غير موظفة؟؟ ودج تيمعين ؟؟تعالي أقول لج شنو سويت

[Ms. luxury]

السلام عليكم ورحمة الله وبركاته ...
اشلونكم بنات ..موضوعي هذا حق الزوجة الغير موظفة واللي بس على معاش واحد اللي هو معاش زوجها واللي بيستفيدون غيرهم حياكم الله ..
ألحين زوجج يعطيج مصروف صح؟؟
المهم ان أنتي تاخذين النص وتخلين النص : نص لمصاريفج ونص تدخرينه.
اللي تدخرينه حاولي تحطينه بمكان ماتقدرين توصلين له أي وقت مثلا بمكان صعب بالكبت او بحصالة أو مثلا تفتحين حساب ببنك وتكسرين البطاقة وماتنزلين ابليكيشن هذا البنك. وكل شهر تحولين اللي بتدخرينه فيه وماتلمسينه . تمام؟
انيي الحين لمصاريفج : قسمي ٤ أظرف بكل ظرف مصروف اسبوع وحاولي يزيد منه لو نص دينار نهاية الاسبوع . ويتبقى مصاريفج الالزامية مثل بانزين السيارة ورصيد التلفون واشتراك وجبات مثلا أو صالون روتينج الشهري من حمام مغربي أو غيره .
وبجذي شهر عن شهر راح تشوفين تجمع عندج مبلغ حلو تدخلين فيه مشروع يدر عليج وبالتوفيق

 

[تمنيتك]

تاخذين 15 دينار وحطيهم بظرف بمخباة واحد من الهدوم اللي بكبتج (حشى ) يعني مكان مقلقص (مدعوس) (صعب) ان شاء الله فهمتوا ..
وبس كل شهر وحتى إذا نسى ذكريه بطريقة خفيفة وذربة ان موعد مصروفج حل ووصل وودج لو تحصلين عليه وهكذا إذا كل شهر 15 دينار هذا بالسنة 180 دينار بالخمس سنين 900 دينار

انا مو متزوجه .. بس الطريقه عجبتني عشان ايمع من معاشي حاليا او الوظيفي مستقبلا وطبعا اكثر من المبلغ


يعطيج العافيه

 

[للحين ناطره]

مشكوووووووووووووووووووره
وصج انا هالطريقه مالت الخش بالكبت جربتها ويمعت منها مبالغ وااااااااااااااااااايد زينه
بس مشكلتي ايمع لمده سنه واطلعهم حزه عيد ولا مناسبه واصرفهم
هالمره ودي استثمرهم بس مو عارفه ابشنو بالضبط
تسلمين عالنصايح المفيده

 

[قيد الغرام]

نفسي اقدر اجمع بس ما اقدر

عالعموم مشكوووووووره

 

[jaggy-cat]

انا موظفه صارلي 17 سنة وللحين ما جمعت ولا فلس .....

 

[nice-girl]

ودي تصدقين اسوي جذي بس ما اقدر اخشششششش واذا خشيت حدي اسبووع
يبيلي بيرررررر اخش اقط الفلووس فيه
مشكوورةحبيبتي وان شاء الله بحاول

 

[Ms. luxury]

بنات لييييييييش انتوا جذيه يئوسين ومستسلمين لطبايعكم الموحلوة ...ماسمعتوا الرسول صلى الله عليه وسلم اشقال؟؟؟قال (إنما العلم بالتعلم والحلم بالتحلم) معناته الإنسان هو يقدر يتحكم بتصرفاته والطبايع اللي فيه وموهي اللي تحكمه وتمشيه على كيفها بنات والله حق مصلحتكم ..
تصدقون ..لو أقول لكم شنو هدفي ماتصدقون
هدفي اني أشتري عمارة بنات أنا ريلي كان يتحسف على الفلس يقطه على سيارة ولايقطه علي والحمد لله عودته وشلت فكرة ان الحريم مسرفين شلتها من راسه وعطيته فكرة زينه بطريقتي اللي قلت لكم عنها لين الحمد لله زاد اللي كان يعطيني إياه من 30 الى 80 دينار وأتعمد أنساهم في البيت إذا بروح أشتري هدية حق والدة أو شي أقول له وي نسيت فلوسي ويعطيني واللي يبقى منهم هم بعد أضيفه للي قاعدة أيمعه ترى باجر حتى هو اللي راح يستفيد باجر ان الله أراد وصار عندكم بيت من وين لكم فلوس تأثثون بيتكم بعد معروف الواحد يحط كل ماوراه ودونه علشان يشتري بيت وشنو اللي يبقى حق التأثيث؟. بهالحالة تقدرين تستخدمين الفلوس اللي يمعتيها هذا إذا ماكانت متدوبلة بإذن الله وماشية فيها بمشروع صغير يعود عليج وعلى زوجج بالنفع
ياحبايبي لاتحبطون أنفسكم وتقولون مانقدر كل ماييتي بتسحبين لج فلوس من هذول اللي خاشتهم تذكرري باجر بيتج عيالج ومدارسهم ودج يكونون بأحسن المدارس وبجذيه تكونين مثل الموظفة عندج مدخول لو بسيط أو موشهري بس اسمه مدخول تساعدين فيه زوجج بهالزمن أو إن ماحصل لج زواج انتي تستفيدين منه ...
أيضا تقدرين تفتحين لج حساب توفير وبطاقة ماتقدرين تسحبين منها إلا إذا دخلتي داخل البنك وعطيتيهم رقم الحساب ذيك الساعة تقدرين تسحبين منها فلوس على ماأظن ان هذي طريقة حساب البراعم أو اللي ببيت التمويل مالت الصغار اللي تيمعين لهم فيها يعطونج بطاقة بس ماتقدرين تسحبين إلا إذا عطيتيهم رقم الحساب تقدرين تاخذين الفلوس اللي فيها هم هذي طريقة حلوة وصعبة عليج على ماتاخذين الفلس من هالبطاقة
بنات عورتوا قلبي من صجكم ليهالدرجة ماتقدرون تمسكون نفسكم؟؟؟

 

[malek amal]

مشكوره حبيبتي على هالفكره و صاجه ان تيمعيين فلوس بالبنك مووو شييي كلش لان بلحظه لاوعي و ضعف بالسووق ماكو إلا وإنتي شاخطة بالكي نت


الله يعطييج العافيه

 

[الجوري74]

ل مشكوره حبيبتي على النصايح
وبالنسبه للحساب اللي بالبنك تقدرون ماتاخذون الكرت يعني مطلعون كرت وبجذي يصير ايداع بدون سحب واذا بتسجبين وب هالسهوله

 

[lolwah]

بالعكس البنك احسن تدرون ليش
فتحو حسابن وقولو حق ريايلكم يسون لكم استقطاع على حسابج والحساب الثاني لالايدري عنه
و دشي بالنت سوي تحويل من لحساب الاول لي الثاني و طبعا البطاقه كسريها عشان بس تيمعين و ما تشترين فيها
شراايكم ؟ بصراحه هذي طريقتي لان لي شفت لفلوس جدامي ايدي تحكني والشيطان شاطر

 

[ترانيم العود]

مشكووووووووره

انا موظفه ودي اجمع بس ماني قادره

بحاول اسوي طريقه الاظرف

 

[ودي***أفرح]

انا موظفه صارلي 17 سنة وللحين ما جمعت ولا فلس .....
والله أنا نفس مشكلتج مو قادره أجمع وجربت الطرق اللي قالوا عنها الخوات اللي بالمنتدى بس ما كو فايده ......

مشكوره أخت شيهيرو على النصيحه الحلوه وبحاول أجربها

 

[ياشايل الظبى]

ما اعرف ايمع من ايمعها اصرفهااااااااا

 

[@فافى@]

صراحة الواحد ما يقدر يمع كل ما تقولين بتمعين يدخل عليج الصيف او الاشتا بشترين ملابس حق اليهال خلصنى من هذة يلج العيد الفطر ويخلص ويلج عيد الحجاج خلاصن تيلج هذة ولاده هذى متزوجة وهذة عرس وهذى عيد ميلاده بلة ما تقوليلى الواحد اشلون يمع وعندج كل همصاريف غير مصاريفج الدايمة والهى قصد السيارة واذا والماجلة والخدمة ومدارس اليهال واحتياجاتهم وان حاولتى تقلليلن من الصرف قالوا عنج جعص واذا شريتى قالوا عنج مصرفة بالله الواحد شيسوى ردى على ما شالله كل شى بديرة بالصاعد من جمعيات ومن ملابس ون اخذية يامعوده خليها على الله

 

[مزايا الصمت]

انا متزوجه ومو موظفه وزوجي مو مقصر وياي ومع هذا .. الراتب مايلحق الراتب تشوفينه اخر الشهر يطلب منى.. والله ماينلام

على هالغلا اللي صاير وغير التزامات البيت وطلبات العيال والمدرسين الخصوصين اللي نفضوا جيوبنا

ودي اجمع بس ما اقدر من يجي اخر الشهر الا احنا مفلسين

 

[^kloOot^]

بجرب اكيييييييييييييييييد راح تفيدنى

انا عندى الجمعيات ممتازه بصراحه حق اللى تبي تخش

 

[مشكاة]

يعطيج العافية حبيبتي شيهيرو على شفافيتج وطيبتج
عسى انشالله يوفقج ويعطيج اللي في بالج
خوش طريقة الصراحة وتنفع بعد حق البنات الطالبات بعد
انا عن نفسي موظفة ومتزوجة قبل لا اتزوج الصراحة كنت اصرف مثل المينونة ماعندي شي اسمه كنترول وكانت صلاحية المعاش ماتتعدى اسبوع وباقي الشهر اعيش على الفيزا غير اني خذت قرض حق امي عشان اسدد ديونها

الله رزقني بريال بمعنى الكلمة الحمدلله ياربي الله لايغير علي علمني اشلون امسك ايدي والحمدلله بظرف سنتين افتكيت من الديون اللي علي وماقمت اركض على لسوقة عسى ماصارت تنزيلات او معارض مثل أول ولا اطالع فوق مستواي واول كنت انحرج اقول حق العالم ان هالشغلة غالية مااقدر اشتريها واضغط على عمري عشان اشتريها ... بس الحين عادي وجنه العيد مااشتري شي فوق ميزانيتي وبالعكس رفيجاتي بنات الماركات قاموا اشوي اشوي يقلدوني لأن حسوا بالفرق اهمه طول الوقت امفلسين حتى ماعندهم فلوس حق الريوق بالدوام وانا اللهم زيد و بارك بوكي مايخلى
انا امجمعة مبلغ حلو وانشالله ناوية اوصل هدفي مثل مااتعلمت من حلقة اوبرا اللي اهو: المدخرات = المبلغ الكلي للنفقات الشهرية ضرب 6
مثلا نفقاتي الشهرية 500 ... لا زم اكون امجمعه على الاقل 3000 دينار طواري الله العالم شنو الظروف اكون في السيف سايد:eh_s(7):

 

[عيون فرح]

تصدقين حلم حياتي ايمع وما اسحب ..انا عندي حساب بالبنك بدون بطاقة اوفر فيه 250 دينار بالشهر بس كل شهرين او ثلاثة رحت للبنك وسحبت 300 او 400 حسب الحاج .......مرة باشتري جنطة ومرة ساعة ومرة أخوي بيتزوج ومرة دخلت شتا ومره ومرة .........ما تخلص المناسبات
تصدقين أنا موظفة من 6 سنين وراتبي أزيد من 800 دينار علي قسط سيارتي وقرض ، وما وفرت ولا فلس ، زكل اللي اشيلهم ارد واسحبهم........شسوي بعمري ، كلامج يشجع بس المشكلة احنا لازم نتغير.

أدري قرقت بس شسوي موضوعج أثار شجووووووووووووووووني.

 

[bint_looda]

nice mashalla

 

[نور الفنر]

انا اايييييد شيهيرو بحرارة.....

تدرون لو تخففون من المبالغااااات في الصرف ... السوق عموما يضطر يحد من هالغلاء ...