غرفة المعرس شلون ؟؟؟؟؟

[ميمي الحلوه]

مطلع الشمس

جزاج الله خير..

انا من النوع اللى احب ريحت الصبغ>>مدمنه
خخخخخخ

بس يا اختي مو هذي الريحه..والله صرعتني ..وصرعت اخواني الصغار

ريحتها فضيعه مادري شلووووون

حتى لما ندخلها دمع عيونا ..وتعورنا

 

[ابداع مصممة]

انا كنت اعاني من نفس المشكله بغرفتي بس سويت شغله خلت الريحه تروح باسبوع ...فتحت الادراج كلها والكبتات والشفنيره كل الاثاث اللي فيه ادراج وبعدين اخذت كومفرت وديتول وصابون لولو وتايد لوووووووووووووووول .وخليت الخدامه تمسح من داخل وبره لمده يومين بس وبطلت الدرايش وباب الغرفه لحد ماراحت الريحه

 

[أم^تركي]

مع اللي قالو ك البنات حطي بخاخ اللي بالطوفة مااعرف اسمه نسيته يركب بلاك الكهربا يطلع يبخ ريحه دعايتنه بالتلفزيون وشمعه حطي كذا نوع تروح انشالله

 

[ميمي الحلوه]

ابداع مصممه

ان شاء الله ياعمري

الحين بروووح اسويها

جزاااااااااااااااااج الله خير

 

[ميمي الحلوه]

ام تركي حبيبتي قصدج الفواحه...؟؟؟

انا مو كلش بالتلفزيون

بس هم بجيب فواحه

مشكووووووووووووووووووووووووره

 

[..بسمة..أمل..]

حبيبتي عندج بخور حلال من عند الحرمين مسوين عرض 6 حبات ب 18 دينار

واايد حلوه ريحته

وعندج عود مبخر مال اجمل اللي ب 13
او القرشي اللي ب 25

كلهم ريحتهم قوويه

وعن تججربه يا الغاليه


ورشي على الستاير وعلى الفرش والزوالي عطر قووي

وكرريها 4 مرات باليوم وان شاءالله بجم يوم راحت الريحه

 

[..بسمة..أمل..]

اي ونسيت اقولج

بالفواحه تقدرين تحطين دهن عود وشوي ماي

او اي عطر تبين

انا احط مخلط الامارات او عطر كليوبترا من زهور الريف
وشبي الشمعه

ترى تفووح الريحه بكل الغرفه وعن تجربه


وقوليلنا شيصير وياج

 

[فديت منورة]

احنا قبل عرس اخوي بخمس ايام شطحت فينا و صبغنا صالتنا هههههههههه و انصرعنا الله لايوريج و الحريم توهقنا فيهم جهزنا لهم غرفة ..
و كل شي حطيناه متنا من الريحه .. قالت لنا مره الله يجزاها الف خير .. جيبو بصل .. و جبنا 18 وحده عبالنا تضحك .. و الله العظيم الصبح دخلناها مافيها ريحه و بخرناها و الحمدالله

 

[ام الوردة]

حطي بصل بطشت ونقعيه ماي وحطيه بالغرفه يومين وراح تسحب الريحه عاد بعدين بخري وسوي اللي تبين موتخلين ريحة البصل لوووووووووووووووووووووووووووووووووووووووووووووووووووووووووووووووووووول ..

 

[ميمي الحلوه]

بسمة امل حبيبتي

ان شاء الله بسويها ياعمري

وجزاج الله خير

والله يرزقج الرزق الحلال ويبعد عنج عيال الحرام

فديتج والله متابعتني


في ميزان اعمالج ياحياتي

وان شاء الله بقولج شي صير اكيد

 

[ميمي الحلوه]

فديت منور..حتى عرفة اخوي

تصر ما اقدر ادخل الا بكمام>>>قويه
خخخخخخخخخخخخخخخخخخخ

ياعمري

مشكووووووووووووووووووووووووووووره وماقصرتي ياحياتي

اكيد بسويها اذا مانفع

يسلمووووووووووووووووووووووووووووووو

 

[ميمي الحلوه]

ام الورده

ياعمري ان شاء الله

ومشكووووره ماقصرتي

جزاج الله خير

 

[ميمي الحلوه]

مشكورين يابنات

سويت كل اللى قلتولي عليه

طلعت ريحتها تهبللللللللللللللللللل

جزاكم الله خير والله

 

[برميتا]

حياتي حطي فحم يمص الريحة
وحطي شمع بو عطر راح تختفي الروايح بسررررعه
وعسى الله يهنيهم

 

[ميمي الحلوه]

جزاج الله خير حبيبتي برميتا

سويتها بارك الله فيج