غزو الكويت 1990 قضية اجتماعية ونفسية ...؟؟؟

[اسراء205]

كان عمري 17 سنه

اسفه ما احب اتكلم باوقات فيها الم وخوف وحزن

 

[مسك أبيض]

طبعا انا سعوديه في الشرقيه يعني قريب الكويت ، انا كنت صغيره مااتذكر كثير بس اللي اتذكره ان كان جو من الخوف واتذكر كان في سيارة تطلع صوت يخوف وتدور في الشارع وكنا عند التلفزيون وتطلع الشاشه حمراء يعني خطر وبعد شوية يصير اخضر ويقول all clear زال الخطر وكانوا يوزعون اقنعه في شنطه خضراء وكنت اخاف منها مره تقريبا هذا اللي اذكره بس حسبنا الله ونعم الوكيل ظلينا سنين في حالة رعب وكل مانسمع صوت نقول هجم صدام ....

 

[مـعـجـبـة]

صادتني قشعريرة من اللي انكتب

الله يحفظ الكويت من كل شر آمين

 

[Om eL-3a9aGeeL]

انا ما كنت منولدة بالغزو بس شايفة فيديوات ابوي مصورهم

اول ما تحررت الكويت ابوي طلع يصور كان واقف عالشارع ويصور الدبابات والجنود السعوديين واهما رادّين

ووراهم بــر والدخان الأسود مبين من بعييييييييد

هالفيديو صج صج يعور القلب شلون الصبيان يحوسون واهما مستانسين والجنود يضحكون !

:

وانا خالتي خذوها أسيرة

تمت جم شهر وبعدين ردت الكويت طبعا بعد معاناة

الحمدلله ما عذبوها وايد نفس الباجي ..
بس تقول كانوا حاكرينا بغرفة وكنت أسمع صوت الشباب الكويتيين برا اللي يبجي واللي يصارخ من العوار !!

حسبي الله عليهم

وخالتي عقب ما ردت كتبت كتاب بقصتها من خذوها لين ردت البيت

:

واذا تبين تشوفين بعينج وتعرفين شلون عاشوا دشي يو تيوب وكتبي (( تهاني الأيوب ))

يطلعلج أكثر من فيديو اهيا مصورتهم وقت الغزو

:

وبس كش شعر ينبي من موضوعج بس مافيها شي ليش نهجم بالعكس انتي ما قلتي شي غلط =)

والله يحفظنا من كل مكروه

 

[روح الدنيا]

انا كان عمري شهرين بالضببببببببببببببط

بس اللي عرفته من امي واهلي .. سبب لهم جرح نفسي لا يمكن يطيب .. لدرجه صارت الحسره تمشي بقلبي و انا ما حسيت بالوضع

بس عيشوا الكويتين في ذل مو طبيعي .. و غير الفلسطينين اللي بدعوا لدرجه ان العراقي كان ارحم منهم ..

الله ياخذهم كلهم .. و لا يبقي منهم و لا يذر ..

جرح جرح جرح .. الله يحفظ الكويت و يرحم شيوخنا و يعز بابا صباح

 

[شرووود]

الله يرحم موتاكم ويديم عليكم الامن والامان وياخذ حقكم من اللي ظلمكم

حزنتوووني بس بصراحة شدني الموضوع لانه يحكي حدث مهم في التاريخ

صحيح الموضوع صعب وكثير ما يبون يتكلمون عن اللي صاار وهذا من حقهم....لكن مناقشة مثل هالمواضيع اعتبرها مهمة جدا...

شوفو الاجانب دايما ينشرون كتب ومذكرات شخصية عن الحروووب وكل هذا ساعدنا اننا نفهم الاوضاع والاحداث اللي صارت قبل...وانتو يوم بتخبروننا عن اللي صاااار هالشي في صالحكم عشان ما يي حد ثاني ويحرف الحقائق....هذا توثيق للاحداث الحقيقية ...




مشكوووورين بناااات الكويت....

 

[شرووود]

اوه اسفة نسيت كان عندي سؤال بسيييط وحبيت اعرف اجابته:



شو كان موقف ودور الفلسطينيين في غزو الكويت؟؟

 

[*فاصوليا*]

كان عمري سنتين وما اذكر غير مرت خالي كانت تبجي واذكر التفزيون كانت شاشته خضرة وومن يومها وانا اخاف اشوف جذي

ورغم اني ما عشت احداث وايد بس بين فترة وفترة يروادني احلام عن الغزو الله لا يرده

 

[Heaven Light]

شروود .. ردا على سؤالج ..

الفلسطنينين بحكم اقامتهم الطويلة بالديرة اكثر من 50 سنة فكانوا يعرفون الديرة شبر شبر ..

فكانوا يساعدون العراقيين ويدلونهم على بيوت العسكريين والشخصيات الهامة ..

وكانوا يكتبون على الجدران .. مطلوب خادمة كويتية لعائلة فلسطينية !!

وكانوا يسبونا ويسبون اسرتنا الحاكمة ..وكانوا صج غداريين

لو اقولج شكانوا يسوون جان طبعت مجلدات مو بس اسطر ..

الله لا يوفقهم ولا يلم لهم شمل ..​

 

[بنت.المطيري]

رد: حرب الكويت 1990 قضية اجتماعية ونفسية ...؟؟؟

هلا حبيبتي ..
اول شي شاكره لج مشاعرج الصادقه وكلامج الحلووو .. والله يشهد ان الكويت تحبكم وانكم ماقصرتو معانا بوقت محنتنا ربي مايردها انشالله ...

بالنسبه حق اسألتج ....


1-كيف كانت لحظة سماع خبر دخول الجيش المحتل الكويت

كان عمري حزتها 4 سنوات ... وشفت الكل خايف .. وحوسه بالبيت .. لما سألت امي قالت صدام دش علينا ... ومع اني كنت صغيييره بالسن الا ان المنظر والاحداث لازالت عالقه في ذاكرتي ...

2- شنو كان شعورك فى تلك اللحظة وبااقى الاياام

بما اني كنت صغيره ماحسيت وايد بالموقف .. بس لما مرت الشهور استوعبت اللي صاير خصوصا اني من سكان منطقه (( القرين )) واشتهرت هالمنطقه بكثره الاعتقالات ... الجنود .. المقاومه .. ف حسيت فيها عدل وشفت كل شي .. لما كنت اطلع بالحوش واشوف السما لونها حمررررره سوووده !! تخيلي 12 الظهر = المغرب !! من شده الدخان والحرق حسبي الله ونعم الوكيل ...


3-كيف كانت حياتك فى تلك الايااام والمعاناة فيهاا

كانت حياتنا مهدده ب اي لحظه انها تنفقد ... كنا عايشين بخطر ورغم المصاعب الا ان كان بداخلنا سعاده صغيره سببها تلاحمنا وكنا على قلب واحد ..
الجار يساعد جاره .. تشوفين ناس ماتعرفين يطقون عليج الباب يعطونج الخبز وغيره وغيره ..
تشوفين شباب كويتييين ينظفون الشوارع .. ماتتخيلين هالاشياء شنو كانت بالنسبه لنا .. فعلا معدن ابناء الكويت بين في ايام الغزو الغاشم ..
اذكر ان الكل كان ينام تحت الدري (( تحت السلم او الدرج ) اعتقادا منا انه اكثر امانا ..
واذكر ان يت فتره مااااكو اكل كلش .. كنا عايشين على البسكوت والماي والخبز وبس
حتى الحفاظات البامبرز مال اليهال باقوه منا !!!!
ف امي كان تييب جياس زباله اللي لونهم اسود وتسويهم حق اخوي ك حفاظه ..
للحين اذكر لما امي تفتح لنا كرتون الاكل !! اللي اهو عبارة عن بسكون و كاكاو تويتي ...
كان كاكاو لذيييييييذ للحين طعمه بحلجي ..
كنا ناكل حبه حبتين بالكثير ومانقدر ناخذ اكثر خوفا ان الظروف تسوء اكثر ومانحصل اكل ..
اذكر مره كنت بالحوش مع ولد خالي نلعب ... والا اشوف السما حمررررراااااا وسوووده وانا اشوف فوق والا اشووف 3 نجوووم لونهم احمر يتحركون انا خفت قلت حق امي قالت عااادي هذي العاب ناريه !!
بس بعدين عرفت انها شغلات متعلقه بالانفجارات ...
حسبي الله عليهم انشالله

مااذا خسرتى من الآهل او الاخوان او الزوج وماهى قصتة او طريقت وفاتة ( ( الله يرحم الجميع ))

الحمدلله محد مات منهم ..

بس ابوي اعتقلوه مده قصيره ..
خوالي 3 اعتقلوهم ...
واحد منهم بغو يحطون له جهاز كهربائي للمخ وهذا يؤدي الى فقدان العقل تماما .... بس الحمدلله قبل مايوصل دووره .. يت للعراقي مكالمه وطول فيها ... خالي يتله فكره انه يسوي روحهمينون ... وصج مثل الدوور انه مينون ... ف مرت السالفه عليهم وتوقعو انهم حاطين الجهاز عليه وصار مينون .... ورد بعد التحرير ...
واحد من خوالي كان عمره 17 سنه يلعب كوره بالشارع مع ربعه .. اعتقلوه .. عذبوه .. كهربو جسمه ... زلغو ظهره بالطق بكل ادوات التعذيب .. ولما رد لنا بعدين ماكان يقدر يمشي ..كان محندب .. وظهره نازل لي تحت. والحمدلله مع الايام رد طبيعي ...


5- شنو كان شعورك بعد خروج الجيش المحتل من الكويت

الله لو اوووصفلج الشعووور مستحيل تقدرين تتصورينه ... كان اسعد يوووم عشناه
الكويت صارت فيه عروووس .. صج عروووس مجرووحه ... بفقدان اهلها وحبايبها ... وترابها الطاهر ..
بس المهم ردت لنا ..
كان يوم حلووووووو
اليبااااب
والتهليل
والتكبير
والصلاه
والدمووووع
والعايله الوحده
والمسيييره
يعني شقولج
شي مايتخيله العقل الا اذا شافته عيونج
احبج ياكويت :eh_s(2):
الله يرحمك يا بابا جابر ...
صدقيني يااختي لو تدرين شنو بابا جابر بالنسبه لنا .. ولو تدرين عن طيبته وعن حنانه وابوته لنا ... وخيره الي وصل اخر الدنيا ... فراقه اصعب من الصعب .. فاقدته حيييييييييييييل حيييييييل حيييييييييييييل الله يرحمه حبيبي وابوي اهووو
محد يعوض مكانه فقدنااااه وايد وايد ..
قلبي معورني مشتاقتله
ميته على شوفته
ماشفت ابو حنون مثله
والله هالحجي طالع من قلبي ومتأكده ان الكل مثلي ...

اسفه طلعت من الموظوع بس من اتذكر الكويت اتذكر جابرها
..............
بالنهايه اقول الله يرحم كل شهدائنا الابرار ....
ويرحم بابا جابر وبابا سعد
والله يخلي لنا كويتنا الغاليه
وكلمه شكر وحب الى كل من سااعدنا ووقف معانا
ودعوه طالعه من القلب لكل من عادانا وهتك عرض عيالنا ...
حسبي الله ونعم الوكيل
حسبي الله ونعم الوكيل
حسبي الله ونعم الوكيل​

حسبي الله ونعم الوكيل
الله يأجر الجميع انشالله
والله يرحم بابا جابر
جد بجيت

 

[بنت.المطيري]

رد: حرب الكويت 1990 قضية اجتماعية ونفسية ...؟؟؟

حبيبتي انا جبتلج سالفة أسير كويتي اللي هو عمي كيف تم أسره

كان يومها تقريبا في بداية الغزو ومازالت القوى العسكرية بالكويت موجودة وبقوة لكن تحركاتها سرية مرت سيارة عسكر وكان من ضمنها عمي وطبعا قبل الغزو كان فيه اشكثر بدون عسكر ومازالوا ماجرح بكل البدون البعض وليس الكل خونوا بالكويت وأهلها ومثل ماقلتلكم كانت تحركات العسكر سرية وهالسيارة مليانة ضباط كويتيين ومروا من طريق الغزالي عمي يروي لنا المشهد يقول من على جسر الغزالي صار انزااااااااال عسكري ماقط شفت له مثيل كان الجيش العراقي عرف بتحركات هالضباط وأسروهم وعمي رجال مو كبير أصغر من البابا بس لو تشوفون شيب راسه تقولون عمره عداا الـ 60 سنة يقول أيام الأسر كانوا يطقونا بصواعق ويحرمونا من الصلاة لين صااا رت انتفاضة بالبصرة ورديناا الكويت:eh_s(1):


اللهم ارحم شهداؤنا الأبـرار

بس تدرين شاللي يحرني بسالفة الغزو انا شعب انظلم لكن العرب خصوصا يرونا ظالمين ، يجرحون فينا على انا ديرتنا انغزت وانطعنا انغدر فينا يا عالم احتلوا وطنا شردوا شعبنا ، وتدافعون عن صدام والأدهىـآ والأمر يقولون كان يدافع عن حق لهضحك عليهم بكلاامه والا كانوا يستمتعون بالكذب وتعودا عليه حبوا التضليل والكذب حنا امة تعشق المخادعين مناهم بتحرير فلسطين عن طريق الكويت شي مضحك.

يوم تحرير العراق انا ماقول اني مع امريكا يوم دشت بس بذااك الوقت كان ودي يطيحون صدام بأي طريقة ، كل العرب وحتى شعوب خليجية حاربت الكويت يقولون ان الكويت فتحت أراضيها لأمريكا ونسوا أكبر قاعدة أمريكية ويـن موجودة واشكثر بلدان خليجية سهلت الحرب بس حنا دايما يدورونا دورة لأنا شعب طيب ومايتأذىـآ بهالدنيا الا اللي عالنية .


اسمحولي انا داشة أفضفض
وكلي أمل الكويت تغير سياستها الخارجية مع كل الدول ولا لإسققاط ديون العراق الجرح بعددده ما اندمل :eh_s(14):

الله لايعود هالايام
:
قلتي وايد اشياء كنت بقولها
سلمت يمناك

 

[يافعيه]

شكرا للمحبه 1

موضوع كنت ناويه افتحه بس الحمد لله لقيت كل اللي ادور له بموضوعك الحلو بقدر ما هومؤسف لبعض الاخوات يتذكرو اشياء

ممكن تالمهم اذا لا سمح الله اتضررو وفقدو عزيز عليهم

عند غزو العراق كان عمري 14 سنه

طبعا اني يمنيه واحب الكويت مووووت زرتها مرتين وناويه ازورها قريب

المهم شفت يا حبيباتي مسلسل غزو الكويت الحبيب الغالي عليا كثير والله اني افتخر اني يمنيه بس لو اخذ الجنسيه الكويتيه

وابدلها بالبريطانيه لاعملها ياريت والله

اتالمت كثير معقول حصل لكم كل دا اللي شفته من خوف وذل الله يذل من يذلكم انتو شعب طيب عريق وغالي صحيح من قال الكويت

الخير الله يديم عليكم الاستقرار والنعمه يارب بس لو تعطو الجنسيه للبدون يكون احسن الله يعينهم

حصل الغزو في اوجوست كان زواج خالي الله يذكره بالخير بنفس يوم غزو العراق منت حاذقه فهمت كل اللي حصل بالكويت

اهلي كانو عايشين بالكويت رجعوهم واتذكر اليمن كان فيها مدرسين من مصر رجعو لبلدهم عقاب لليمن بانها وقفت مع صدام

الشعب اليمني مقلوب ع امره من رئيسنا السابق اللي الله فكنا منه وجانا واحد عميله وحبيبه هو اللي بسببه احتل اليمن الجنوبي

لحساب علي عبدالله صالح

ودخلو اليمن الجنوبي واغتصبو ارضه واكلو كل اخضر ويابس فيه الئ ان اصبح اليمن فقير كلا من الشطرين

رفضو اهل الجنوب اليمني الاحتلال وحاولو فك الارتباط بكل مره يستشهد كم شهيد

هاجرنا اوروبا وتركت اليمن واهلنا هناك يتالمو منهم من مات قهر ومنهم من مات فقر وجوع

الوالد الله يذكره بالخير كان منصبه زوير وخالي وزيربعد الاحتلال علئ عبدالله صالح ارغمهم بان يتنحو كل جنوبي وزير منصبه

غيره علي عبدالله بوزير من اهله وصهوره وعشيته

اندلعت الحرب في1994 شفت بعيني الحرب وذقت مرارتها التلفزيون اليمني من عدن يبث الحقيقه والشمالي العكس

شفنا كيف دخل علينا بالقنابل والصواريخ والدبابات ضلم شعب الله يضلمه وشردنا لاجئين باوروبا وفي منهم بالخليج مهانين

الله يساعدهم ونرجعو لبلدهم دون الحاجه

اخواني باليمن جامعيين ما تحصلو علئ وضيفه حرمهم حتئ من ابسط الحقوق الماء والكهربا منقطعه بساعه وساعه

امس شفت المسلسل عن غزو الكويت واني بحب الكويت كثير تذكرت كيف عانينا بعد الكويت باربع سنين الله المعين

انشاء الله نرجع لوطنا سالمين غانمين بس الاهم يحكمنا حاكم عنده اخلاص

عبدربه منصور هادي هو سبب بدخول القوات الشماليه لوطننا برغم من انه جنوبي بس غرته الدنيا بمنصب يليق به وباع وطنه

بمال بخص وكان العون لعلي

والله انها دمعه عيني بمسلسل غزو الكويت كل شي حصل معكم حصل معنا

الحمد لله رب العالمين

زرت الكويت وشفت كم انتو تحبو حاكمكم لانه اعطاكم كل شي يحتاجه الانسان ما قصر معكم بشي يستاهل كل الحب دا منكم

اما نحنا ابسط حقوق الانسان ما وفرها لشعبه لا وضيفه لا ماء لا كهرباء وزاد الطين بله غلئ الاسعار وكل الشركات اليمنيه

باسمه واسم ابنه ثالث مليونير في العالم وشعبه ميت جوع


الله يعين كل الثورات العربيه وينصر شعب سوريا البطل ويحقق اهداف ثوراتنا العربيه كلها يارب

وسامحوني طولت عليكم منتضره الفجر يجي واكتب اللي بقلبي ههههههه

 

[طموح دائم]

انا اتعب حيل من هالموضوع وحاول قدر المستطاع مااتكلم فيه كان عمري 16 سنه وتعذبت نفسيا لدرجه مااحب اتكلم بس مع مسلسل ساهر الليل حركني شوي بدليل اني رديت علي موضوعج علي الرغم بوجود مواضيع سابقه الا اني كنت اتحاشي دخولها خليني جم يوم اجمع افكاري ورد للموضوع لاني اتعب

 

[لمن اكون]

صج انني م انولد بس وربي انني احس بحرق داخل قلبي
ليمهه بس امي تسولف عنهاا
مع احترامي للشعب العراقب ولگن لن تصبح مثل قبل
للان المسلم لا ينقرص من الجحر مرتين

.
.
مشگووره حيل وانا اكتب ودموعي تنزل وانا اقرا ردود البنات

 

[serina]

موضوعج يا على الجرح....
معني كنت صغيرة لكن صورة الغزو السوده لين حينها في بالي.... الخوف، أصوات المدافع، الدخان، غدر العراقيين، الفلسطن الخونة اللي خير الكويت ما ترس عينهم وكانوا يدلون المجرمين على مقاومتنا، الخبز والمعلبات اللي كنا نتشاركها مع ييرانا، مولد الكهربا اللي منه كنا نشغل كهربة البيت... البيت اللي ما كنا نطلع فيه فوق، الخوف واحنا صغار من كل واحد يطق بابنا لا يكون جندي عراقي مجرم، ولد عمي اللي أسروه هالعراقيين لكن الحمدلله رجع لنا سالم بعد التحرير بشهر وووو.....

لما أعلنوا تحرير الكويت كلنا طلعنا نهلل ونكبر ونبارك في فريجنا والفرجان اللي يمنا شايلين علمنا فخرنا وصور أبهاتنا بابا جابر وبابا سعد الله يرحمهم. كنا مستانسين رغم إن السما سوده ونهارنا أسود من دخان حرايج آبار النفط اللي حرقهم المقبور وزبانيته.لين الحين أتذكر إشلون المطر لما كان ينزل كان ينزل علينا أسود من الجو الملوث. الله لا يرجعها من أيام.
فرحتنا بالتحرير كانت ناقصة،، أسرانا اللي ما كنا ندري عنهم والحرايج اللي لوثت ديرتنا ومبانيها باللون الأسود، الألغام اللي كانت مدفونة في كل مكان اللي ادفنوها العراقيين قبل لا ينحاشون.

أقدر أقولج إنا فعلا بدينا نحس بطعم التحرير لما انطفا آخر بير نفط محترق في 6 نوفمبر 1991 وبدا العمران من يد ويديد في ديرتنا الغالية.

ولو إن الكويت ردت الحياة فيها بعد التحرير لكن قلوبنا كانت مع أسرانا اللي نطرنا أخبارهم متأملين وداعين الله إن يرجعهم لنا سالمين. رد عدد منهم بعد التحرير مثل ولد عمي اللي كتبت عنه قبل والباقين ردوا لنا رفات بعد حرب العراق عسى الله يرحمهم كلهم ويغمد أرواحهم الجنة.

وكل شي كوم يوم أطلقوا على هالغزو الإجرامي غزو صدامي قبل جم سنة، ما جنا عراقيين كانوا غازينا وطمعانين في ديرتنا وذبحوا عيالنا واهتكوا أعراضنا واهدموا بيوتنا وباقوا فلوسنا. عمرها ما صارت بالتاريخ أن الغزو ينسبونه لحاكم الديرة مو للديرة اللي شعبها كان يردد بكل وقاحة وإجرام... الكويت إلنا... رجع الفرع للأصل.

واللي يؤكد هالشي موقف صارلي قبل جم سنة وأنا في الغربة أدرس، كنت معزومة عند عرب عايشين هناك وإلا جان اتيي وحدة عراقية تحاججني إن الكويت جزء من العراق من أيام العثمانيين لكن احنا تمردنا واستقلينا عنهم!!!! زين ما دشيت في بلعومها لما عطيتها محاضرة زبدتها مو كل من هب ودب يعلمني تاريخ ديرتي اللي عمرها ما كانت تابعة لأحد. اللي يقهر أكثر إن اللي كانت تتكلم اهيا لاجئة عايشة في أوروبا ومنحاشة من صدامو المقبور اللي سفل في طائفتها في العراق ومع ذلك هم تردد حجيه بكل ثقة. إن دل هذا على شي يدل على إن شعبهم مسوين له غسيل مخ على مدى أجيال إن الكويت جزء من العراق فلحد يقولي غزو صدامي والعراقيين مالهم ذنب. اللي ماله ذنب ما يطبل على غدر الجار بجاره.



وعلى الرغم من هذا كله الغزو فادنا إن أثبت للعالم أجمع إشلون الشعب الكويتي إيد وحده وقت الشدايد وأهالي الخليج ذخرنا اللي ما قصروا معانا وفوق هذا كله عرفنا صديقنا من عدوونا (دول الضد) وتخلصنا من الفيران اللي كانت تاكل من خيرنا وانطردوا من ديرتنا شر طردة.


سامحيني طولت إشوية لكن الذكريات المؤلمة عمرها ما تنسي. ويوم 2 أغسطس يمر علينا ثقيل كل سنة.

 

[محبه الهآشمي]

انا اماراتيه ومن مواليد سنة الغزو نحيسه .. وابوي راح الكويت مع الجيش الاماراتي

الله ياخذهم ولا يحللهم ليوم الدين ... قلبي معاكم ووايد اتاثر لما اقرا عن الغزو واتابع فيديوهات ..

امي وايد تتكلم عن خير الكويت عالامارات ف بداياتها ووايد تحب الكويت وتوصف لنا الاوضاع كيف كانت ..
قالت حتى بالامارات كنا خايفين لان صدام كان بيضرب السعوديه والامارات لانهم وقفو مع الكويت

وعمتي تتذكر بنات الكويت الي يو درسو بالامارات ومنهم مريم جابر .. للحين تذكرها .. اتوقع عمرها 28 الحين ..


ايااام الله لا يعودها عليكم وربي يرحم شهدائكم .. ويصبر قلوبكم ..
معاكم محبه الهاشمي قلبااا وقالبااا ..

 

[ماري]

بصراحه ان ماذكر شي واجد عن الغزو لأني عايشته من بعيد تقريبا كان عمري سبع سنين بصراحه كنا نخاف من الغزو نفزع اذا سمعنا صوت صافرة انذار لانه كم صاروخ اسقطوه بالرياض واحتلو الخفجي وللحين اتذكر مطر ذيك الايام كان ينزل علينا اسود صارت جدران بيتنا مخططه باللون الاسود من اثر المطر طبعا اذكر العائله الكويتيه اللي ابوي قاسمهم بيتنا وكانت امهم تحكي لأمي ان الجنود يعذبون هم بالكهرباء وبالمويه الحاره بس كان فيه شي مونسني بالحرب ان الدراسه وقفوها

 

[newchlin]

كنت ياهل ما اذكر شي ... بس الي اعاني منه لي يومنا هذا تمنن بعض الناس علينا وشماتة بعض العرب وترحمهم على صدام واعتباره بطل

هشي وايد وايد مضايقني

 

[مـآلي شبيه~]

حسبي الله ونعم الوكيل ..~

 

[عادت ذكرياتي]

حسبي الله عليهم

ولد عمي كان أسير وقبل جم سنة يابوا الرفاة الله لا يوفقهم ولا يهنيهم ويشتت شملهم ياكريم يا قادر