المقادير:فليه هامور 4قطع او 5+2بصل مقصص صغار+2بصل مقصص حلقات+طماطه مقصصه حلقات بس تكون كبيره شوي اذا حجمها صغير 2+3شدة كزبره+3شدة شبنت+ثوم مدقوق+4جيلات عيش +البزار البحريني المخلوط ينباع بالجمعيات00000000الطريقه :تغسلين السمك كذا مره بماي خالي طبعا بارد مايكون حار ديرو بالكم لان الحار يخلي السمج ينضى بسرعه بعدها تيبين ليمونه تقصينها بالنص وتفركين فيها السمج عدل وتخلينها باليمون على ماتقصصين الخضره الشبنت والكزبره والبصل صغار صغار وخلطينهم مع بعض وتحطين عليهم شوي لومي اسود مطحون وهيل بودر دارسين بودر وشوي ملح وتخلينهم وتكونين مغسله العيش وحاطه ماي على النار علشان تسوين مشخول عادي عقب تاخذين السمج وتغسلينه من اليمون وتبهرينه بالخلطه 3قفشه الحلو السط البزار البحريني +قفشه ونص وسط كركم +شوي كزبره ولومي اسود وكمون ودارسين وهيل فلفل اسود الباجي شوي شوي تحطين منهم يعني مقدار قفشة الستكانه وتخلطينهم مع بعض وتبهرين السمج بايدج قطعه قطعه عقب ماتخلصين تييبين المقلاه العوده وياريت تكوي تيفال وحطين زيت مو وايد غزير ولا كلش خفيف يعني وسط وتقلين اول شي السمج وتخلينه على جنب وبعدها تقلين الطماط والبصل الحلقات بنس زيت السمج وتشلينه على جنب بعدها تاخذين شوي من زيت السمج تخلينه بباديه بروح والباقي من الزيت تقلين في الخضره لي قصصتيها لي هيا الشبنت والكزبره والبصل وتخلينهم على جنب وتكونين مسويه العيش المشخول تييبين جدرج وتحطين شوي من زيت السمج لي شلتي منه بقاعة الجدر مو كله شوي منه وبعدها راح تاخذين مقدار ملاس واحد من المشخول تنثرينه بقاعة الجدر بعد ماتنثرينه تحطين فوقه السمج تصفيفينه بالقاعه وتحطين فوقه الخضره لي مقليتها الشبنت والكزبره وبعدها الطماط والبصل وبعدها باجي العيش ووتحطين فوقه باجي الدهن تنثرينه وتحطين حديده تحت الجدر وتوطين النار وتخلينه 20دقيقه تقريبا بعدها تكونين مزهبه صينيه عوده وتقلبين علها العيش وعليكم بالف عافيه
- الحالة
ابلة رسم كتكوته
New member
- إنضم
- 23 ديسمبر 2007
- المشاركات
- 4,964
- مستوى التفاعل
- 0
- النقاط
- 0
- العمر
- 44
يعطيج العافيه
وتسلم ايدج
بس ياليت تصورينه
قمت اسعبل
هههههههههههههههههههههههههههههههههههه
ما اسوي سمج بس اكله
وتسلم ايدج
بس ياليت تصورينه
قمت اسعبل
هههههههههههههههههههههههههههههههههههه
ما اسوي سمج بس اكله
فرحه بلادي
New member
انشالله يعجبكم والله العظيم يابنات مااعرف انزل صور لي تعرف تكفون علموني حسافه ماانزل صور اكلاتي لي حطيتها لكم بس انشالله اول مااتعلم راح انز الصور على طول وعليكم بالف عافيه
كريستال ليدي
New member
- الحالة
