غياب قبل وبعد العطلة .... شنو هذا التسيب ؟

[حلم الطفولة]

والله المفروض يبلغون الطلبة من قبل الاجازة ان الدوام يرجع بعد الاجازة مباشرة وشرح المنهج يستمر لو على طالبين اثنين و مستحيل ينعاد الشرح مرة ثانية جذي غصب يداومون ... بالخاص مو جذيه انا ولدي الحمدلله ماغاب وكل شي طبيعي والدوام ملتزمين فيه زز و قولون ليش اندخل عيالنا بالخاص هذي وحدة من الاسباب

هذا كلام سليم .. أتمنى يطبق .

 

[كويتية صغيرة]

يعطيكم العافية اخواتى اللي شاركوا
ولو انى توقعت مشاركات اكثر
:tek:

لكن الظاهر بعض الأخوات لايعجبهم كلامي
المفروض الحرص على التعليم الالتزام ينبع من داخل الإنسان
على ايامنا ماكان في جرأة و تمرد واتفاق على الغياب بهالطريقة

امهاتنا علمونا على الالتزام
يليت نعلم عيالنا نفس اللي علمونا امهاتنا

لان هذا جيل قادم
كل شي قاعد تزرعينه فيه حتى عدم الإلتزام بالقانون
باجر اذا كبر و توظف يتعلم ان كل شي على كيفه

 

[هدولى]

اذا الابلات نفسهم عارفين مافى شى و قايلين لولدى غيبو اوديه ليش ؟؟ حق طقنى واطقك وفعلا مافى احد مداوم ومدرسه بنتى وديتها مافى حضور كل مرحله مجمعينها بصف واحد وكله احتياط .

 

[ام دودو المزيونه]

اختي تبين الصراحه انا ما الوم الطلبه لغابوا لأسباب وايد اهمها المنهج المتردي والي كل سنه يترده وسواء حضر الطالب او لا مو فاهمين شيئ اختي انا اداريه بالمدرسه وبنتي بالصف الثاني ابتدائي اذا انا بالبيت الي ادرس واحفظ واشرح لها المنهج لأن حضرت المدرسه الفاضله تركض بالمنهج ولا همها الطالب فهم والا لا واذا كلمتيها تقولج من التوجيه والمناهج التحفه الي صايره لف ودوران وكل ام عندها اعيال بالأبتدائي فاهمه قصدي سواء بالرياضيات او العلوم ( منهج تعبان )مأخوذ من لبنان ومطبقينا علي اعيالنا الزبده راحت بنتي والا اقعدت بهالثلاث ايام وماراح يضيع عليها شيئ
تدرين ليش لأن انا امها الي راح اشرح لها التربيه الأسلاميه والعلوم والرياضيات والعربي وافهمها الجمع والمفرد وضد الكلمه ( صرت مدرسه بالبيت ) ابصراحه احسن لها من لما تييب الكتاب وكله نجوم وممتازه واحسنتي ولسألتها ماما حلي المسأله تنحت البنت وتقول الأبله تحل واحنا ننقل من السبوره
واذا علي الخاص فمما ادراك ما الخاص ( بنتي كانت بالخاص ولظروف طلعتها للحكومه عقب ما تأسست عدل عندهم كانت تبجي لغابت يوم ) فرق شاسع بين اسلوب التعامل من قبل المدرس مع الطالب وترغيب الطالب بالدراسه واهتمام بكل النواحي بالبيئه التدريسيه و فرق بين مُدرسه تسب الطالبات وتحذف اي شيئ بأيدهم علي الأرض لأن طفله بالصف الأول الأبتدائي مو منتبه مع المدرسه الي تبي تخلص المنهج وبين مدرسه تطلع من الصف تلعن الطالبات بالصف الثاني الأبتدائي لأن عشتو فشلوها من الموجه وما حطت ابالها انهم يهال مخترعين من انسان غريب داخل الصف مع الناظره ( والله العظيم انها العنتهم جدامنا ) حضرت المدرسه الفاضله
وبالأخير تلومين الأهل لملوا من المدرسه وكرهوها قبل اعيالهم وما صدقوا يعطلون اعيالهم انا اول وحده مليت من كل شيئ بالمدارس الحكوميه ومن المدرسات ( قله منهم تدرس بذمه وبضمير ) والبقيه مع احترامي لج محتاجين مشخال يشخلهم من التربيه الي اساساً تعبانه
المدرس محتاج مدرس يعلمه الأخلاق واسلوب التعامل مع الطلبه المدرس محتاج مدرس يعلمه احترام عقليه الطفل الي جدامه المدرس محتاج مدرس يعلمه ما يدفن راسه بالقاع لأنه خايف من التوجيه ويعلمه اشلون يواجه وهو يدري بتفاهت المنهج الي يدرسه
المدرس محتاج مدرس يعلمه بسكم مطالبه بكارد ورفعوا رواتبنا واحنا مظلومين واهتم بالطالب كثر اهتمامكم براتبكم اذا المدرسين اهم الي يقولون للطالب غيب لاتداوم باجر
لاتلومين بس الأهل حتي وزارة التربيه محتاج تربيه

 

[بنت الفقيد]

حبيت اشارك بالموضوع مع اني ما عندي عيال
وانا من الناس اللي ملتزمه حيييييييييييييييل بشكل ماتتصورين
وامي الله يرحمها ربتني على الالتزام وعودتني ما اغيب كلش سواء تعبانه ولاباي ظرف وفعلا تعودت على هالشي
بس عن غياب الطلبه بهالوقت مافيها اي مشكله اذا العطله قصيره والناس مامداهم يستانسون ما يمنع الغياب
السنه جدامهم واظن يومين ماتاثرشدعوه حاسدتهم على هاليومين
اقول بس خل يستانسون ياما وياما التزمنا وبالنهايه شنو (؟؟؟؟؟؟) ولا شي

 

[shai5at al3arab]

اييييي حددددد التسيب ..

لا والمشكلة الكورس بادي متأخر عشان افلونزا الخنازير .. وكل ما يداومون شوي طلعت عطلة ..

يعني انا خابرة يوم واحد يشبكونه بالعطلة مو 3 ايام وااايد ..

والموظفين نفس الحالة مرضيات وعرضيات وغياب واستئذانات ... ما ادري ساعات احس محد يتحمل المسؤولية ..

 

[ReeMaN]

المفروض يعطونهم امتحانات صجيه قبل العطله وعقب العطله :>

 

[نادره في وجودها]

خلوهم يغيبون ويستانسون شدعوه غايبين سنه كلها عطله صغيره
وحارمينهم ما قول غير الله يعين عيالكم عليكم مع المعاناة اللى شايفنيها منكم والله لو تقوليلا تبي تغيب شوفي الفرحه اللي بعيونه وقلبا بس ظالمينهم واعذريني ع تعليقي

 

[78MariMar78]

انا معاج اختي كويتيه

ربي يوفق عيالنا جميعا

 

[حلم الطفولة]

تدرون ياخواتي الغاليات !! .. هذا النقاش الحلو يدور بطريقه غير مباشره حول سؤال : ليش الناس تودي عيالها مدارس خاصه !

آنا لقيت الأجوبه بين السطور في هذا الموضوع .. الله يعين الكل.

 

[shjoon]

المدرسات خلصوا ثلاثة ارباع الممنهج بشهر ماشاالله هابة ريح

المهم يخلصونه بسرعه بسرعه المدرسه موفاهمه المنهج ولاعيالنا

بس عسى يعطون درجااات ويعوظون اليهال عن الظلم الواقع عليهم من المناهج

 

[كويتية صغيرة]

والله خواتى
كانت شغلة حزت في نفسي
الطالب اهو من نفسه غايب و بإرادته
خصوصا بعد طلبة الثانوي اللي اتفقوا بمسجات انهم مايداومون

دائما الإنسان يبحث عن شماعة يعلق عليها اي تقصير
الإنسان ينظر لنفسه قبل غيره
قال تعالى فيما معناه (اخاف اخطىء بالآية)...أن الله لايغير اي شيء بقوم حتى يغيروا ما بأنفسهم أولا

بس للأخت اللي قالت الله يعين عيالنا علينا على طريقة تفكيرنا ....

والله احنا اختى الحمدلله بالنسبة لي الحياة نظام والتزام و مسئولية .... وقت اللعب لعب ووناسة و ترفيه ... ووقت الجد جد

ترى حتى انا رحت الشاليه بالعطلة ووديت عيالي و استانسنا و الحمدلله و رحنا كل مكان
بس وقت الدراسة خلاص بدأ الجد والعطلة انتهت ولازم الأم تكون حازمة
أكيد كل طفل اذا راح تمشين على هواه ماله خلق يرجع يقعد من النوم من الصبح عقب عطلة

وانا لازلت على رأيي

لو كل ام حرصت انها تودي عيالها ... راح يكون في شرح اكيد للدروس
و الإنسان ينظر لنفسه أولا قبل لا يلقي اللوم على غيره
بس احنا في زمن صار الغلط صح و الصح غلط


أخيرا أخواتى ....
كل ام و حرصها و أرجو أن أنهي الموضوع عند هذه النقطة
مع احترامي للكل
لم ارغب ان اضايقكم بكلامي .... اهي شغلة و حزت بنفسي في النهاية كل شخص حر في رأيه

و السموحة منكم
والله يوفق عيالنا و عيالكم جميعا

 

[Miss_Tiger79]

صاجه والله بكلامج

انا الي قاعده اشوفه ان مافي هيبه للدراسه والتعليم وقوانين التربيه مثل قبل
والله احنا قبل لا يمكن نفكر نغيب قبل العطله او عقبها
والي قاعد يصير الحين اكبر غلط

انا خواني بالثنويه راحو الثلاثه وردو الساعه 9
وقالولهم لا تييون داومو الاحد لانه مافي احد الا شويه

 

[Miss_Tiger79]

تدرون ياخواتي الغاليات !! .. هذا النقاش الحلو يدور بطريقه غير مباشره حول سؤال : ليش الناس تودي عيالها مدارس خاصه !

آنا لقيت الأجوبه بين السطور في هذا الموضوع .. الله يعين الكل.

تصدقين ...
نفس الي فكرت فيه بالضبط
:0bee2e8d89:

 

[وردة-الكويت]

كلها يومين بس سويتي منها موضوع مايسوى اذا المدرسات يردونهم

 

[Ya7aLaTY]

اي والله الوضع مو مضبوط!!

وبعدين اشياء وايد تترتب على هالتسيب

واخر شي يركضوون بالمناهج لانه مافي وقت

 

[حلم الطفولة]

صاجه والله بكلامج

انا الي قاعده اشوفه ان مافي هيبه للدراسه والتعليم وقوانين التربيه مثل قبل
والله احنا قبل لا يمكن نفكر نغيب قبل العطله او عقبها
والي قاعد يصير الحين اكبر غلط

انا خواني بالثنويه راحو الثلاثه وردو الساعه 9
وقالولهم لا تييون داومو الاحد لانه مافي احد الا شويه

اي والله الوضع مو مضبوط!!

وبعدين اشياء وايد تترتب على هالتسيب

واخر شي يركضوون بالمناهج لانه مافي وقت

صاجين .. جان زين يكون فيه شي يردع هالغياب الزايد علزوم ..
فيه عطله قادمه بعد اسبوعين .. بتكون الأحد .. ومتوقع انهم يغيبون الخميس اللي قبله ..

.. متى تخلص المناهج على جذيه

 

[on line]

حلم الطفوله شنو هالعطله تبي تغيب هههههههههههههههههه
تسلمين اختي علي هالموضوع بس لاتلومين اولياء الامور اذا قاعد يودون عيالهم المدراس والاداره ادق تعالوا اخذو عيالكم تري مو من بعد العيد غايبين من يوم الثلاثاء اللي قبل العيد المدرسه فاضيه
واغلب المدرسات اللي اعرفهم تدرين شيقولون خاصه الابتدائي >خل يغيبون الطلبه عشان نتفضي لتوزيع الدرجات <
يعني الخلل موبس في اولياء الامور بالنسبه للغياب حتي الاداره المدرسيه
وبالنسبه حقنا احنا قبل طبعا مافي مقارنه
لا بالتدريس ولا في قوانين المدرسه

 

[Un-6be3iya]

انا وصلني مسج من بنت ابلة معانا بالمدرسة !
بأول يوم دوامات بعد العيد !
تقول
" بنآآآآآآآآآآت الابلات يقولون لحد يداوم الا الاربعا وبلغو ربعكم "

يعني ابلاتنا بنفسهم قالولنا غيبو : \ ~
اهمة بروحهم يبون الفكة !!

 

[Un-6be3iya]

وبعدين من حقنآ نرتاح !
مو وايد فينآ هالاسبوع الي غبنآه بالنسبة للامتحانات ! مستكثرين فينا حتى فرحة العيد !
اذا العيد اول يومين مطر و ماقدرنا نطلع مكان شنسوي يعني ؟!
حرام عليكم اتقو الله فينآ !
في اوادم يتحملون شهرين ورا بعض امتحانات ؟!@
و بنفس الوقت تسليم مشاريع وتسميع احااديث و ايات و قصايد !
عفية بشر !!!!!