~.. غشاء البكاره .. ووسوستي فيها .~

[بطوووطة$بيضة]

وييييييييه

اختي اتقول ريلي مادرى عني نزل دم ولا لا خلص شغله ونام

وريلها كان دارس ابامريكا يعني مو عليمي ولا على نياته

وبنت عمي نفس الشي ريلها خلص يبي ينام اهيا اللي ورته غصب


شخباري هالحركات

 

[al-musk]

وكلي امرج لربج وريحي راسج من صجج معيشه نفسج بدوامة

 

[انسانه بلا حدود]

والله نفس تفكيري واخاف كثير
من هالنقطه
الناس تسولف بالتجهيز
وانا اقول ما ابي شي بس ابي
ذيك الليله تعدي
مع اني قبل ما انخطب مافكرت بهالشي
مدري وش فيني قمت اوسوس

 

[pusy cat]

تعوذي من ابليس واتركي عنج هالوسواس البكاره لا تحاتينها والحين هالجيل مثقف بالجنس يعرفون ان مولازم يطلع دم واجد وفي اغشيه مطاطيه ماتنفض بسهوله والخ من هالمعلومات

وبالنسبه للتجهيز ترى في بنات يبالغون ويخبون نفسهم وبالاخير الرجال مو فارقه معاه ولا راح ينتبه انها سوت تنظيف بشره والا حمام مغربي والا غيره

اهم شي رطبي بشرتج كل يوم انشالله لو بفازلين واهتمي بشعرج بالزيوت واهتمي بغذائج واكلي مكملات غذائيه لان الجمال يبتدي من الداخل

قبل العرس بيوم استعملي الشيره ويوم العرس تنظفي وروحي الصالون والبسي وتعطري وبس كان الله غفور رحيم

اقري سورة البقره قبل عرسج واقري اذكار الصباح والمساء وبس

 

[خالتي قموش]

سهالات ان شاء الله
ما عليج الا العافيه
لا تبوق لا تخاف

 

[القمـر]

الله يوفقج يارب ولا تحاتين

 

[نرجسيه 3]

يا قلبي عن تجربه انا يوم تزوجت مانزل مني دم بس حاجه ورديه والحمدلله زوجي فاهم وقال لي تراا مو شرط ينزل منك دم

ربي يوفقك وييسر امرك

 

[كت كااات]

لااااا تخافين ما فيه الا العافيه

 

[عايشه بدونه]

حالنا واحدددد هذا انا موسوسه ورعب وكل بنت لازم كذا
صديقتي قبل لاتتزوج وسوست وراحت عليها فرحه زواجها تخيلي كانت كل يوم تفحص
وكانت ماتغسل وماتخلص حاجاتها الا امها معاها من قد الخوووف وسوست ومرضت حتي بيوم زواجها راحت تفحص والدكتوره بكت علا حالها
وسبحان الله زوجها ماقدر يخلص الا بعد اسبوووع مو بسهوله تمزق الغشا وندمت علا وسوستها
الله يوفقنا اجمممعين انسي الموضوع وتوكلي علا ربنا ,,

 

[بيلسسان]

انا ماوسوست من عبط
والله عادي عندي .. لاني انا طبيعيه ومافيني شي
بس المشكله لما سولفو البنات
قامت خيالي الواااااسع يبحـــــــــــــــــــــــــــر
فكرت اذا مانزل بيشك فيني
ومو حلوه بحقي اروح الطبيب اثبت له


يالله دامها بتعدي على خير
بشيل السالفه من مخي


جزاااااااااااااااااااكم الله خير
وعسى رياجيلكم مايشوفون غيركم
وعسى ايامكم افراح بافراح ان شاء الله

 

[Le chat]

ويييه كلنا جذي نفكر ومحاتات واول يوم عوار بطن وخرعه هذا وانا مكلمته بالملجه بس الخوف طبيعي شغلي نفسج بالتجهيز واي انا ماكنت ارد البيت من الظهر اروح السوق ايام حلللللوه لا تضيعينها الله يوفقج ويسعدج دنيا واخره ويطلع ريلج فارس احلامج واحسن من ما انتي متوقعه ويرزقج الذريه الصالحه المتعافيه الباره فيج وفيه اللهم امين

 

[Senora]

لا تفكرين وايد وتحاتين..... واستمتعي باهالفترة مثل ما قالوا البنات ... واتكلي على الله

 

[ماركة انثى‘]

سهالات انشالله حبوبةة

 

[AL-7Oo0b]

لا ان شاء الله سهالات خخخخخخخخخ

اسكت نفسي لاني نفسج فيني خوف بس احاول اشغل وقتي بالتجهيز

 

[الزيـــــ^^ـــــن]

تعووذي من الشيطااان .. انتي مفرووص تفكرين بتجهيزج وكشختج للعرس ..
مووشرط ينزل دم .. وحتى زوجي قالي هالسالفه .. واغلب شبابنا مثقفين ويعرفوون لاتحاتين..
وادعي من ربج التوفييق .. والله يسعدج يارب ويهنيج ..

 

[تفاصيل الغرابه]

اب اب

 

[انثى عاشقة]

كل هالخرابيط والوساوس من هذرة البنات الزايدة
والله والله الشغلة سهلة ومايبي لها كل هذا الخوف والمحاتاة !!!
جداتنا تزوجو وامهاتنا ولا كانو يفكرون بهالشي
وامورهم من ابدع ما يكون
بس بنات هاليومين يحبون يتكلمون بكل شي
ع ابو انه ثقافة وعلم
انتي ارمي كل الكلام ورا ظهرك
وراح تشوفين ان احنا المتزوجات المجربات
كان معانا حق بكلامنا
الموضوع بسيط وسهل وعادي
هالايام حلوة لاتضيعينها بالوساوس
الله يكتب لك الخير ويتمم لك امورك
​

 

[kwait doll]

والله ولا على بالي شحلات السوق والشوبينق بس هههههههه


ريلاااااكس حبيبتي وشيلي الوساوس من راسج

 

[دلوعة أبوهآ]

مآعندي علم بهالامور ..

بس آلله يتمم لك ع خير

 

[عسل سل]

السلام عليكم ورحمة الله ..
بنات انا على وجهه زواج "مملجه"

بس من يومين كنا مع بنات الدوام ونسولف بخصوص غشاء البكاره
وانا عليميه بالشي هذا
والحين قريت موضوع وحده تقول انها مجروح الغشاء عندها بسببة التهابات
اللي عرفته وفهمته
* الغشاء بعيد يعني بعد الرحم ب 2 سانتي
* في غشاء رقيق وفي غشاء سميك

ومن الكلام اللي قالوه يعني اللي اول ليله نزل منها دم شوي والا نزل منها دم وايد واللي مانزل الا بعد محاولتين والا اكثر
واللي تقول مانزل
ومرا قريت موضوع بالمنتدى عن وحده تقول انها سوت عمليه علشان الغشاء تفتحه
انا شوي اوسوس وافكر بالمستقبل
يعني اذا العروس بليلة عرسها صار اللي صار ومانزل منها دم ولا باليالي الباقيه مانزل منها دم
تتوقعون الريال يشك فيها.!
وهل لازم ينزل والا لا
بنات كلموني انا متخوفه من الشي هذا ومتخوفه من اشياء ثانيه
وكارهه الزواج ومتخوفه لدرجة ماتتصورون
يعني تجهيز ماجهرت ولما ادخل قسسم العروس ينغمت قلبي من المواضيع
لما اقرا احس اني ضايعه
اللي تهتم ببشرتها والا تفكر بالليزر واللي تعتني بشعرها واللي تحوس بالمشاغل واللي تفكر باي صالون تحط اول ليله واللي تسال عن المصوره
انا مافكرت بالاشياء هذي
لدرجة اهلي يقولون لي انتي عروس المفروض تعتنين بنفسج
وانا عمك اصممممخ مافكر بولا شي
بس قاعده واكل بنفسي وافكر بالمستقبل
افكر باول ليله .. افكر بالريال خارجيا زين وجدام الناس زين بس بيني وبينه بيكون زين او لا ,, افكر بعد شهر ,,
بنات بالعربي على عمري واني ناضجه وعقلي وتفكيري تفكير وحده عاقل الا اني احس نفسي مو مال زواج
اليوم عمي شاف ريلي ,, يقولي شفته وسلمت عليه ومادري شنو
انا اقوله عمي تكفا غير الموضوع ولاتكدر خاطري
"للعلم انا ماكلمه"
بنات انا متششتته حدي
انتم مثلي قبل الززواج والا لا
تخيلو بنات قبل اموت بالسوووق الحين اكره واتعاجز اروح والسبه التجهيز ,, واذا قالت امي حلو البدله هذي اشتريها لعرسج اقولها موقته لما يحددون افكر اشتري

بنت خالتي مملجه وعرسها محدد تقولي اروح واخذ فكره بالاماكن اللي تروح لها اقولها مابي

اسفه هذرت عليكم
وموضوعي ملخبط وحوسه بس مشوها علي
:eh_s(17):

لييييش ليش كل هذا؟؟؟؟؟؟
ابليس سيطر على تفكيرج:eh_s(4):
بدال ماتعيشين احلى ايااامج وتجهيزززز
وانتي مهمله نفسج وتفكيرج سلبي هذا كله من ابليس تعوذي منه
ولاتخافييين مادام انه خوش رجال
يعني لي صرتو بمكان بروحكم مارااح يذبحج يعني:eh_s(22):
والعمليه ترى بسيطه :eh_s(7):لاتشيلين هم
بس والله حرام الي قاعده تاكلين بنفسج جذي ومتوتره شي طبيعي بس مو لهدرججججه لايصيررر اوفرررر:eh_s(7):
وترى هذا تفكيررر كل البناااات لاتحاتين شي طبيعي يا قلبي هدي بالج وغيري طريقة تفكيرج لاتوسوسين حتى لو ماطلع دم هذا مو معناته انج......
وعادي حياتي يختلف هالشي
وطلعي نفسج من الجو الي انتي فيه اذا ما استانستي الحين متى تستانسين
خلاص تبادلين؟<ودها تتزوج لووول:eh_s(11):