غير موظفة؟؟ ودج تيمعين ؟؟تعالي أقول لج شنو سويت

[(( أم نــونــا))]

مشكوره حبوبه على الطريقه

تصدقين كان يعطيني زوجي 50 دينار والله انها تطير مني مادري على شنو

والملابس مو كل شهر اشتري وحتى اذا شريت اخذ من زوجي بعد

والحين زايده لي 50 بعد يعني 100 وهم تطير ومافي فايده

بس فكرتج اني احطها بالملابس حلوه

بجربها ان شالله.....................

وبدعيلج ان شالله

 

[منانا]

في طريقة بقوكم علييها حق الي جربت كل الطرق وما نفعت معاها جربو هالطريقة يمكن تنفعكم وتدعوولي الله يفرج عني في كل الاحوال ان شاء الله

مره شريت حصالة فخاار كبييرة من السوق الايراني وقمت احط فيها وطبعا فخاار ومافيها شي تبطلينه وتطلعين الفلووس يعني الي تبي بييير تقط فيه فلوسها هالحصااله مثل البير واايد كبيره ومالهاالا فتحه وحده اهي الي تحطين فيها فلووسج وما كسرتها الا وانا حدي محتااجه عقب جم سنة واقط فيها فلوس حسب الظروف الي ببوكي اقطه واذا احتجت فلوس اسحب والي يبقى هم اقطة بالحصاله وبجذي قدرت ايمع الحمدلله وطريقة ناجحه بعد الجمعية بس اهم شي تاخذينها اخر وحده وتخشينها او تصرفيينها على شي يسوا وموفقين يارب

 

[ســولا]

جزاج الله خير على الفكرة

 

[أميرة الحلا]

يعطيج العافية خوووووش موضوع

 

[كيوت_25]

خووووووووووووووووووش موضوع

يزاج الله خير

انا و لله الحمد اعرف ايمع

صج مرات تحوشني عرات و افسفسهم

بس بالعموم انا شاطره بهالسوالف و اعرف ايمع

الله يتمم علي لا تحوشني عرة من عراتي مره ثانيه هههههههه

 

[HASB_83]

انا ودي ايمع لفتره طويله

بس كل ما ايمع تييني حاله اني ودي اشتري اي شي!! ايدي تحكني.. فارف بينون
يعني جنااط ماركات والجنطه الماركه ماتقل عن 200 دينار طبعا!
وهدوم وجواتي عزكم الله!!! موبايل واشياء ماتسوى تناتيف

انا الحمدلله موظفه ومعاشي حلو راهي ماشاءالله بس حالي حال المره اللي قاعده بالبيت

ودي اشتري سياره وودي اسوي مشروع صغيرونو على قدي

ان شاءالله .. الله يكتب اللي فيه الخير ادعولي بناات

 

[كيوت_25]

Hasb_83 الله يوفقج ويكتبلج الي فيه الخير

 

[لذوذه]

الله يجزاج خير وبجربها من هالشهر

وان شاء الله اغير من طبعي

 

[Ms. luxury]

هلا بنات تصدقون لما كنت أقرا ردودكم نقدت عليكم.. الحين مادري اشياني صرفت مصروفي هالشهر كللله والشهر اللي قبله صرفته كلللله وطلبت من ريلي زووووود ...أمبيه ...
لا لا ان شاء الله مصروفي الياي أرجع أسوي فيه مثل اللي سويته أول ..لأن عندي مشروع يديد مشتهية أركب إكس فايف وودي أيمع وأشتري لي وتصير سيارتي بروحي موشروكة مع زوجي..خخخ الحمد لله عندنا سيارتين بس ملوت زوجي ووقت الحاجة يخلي لي الأفلون ودي سيارتي تحت ايدي بس ان شاء الله موحق الهياته هههههه

 

[alotroja]

انا انصح كل الي ماتعرف تجمع لحالها
فعلا تسوي جمعيه مع صديقاتها احسن
علشان الالتزام واذا مانتي مستعجله علي الفلوس
خليك اخر واحده
والله يوفقكم

 

[Ms. luxury]

هلا بنات ..هلا فيج الاترجة ...في عندي إضافة صغيرونة عالموضوع ....فيني طبع بايخ ماأحب شي بالاقساط ..أحس الكاش أريح .. علشان جذي ودي أحافظ على هالطريقة وان شاء الله أزيد المبلغ اللي أيمعه شهريا ...بس تصدقون ..سالفة الجمعية هذي اللي موداخلة مخي أحس إنها ماسوينا شي والا اشرايكم ؟؟؟مادري أحس انها تصير مثل الاقساط ..

 

[دراما كوين]

يعطيج الف عافيه صج الدنيا تخرررع لازم الواحد يجمع
وال15 دينااار مبلغ قليييييل , ماراح ياثر لو خشيتيه ونسيتيه

 

[Ms. luxury]

هلا والله باركولي حملت ..ان شاء الله راح أيمع مبلغ ثاني ودي أولد بمستشفى رويال وودي أسوي فناتق كاكاوات وتغليفات بإيدي أوفر ...وشغل من بوخمسين فلس وبو أمية فلس .. وأنا راح أسوي كفري وأصور لكم شغلي كله بالقسم المخصص له ..
تابعونيييييييييييييييييي
*ملاحظة: كنسلت مشروع السيارة اليديدة بسبب الحمل ..الله يسهل ان شاء الله

 

[Ms. luxury]

ترى أنا كل ولاداتي عادية جدا جدا وكلها بمستشفى الصباح (كرم الله السامع والقارئ) ماعدا آخر ولادة بمستشفى خاص وماسويت استقبال واستهبال مثل باقي البنات لأني ماااااأحب كلش ملش ..
بس هالمرة ودي أدلع نفسي عدل علشان ببالي ناس ودي أحرهم شوي خلهم يتأدبون لايدشون بخصوصياتي ..بس موزوجي ..لا لا ..ناس فلسفجيين ..يطبون بالأوادم ويحشون فيهم ويقولون فلانة سوت وفلانة حطت وهم أزيد من الناس ..فأنا ودي شوي أأدبهم وأسوي اللي هم مايبونه ..عشان مرة ثانية مايدشون بخصوصياتي ..<<<<ترى أنا خرطي بس لساااااان وهذا اللي قاهرني يعني ماراح أسوي شي ههههه

 

[ديرتي الغاليه]

بس معقوله اللي نفسنا فيه من مطعم راقي وغالي او ملابس لي او لليهال ماركه وكشخه وبنفس الوقت غالي ما اقدر اشتريه والسبه التجميع احس انقص علي حياتي وتصير حياتي ما لها طعم كل تفكيري بالتجميع وابخل علي نفسي <<<جانا معاج واصلا انا طبعي احب اجمع لكن طريقتج صعبببببببببه خصوصا باللبس والمطاعم ولا شنو رايج؟

 

[سيدة الذوق]

مشكوره مشكوره مشكوره

 

[Ms. luxury]

لا حبيبتي (ديرتي الغالية بالعكس) أنا أروح مطاعم غالية وكل شي أسويه عادي بس مودهر وعلى طووووول لأ ..يعني حق العيد أشتري ماركات والمطاعم الكشخة بس أنا وزوجي نروح يعني بدال ماكل شهر أو كل اسبوع خليناها كل شهرين أو 3 شهور طلعة حلوة معتبرة ...وملابس الماركات إذا مشتهيتها أشتري منها وقت التنزيلات ..مثل عندج مؤيد المير نفانيف البنات عنده تدوخ تينن وأنا أحب شغله بس اشدعوة النفنوف ب30 وخمسين دينار كلها لبسة أو لبستين وتكبر البنت ...فألحين هو مسوي تنزيلات وأسعاره صايرة حلوة ومعقولة بشتري منه حق السنه الياية إذا الله أحيانا بس ثلاث نفانيف حق البنت الواحدة وبجذيه أكون شريت الماركة وماخليت بخاطري شي مثل ماقلت لكم ببداية الموضوع استغلي التنزيلات ..
بعدين ياحبي فكري فيها عدل ..تبين تفسفسين فلوسج على هدوم ومطاعم نهاية اللي بتاكلينه في ال.....عزك الله وتزول المتعة وفوق هذا نبي زود نبي نجرب مطاعم يديدة وماراح نكتفي ..فمن البداية مانعطي أنفسنا اللي تبيه ..فبدال ماأحرق فلوسي على مطاعم وهدوم على لبستين فقط أروح أحفظ فليساتي وأيمع علشان إذا شرينا بيت مثلا أأثث من أكشخ وأفخم المحلات والأثاث وذيك الساعة خلاص بعد ماراح أيمع إذا كان (بيت وحصلت وسيارات زينه ومدخول حلو مثل بيت مؤجر أو عمارة تدخل علي مبلغ حلو بالشهر )عقبها راح أدلل نفسي وأييب لي طباخين من ملوت الفنادق وأكشخ وأشتري ماركات وإن بغيت كل يوم مطاعم ..
حبي هذا مواسمه بخل لألألأ... هذا تكتيك وحسن تخطيط ..انتي تبين تعيشين صح وإلا طول عمرج بإيجار أو بيت محدود أو عند حمولتج؟؟؟
أترك الإجابة لج
أما أنا ودي أعيش بفيلا تشبه القصر إذا موقصر بعد وحولي الخدم مالايقل عن 4 خدم وسايق وطباخين وأسافر كل سنه وأروح العمرة بكل سنة برمضان كله ...
وكل شهر أتبرع لي بمستوصف أو مدرسة أو بير أو أكفل يتيم <<<<<هذي طمووووووحي
بس خل تكون نيتج في بداية التجميع والادخار تكون لله ..يعني كل فلس أدخره نيتي فيه أوصل عن طريق هذي الفلوس إلى الجنة (اعمل لدنياك كأنك تعيش أبدا واعمل لآخرتك كأنك تموت غدا)
وموفقة حبي

 

[E&A fshn]

حلوه الفكره

وانا اتبع تقريبا مثلها

بس ما اخلي شي بخاطري كلششش

واهم شي الاقتصااد

بس مو البخل ديرباالكم

 

[Ms. luxury]

e&a صح كلامج والله وهذا اللي مانبية وترا فرق بسيط بينهم ..شاكرة مرورج اختي الغالية

 

[دانة-الكويت]

ماعندج طريقة حق الموظفات عشان يجمعون؟؟؟؟؟؟؟؟؟