غراميات مجنونة رواية بويات .. سعودية .. جريئة .. واقعية ومميزة

[طأقتن تسبدي..!]

هنا وانحرجت من كلام جنا وحست انها صادقه بكل كلمه تقوله : سوري جنون ماكان قصدي اني اخبي عليك بس انا لمى تجيبي الازمـه انسى كل شي ومااقدر اتحرك حتى جولاتنا انا ونور ماخذناها معنا



جنا: عموما بيبي الحمدلله ع السـلامـه .. ولاتسوي كذا مره ثانيه لاتتركني ولاتتبعد عني



هناء: انا مارح ابتعد عنك ..



جنا وتضم هـنا بقوووه وتقولها بهمس بـأذنها : فديـتـك احبــك ..



هنا حست بضربااات قلبها تتسارع وحست بشعور غريب اول مره تحس فيه ولاتقدر تفسره ..

جنا وتوخر عنها لان جوالها رن .. وتقول: بيبي انا مضطره اني امشـي الحين لاني تأخرت ع البيت .. وان شاء الله اشوفك السبت بالكولج ..



هنا : ان شاء الله



جنا وتسلم على هنا وتجي تطلع وتناديها هنا وتلفت عليها



جنا: هلا



هنا: ثانكس ع الزياره ..



جنا كان بخاطرها تقولها كلام كثير بس اكتفت وقالت : العــفــو .. ( وطلعت وع طلعتها دخلت نور ..



نور: يااااي ع الرومانسيه



هنا: ......



نور: بصراحه البنت موبس تحبك الا تموووت فيك وطايحه عليك بقوووه وخاقه بعد ..



هنا: يؤيؤ .. وانتي شلون استـنتجـتني هذا كلـه ..؟!



نور: من كلام العين .. شفت بعيونها نضره اول مره اشوفها .. نضره شوق وحنين و .. بصراحه

وبالعربي لاتفوتها من يدك هذي اللي تحبك وتخاف عليك ..



هنا وابتسمت وماعلقت : ....



نور: هنووو بسألك



هنا: امري



نور: تحبينها ؟



هنا: هاااه مدري



نور: شنو يعني ماتدري



هنا: يعني Idont new احيانا احس اني احبها واحيانا احس عادي مدري والله



نور: المهم ترى البنت طيبه وحبوبه وتستاهلك فكر فيها زين



هنا وفكرت بكلام نور وفكرت بالموقف اللي صار قبل شوي وحست انو جنا فعلا تحبها وتستاهلها ..

وصارت تفكر فيها بشكل جدي ..







رجـعت للبــيــت وهــي تفــكر باللي صــار تــوا .. تحس انـها بحـلم كل شي صار بسـرعه وبدون تخطيـط .. وتفكر هل هي تحب هشوم او انـها للحين تمثـل تفكر وتفكر ..

قطع عليها تفكيرها اغنيـه نوال اللي حاطتـها باللاب توب وتسمعها بالسماعات .. لقيت روحي مع عود وكمان .. دايما تسمع هالاغنيه بس هالمره تمعنت فيها عدل وسمعت كلماتها وحست

انه هالاغنيه تعنيها جداااا ..



لقـيت روحـي بعد ماأنــا لقيـتـك .. بعد اللـقــى ارجـوك لالا تغيـبي ..



صعب علـيـا ابـقى وانا مانسيتـك .. احسـاسي كـني بين ربـعي غريبي ..



كل ماتبيـه من عمـري انا عطيتك .. حتى الخفـوق ينطق بكلمـه حبيبي ..



لـيت النجـوم تقـبلها مني ياليتك .. في كل فجـر بقول ياشمس غيبي ..



كم لي اصيح واقول ياني فديتك .. ماعاد شي من نصيبي نصيبي ..



ياكـل عمري لك بعهد وفيتـك .. انت حبيبي وباقي لي حبيبي ..



في هاجسـي وحلمي ووهمي لقيتـك .. حتى الامـاني في الامل لك تطيبي ..



ابد مااظن اني في لحـظه نسيتك .. وان كان ذا ظني فالله حسبـيبي ..



وهـذي منـاتي بعد ماانا لقيــتـك .. ابي حيـاتي تحتـويني حبيبي ..



لقـيت روحـي بعد ماأنــا لقيـتـك .. بعد اللـقــى ارجـوك لالا تغيـبي ..



صعب علـيـا ابـقى وانا مانسيتـك .. احسـاسي كـني بين ربـعي غريبي ..





خلصت الاغنيه وحطت راسـها ع الوساده ولعبت بخصلات شعرها وهي تفكر بهشوم وبس .. ماتدري

هل تحبه او مجرد تعلق ؟!







يــوم الســبـــت ..





بــالكــليــه .. كان هشــوم توه داخل الكليــه وعلى طول اتصـل بتـؤام روحــه .. ونور عينـه (نـور )



نور: هلا والله وينك؟



هشوم: توني داخل الكليه



نور: طيب خلك عند اللوكرات(الصناديق ) الحين بجيك



هشوم : اوكي (( وتجيه نور عند اللوكرات .. ويسلمون على بعض ويمشون ويدخلون احد الاقسام))



هشوم: ليكون بس بندخل محاضره مالي خلق



نور: لالا .. اصلا ماعندنا محاضره الحين بس باخذ كتاب من وحده من البنات تعال معي الكلاس



(( ويدخلون الكلاس واول مادخلوا سمعوا البنات يقولون





ســبـــرايـــز ..





هشوم وهو متفاجئ ومبسوط بنفس الوقت



هشوم: شســالفه ..؟!



نصور: السالفه ومافيها اننا مبسوطين برجعتك والحمدلله ع السلامه وهذا بارتي صغير لعيونك



هشوم ويسلم ع البنات ..



نصور ويشغل المسجل ويعلي الصوت



هشوم: هييي نصور ناوي تفضحنا



نصور: لا يبه ولايهمك مضبطين الوضع ومتفقين مع الامن .. فلها وربك يحلها ..





(( ويبدؤن بالرقص والسوالف .. ))



جـنا وتسحب هشوم لجهتها وتجلس معه تسولف: وحشتني





هشوم: وحشتك العافيه ..





جنا بدلع : طيب مين حبيبي ؟





هشوم: انا





جنا: مين روحي ؟





هشوم: انا





جنا: مين اللي مايرفض لي طلب





هشوم: انا





جنا: حيــاتي انـت .. طيب ياحبيبي انا خايفه عليك وعلى صحتك وانت مره نحفاااان وانا فكرت بالموضوع وسألت مامي وعطتني الحل





هشوم: الحل لشنو





جنا: لنحفك .. الحل عشان صحتك تصير زينـه وهذا الحل (وتطلع شويه اكل من الكيسه اللي معها )





هشوم: شنو هذا





جنا: مثل ماانت شايف هذي 3 تمرات وحليب السعوديه كلهم كل يوم ورح تسمن وتصير صحتك زينه





هشوم: من جدك انتي مااحب حليب السعوديه





جنا: معليه رح تحبهم عشاني .. توك قلت ماترفض لي طلب





هشوم: عشانك بس (( وتاكلهم ))





جنا: بالعافيه حبيبي .. وان شاء الله يوميا رح تاكلهم





هشوم: من جدك انتي ؟





جنا: اي حبيبي وانت مارح ترفض لي طلب صح ؟





هشوم: وانا اقدر ..





جنا وتضمها : يالبى اللي مايرفض لي طلب ..





(( وفــعلا صــار هشــوم يومـيا ياكل 3 تـمرات ويشرب حليب السعوديه .. بالبدايه ماكان متقبلهم بس يوم بعد يوم تعود ع الوضع .. ولاجل عيـن تكرم مدينـه .. وبالعافيه ياهشوم

هع هع هع .. ))​

 

[A7la 7oorya]

ثنكيووو على الباااارت حبيبتييي و هشوووووم عجيييب

 

[طأقتن تسبدي..!]

اب اب
منورة يالغلا

 

[Zhoor el7lwa]

يسلمووووووووو حبيبتي البارت روعه و اتوقع هشوم راح يحب جنا =)

 

[نووني الحلووه]

thannnXxX ;***
waiting for the new part​

 

[نووني الحلووه]

up
up​

 

[ورده خضرا]

Up
يسلمو ع الروايه
وعندي سؤال شلون جنا معها جوال وهي ممنوعه منه؟!
و شكراً

 

[طأقتن تسبدي..!]

اي من ورا اهلها يعني شاريته بدون علمهم
ومذكور ذا الشي بالرواية

احترو البارت الجديد الليلة ان شاء الله

 

[طأقتن تسبدي..!]

الفصل الخامس : يعني بتفترق ؟

بالكليــه .. كانت نصور تتمشى مع هشوم

هشوم: نصور عندي لك سؤال محيرني

نصور: امر

هشوم: مايامر عليك عدو .. ابعرف شسمك ؟

نصور: هههههه والله عبالي عندك سالفه

هشوم: اي عندي سالفه ابي اعرف اسمك يااخي انا امشي معك واغلب وقتي معك وحتى اسمك مااعرفه

نصور: الكل هنا يعرفني باسم نصور وقليل اللي يعرفون اسمي .. عموما انا اسمي نورا بس مااحبه احب نصور نصور وبس ,, يعني انا اعرف ان اسمك هنا لكن كثير

بنات يكلمونك ويمشون معك ومايعرفون الا ان اسمك هشوم .. الناس ماتهتم بأسماؤنا تهتم بالقبابنا وكشختنا وستايلنا وبس

هشوم وفكرت بكلامها وقالت بعد صمت: معك حق ..

نصور: تعال شوف فهود خلينا نمسخره شوي

هشوم: يلا

(( ويروحون لفهود وكان معه اربع كيوتات )

نصور وتصدم بفهود: ووجع ان شاء الله ماتشوف انت ؟

فهد: لا مين فينا اللي صدم بالثــانـي ؟

نصور: خير وش قلت انا اللي صدمتك ليكون موعاجبك بس

فهد\ لاوش دعوى خويي وتموون

نصور: تخسى الا هي مابقى الا انت بعد

( وتتكلم كيوت مع فهد: نصور هاااي شدعوى ماتسلم

نصور: مين انتي ماعرفتك ؟

البنت: انا خلود من بارتي حمود ماعرفتني

نصور وتذكرها: اي اي عرفتك .. هلا والله (( ويسلمون على بعض ))

نصور ويلتفت لفهد: احمد ربك هالمره مافكك مني الا هالكيوت ..

خلود: خلينا من فهود الحين وخلينا فيك (( ويتمشون ويسولفون مع بعض نصور وهشوم وخلود .. ويدخلون للساحه الداخليه للكليه ونصور يروح يجلس مع

شله بويات وهشوم وخلود يتمشون ..))

خلود: واخيرا صرنا لحالنا

هشوم: وليه ان شاء الله تقولين اخيرا

خلود: ههههه لابس بغيت اكلمك بموضوع

هشوم: سمي

خلود وتتميلح: اممم انت مرتبط ؟

هشوم: وانتي وش رايك؟

خلود بدلع متصنع: رايي من رايك

هشوم: انتي وش شايفه؟

خلود: مومهم اللي انا شايفته المهم انت تجاوبني الحين ..

هشوم: ..........

خلود: ليه ماترد

هشوم: لانه ماله داعي تسألين سؤال غبي وانتي عارفه جوابه

خلود: اوكي انا عارفه انك مرتبط بس ماعندي اي مانع اني اكون احتياط بحياتك وتجيني الوقت اللي تكون فيه فاضي وبالسر بعد .. هااه بتوافق ؟!

هشوم: لا ياخلود انا مومن هالنوع .. انا مااحب اعلق احد فيني وهو ماله امل ..

خلود: طيب واللي يبي يتعرف عليك شيسوي

هشوم: انا بقولك من الحين انا مااشبك لكن اذا تبين تتعرفين علي ونصير اصدقاء ماعندي اي مانع غير كذا لا ..

خلود: حلو حلو وانا راضيه بالصداقه كبدايه

هشوم بأبتسامه ساخره: ترى مافيه غير الصداقه بالبدايه والنهايه .. ( وتجي جنا ومعها نور )

جنا: هشومي يلا نروح نفطر

هشوم: يلا

خلود وحست روحها غلط وخاصه ان محد عزمها وقالت: طيب انا بروح الحين بس هشوم ممكن تعطيني رقمك عشان نتواصل اكثر

جنا وترد عليها: بعدين بعدين الحين انا جوعانه ومافيني انتظر اكثر (وتسحب هشوم وتروح هي ونور ووهشوم للكافتيرا مع شلتهم .. وعصبت خلود من هالحركه

خلود وتتصل : الو هلا وينك فهد خلك مكانك انا جايه ( وتروح لفهد)
فهد: بس هذا اللي صار

خلود: اي بس وجنا هالدعله حتى ماعطتني فرصه اتكلم معه زين

فهد: المهم وشلون حسيته اوكي والا ؟

خلود: اوكي رغم انه فيه غرور شوي

فهد: الحمدلله والشكر حتى ممسحه نصور تتكلم

خلود: نعم شتقول .. سوري بس انت كنت ممسحه نصور قبله واقلها نصور يحترم هشوم وهشوم يتكلم مع نصور ويفرض رايه ويرادده تحس انهم اصدقاء مومثلك كنت العبد المطيع وعصاه اللي

ماتعصاه ..

فهد/ يوووه وبعدين معك انتي هذا موموضوعنا

خلود: خلاص لاتحمق اصلا انتي اللي فتحت هالموضوع والا الحق يزعل هاليومين

فهد: خلي عنك هالسخافات وقولي لي تقدرين تشبكينه والا لا ؟

خلود: رغم صعوبته بس لاتخاف اقدر عليه

فهد: يالييييت وارجع لجنا وافتك من هالهشوم اللي مدري من وين طلع

خلود: ودامك تبيها ومتعلق فيها كذا ليش تركتها من الاول ؟

فهد: غباء وثواره فيني زين .. المهم خلينا على خطتنا وحده وحده عشان نفرقهم وهشوم يصير لك وجنا ترجع لي ..

انــتــــهـــى الدوام والكل راح على بيتـــهـ .. وببيت جــنا كانت قاعده ع المسـن مع اشواق ..

اشواق: يوووه شفتي اليوم خلود شلون تتلصق بهشوم

جنا: ماهمتيني طول عمرها حقيره يكفي انها بشله فطوم كلهم حقيرات

اشواق: وشتبي ذي تتلصق ؟

جنا: مدري عنها ... بس اهم شي انو هشوم مومهتم فيها وانا اليوم علمتها قدرها زين ومااعتقدت تقرب مره ثانيه

اشواق: ان شاء الله .. هالاشكال ينخاف منها

جنا: والله ولاهمتني .. المهم شواقه انا طالعه الحين تامريني شي ؟

اشواق: سلامتك

جنا: الله يسلمك باي .. سكرت اللاب وخبته كالعاده واتصلت بالسواق وقالت له يجهز السـياره ..

وع طلعتها بالصـاله شافت امها

ام جنا: على وين ان شاء الله

جنا: وين يعني وانا وين اطلع من هالبيت غير عند المدرسه

ام جنا: من الحين ؟

جنا: اوووه وربي ماعرفنا لكم طلعنا متأخر هاوشتوننا وطلعنا بدري نفس الشي شنسوي يعني

ام جنا: لا بس مستغربه انك طالعه هالوقت كل يوم بتطلعين نفس الوقت؟

جنا: لابس اليوم المدرسه عندها ظرف وماتقدر تستقبلني الا الحين اي اسئله ثانيه

ام جنا: ياجنا انا امك وخايفه عليك ليش تكلميني بهالاسلوب

جنا: طيب ياامي ياللي خايفه علي اقدر امشي الحين والا

ام جنا: ورحي الله معك

جنا: مع السلامه (وتطلع من البيت وهي تتحلطم .. وبالسياره ركبت والسواق والخدامه كانوا قبلها ينتظرونها مايقدرون يتأخرون عن اي شي تقوله .. وبسرعه بدلت عبايتها الراس بعبايه ع الكتف

مخصره بعد ماتأكدت انها ابتعدت عن البيت ومافيه احد يلحقها .. ))

جنا: رشيد روح للراشــد مول .. (( وراحت للراشد مول ونزلت وخدامتها معها وجلست وقت طويل بالمول ودخلت المحلات الرجاليه تشتري وتتسوق .. كل شي شرته وماخلته

من ملابس واحذيه وعطور وشنط واكسكورات ونظارات شمسيه والساعات وكل اللي يخطر ومايخطر ع البال خذته .. ولمى خلصت رجعت للسياره ومعاها الاكياس واتصلت على هشوم ..

جنا: الو هلا بيبي صاحي؟

هشوم: اي ماجاني نوم

جنا: مين حبيبي ؟

هشوم: انا

جنا: مين عمري؟

هشوم: انا

جنا: مين اللي مايرفضي لي طلب

هشوم: انا

جنا: طيب قوم ياحبيبي وافتح لي الباب انا برى
هشوم: برى وين ؟

جنا: عند باب شقتكم

هشوم: من جدك

جنا: اي بتخليني انتظر كثير

هشوم: يلا جاي جاي (( شقتهم كانت صغيره عباره عن مجلس وصاله وغرفتين نوم وحمامين صحيح انها صغيره ويبين من شقتهم انو حالتهم الماديه موذاك الزود


ولكنهم نظيفيييين وهذا اهم شي )).. فتحت هنا الباب لجنا وجلستها بالمجلس

جنا: وحشتيني

هشوم: وحشتك العافيه .. بس تونا مع بعض بالكليه

جنا: مدري اشتقت لك وجيت

هشوم/ وشلون دليتي بيتنا

جنا: سألت قلبي وجاوبني

هشوم: لا بجد جنوو شلون ؟

جنا : مارح اقولك المهم انك وحشتني وبس

هشوم: حتى انا اشتقت لك

جنا واستانست ووقفت وراحت لهشوم اللي كان واقف اصلا: بجد

هشوم ويطالع بعيونها وهو مبتسم : اي بجد

جنا وتضمها بقوووه: ياحياااااتييي

هشوم وحست بشعور غريب وهي تضمها ..

جنا وتهمس بأذن هشوم: احبك احبك احبك .. وتبوسها مع خدودها لين قربت لشفايفها و ..

هنا حس هشوم بقشعريره بكل جسمه وبعدت عنها وماعطتها مجال تبوسها اكثر وقالت: جنا قلت لك خلي كل شي يجي مني لاتستعجلين كل شي بوقته حلو

جنا: اسفه مو قصدي بس قلت لك مشتاقه لك (وتبوسه ع خده بدلع ) : عموما انا مااقدر اتأخر اكثر

هنا: شدعوه جايه حتى ماضيفتك ..

جنا\ الجايات اكثر انا بس جيت لاني مشتاقه لك .. هشوم هذي اول مره ازورك ببيتك واكيد مارح تخليني اطلع زعلانه صح

هنا: وانا اقدر
​

​

 

[طأقتن تسبدي..!]

جنا: طيب انا جبت لك هديه واتمنى ماتردني وبجد رح ازعل اذا رديتني .. (وتسلم على يده وتطلع .. وتجي بعدها الخدامه وتعطيها الاكياس الكثيره وتطلع .. وهناء متعجبه

فتحت الاكياس وانبهرت بالملابس والعطورات والاحذيه والساعات وكل شي ,, ماعرفت شتسوي بالاحرى انحرجت صحيح مومكتوب سعرهم لكن باين عليهم غاليييين .. انحرجت هنا واتصلت على

نور تاخذ رايها بالموضوع وللأسف نور جوالها مقفل واتصلت على نصور وردت عليها ..

نصور: هلا بوالشباب

هنا: هلا نويصر اسمعني ابيك بموضوع

نصور: امرني

هنا: مايامر عليك عدو (وتقولها السالفه )

نصور: والله شيييي ..

هنا: ايش اللي شي شسوي .. لو انت مكاني شتسوي احس اني منحرج ..

نصور: لاتنحرج ولاشي عادي

هنا: من جدك

نصور:اي عادي اعتبرها هديه من الهدايا اليوميه اللي تجيبها لك وبعدين انا مره صارت معي وجابت لي وحده نفس الهديه ومارديتها .. لاتحرجها هشوم البنت تعبانه بهالهديه ومختارتها بدقه وعنايه

لاتردها

هنا: يعني هذا رايك

نصور: هذا راي الصح والعقل .. ياعمي فيه احلا من كذا هديه .. تهنى فيها بس ,, اوكي اوكي .. نشوفك بكره باي

ويقول بخاطره( احسن شي سويته ياجنا انك غيرته بالاول مع وزنه وخليتي صحته زينه والحين غيريتي ستايله .. بصراحه هشوم خطير ماعدا ملابسه الهيلقيه اللي واضح انها من بوعشره

وانت ماشي الحين هشوم صار شي ويلبس ماركات ورح يصير كامل .. وربي ذكيه ياجنا يعني لازم خويك يكون كشخه عشان تصلحون لبعض .. ))

اليـــوم التـــالــي بالكــليـــه .. دخلت هشوم بكل وثووق .. كانت لابسه بلوزه خصرا مكتوب عليها كتابات انجلس ومره نااايس وتنورتها طيحني كالعاده وشعرها سبايكي خقق والنظاره اللي باين

عليها ماركه وحتى الشنطه مغيرتها وصايره خقق هي اصلا كانت حلوه بس مشكلتها ملابسها بس الحين الكل تمر من عنده وهو مفهي على ستايلها الجديد وع طول راحت لمكان الشله

الشله وهم مبهورين : هلااااا .. بوالشبااااب .. يالبييييييه

هشوم: هلا بالربع

(وتجي خلود واول ماشافت هشوم شقهت وتعلقت فيه اكثر : هشوووم تعال شوي

هشوم ويقول لها: هلا والله (وتسلم عليها)

خلود: اووه اليوم طالع خقق

هشوم: اصلا انا كل يوم خقق صح ؟

خلود: اكيد صح وانا اقدر اقول غير كذا

يضحكون: هههههههه

خلود: امس رحت وماعطيتني رقمك ..

هشوم: يوووه عاد رقمي جديد وماني حافظه وشرايك تعطيني رقمك وانا بتصل فيك

خلود: طيب جوالك معك اخزن رقمي

هشوم: ماجبته اليوم بس وش رايك تكتبين لي رقمك

خلود: فكره حلوه تفضل (وتعطيه روقه مكتوب فيها رقمها ومجهزتها مسبقا)

خلود: عاد اتصل هااه

هشوم: ان شاء الله

خلود: اوكي اجل اخليك مع ربعك (وتروح ))

هشوم وترجع لشلتها اللي كانوا رايحين للكافيترا اصلا .. وتمشي بالوسط بين جنا ونصور

نصور: وشتبي ذي ؟

هشوم: رقمتني

جنا: وبتعطيها وجـه ؟

هشوم: ولاتحلم

نصور: ولا لا تحلم ( ويضحكون ضحـكه سخريه .. ))

بــالكــافتيـــرا .. كانوا الشـله جالسيــن بطاولتـــهم اللي لـهم من اول السنــه ومستحيل حد غيرهم يجلس عليها حتى لو ماكانوا موجودين ..

خلاص هالطاوله انكتبت بأسمهم وبس .. (وتجي بنت لونها برونز وشعرها بني وطويل وكيرلي ومملوحه وتجي لعند الشله

البنت: هاي شله

الشله مستغربين مين هذي محد عطاها وجه هالشله من طبعها الغرور ومايحبون اي حد يتلصق فيهم ..

البنت وانحرجت: هشوم ممكن شوي

هشام: الحين

البنت: اذا ماعندك مانع

هشام: والله قاعد افطر الحين خليها بعدين

البنت: مارح اطول

نصور: اقول بلا تلصق تراه مرتبط ..

الشله: هههههههههه (مافيه شي يضحك بس نصور وهشوم لو يقولون اي شي الشله يضحكون عليه عشانهم )

البنت انحرجت: لو ماالموضوع ضروري ماتكلمت

نصور: والله برايي

هشام وكسرت خاطرها البنت: معليه هشوم خليها هالمره بشوف وشفيها( وتقوم وتروح مع البنت ع زوايه .. وتسلم البنت عليها خدود ..

البنت: انا اسمي اسماء ومعك بكلاس الترجمه عرفتني

هشام: هلا والله تشرفت ..بس سوري ماني متذكرك

اسماء: ايي لانك ماحضرت الا مره وحده بس

هشام : ادري اصلا انا طول اليوم دجه مع الربع

اسماء: احلا شي

ويضحكون

اسماء:بس انا حبيت اقولك انو اليوم المشرفه ذكرت اسمك وقالت لو تغيب المحاضره الجايه رح ينكتب لك حرمان

هشام: والمحاضره الجايه متى؟

اسماء: الاسبوع الجاي نفس هاليوم واذا احتجت اي مساعده بهالماده انا موجوده وبصراحه انا ودي اصادقك واتعرف عليك بما اننا بكلاس واحد

هشام واستغرب من عفويه البنت وجرائتها: تشرفت .. اجل دامك خايفه ع مصلحتي انا من المحاضره الجايه ذكريني اجي قبل لاينحسب لي حرمان بروحي موناقص

اسماء: خلاص ابشر

هشام: وشرايك تعطيني رقمك عشان نتواصل اكثر

اسماء واستانست: طيب

هشام: خذي جوالي وسجلي رقمك

اسماء وتسجل رقمها: خلاص خزته باسم اسوم الكلاس

هشام: شوفي اسوم ترى رح ازعجك واقلقك اتصالات تراني ماانعطى وجه

اسماء: هههههههه عادي خذ راحتك .. يلا عن اذنك باي ( وتروح وهنا مستغربه من اسلوبها وجرائتها معها واصرارها ع الصداقه وبنفس الوقت عجبتها طريقتها بالكلام وعفويتها )
ورجعت هناء مع الشله وسوالف وضحك وكانت خلود تراقبها من بعيد ومقهوره كيف ان هشام صرفها وخذ رقمها بس وقال لها ماجبت جوال لكن هالبنت من جات وعطاها جواله بكل بساطه

عشان تسجل رقمهاا .. ومن جهه ثانيه جنا عصبت من طريقه كلام هشوم مع هالبنت وماعاجبها اللي صار ابدا .. كملوا الشله فطورهم ورجعوا للكليه وهم بالطريق يتمشون كانت هشوم تمشي

جنب جنا

هشوم: وراك ساكته؟

جنا: واخيرا حسيت

هشوم: حسيت بشنو؟

جنا: حسيت فيني

هشوم: فيك شي؟

جنا: هشوم لاتستهبل مووقت استهبالك

هشوم: جنا شفيك تتكلمين معي كذا انا مسوي شي؟

جنا : بعد .. مسوي فعلتك وموحاس على نفسك

هشوم: الاسلوب ذا مايعجبني قولي وشفيك

جنا: مافيني شي بس ماكان له داعي تعطي رقمك لذيك العبده اللي جات وكلمتك بالكافتيرا ..

هشوم: كلنا عبيد الله ماله داعي تتكلمين عن البنت كذا

جنا: وتزعل عليها بعد مين هذي ياسيد هشام

هشوم: اسمي هشوم وبعدين ذي وحده معي بالكلاس تبادلنا ارقام بعض عشان تساعدني بالمذاكره لااقل ولااكثر .. يعني علاقه مصلحه بمصلحه

جنا: مصلحه اتمى هالشي

هشوم وهو مستانس من حركاتها: ليه تغارين

جنا بسخريه: اغار وليه اغار اصلا .. مااهتميييت ..

هشوم وزعل منها ومشي وتقدم عنها وقام يسولف مع وحده ثانيه من بنات الشله

وتجي اشواق لعند جنا

اشواق: غلطانه

جنا: خير وانتي قاطه السمخه (تتسمعين )

اشواق : انا وراكم على طول شي طبيعي بسمع خليكي مني الحين وروحي راضيها

جنا: لاوالله مين مفروض يراضي مين ؟

اشواق: الرجال ماقال شي (والله مصدقين نفسكم قالت الرجال ) لاتطيرينه من يدك شوفي معجباته كل يوم يزيدون وكل وحده تقول الزود عندي وهو شاري خاطرك ومومعطيهم وجه وبعدين

ياغبيه شوفيه وطالعيه شلون صار شيي وصار البويا رقم واحد بالكولج غطى على نصور حتى ..

جنا: ماهمني

اشواق: بلا كذب وانتي عيونك ميته من الغيره عليه وماتقدرين تشوفينه مع حد غيرك .. ع فكره نظراتك بالكافتيرا فاضحتك لمى كان يكلم ذيك السمرا كلتيه بعيونك ..

جنا: هييي اشواق انا مخاويته شكلا فقط لاتنسين

اشواق: انتي تكذبين على نفسك والا تكذبين علينا هالكلام كان من اول السنه قبل مانعرف هشوم والحين هشوم الكل بالكل بالشله وبالكليه بعد والكل يبي يصادقه ويتعرف عليه ويبي رضاه

طالعيه شلون يمشي مع مشيته العربجيه اللي الكل يبي يقلدها والا حركاته الخطيره تتركين هذا كله للبنات .. اقول انتي تحبيه وهو مهتم فيك وشاريك لاتضيعينه من يدك عشان كلام فاضي ..

جنا( معقوله اكون غرت لمى شفته يكلم غيري معقوله اكون احبه بس .. ):

اشواق:جنا جنا انا اكلمك

جنا: شفيك

اشواق: ههههه انا اللي شفيني والا انتي .. انتي تحبينه يالغبيه لاتضيعينه من يدك عشان كلام فاضي راضيه احسن لك

جنا ومسويه ثقيله : انا مازعلته عادي لاتكبرين الموضوع

وبجهه هشوم كانت ماشيه مع الشله وتشوف بطريقها روعه جايه بتروح للكافتيرا مع بقيه الشله ..

روعه وتوقف تكلم هشوم: هشوم نور داومت اليوم؟

هشوم: مااتوقع اليوم كله ماشفتها ليه؟

روعه: اكيد نفسيتها تعبانه بعد موضوع امس والنقل اللي ماادري من وين جاء

هشوم وهو متفاجئ: وش قصدك؟

روعه: يعني معقوله ماتدري؟

هشوم: ماادري عن شنو روعه تكلمي؟

روعه: هشوم المفروض انت اللي تعلمني ..

هشوم: روعه اخلصي وشفيها نور اصلا انا من امس ادق عليها وجوالها مقفل .. فيها شي صاير شي
​

 

[طأقتن تسبدي..!]

روعه: نور ابوها رح ينقل وضيفته لجده وهي رح تنقل لجامعه الملك عبدالعزيز وبتترك كليتنا ... ولازم ع يوم السبت يكونون بجده انا كنت عندها امس وكانت نفسيتها دماااار

هشوم وهو منصدم ومقهور من نفسه شلون صار يعرف اخبار نور من روعه وكل همه وشغله الشاغل نور الحين اكيد نفسيتها دمار نور صديقتها من الابتدائيه وماعمرها افترقوا ونور اختها

اللي ماجابتها امها الحين رح تروح وتفارقها شلون .. حست ان الدنيا مضلمه بعينها كل همها تشوف نور .. نــور عينــها وتؤام روحـها .. اتصلت بالسواق بسرعه وراحت لبيت نور

هنا وهي توها داخله وتتمنى انو كلام روعه كذب بس لمى فتحت لها الخدامه الباب وشافت البيت شبه فاضي والاثاث نصه موموجود حست بقلبها بعورها وشافت ام نور مع الخدم ينقلون الاغراض

بالصاله

هناء: خالتي .. خالتي وش صاير وين بتروحون

ام نور: هلا والله ببنتي .. ااااه ياهنو والله مدري شقولك بس هذا الله وهذي حكمته والله يعز علي انقل من هنا وافارق هلي وجاراتي بس شنسوي هذا عمك جاته ترقيه ولازم ينقل مكان وضيفته

لجده

هناء وفيها الصيحه: بس ونور .. والجامعه ؟

ام نور: عمك لقى واسطه زينه وقدروا ينقلون اوراق نور وان شاء الله السبت بتدوام بجامعتها الجديده ..

هناء : شنو يعني رح تروحون ؟

ام نور: شنسوي بعد يابنتي هذا المكتوب

هناء بنبره مبحوحه: وين نور

ام نور: فوق بغرفتها روحي كلميها يابنتي الله يعلم هي وش كثر مشتاقله لك ..

هناء وتركض بسرعه لغرفه نور واول ماشافتها ضمتهاا وقعدت تبكي : يعني بنفترق ؟!

نور: هنووو انا مره متضايقه انا مااقدر اتصور حياتي بدونك انتي اختي .. اختي الوحيده اختي اللي ماجابتها امي انا وانتي ماعندنا خوات بس تعرفنا على بعض وصرنا مثل الخوات ..

هناء: نور لا تروحين اللي يخليج لاتروحين انا مااقدر اعيش بدونك .. انتي مرايتي اللي تصححين لي الاخطاء .. انتي تؤامي ,, انتي نور عيني ,, نور انا مااقدر استمر

بدونك بـ ولامكان انتي الانسانه الوحيده اللي تفهميني من نظره وتحسين فيني انتي اللي شاركت فرحتي وهمي ومرضي والمي .. انتي صديقتي واختي وكل شي بالنسبه لي .. انت الوحيده اللي

تعرفين مين هنو وتعرفين هنو على حقيقتها .. انا مااقدر اتصور حياتي بدونك .. واي حياه رح اعيشها بدونك حياه ماابيها حياه كلها نفاق وكذب وتمثيل بتمثيل انا هنو موهشوم مثل ماالكل يظن

انا خايفه اضيع بدونك انتي لو رحتي عني انا مدري وش بيصير فيني ..

نور وهي لسى ضامه هنا همست باذنها: انا واثقه فيك وانتي هنو ..مو هشوم .. انتي هنو صديقتي واختي انا عارفه انك تعرفين الفرق بين الصح والخطا وتعرفين تفصلين بين هنو وهشوم

انتي هنو الانسانه اللي الكل يتمنى انه يتعرف عليها ويصادقها انتي عندك صديقات كثير يحبونك ويعتمدون عليك وكلمتك مسموعه والكل يتمنى رضاك

هنا وتوخر عن نور: يتمنون رضا هشوم موهنو

نور: هنو هي هشوم .. وبما انهم حبوا هشوم حبوا هنو.. انتي قدها وقدود ومثل ماحببيتهم فيك بالبدايه رح تقدرين تكلمين .. وبعدين انا رح اكون موجوده عندك على طول بالاعياد و

المناسبات والعطل ورح تملين مني ورح اكلمك يوميا وفيه مسن وجوالات ..مارح افارقك ابدا زين

هنا: طيب .. بس انتي اكثر وحده تعرفيني انا ماابيهم ابيك انتي انتي اللي تعرفيني وتفهميني

نور: ياحياتي ياهنو .. انا لو علي مارح اتركك دقيقه بس الظروف اصعب مني ومنك .. رح نتكلم يوميا ونشوف بعض يوميا ع المسـن ورح نعاند هالظروف اللي بعدتنا عن بعض ..

هنا وضمتها: انا خايفه خايفه يانور

نور وتوخرعنها وتطالعها بعيونها: من شنو خايفه .. هنــو كلميني قولي لي من شنو خايفه

هنا وخافت اكثر وقالت من بين دموعها: خايفه اعيش بدونك .. خايفه شوي شوي اصير انسانه ثانيه وانسى شخصيتي الحقيقه انتي الوحيده اللي اكون معها على طبيعتي واعبر عن اللي بخاطري انتي

الوحيده اللي تفهميني وافهمك .. انا خايفه عليك شلون رح تعيشين هناك ومين رح تشكين له همك والمك وفرحتك .. انا خايفه علي وعليك

نور وبكت وقالت من بين دموعها: المسافات مارح تبعدنا رح نتبعد بالجسد بس قلبي ورحي عندك وانتي اللي بشكيلها همي وفرحي وانتي رح تضلين تؤام روحي .. هنو مهما بعدت احنا روحين بجسد وحده

صح

هنو من بين دموعها وبقله حيلــه قالت : يعـــنــي بنفترق ؟!

(( كان هذا اخر يوم شافت فيه نور هـناء صديقه عمرها ... ودعتها وهي ماتدري هل رح ترجع تشوفها مره ثانيه والا لا .. وحتى لو شافتها هل رح ترجع وتشوف هناء نفس الفتاه اللي تركتها قبل

ماتسافر والا رح تشوف شخصيه ثانيه .. وخاصه أن نور مو قادره تنسى كلمات هـناء وبكاءها وترجيها لها وكان الود ودها ماتروح وتخلي صديقتها بس ماتقدر تقول لا وماباليد حيله ..

بكوا بكاء شديد ذاك اليوم .. هناء ونور صديقات من الابتدائي ومو بس صديقات الا اخوات ومايتصورن حياتهم بدون بعض .. هناء خايفه على نور وهي عارفه طبعها الخجول وشلون رح تدخل ووتتأقلم
مع مجمتع جديد بعد ماكانت هنا هي كل مجتمعها وبنفس الوقت نور خايفه على هنا من مجتمعها الجديد وخايفه لا تنجر ورى نصور وجنا وغيرهم كثيرر .. الصــداقـه من اسمى العلاقات الانسـانيه ..

بخاصه الصداقه اللي بين هناء ونور كانت صداقه برئيه وخاليه من المصالح .. هذي هي الصداقه الحقيقه .. ))

والحين بعد ماسافرت نور وضلت هناء وحيده ياترى ايش رح يصير مع هنا وليش كانت خايفه كل هالخوف ..وليش ملت من لعب شخصيه هشوم .. ولين متى رح تقدر تمثل وتتصنع وتكذب

وهل رح يجي يوم وينكشف كل شي .. وشنو قصه خلود وفهد وهل رح يوصلون للي يخططون له ... وجنا ليش هالغيره اللي موطبيعيه كل ماشافت بنت تكلم هشام هل ياترى حب او حب تملك فقط..

وشنو مصير علاقه نصور بهشوم اللي تكبر يوم بيوم هل رح تحل نصور محل نور ,, ام ان هشوم رح يكون مجرد ضيف كالذين سبقوه بحياه نصور .. اسئله كثيره واجوبتها بالاجزاء الجايه وهذا

البارت غير مسار احداث الروايه تغيرا جذريا ..

​

 

[بحـةةِ غيـآبِ ≈ ™]

••乂 لــــ / نــَـرتِـ ق ـــــــــــي 乂••


يَ ليت اتجيكين ع الموضوع لو مَ عليج اممر ,

 

[طأقتن تسبدي..!]

سلامات ليه وش فيه الموضوع
هذي رواية نقلتها للعبرة واذا
ماهي عاجبتكم ماهي بمشكلة
ما اكمل ونحذفها والسلام

 

[فتوشآ]

اب اب
اللَّـَـَـَـْـْہ يستر على هنوو لٱ تخربها
و نوور كسرت خاطري :/

 

[طأقتن تسبدي..!]

أهاااااااع شؤوووكرن عزيزتي على التنبيه
تو اقرأ القوانين عالعموم ياريت المشرفات
يغلقون الموضوع

 

[ورده خضرا]

حسسسافه

والله اندمجت مع الروايه

 

[A7la 7oorya]

لييييييييييييييييييش مااا فيهااا شي القصه

 

[نووني الحلووه]

laiiish@@ !!!! elgessa ma fiiha shay :s!!!!!
we3 malina mn gesas el7oub eli tarssa elgsm flana o 3lan o 3lana o flan uff nbi shay ydeed o elstory 7elwa
kaaamlaaaaaaaaaaaaaaaaaaay

 

[ابي قطوة ميوووو]

استتتغفر الله بطنني قاام يعوررني >.<
مع احتراامي الشديد لج بس سؤال مهم !
شنو الهدف من الرواية!؟

 

[طأقتن تسبدي..!]

اللي متابعين الرواية اعتذر بس سسمه ذا القوانين ماتسمح اكمل الرواية
وللاسف قريتها متأخر

ابي قطوة : عزيزتي الرواية عبرة للبنات اللي من ذا النوع والعبرة بالنهاية طبعن وجوكرن