:: غصه بقلبي ووايد تبجيني لي اسبوع مكتئبه :: دعواتكم

[آهات الليل]

ياقلبي انتي دموعج غاليه علينا وبكل صراحه مالومج
انتي استخيري ربج بالولاده الطبيعيه وراجعي دكتوره بهالخصوص خل تشرحلج وتساعدج بالولاده الطبيعيه
وانتي عليج بالشهر ال9 نفس اللي ذكرتيه والجماع والمشي والحركه واكلي تمر وامشي على تراب البحر واكلي اناناس طبيعي وشربي عصير اناناس طبيعي وفي ناس تمدح الخروع
انا ماجربته والله يعطيج على قد نيتج يارب

 

[ام ساره 4]

حبيبتي أم عفاف الكويت إشلونج الحين واشلون النفسيه إن شاء الله أحسن طمنينا عليج يا قلبي

 

[متيمه بهواه]

مممممممممممممم

فيه ناس مهولين الطبيعي بقوووه مدري ليش ...!!

شوفيني حبيبتي ام عفاف انا حاسه فيج وحاسه بتجربتك المريره بالقيصري وودج تجربين الشق الثاني من الولاده او نوع ثاني بدل القيصري
بدل هالاوجاع والعمليه وغيره وغيره

ما اقول لج الطبيعي ارحم الولاده كلها تعب في تعب
بس ربي رايد لج كذا ولا تجازفين بنفسج وبجنينج

انتي توكلي على الله واستخيري وسوي الي تقدرين عليه
بس إذا ربي رايد لج قيصري مانقدر نقول لالا

حاولي تريحين نفسج ولا تتضايق
ترى كله يأثر عليج وعلى الجنين

ووكلي ربج للي عينه ماتنام

وينولج مرادج

بس من دون مخاطره بلي ببطنج

وماعليج شر حبوبه

 

[ام عفاف الكويت]

جزاكم الله خير

اليوم كان موعدي ورحت وبجيت شوي عند الدكتوره

قالت انا ماراح الف وادور معاج

راح اقولج امور المفروض ماقول لها عشان ماتخافين

تقول انتي قيصريتين يعني الرحم صار جدا خفيف

فلما ايلج الطلق الرحم يتحرك ويتحفز وراح يتبطلون العمليات بنسبه 70 بالميه

حزتها لج خيارات مو حلوه

تفقدين الجنين اللى نطرتيه 9 اشهر بسبب انفصال المشيمه وتمزق الرحم
وراح تفقدين الرحم وانتي عمرج توج اخر 20 يعني العمر جدامج طويل
وتقول انتي نفسيا بتصيرين عند الريل مو شي عمليه من فوق وتحت مو حلو

تقول والشي اللى احنا متوقعينه انه انتي راح ننقل لج جيسين دم
لاني حاله ثلاسيميا يسموني وبكل اعيالي يوم عمليتي انقل
فتقول ليش تخلين طبيعي ويمكن نزيف ولما ننقل لج الدم تكونين بدال الجيسين 4 اجياس

وتقول انتي حاليا عندج مشاكل بالدم ومشاكل صحيه من الالام بسبب نقص فيتامين د

فتقول اصلن انا اقترح عليج اولدي بالحكومه والله احسن

الحين كلامها وكلامكم اقنعني

خفت بكل صراحه افقد شي نطرته 9 اشهر وافقد اعز ماتملكه المراه للحمل وهو الرحم
ويمكن افقد روحي بسبب النزيف

فبتوكل على الله واولد قيصريه

وعلى قولتها على بالج الجنه سهل دخولها للام

لازم تشوف المراره وبعدين تدخل

الحمدلله على كل حال

الحمدلله على كل حال

الحمدلله على كل حال

جزاكم الله خير

والله يرزق الكل راحه البال واللي في بالهم

 

[رتو الكيوت]

لاجيتي تدسين غرفه العمليات تذكري ماجده الي برويال حياه وشلون تلعوز بالطبيعي وتخيلي بتولدين عندها بتقررين غمليه بروحج بدون ظغوط !

فهمتي علي اكتبلج وانا اركض بطلع هه

يعني الطبيعي فيه ضرر للبيبي خله جتف وهالسوالف وخياطه من تحت تلعوز


وبعدين ماكو احلا من بنج نووووووووووووووووووومه وحده !

بعدها تقومين تلقين بطنج فاضي

 

[ام عفاف الكويت]

رتووووو

ماعرفها الدكتوره كلش

والله يعين دام هذي سوالفها تخليج تشوفين الموت تالي تقولج عمليه

يابوووي ذكرتني ببهواني

 

[نوور]

الله يهون ويسهل عليج وتولدين بصحه وعافيه

 

[ام كوثر2007]

ام عفاف ما ااقوول الا عسى ربي يقومج بالسلامه انتي والبيبي ان شاءالله ..

 

[كتالونيه]

الله كريم تعوذي من الشيطان

 

[ام عفاف الكويت]

الله كريم

 

[غلاتي 123]

دكتور محسن طلبه
بمستشفى الامومه سمعت انه اذا حالتج تسمح
يحاول قد مايقدر يولدج طبيعي بعد عمليتين

انا قالتلي رفيجتي انه وحده من اهلها ولّدها
طبيعي بعد عمليتين

يااخت ام عفاف احمدي ربج ع النعمه
سواء عمليه او طبيعي المهم عندج ذريه
الله يصلحها

ويكتب لج اللي فيه الخير

 

[ام عفاف الكويت]

اي والله
الحمدلله على كل حال
الحمدلله على كل حال
:eh_s(2):

 

[Daleela]

انا ولدت قيصري واقول حق اهلي ما حسيت باللحظه هذي اللي يحطون البيبي بحظني

صج يحز بالخاطر

وحبيبتي هذا االلي الله كاتبه لا تلعبين بنفسج

 

[ميشووو]

الله يهون عليج وعلينا يارب


مافي شي بعيد عن رب العالمين >> حماتي والده قيصري والثاني كلت شهرها وبالعاشر ولدت طبيعي


ادعي والله يمسح علي قلبج

 

[مظلومه ياناس]

والله يا ام عفاف انا والده قيصريتين وهذي ان شاءالله الثالثه وبيني وبينج مافكرت اني اولد طبيعي او قيصريه ،،،، كل اللي ماخذ تفكيري هي سلامة البيبي وسلامتي ،،،، واذا على اللحظات اللي بتطوفج بالولاده الطبيعيه ياما ناس ولدت طبيعي ومن يطلع راس البيبي تلقينها داخت وراحت بساااااااابع نومه وحتى عقب الولاده الطبيعيه والتعب مالها خلق حتى تشيل البيبي مافيها حيل خنت حيلي
حمدي ربج وادعي ربج ان الله يسهل الامور وتقومين بالسلامه انتي واللي في بطنج

 

[أعشقه]

والله في كل الحالتين الم ومرار وتعب .. بس اكيد الولاده الطبيعيه اهووون من القيصريه
مع اني اعرف ناس يرحون وهم الي يطلبون العمليه مايبون يحسون بالم الطلق للولاده
وبعضهم صج مايتحملون الالم ..
انا عن نفسي احمد الله الف مره اني اول مره ولدت طبيعي بس من الالم شفت الموووت
والحين ماباقي شي ع الولاده ومرتعبه وخايفه شلون بولد وبذوق الالم نفسه ..
بس مانقول الا الحمد لله ع كل شي اهم شي نقوم بالسلامه والي نجيبه كامل الخلق والخلقه
وسعي صدرك وماتدرين ربك وش كاتب لك ..
مانقول الا الحمد لله ع كل شي

 

[ام عبدودي]

الله يعافيج يارب

 

[جنى q8]

خليها على رب العالمين سبحانه وماراح يصير الا كل خير

ماتدرين شنو اللي كاتبه ربي حبيبي

امر الله كله خير
الله يسهل عليج كل عسير

 

[~{.. روج احمر]

عن أبي يحيى صهيب بن سنانٍ رضي الله عنه قال: قال رسول الله صلى الله عليه وسلم: "عجباً لأمر المؤمن إن أمره كله له خيرٌ، وليس ذلك لأحدٍ إلا للمؤمن: إن أصابته سراء شكر فكان خيراً له، وإن أصابته ضراء صبر فكان خيراً له".


الحمد الله علي كل حال ..... اهم شي الصحه وتعب 9 شهور مايروح
ويجي البيبي بصحه وسلامه

 

[AVE.NJ]

انه ماادري ليش الناس تخاف من القيصري
والله السهالات من الله
انه كنت وايد ادعي ربي السهاله بس
وولدت قيصري كلش ماحسيت
بس اول يوم بس مو التعب اللي تصورونه
والكحه والعطسه والضحك
حتى اللي والده طبيعي يتعبها نفس الشي
تعوذي من ابليس انشالله تقومين بالسلامه وتفرحين بالبيبي
انه حاسه فيج لانج الهرمونات تلعب فيج وتحسين بكابه
بس ربي العالمين رحيم