عينها على ريلي

[عاشقة الدوحة]

الحل واضح .. اقطعي علاقتج بها ؤقفيها عند حدها. بكلام واضح .. مايبي له حجي بعد ..
الله يعينج

 

[شروق &]

هذي ضريبة التخلي عن مبادئ الدين الاسلامي
اللي حرم عليناالاختلاط
انصحك ياأختي بأنك ماتسمحين لالهاولالغيرها يكلمون زوجك
حرااااااام مايجوز اذاالعين وهي عين تزني فقط بالنظرفمابالك بالجوارح الأخرئ

 

[مدّهره !]

أرسلت صورتها وبس هذي ردة فعلك !!

,,,


علاقتك فيها أوكي ,,, بس مع زوجك وسوالف وأخذ وعطاا وطلعات ليش !!!

عزيزتي :

أعرف وحده متزوجه وعندهاا أطفال وتوفى زوجهاا ( الله يرحمه ) بحاادث مع إن ماافيه إلا العاافيه

كاان رااجع من دوامه حادث وتوفى ,,


,,,

كاانت حاامل وولدت وووو مرت فتره مااأدري كم سنه سنتين ثلاث هيك شيء

تدرين عقب منو أخذت !!

تزووجت زوووج ( أخت زوجهاا ) وتصير بنت عمهاا ؟؟؟؟؟؟؟

صددددمه ,,,

الله لاايحطنااا بالمووقف ولاايحدنااا ع هالشيء صح لكل وااحد ظرووف تحدّه

لكن آخذ ريل إخت زوووجي !! ووبنت عممممي بنفس الووووقت ,,,,


,,,

أبي أوصل لك فكرة وإن شااء الله وووصلت ..

 

[شوارفسكيه حمره]

بحرينيه @@
شفيج حبيبتي
شنو واثقه بزوجي ما واثقه بزوجي
حتى لو واثقه فيه خلي فيج شويه غيره
وهذي مردها بتاخذه اذا ما وخرتيها عنج وعنه صدقيني الريال مره مرتين ثلاث يلين وانتي كيفج نصيحه من اخت

 

[حلا قطر]

حقييييييييييييييييييييرا يبي لها تكوفنينها شوي وتطرديها وحطي بالج على ريلج

 

[om MaRyooM]

شهالبنت اللي ماتستحي
لايبا قطعي طلعاتكم معاهم ابركها من ساعه

هذي بسهوووولة تورط زوجج بشي عشان تاخذه
الدنيا تخوف وانتي الزم ماعليج بيتج ديريبالج


ولاتوضحين لزوجج اي شي ولا شنو السبب عشان لاتفتحين عينه
الشيطان شاطر يا ماما

 

[meen_ana]

الله يعيينج حبيبتي مالج الا تقاطعينها الانه هالاشكال مو يه حشيمه

 

[روح شقيانه]

امبييييه !!

اكثر شي بط جبدي ردة فعلج .. صج صج باين عليج بااااردة عشان جذي هالحقيرة استغلت سذاجتج

طبعا البنات ماقصرو بالحلول ، شوفي الانسب , من رايي ماتفتحين الموضوع مع ريلج كلش واذا عورج قلبج وتبين توخرينها عن طريجج عيبي فيهااا بااي طريقة بشكل مايحس انج غايرة .. يعني طلعي فيها عيوب ع اساس انتي تسولفين وماتقصدين بطريقة غير مباشرة عشان تلوع جبده منها لا شعوريا ولين فكرت تقرب منه ماتحصل مجال ..

مثلا قولي له تصدق في بنات رايحه عليهم مادري شلون متزوجين وازواجهم مستحملينهم .. سبحان الله مع ان طيبين وحلوين لكن الزين مايكمل ، استغرب منهم !!! مثلا اعرف وحدة(اذكري مثال بنت ثانية مايعرفها حتى لو وهمية) وقولي له استغفر الله ريحة حلجها تلوع الجبد وحتى بنت عمي طلعت جذي صدمتني صراحه (اذكري اسمها ) !!! وبعدين سوي روحج مشغولة بنفسج جنج منتي مندمجة مع السالفةحيل !

هالمثال حبيت ابينه عشان مايحس انج مستقصدتها ومحترة منها .. لان اذا حس بهالشي راح تكسر خاطره ويفكر فيها ،،

 

[om Firas]

معاها بكل كلمه:rerrerek:

انصحج !!

انتي اليوم ماليه عين زوجج تبارك الرحمن ولله الحمد

بس لا تنسين ابلييييس موجود

بدون اي كلام مسحي الصوره من تلفون ريلج لان اكيد تسفت عنده
وقطعي علاااقتج فيييهااا فوووراً

حقها عليج في الاسلام صله رحمج وتكون زيارتج للعايله كلها
لان صله الرحم شي عظييم عند رب العالمين ومايجوز قطعه


ثاني شي احترصي منها وابعدي عنها
ولا تطلعين ابدا وياها تحججي باي شي بس لا تروحين وياها !
ولا تيبين لها طاري زوجج ابدا
ودايما رددي ع مسامعها
كل انسان فيه ايجابيات وسلبيات
والبيوت اسرار والواحد ما يتكلم عن سلبيات اهله

واللبيب بالاشارا يفهم ان زوجج مو كامل


ديييييرررررري بااالج ترا قلبها مو عليج (( اذا ع الكلام الي تقولينه ))
قلبها ع نفسها


والله اعلم
واستغفر ربي اذا كان في شي غلط من الي ذكرته




وياحبيبتي اوصيييييج وصيه

اسألي الله وانتقي اوقات الاجابه
ان يحفظ لج زوجج باسمه الحفيظ
ويديم الود بينكم باسمه الودود
واسألي الله ان يصرفها عنكم صرفا جميلا
ويشغلها بنفسها
ويهديها باسمه الهادي

اللهم امين اللهم امين

الله ايسر امورج غالييتيي

ومازلت اكرر اتخذي موقف صارم هاذي اسرتج
ومملكتج احميها بعد الله عز وجل

 

[جفينشي]

ياااااااااااااااااااااااااااااااااه مت قهر وربي عليك ..

انا انقهرت كيف انتي ..


حبيبتي اسمعي كلامي زين وطبقيه وبتشوفين ..

زوجك لاتجيبينله طاري لاعنها ولا عن طلعاتكم معاهم ولا شي .. كذا تنبهينه عليها ويبدا يدقق ..

لاتبينين غيره ولا شي مرات النقاش يبينك غيرانه وانتي مو غيرانه وبكذا بيقول اكيد انها شايفتها حلوه ولاماغارت منها .. ويبدا يدقق ..

طبعا كله حسب شخصية زوجك ..

اما هي الحيه ..

بالبدايه قوليلها اذا قابلتيها .. يووووووووووووه اش فيها بشرتك صايره فظيعه .. اذا تكلمت بالموضه وهالشغلات قوليلها واااااااااااااااي مره قديمه انتي مره ذوقك موحلو .. ولايبين عليك .. وخفايف حتى لاتقول غيرانه مني وعندي مجال ..

اذا قابلتيها دقيها ثقل عليها وتشيكي بس بطريقه حلوه مو اوفر ..

عطيها وجه شوي واذا بدت سالفتها اقطعيها وكلمي احد غيرها او انشغلي بأي شي وحده جالسه طلب اي شي ..

بينيلها ان زوجك يموووووووووت عليك مايستغني عنك ..

واحكي مواقف بنات عاكسوه او كلموه اي شي وهو مطنشهم او يناديك تكلمينهم وبينيلها انه يقول انهم صايعات مايستحون ويكره المره اللي بس تتكلم مع الرجال يكره البربره والثرثره ..

هالكلام ماتوجهينه لها وجهي لأي وحده غيرها واضحكي بثقه ..

طبعا" هذا كله ماتسوينه قدام زوجك .. يكون مو موجود .. والله لو تذبحينها حلال فيها لاترحمينها وتقولين ماتقصد وصورتها قوليلها ياحليلك يافلانه انا وزوجي كنا جالسين ودور بالجوال والاقي صورتك جلسنا نضحك عليك شكلك مو نفس الصوره ..

لاتحطين حرتك بزوجك ترى ماله ذنب لاتغلطين هالغلطه الفظيعه .. مهما تكلم ..

طلعات معاها انسي زوجك اذا عاد طلعتي مع هالاشكال ياقلبي .. ابليس مامات ..

واااااااااااااااااااااااي انا انصحك والظاهر اني اكلها اكل .. ما اتخيل احد غيري معاه اموت وربي فديته مقدر هالشي ..

والله يازينهم ازواجنا بس بنات ابليس مصايب ..

قلبي رتبي الافكار واختاري اللي يناسب وضعك والله من حرتي سويت افلام ههههههههههه
​

 

[عمرها السعودية]

لو انا منك اعطيها كف ينسيها حليب امها .. مو اجي واسال جد هذي حيواااااااااااااااااانة ورخيصة مالت

على هالاشكال مافية حياء مثل البهايم

 

[كليـ دلعـ]

ماقدر ارد ع المووضووع

ضغطي فوووول

اخاف تيني جلطه!!!

 

[PuPa^^SWeeT]

وليش علمتي زووجج بالسالفة جان قلتي بدزها لها ونسييت





هذي شي


الشي الثاني


هذي شكو اتغير الموضوع لما اتقوليلها ليش ارسلتي صوورتج


لا والله لا اثور فيها اللي ما تستحي على ويهها




اول شي اتسويينه اتروحين اتكلمين اهلج يوصلوونه لاهلها



انها تبي اتطلق


و دزت صورتها لريلي


ولما بتحاجينها اتقوليلها ان عرفتي انها قربت صوبج ولا صوب ريلج


لا تحلقيين شعرها



صج الحيا شعرة و انقطعت


حرتييني


شلون تقطعيين علاقتج وياها ؟؟


قطعييها بس بالاول شرشحييها



الا ريلي خط احمر

 

[قموووره]

حقريها ولا تعطينها وي كلش ولا تطلعين معاها لانعا ماتستحي​

 

[بحرينيه كوول21]

حبيباااتي
مشكوووورين عالردووود
اخر المستجدات ان خلاااااااص
قطعت علاقتي معاهااا
اصلا حتى زوجي يقولي
مافي طلعه معاها هذي وكييحه
يعني سودت ويه لووول
ادري رفعت ضغطكم وو حريتكم
لاني ماعرفت اتصررف
وللحين الحره مأكله قلبي لأني مارديت
عليهااا
بس خلاص هذا دررررس حقي عشان ماصير على
نياتي

 

[غنج اهلها]

الباب اللي يجليك منه ريح سدة واستريح


موطول عمرج عايشه بدونها شيفرق لومشيتي نفس الطريق بدونها


انا ماقولج قاطعيها هذي صله رحم ماارتكب اثم فيها


لكن ردي خففي طلعاتج وياها واذا تبينها روحي انتي معاها بروحكم بدون ريلج مثل ماتسوي اهيا تيي بدون ريلها خلو طلعتكم حريمي بس قولي ناخذ راحتنا اكثر

 

[(TigerWoman)]

هذي وحده ماتخاف الله ولا تستحى

مايبيله حجي قطعي علاقتج فيها ولا تفكرين تحتكين فيها وحده ما تستحي بصراحه

 

[ديانا سبنسر]

لاتهاوشينها ولاشي اقطعي العلاقة وانسحبي بكل هدوء

 

[Senora]

الله يعيينج .. ديري بالج على زوجج وبيتج واهيا قطعي علاقتج معاها ... بس سلام عليكم السلام

 

[PuPa^^SWeeT]

ديري بالج توصل حق ريلج من ورااج بعد