~.. غشاء البكاره .. ووسوستي فيها .~

[بيلسسان]

السلام عليكم ورحمة الله ..
بنات انا على وجهه زواج "مملجه"

بس من يومين كنا مع بنات الدوام ونسولف بخصوص غشاء البكاره
وانا عليميه بالشي هذا
والحين قريت موضوع وحده تقول انها مجروح الغشاء عندها بسببة التهابات
اللي عرفته وفهمته
* الغشاء بعيد يعني بعد الرحم ب 2 سانتي
* في غشاء رقيق وفي غشاء سميك

ومن الكلام اللي قالوه يعني اللي اول ليله نزل منها دم شوي والا نزل منها دم وايد واللي مانزل الا بعد محاولتين والا اكثر
واللي تقول مانزل
ومرا قريت موضوع بالمنتدى عن وحده تقول انها سوت عمليه علشان الغشاء تفتحه
انا شوي اوسوس وافكر بالمستقبل
يعني اذا العروس بليلة عرسها صار اللي صار ومانزل منها دم ولا باليالي الباقيه مانزل منها دم
تتوقعون الريال يشك فيها.!
وهل لازم ينزل والا لا
بنات كلموني انا متخوفه من الشي هذا ومتخوفه من اشياء ثانيه
وكارهه الزواج ومتخوفه لدرجة ماتتصورون
يعني تجهيز ماجهرت ولما ادخل قسسم العروس ينغمت قلبي من المواضيع
لما اقرا احس اني ضايعه
اللي تهتم ببشرتها والا تفكر بالليزر واللي تعتني بشعرها واللي تحوس بالمشاغل واللي تفكر باي صالون تحط اول ليله واللي تسال عن المصوره
انا مافكرت بالاشياء هذي
لدرجة اهلي يقولون لي انتي عروس المفروض تعتنين بنفسج
وانا عمك اصممممخ مافكر بولا شي
بس قاعده واكل بنفسي وافكر بالمستقبل
افكر باول ليله .. افكر بالريال خارجيا زين وجدام الناس زين بس بيني وبينه بيكون زين او لا ,, افكر بعد شهر ,,
بنات بالعربي على عمري واني ناضجه وعقلي وتفكيري تفكير وحده عاقل الا اني احس نفسي مو مال زواج
اليوم عمي شاف ريلي ,, يقولي شفته وسلمت عليه ومادري شنو
انا اقوله عمي تكفا غير الموضوع ولاتكدر خاطري
"للعلم انا ماكلمه"
بنات انا متششتته حدي
انتم مثلي قبل الززواج والا لا
تخيلو بنات قبل اموت بالسوووق الحين اكره واتعاجز اروح والسبه التجهيز ,, واذا قالت امي حلو البدله هذي اشتريها لعرسج اقولها موقته لما يحددون افكر اشتري

بنت خالتي مملجه وعرسها محدد تقولي اروح واخذ فكره بالاماكن اللي تروح لها اقولها مابي

اسفه هذرت عليكم
وموضوعي ملخبط وحوسه بس مشوها علي
:eh_s(17):

 

[بيلسسان]

كح كح كح
توهم يحطون موضوعي


يالله بلشوووو ردود :$

 

[أم الفناتك]

ترا هالايام احلا ايام عمرج لا تضيعينها بوساوس عيشي حياتج واللي الله كاتبه بصير واذا خايفه منه اقولج الطيبون للطيبات وانتي توكلي على الله ومن توكل على الله فهو حسبه واذا على الغشاء بتظحكين على نفسج عقب ومو شرط ينزل دم ومدليل العذريه الدم هاذي سوالف اول الحين حتى الرياييل متثقفين بهالسوالف وبأنواع الاغشيه والله يوفقج

 

[رنيم الروح]

حبيبتي لا توسوسين وكل بنت تختلف عن الثانيه وغشاء البكاره داخل المهبل على بعد 2سم الى 3سم واهو انواع ومنها النوع المرن الي ماينزل دم مع الوحده وفيه الي ماينقض الا بدكتوره بس حبيبتي هذولي حالات نااادره جدامو كثير -وبالنسبه للسماكه اهو غشاء رقيق جدا وينقض بسهوله بس كل ماتقدمت الوحده بالسن زاد السماكه يعني الي بالاربعين وماتزوجوا السماكه عندهم في الغشاء كبيره مو مثلنا
وبالنسبه السالفة الدم ترا لا تتخيلين انه الوحده تنزف ودم واضح لا حبيبتي الطبيعي يكون علامات بسيطه ويادوب تنشاف ولا تخافين حبيبتي الجيل الحين مفتح بالبن وعارفين كل شي واذا بغيتي تعرفين اكثر كلميني على الخاص

 

[فدوووو]

يوووه لاتخافين ولاتوسوسين ابداا

انا مافكرت بهالامور وخليتها على الله والحمد لله ماصار الا كل خيير

 

[الجوهرا]

الله يوفقج يارب ويتمم عليج

 

[ترف بابا]

تصدقين انا قبل ما انخطب كنت اوسوس هالوساوس بس سبحان الله يوم ربي جاب النصيب

انشغلت بالتجهيز ما دري شلووون فعلا ما طري علي بالي ايييي شي حتى هو بنفسه ماتخيلته حيل لان اكدو لي انه مملوح هههه

وانتي ركزي الحين جهزي نفسج واغراض ج وخلي هالمفاجات بعدين طبقي نصيحتي وبتشوفين *

 

[انوثتي غير وياك]

الله يوفقج ويتمم عليج

 

[afra]

مالها داعي هالوسوسة تنكدين على نفسج ليش الله يعديها ذيك الليلة وتذكريها وتضحكين

 

[Patcholli]

ماتوقع ان ماينزل دم بس في بنات ينزل منهم وايد وفي بنات شوي وفي بنات ينزل منهم زردي شفاف مايبين من جذي يقولون مانزل دم .. لان بالاساس اهو عباره عن جرح يصير شي مصكر ويتبطل اشلون مايطلع دم ؟؟

 

[&&&&&&&&]

اتركي الوساوس اللي براسك دامك واثقه انك مو مسويه غلط

استعيذي بالله من الشيطان

استغفري ربك كثير

ودي وتقديري ​

 

[رنيم الروح]

ماتوقع ان ماينزل دم بس في بنات ينزل منهم وايد وفي بنات شوي وفي بنات ينزل منهم زردي شفاف مايبين من جذي يقولون مانزل دم .. لان بالاساس اهو عباره عن جرح يصير شي مصكر ويتبطل اشلون مايطلع دم ؟؟

مايطلع دم كثير الا مع الوحده الي متوتره ومشدوده عندها عضلات المهبل تنشد معاها الشعيرات الدمويه ويسبب نزيف او نزول دم بكثره لكن الطبيعي يكون علامات بسيطه او نقاط لانه غشاء البكاره مايتصل فيه اعصاب ولا اوعيه دمويه اهي مجرد شعيرات بسيطه وقليله جدا

 

[عسل مرت قيمر]

البنات ماقصرو هلاشياء كلها انتي قاعده تخلينها وتسمحينلها تخرب عليج


لا تفكرين


لهي نفسج مثل باقي البنات

 

[فديت من سماني]

لا توسوسين اكثر وحده وسوست فيه انا بشكل مو صاحي

انا اسبوع ينزل مني دم سبحان الله هو على حسب نوع الغشاء

 

[برنسيسة2007]

حبيبتي اخذيها مني والله بعد ماتتزوجين تقولين انا خبله اللي موسوسه في غشاء البكاره
غشاءالبكاره انواع فيه نوع ماينزل منها دم وهو المطاطي لكن الزوج مايشك بزوجته لان هالنوع صعب حيييييل يعني زوجها يطوول على ما٠٠٠٠
لذلك لاتحاتين اصلا اللي جذي زوجها يحاتي متى يخلص

ومن ناحية تحاتين زوجج. زين او لا
حبيبتي حتى لو كان مو زين الدعاء يرد القضاء قومي الليل وادعي الله وفيالنهار انبسطي وتمشي وجهزي واعتني بنفسج
هذي احلى ايام عمرج لااااااتظيعينها بخرابيط
وبنات الدوام لاتسمعين خرابيطهم ترا خرابيط مالها من الصحه ولا واحد بالميه

 

[خفايا البحر]

البنات ماقصرو


موشرط ينزل دم

 

[لمى الهاجري]

لا تخافين ولاشي واصلا كل وحدة تختلف عن الثانية بغشاء البكارة في بعضهم ينزل دم وردي خفيف وايد ومايبان ومافيها شي لا يخوفونج ولاشي اهتمي بنفسج وفكري شلون يطلع العرس حلو واستغفري عقب كل صلاة 200 مرة

 

[om_3azoz]

حبيبتي لاتوسوسين كل وحده تختلف عن الثانيه

 

[L A T T E]

حطي ببالج ان الرياييل يعرفون اكثر من المرا بهالمواضيع ب100 مرة !

فلا تخافين ابدا..

انا في من رفيجاتي ماطلع معاهم دم شكثر ورياييلهم ماشكوا ولا شي.. وفي بنات طلع من ثاني او ثالث مرة وعادي.. وانا طلع معاي دم متواصل من اليوم الاول لي اليوم الثاني بس مو نزيف..

لا تحاتين وتعوذي من ابليس لان ليلة الدخلة شي على الريال مو على المرا.. لان اهوا يسوي كل شي وانتي مالج شغل.

والتوافيج من الله لاتحاتين حبيبتي

 

[بدوية بملامح كشميرية 86]

هههههههههههههه

ذكرتيني بنفسي

مت من الخووف

ماعليج سهالات

توكلي علي ربج والله يسعدج