غبقه ريلي >>>....حدي متوهقه

[ҜęҜสђ]

...



....




قوووه »كويتياااات..
شلووونكم...


الموضوع مبين من عنوانه..ريلي وربع الديوانيه مسوين دوريه ..كل خميس وجمعه غبقه وكل مره ع وااحد..وريلي غبقته الاسبوووع اليااي..>>عااد لازم نبيض الويه..
اممم ..انا مبتدئه بالطبخ توني برمضان باديه اطبخ كل يوم اسوي لي طبقين ولا 3..
بس المشكله مووجذيه ..المشكله ان ولاا مره جهزت لغبقه ..يعني مااعرف شسوي اكلات..وشلون يكون تقديمهم اذا صحونا العاديه ولا الصحون اللي تنقط..جم طبق جانبي جم حلو وجذيه ..
خالتي الله يسلمهاا راح تسوي الطبق الرئيسي وانااا علي الباقي..
بليييز اللي تعرف ترد علي وتعلمني ..

 

[قلب قلبها]

اب
اب
اب
لعيووونك

سبحان الله
سبحان الله

 

[Q8stylle]

upup

 

[سكوتي اذلك فيه]

سوي محاشي معكرونة صياني بالفرن سلطة خبز عروق مقالي سمبوسة وكبب

الحلو سوي نوعين تشيز كيك وطبقات ككاو احسن عشان تسوينها من الليل وترتاحين

عن نفسي انا اسوي الحلو بصحون البلاستيك الصغار

والصواني الحمسات بقصدير انا اخذ الحجم الوسط واحط من كل نوع 4 قصادير عشان تتوزع على السفرة

والسلطة اشتري البلاستيك اللي نفس المطاعم الشفاف

والبلاستيك والقصدير وصحون الحلو الصغار اخذهم من جملة البلاستيك اللي ورا سوق لندن اسمه اسعار زمان

واذا تبين شي راسليني على الخاص وابشري من عيوني

 

[أم راشد المطيري]

سوي نوعين صواني مثلا صينية لازانيا وصينية توست باللحم والبطاطس

والحلو سوي حلو الكاسات والنوع الثاني حلي الشطرنج

والسلطات سوي فتوش بس لا تحطين الخبز الا بوقت التقديم

وسوي معجنات فطاير ميني صغار

والصحون والبلاستك كلهم تلقينهم بالشويخ

سؤال الغبة بالبيت عندكم

 

[جارة القمر]

الله يعطيك العافيييييييييييييييية



وتفضلي طلبك::



http://www.q8yat.com/t911183.html

 

[ملح الدنيا فيني]

http://www.q8yat.com/t171668.html

انصحك بسلطة وجدان تينن

وباطباق العضوة عائشه بقلبى مضبوووووووووووووطه عن تجربه
http://www.q8yat.com/u106.html

 

[قطوووة]

مووفقة .........

 

[أم حسون]

سوي سلطات نوعين وطلبي ورق عنب وملفوف جاهزين وبيتزا قيصر وسوي باستا او دياي مع الكريمه بالفرن وحلو نوع سويه بروحج ونوع اخذيه جاهز مثل الكنافه او الوربات او لقيمات

 

[ҜęҜสђ]

سوي نوعين صواني مثلا صينية لازانيا وصينية توست باللحم والبطاطس

والحلو سوي حلو الكاسات والنوع الثاني حلي الشطرنج

والسلطات سوي فتوش بس لا تحطين الخبز الا بوقت التقديم

وسوي معجنات فطاير ميني صغار

والصحون والبلاستك كلهم تلقينهم بالشويخ

سؤال الغبة بالبيت عندكم

..




لاحبيبتي الغبقه ماراح تكون بالبيت..

 

[ҜęҜสђ]

يعطييكم العاافيه كويتيات مااقصرتوووا ..(؛
...


...
سكووتي اذلك فيه..

يسلموووا قد الدنياا..وان شاآء الله اذا احتجت شي او تووهقت راح ارجع لج(؛

 

[zain-bh]

سوي لهم سلطات نوعين تقدرين تسوين سطلة الجرجير بالمشروم الفرش واذا تبين بعلمج الدرسنج تطلع لذيذه

وسوي فته لأنه المقبلات مهمه