليب ابيه خاطري فيه ( حشى جني متوحمه فيه ) ذاك اليوم خالوا جابلياه امممممممم لذيذ لذيذ بس خالي مو ذاكر المحل فقلت يابنية ليش ماتسوينه لان الهوم ميد احلى من المحلات
فارجو من كل وحده تعرف تكتب لي واللي امها (الله يحفظها لكم ) تعرف تروح تسالها (فضلا لا امرا ) وثانكس لكم


دمتوا بود.. ♥

 

[حلوه ولمآحه]

آآب لعيووونج ،،
انشاءالله يفيدونج البنات شوقتيني عليه انا ابي بعد ههههه الله يستر لانكون متوحميين،،

 

[SOKAR MALE7♥]

لوووووووووووووول
لماحه انا مش متقوزة ياختي
بس خاتري فيه وينكم ؟​

 

[nadoooy]

امممممممممممممم ماعرف بس اب لعيونج

 

[نوريهة]

للرفع

 

[aloooya]

اب اب

 

[يحبنى الله *]

شدعوه محد رد

عاد انا ابى الطريقة اللى يسوون فيها السمبوسة الكبيرة مع شيرتها تهبل ما عمرى ذقت مثلها ما يعرفونها إلا هم

 

[جارة القمر]

تفضلي


http://www.q8yat.com/t531492.html

 

[<< أزيان >>]

قصدج شربة بيذان ؟؟؟؟؟؟

اشتري البطل من الجمعيه معروف على صورة شايب

وخلطيه مع حليب بارد وشكر وثلج

بس بيطلع لج يم يمي يموتون عليه الشياب لووووووووول

 

[ام الدرر]

حبوبة مايبيله شي
بطل شربت بيذان بولحية الاصلي
مع ماي وشوية حليب كرنيشن وثلج

 

[SOKAR MALE7♥]

​

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥​

البنات اللي رفعوا الموضوع الله يرفع قدركم في الدنيا والاخرة ويوم الحساب بين العباد
والبنات اللي ردوا علي بالموضوع هم الله يرفع قدركم في الدنيا والاخرة ويوم الحساب بين العبادويجزاكم الف خير يارب في الدارين >>>الدعوه من قلب لاني صج صج خاطري فيه لووووووووول اساسا مادري عن البطل >>>>ميح بشغل المطبخ والتجيل
دمتوا بود.. ♥​

 

[يحبنى الله *]

شدعوه محد رد

عاد انا ابى الطريقة اللى يسوون فيها السمبوسة الكبيرة مع شيرتها تهبل ما عمرى ذقت مثلها ما يعرفونها إلا هم

بنات شدعوه علمونى شلون اسوى السمبوسة الكبيرة وداخلها ما ادرى مكسرات وغلا شنو وفوقها شيرة

عفية

اهى وايت كانت تجينا من جيراننا قبل العيم تهبل وااااااايد أوحتى قولولى من وين تشترونها

 

[أم بيشووو]

اختي ايش يعني عيميات و بيذان ؟؟ سوري ما اعرفها ولا كان علمتك