&&& غترة الشهيدالكويتي ..... والنعم &&&

[om al ghaleen]

تم التصويت لا

لأنا اللي شفنا منهم موشوويه ولي الحين يشيلون علينا بالحقد والكراهيه

وكما تدين تدااااااان !!

 

[فش خلئك]

مهما كان .. يبقون مسلمين واخوانا ومحتاجين وقفتنا

اصلا المفروض نجاهد معاهم

وعسى الله ينصرهم

 

[عواشـ55ـة]

من لم يهتم لامر المسلمين ليس منهم
هكذا علمنا رسول الله

مهمـا يكون هؤلاء.. مسلميـــن.. والمفروض المسلمين اخوة ومانرضى على بعض لو شنو يكون ..
انا ما توقعت اني الاقي من الكويت فئه قلوبها سوداء وتحقد على اخوانها المسلمين جذي
ومن قالج شهدائكم افضل من شهدائهم !!! انتي لا تعلمين ما وراء الغيب استغفر الله
الفلسطينيين ابطاااااااااااال منبدء التاريخ وشجاعه اطفالهم لا تقارن بشجاعه نصف رجال البقية العرب

نظفوا قلوبكم يامن تؤيدون الموضووع .. واعذروني انا مااحترم راي صاحبة الموضوع لانه باطل غير قابل للصواب ابدا
اللهم لا تجعل في قلبي حقد على مسلم .. اللهم لا تحرمني حب من احبك

الله يهديكم





هكذا علمنا رسولنا

 

[غنوة ستايل]

اكيد مع التبرعاااات
لاني لما اتبرع اتبرع ابتغاء الثواب من الله سبحانه وتعالى
ما اتبرع عشان شي ثاني ..

و الانسان لما يتبرع فلفلوس اللي اهوا متبرع فيها مو فلوسه .. فلوس الله رزقه اياها و قاعد يأدي حق الله فيها ..

الحمد الله .. انا ما احب اتكلم عن نفسي بس الحمد الله قاعده اتبرع حق اهلنا في غزه وفلسطين عسى الله يفك كربهم ....

ثاني شي .. انا يوم اعامل الناس اعاملهم بطيبي و تربيتي .. و اخلاقي .. و الشي اللي انا انجبلت عليه ..


ثالث شي ... الحمد الله الله معطينا .. وغانينا . و الكويت ديرتي الحبيبه الله رازقها .. و الخير كثير
ما فيها شي لو تبرعنا حق اخوانا الفلطسطينيين ...

حتى لو كان فيهم ناس ما تستاهل و كان لهم جرائم وقت الغزو .... فعقابهم عند الله سبحانه وتعالى مو عندي انا !!! عقابهم عن خالق السماء و الارض مو انا اللي اصير القاضي و الجلاد بنفس الوقت ...

الحمد الله محكمين العقل .. و عارفين الصح من الغلط .. و الحمد الله اني قاعده اشوف بنات من ديرتي .. خواتي عزيزاتي علي .. يدافعون عن الحق .. ويدافعون عن الاسلام و المسلمين ..

بنات لا تخلون الاشياء اللي صارت اتأثر فيكم .. لا تخلون قلبكم اسود ..
يا حلو المسامحه
وياحلو صفاء القلب . ونقاء السريره ..

وحتى شهداءنا اللي ما توا .. سواء ماتوا من العراقيين او حتى احد مبلغ عليهم !! صدقوني اهم الحين في مكان نحسدهم كلنا عليه ..
وتذكروا قوله تعالى .. لا تحسبن الذين قتلوا في سبيل الله امواتا بل احياء عند ربهم يرزقون ...

شنو احسن من الشي هذا ؟

شنو احسن من ان يكون عندي شهيد ! شفيع لي يوم القيامه !!!

حكموا العقل يا بنات ديرتي .. و صفوا النيه . و ادعوا الله ان نعمه الأمان اتم علينا .. ولا يصير فينا مثل اخوانا في فلسطين ...

بارك الله فيكم .. و عسى نعمه الامن و الامان ما ننحرم منها ...

قولوا آمين

 

[بطاطا]

المساعدات لاخوانا المسلمين مهما كان وبعدين الجيل الي على ايام الغزو راح الغزو صارله 19 سنه والناس تغيرت حرااااااااام عليكم ما تقطع قلوبكم من صور الجهال والناس احمدي ربج على نعمة الامن الي فيها وان كنتي بتتبرعين محد ماسكج تبرعي لاهل الكويت والاسلام والعرب

لا تنسين ترانا مسلمين وعرب ودمنا واحد ما نرضى الذل والمهانه لبعض

اختي ... لو ان شاء الله قرن يمر ع الغزووووو عمرنا ماراح نقول شي راح و انتهى !!!!!!

الخيانة شي سهل برايج ؟؟؟ ... شلون تقولين راح ؟

و شنوو يعني جيل الغزو صار 19 سنة ؟



و صور اليهال اللي تقولين عنهم ... اهم شهداء و الله اعلم






بس هم كان عندنا يهال بالغزوووو اشوف محد قال اطفال الكويت ؟



الله ما يطق بعصاااا



ياليت تتوقف مساعداتنا لهم صج هم

 

[music_teacher88]

والله كان ودي ادق على البرنامج لما حطوها على سكوب عيونها فيها دمعه و انغثيت يوم قالت ان في منقبه كانت تبي تطقها
الناس يبون المجاملات مايبون كلمه الحق وصج اهما موكفو مسمين الكويت يهود الخليج والله موكفو دينار

 

[sweet life]

أنا ما أعترض على فكرة التبرع لأن هالشي بيني وبين ربي مولازم اسوي مهرجان علشان اييب الناس ويتبرعون.
بس إني احول الكويت لكوفية وغزه ثانية لا هاذا الشي محد يرضاة
لازم نحترم مشاعر أهل ديرتنا واهل الشهداء يعني اللي سوتة أم منيرة مو من شويه ... تشوفهم يمجدون الخونة الفلسطينين اللي ذبحو ولد امها ومسوين لهم مهرجانات وتبونها تسكت.

جميع دول الضد بكفة والفلسطينيون بكفة أخرى , فما قدمته الكويت لهم وما كافئونا به لم ولن ننساه , وسنتوارثه جيلاً بعد جيل

 

[jasmine_flower]

انا مع مساعده الفلسطينين بغزه موعلشان انهم عرب وله علشان انهم عايشين بأرض طاهره لها مكانه خاصه بقلوب العرب والمسلمين وله علشان انهم مسلمين

اهم سبب ايخلينى اساعد الفلسطينيين انهم بشر يعانون من الاضطهاد والاجرام بأى ذنب يموت الاطفال ومنهم الرضع باى ذنب طفل يعيش على منظر الدمار والموت وايشوف اهله ايموتون باى ذنب ايعيش انسان وجزء من جسمه مبتور بأى ذنب ايعيشون على رعب يومى وتشريد وهدم بيوتهم وفقدان لللامان و مفتقدين ضررويات الحياه من ماء وكهرباء واكل

اى انسان عنده ذره انسانيه لو شنو كانت جنسيته عربى او غربى او اسيوى او افريقى ولو شنو كانت ملته مسلم مسيحى يهودى حتى لو كان ملحد ما يرضى على قاعد ايصير عند اهل غزه

طبعا اكيد اوقف معاهم فى وقت الشده واساعدهم بلى اقدر عليه هالشى ما يبيله تفكير


لكن السؤال المهم المساعده الى راح اقدمها حق اى جهه اقدمها بالضبط ؟؟؟

المنطق والعقل ايقول انه ما اقدم المساعدات لحركه موقفها غير مشرف بوقوفها مع ظالم طاغيه
ما ننسى موقف بعض الفلسطنين الى اجحدوا وانكروا الجميل الى قدمته للكويت لهم وساعدوا العراقيين بقتل واسر الشهداء

اذا هالحركه اوقفت مع ظالم طاغيه فالبنسبه لى مايفرقون عن صدام وراح ااقهر قلوب امهات واهلى الشهداء الى ضحوا بأراوحهم لأجل الكويت واحساسى انى اخون وطنى بدعمى لهلحركه

مساعدتى راح اتكون للهلال الاحمر والانروا لكن لحركه حماس لاء

وبصراحه موقف لطيفه الرزيحان وقوفها جدام النواب واتسنكارها انه افلوس البلد اتروح لهلحركه موقف مشرف وعن 100 ريال وكلامها وجرأتها نابع من غيرتها على الكويت وعلى دم شهدائنا وعلى افلوس البلد

ياجماعه المؤمن لا يلدغ من جحر مرتين

ولا تقولون انه هذا غزو بصير له 20 سنه ولى فات مات وبلاش نتكلم بالماضى على قوله عمر دياب

لاء ياجماعه الكراهيه ماوقفت على الغزو بس استمرت اسنين والكويت دايما تتهم بالخيانه من الاعلام العربى الفاسد من الحركات والسياسين الى يدعون العروبه والاسلام

انا مع العروبه ومع الاسلام لكنى ضد ضد ضد الحركات الفاسده التى تتستر بإسم العروبه والاسلام

وبسنا كلام شعارات وخطب رنانه لا تسمن ولا تغنى من جوع

​

 

[*مارلين_مونرو*]

والله انا ضـــــــــــــــــــــــــــــــــــــــــد ... ضـــــــــــــــــــــــــــد .. ضـــــــــــــــــــــــــــــــــــد

الوقوف مع فلسطين...

 

[Ga6Wa Q8Ya]

انا معاج بكل كلمه قلتيها اشوف احنا يوم غزونا العراق ماقالو انساااانيه واخواانااا مسلميييييين والي غزتنا دوله مسلمه وعربيه عل اقل اسرائيل يهود ماعليهم شرهه مو مثل العرب الي يغدرون بيرانهم

يبه الله يكثر من امثالج بالديره خنحتفل بديرتنا واهما لو فيهم خير جان ماصار فيهم جذيي خل يولوووون

 

[glow 'n' show]

ضد ضد و ضد
اتوقع خذوا حقهم و زياده من تبرعاتكم
واللي فيها خير خالتبرع حق الاسر المتعففه بديرتكم
عالاقل تضمنون انها واصله لهم

ثاني شي متى بتصحووون الفلسطن ما يتغيرون لو شنو يصير
على كثر اللي سويتوه لهم مو مبين
شوفو لما يطلعون الشعب بالتلفزيون شيقولون
نشكر السعوديه و الامارات و....................الخ ولا اييبون طاريكم

 

[Miss Cherry]

اوقف معاهم معنويـًا بالدعاء والدعم لانهم اخوانا بالدين وباسم الانسانية والاسلام

اما ماديـا لا ما اؤيد

والسبب صراحة ما اثق بوصول المساعدات للمحتاجين وشكي يطول الجهات المسئوله من جمعيات خيريه والنظمة سياسية هي المفروض تكون عون ويد خير لكن للاسف اغلبهم يندرجون تحت بند الحرامية

 

[a l m a g r O r a]

طبعا ضد ضد

الي يقولون عرب يعني محشومين اقولهم الي غزوكم عرب وذبحوا عيال ديرتكم واغتصبوا نساءكم بدون رحمه ماقالو لا اهم عرب !!! مشكلتكم طيبتكم الزايده

ايام الغزو راح الغزو صارله 19 سنه

انشاالله لو مرت ستين الف سنـه تتوقعين دماء شهدائنا لهدرجه رخيصه تنسي والاعتداء على كويتنا بالشي السهل الي مع الوقت ممكن انه ينسي ؟

 

[بـنـت النور]

تــم التصويت ..
نعم ..
بنات لا تشمتون ومهما كان هذول اخوانا بالاسلام واحنا ما نحمل غلط الناس الشينه بالزينه كل مجتمع فيه زين وشين وبعدين عمر العلاج ما يكون خطا بالخطا اذا هم مو زينين معانا خلونا نصير احسن منهم واعتبروا اللي تسونه لوجه الله لان احنا ناخذ الاجر من الله وكل عمل صالح ياجرج ربي فيه يعني ما يضيع حقج حتى لو قالوا وذموا فينا وعلى فكره الرسول عليه الصلاة والسلام خير قدوه نقتدي فيه يعني بقولكم سالفه عن الرسول صلى الله عليه وسلم واتمنى تعتبرون وتغيرون تفكيركم كان في يهودي يؤذي الرسول ويضع له الشوك في الطريق وفي يوم طلع الرسول مالقى اليهودي وصارله فنره اليهودي مختفي ولا يؤذي الرسول فسال النبي عن اليهودي فقالوا له انه مريض وراح زاره شوفوا مع انه يهودي مو مسلم وفوق هذا اذى الرسول بس فقده وراح سال عنه ليش ما نصير مثل رسولنا الكريم يعني سؤال الفلسطينين لما قالوا عنكم ترى بالنهايه مجرد كلام ما ضروكم ولا سببوا لكم اذى يعني مهما يسون لازم نعاملهم بالحسنى وبعدين سؤال انتو لما تعبدون الله شلون بالصلاه والصيام بس ..للاسف اقولكم انتو غلطانين اذا كان تفكيركم جذي ترى العباده اسم جامع للاقوال والافعال الحسنه اللي ترضي الله ورسوله يعني لا تقولون هذا غضب وما ادري شنو ما يجوز تكلمون جذي عنهم وبالنهايه اتمنى الكل يفكر بالخير صيروا احسن منهم ولا تشمتون يا بنات ..
ويعطيكم العــــــافيه​

 

[دلول ام خلود]

ياريت عاد الفلوس لهم كلها ببطون حماس وربعهم يمال ال.........

 

[Om_RayooMa]

الفلسطن ما يكسرون خاطري
ياما ذبحو عيالنا وفتنوا علينا
واول ما صار الغزو تذكرون اعلانهم مطلوب خدامه كويتيه ماذكر اى جمعيه حطو؟؟
انا هالشي ما انساه وهذي حوبت الكويت

 

[ii DareeN ii]

الموضوع مكرر وتم النقاش فيه