غيرت اختي بدأت بيوم فرحتي !!

[معلمة شيسمونه]

عاد الله يسامحها هي اختج مفروض اكثر وحده تفرح لج وتبي لج الزيــــــــــــــن

انا رايي تسكنين بعيد عنها

ولا تسولفين الاشياء الزينه جدامها يعني ماله داعي تقولين جابلي وحطلي وسوا لي

حاولي لا تقولين فلانه مدحتني وكيت من هالكلام ...


وحاولي تفهمينها او لا تكلمينها خلي امج او احد كبير يكلمها يقولها انتي الكبيره مفروض تبين لها الزين اكثرررررررررررررررر

من اي انسان ثاني لكـــــــــــــــن الله يسامحها ويهديها لج


---------------------------------------

اقولج موقف انا رفضت انا واختي ناخذ اخوان حتى قلت لها مستحيل اذا انتي اخذتي اخوه انا بتطلق

مو علشان شي بس لاني ما ابي يربطون مشاكلنا ببعض وتكبرررررررررررر كرة المشاكل
------------------------------


انا ما اقولج هالكلام كحل للمشكله لا طبعااااااااااا كله نصيب

لكــــــــــن اختج لازم احد يكلمها ويفهمها غيرتها مووووووووو بمحلها

 

[نوووران]

حبيبتي اسكني بعيد عنها وصارحي زوجك باللي صار لكن يكون بينك وبينه لايطلع لاحد من أهله واي شيء يصير معك عند أهله أو أيش يقولون لك لاتعلمين أختك لأن بتقارن بينكم ويمكن تقول لزوجها ويمكن يقول لأهله وتصبحين نقالة حكي عندهم وبتخسرين ثقتهم للأبد حتى اللي بينك أنتي وزوجك سفر روحات جيات لاتعلمين أحد علشان تصبحين ملكة حياتك لا يتحكم فيكم لا كبير ولا صغير وكثر ماتكوني عاقلة وواثقة من نفسك بكرة تهدى من حالها والله يوفق ويصلح مابينكم لكن كل شيء ياخذ وقت والله العالم أيش كثر يستمر تحياتي لكي

 

[نوووران]

معليش حياتوووووو اذا على الديكورات قوليلها ما بعلمكم بخليها مفاجأة لكم تشوفون بيتي عقب العرس مو حلو أعلمكم بالتفاصيل وقولي بعد في أشياء ما شاورني فيها بيفاجئني فيها وموفقة ان شاءالله

 

[cat^q8]

حبووبة الحل واحد والله الواحد


لا تتكلمين عن بيتج عن زوجج عن غرفتج عن امج عن خاااالتج عن ايييييي احد عندها

سولفي عن الدوام

المسلسلات

المجمعات وبسسسس

واذا اهيه فتحت موضوع سوي نفسج عبيطه

قوولي صج والله ؟؟؟ مالاحظت ولا اهتم بهالسوالف

ومع الوقت راح تبرد

 

[عذبـة الأطبـاع]

مشكورات حبيباتي ع ردودكم بس ماجات على كذا والله اني اكتب لكم والكتمه بصدري
عن قريب جاتنا زوجه اخوي المعرس وجات اختي (اللي قلت لكم عنها) و العروسه طلبت مني
تشوف شبكتي والهدايا بما انها ماحضرت خطوبتي كانو مسافرين و انا (ماحب اكسف احد)
قلت لها ابشري ورحت جبتهم وكنت مستانسه شي طبيعي الا اختي تبدا ب النغزاااااااااااااااات
تمسك العطور وتقول وععع ياريحتهم كنهم تقليد (مع العلم انها ماركه غاليه) عاد انا وجهي راح الوااان
و احس اني انصدمت علامهااا تقول كذا !! خواتي الثانيات يقولون لي المفروض اني ارد مو انقهر بقلبي
عاد ب امكاني اقولها ليه ع اساس انهم جابو هداياك تقليد مثلا ؟ واحطها بموقف محرج مثل ما احرجتني
بس انا من النوع اللي ماحب ابين للناس اختلافاتنا و مابي زوجة اخوي تقول شهالخوات اللي يتناقرون !
لما راحت زوجه اخوي مسكت اختي ع جمب وقلت لها منتي ملاحظه انك متغيره علي ترى مو معقوله
كل من جانا بديتي ب نغزاتك وحركاتك ترى حفظت كلامك اني شنت وان الشبكه بايخه وان العطور مقلده
كل هالكلااااااام حفظته وياريته ع حق !! عاد هي ارتبكت مره وتفشلت قالت انا ماقصد و انا ع نيتي والخ
عاد اعتذرت ورضيت بس برضو رجعت حليمه لعادتها القديمه ورجعت تقط علي نغزات !
وهي ماكانت كذا كللللللللش شااااايله هم و اتخيل حياتي وشلون بتصير لاكنت جارتها
بعد ماكنت اعد الشهور اللي بتقربني منها و الله دنيا ما تسوى !

سالفه اني اعتذر ب الدوام واغير السكن هذي مستحيله لأنه من الاساس بيت اهلي جمب الجامعة
وقال لي خطيبي ابي اطلب منك طلب قلت له امر قال ابيك تكملين دراستك انتساب ( انا درست سنه وباقي لي 3 سنين )
و الانتساب يعني ما احضر الا الاختبارات النهائيه .. قلت له ليش طيب !
قال انه الجامعه بعيده حيل عن بيتنا اللي بنسكن فيه ( وهو صادق صراحه ) ولا يمديه كل يوم من فجر الله يوديني
لأنه عنده شغل وبيتاخر عليه او بياخرني ع المحاضرات غير انه كل سمستر بيكون جدولي غير و اوقات البريك
طويله وماينفع اجلس ب الجامعه كل هالساعات . . انا اقتنعت بكلامه وقلت له اوكي بكمل انتساب وهو فرح حييييل
عشاني سمعت كلامه بس باقي اهلي مايدرون عن هالشي وانا شايله هم ابوي صراحه لان اهم شي عنده التعليم
قلت لخطيبي وابوي قال انا بقنعه لابدت الدراسه وترى انا ولي امرك الحين < شعور مو حلو صراحه ههههه !
مو كاني طلعت من مشكلتي الاساسيه ودشيت ب مشكلة الجامعة ههههه شر البليه ما يضحك . .

فكرت اسكن بـ العماره اللي جمب اختي واخذ عذر انها اوسع وانا انسانه احب البيت الشرح
بس البلا انه ( امه فيها وصراحه هي طيبه بس حاااره بس تحن )
بس قلت ع الاقل اتحمل امه (مره كبيرة بالسن) ولا اتحمل شباب تغث فيني !
شرايكم بنات ؟!!!

 

[جنون الهوى]

بصرااااحه انتي تفاهمي معها شوفي وش في نفسهاا

اذا شفتيها مصرره على الاسلوبهاا

فانصحك انك تبعدين بس بالاول شوفي وش في خاطرهااا

والله يهديها ويتمم لك الزواج على خير
والف الف الف الف مبررروك​

 

[ظل الياسميـن]

؟؟؟؟؟؟؟؟؟؟؟؟؟؟؟

 

[boliana_q8]

المثل يقول خلك بعيد وصير سالم

 

[Miss McDonald]

• هآذي آختج قعدي ويآهآ وصآرحيهآ باللي شفتيه !
• تقربي منهآ , اهديهآ ,
• الله يهديهآ يآرب =)

 

[وردة-الكويت]

روح بعيد وتعال سالم سكني بعيد وارتاحي وفتكي

 

[ورده الكرستال]

الله يهديها ويسخرها لج

والافضل انج ماتقولين لها سوالفج مع خطيبج

 

[هذا مزاجي]

اسكني بعيد هذا هو الحل عشان ماتخسرون بعضكم
الله يهدي النفوس بينكم

 

[Laidy n3ooma]

يمكن تغار لان انتي احلها منهااا !!!! شنوو يعني الله يستر لي شافج بالغلط

كل هذا غيرررره

لاتسمعين كلامها .. وعاملي ريلج باسلوبج انتي مو باسلوبهاااا

 

[جوانا2010]

حبيبتي لازم لازم لازم تغيرين السكن باي طريقه دوري اي عذر وغيري السكن
لان بعدين بتصير مشاكل بينكم وبتخسرون بعض .......
الله يهدي اختك...

 

[دنيتى زوجي M]

غيري السكن باي حجه تشوفينها صح

 

[هولنديه اياكسيه]

شوفي الوقت المناسب وقعدي معاها وخليها تقول ابي بقلبها وانتي بعد قولي كل الي خاطرج فيه وفهميها ان كل.وحده بها فرحه مثل مااهيا فرحت بزواجها قبل لازم انتي تفرحين بعد وهذا من حقج وامر طبيعي
بالنسبه للسكن الافضل انج تكونين بعيده وعادي قوليه حق ريلج ماابي هالمنطقه موعاجبتني وراح يقتنع اذا اصيريتي على المنطقه
وربي يهدي النفوس ويهدي اختج ان شاءالله

 

[Tom ♥ Jerry]

,


انا مو وياكم بـتغيير السكن ,،
لانه يمكن تنقلب السالفه عليج و تبين حق الناس آنه انتي الي غيرآنه منهآ و مآتبينها .،
و خصوصا انه ريلج أو خطيبج الحين قاعد يشتغل فيها
حرآم تدقرينه ,، و تصدمين آهله آنه مآ تبين يم آختج و آخوه ,،

آختج خلي علاقتج وياها سطحيه ,،
يعني لا تسولفين معاها مثل قبل سلام سلام ,،
لمآ تمر الايام و تفهم آنه الي قاعده تسويه غلط
و آنتي استحملي .، و اذا قطت عليج كلآم ردي عليها حتى لو جدآم الناس
بس بـ طريقه بارده عشان تحتر من برودج و طريقه تخليها تسكت ,،

 

[دنيااك دنيااي]

وي وي دوووووووم تصير اللهم ياكافي الحل انك تفرضييييييين شخصيتك عليهااا

كذا عطيها بالوجه اي شي قولي لا مابي ابيه كذا وع وش هالكلااااام يمسخك ماحب هالاشياء

ومن هالكلماااااااااات خليك قووووووووويه وطنشيهاااا واسحبي عليهاااا

بعدين هي من نفسها بتحس انك قووويه وبتركد

 

[freakiya]

نفس ماصار مع امي و خالتي صدقيني ماراح تخف المشاكل الا اذا سكنتي بعيد بس تخف بس ما تختفي مابي احبطج بس هالمشاكل راح اتم طول العمر​

 

[ملوكة الامورة]

ياحبيبتي انا
مريت بنفس قصتك
بس انا انبسطت لما اختي اخذت اخو زوجي
وماسويت زي اختك الله يهديها اتوقع فترة وتعدي
وانصحك اسكني بعيد احسن عنهاااااااا
والله مو زين الخوات ياخون اخوان اققولك من واقع تجربة
الكل قال حضكم بس ملل
نفس الناس ونفس الحمولة ومشاكلهااااااا
والي تبين حبوبة اساليني
وانا مستعدة اجاااوبك
بالتوفيق ياااقلبي