غير موظفة؟؟ ودج تيمعين ؟؟تعالي أقول لج شنو سويت

[Ms. luxury]

هلا حبي كان في موضوع بنفس القسم عن الموظفة اشلون تجمع حق واحدة ثانية من العضوات بس مادري وين راح

 

[MoonDiamond]

والله المفروض نجمع لان لو تمت الفلوس بالحساب الجاري راح تجري جري وتخلص ولا فجاه تييج مناسبه تتوهقين- انا مسويه استقطاع شهري بحساب ثاني والبطاقه عند اختي وقبل عند امي الله يرحمها وما اقدر اخذها الا اذا اقنعتها خصوصا ان معاشي بعد الاستقطاع 600 دينار وبصراحه اكتشفت اني اصرف واشتري اشياء مو ضروريه وال600 دينار تفتح بيت فا شلون ما تكفي؟؟؟!!!!!! وبصراحه قمت انظم صرفي واتحكم برغباتي واستااااااااانس حدي اذا دقيت على حساب التوفير وسمعت : لديك .........الف دينار و ..... مائه و.... دينار

واذا صار عرس والا سفره او اي شي.. اذا حسابي في شي زين على زين واذا ما فيه اخذ من فلوس حساب التوفير (احسن من الدين والا الفيزا)

ويا بنات يا متزوجات لازم يكون معاج مبلغ للدنيا واذا جمعتي وصار مبلغ كبير تقدرين تودعينه وتاخذين ارباحه

 

[Ms. luxury]

إي والله وانتي الصاجة ..نانا كات ..مشكورة على تشجيعج اللي مانستغنى عنه ابد.......

 

[حساسه]

الحمدلله اقدر اجمع لكن بهدف معين اجمع لشيء وخلاص بعد مااشتريه اترك التجميع


ودي اجمع بهدف اكبر بس مو عارفه ايش الهدف طبعا اشتري ارض او بيت استحاله يبالي سنين وسنين


اذا كان الحافز موجود سهل انك تجمعين

 

[سارونه87]

واي ودي ايمع بس ماقدر
بحاول انشاءالله

 

[paraka]

هلا بنات ..هلا فيج الاترجة ...في عندي إضافة صغيرونة عالموضوع ....فيني طبع بايخ ماأحب شي بالاقساط ..أحس الكاش أريح .. علشان جذي ودي أحافظ على هالطريقة وان شاء الله أزيد المبلغ اللي أيمعه شهريا ...بس تصدقون ..سالفة الجمعية هذي اللي موداخلة مخي أحس إنها ماسوينا شي والا اشرايكم ؟؟؟مادري أحس انها تصير مثل الاقساط ..

فعلاً الجمعية شنها أقساط إذا خذيتها أول شي ..بس ليه خليتي دورج بالأخير جنج تيمعين كل شهر لما صار عندج هذا الميلغ ..وبصراحة هذي طريقتي للتوفير كل سنة وأعتبرها من أحسن الطرق لأن دوري دايماً آخر وحدة يعني ما أقدر أجيس ولا فلس على ما يوصل دوري ..

 

[* فطامي *]

انا توني ببداية زواج وناوية اسوي هل الحركة وادش جمعية الصراحة لازم نيمع ونحافظ على الفلوس لي متى نقط فلوسنا على الفاضي

 

[ديما الكويت]

شهيرو ماشاء الله عليج كلامج حلو وانا بعد هدفي أشتري عمارة وأراضي للزمن وأسوي مؤسسة خيرية ترعى الأرامل والأيتام مثل البدون وغيرهم اللهم آمين تحقق أمنيتي
بالنسبة لطريقتج حلوة والمبلغ اللي ذكرتيه مبلغ صغير وتافه بالنسبة لكل وحده فينا سواء موظفة أو غير موظفة اعتبروه يابنات قيمة تنورة او بنطلون او حتى وجبات عشاء عائلية مقطوط مقطوط المبلغ فليش ما نخشه وننساه ؟؟؟؟؟؟؟؟؟؟؟؟
على فكرة لمن قمت اقرى الموضوع ذكرتيني في قصة قريتها لممثلة مشهورة مصرية قديمة وكانت ملكة جمال الممثلات بس الله بلاها بزوج بخيل حده وكان يأخذ اجرها كامل من التمثيل فكانت تقول حرام عليه ما كان يعطيني فلوسي واهو اللي يوقع عقد التمثيل عني ويأخذ شقاي ويعطيني مصروفي اللي كان يادوب قيمة فستان من فساتيني وكان أجري أكبر أجر !!!! حينها المهم فكرت بطريقة اتخلص فيها من بخله وانفصل عنه وتميت حوالي كم سنة اخذ مصروفي واجمع داخل دلاق(جورب) وأخشه(اخبئه) وراء تسريحة غرفة النوم لحد ماكملت مبلغ 40 ألف جنيه وقتها كأنه 100 ألف دينار واول شي سويته اني شريت شقتي ،بدون مايدري من وراه وطلبت الطلاق وعطيته فلوس عشان والباقي حطيته بالبنك و يطلقني أهو انصدم من الفلوس اللي عندي بس ابي افتك منه .

 

[*جبرني الوقت*]

ماشالله خوووووووووووووش فكره يعطيج العافيه

 

[حواء..آدم]

الفكرة حلوة وقد جربتها... بس المشكلة أخر الشهر نظطر للمبلغ وارجع اسحبه...
زوجي حالته المادية مو كويسه ..يعني على قد حاله...
ومع ذلك بحاااااول...
يارب ارزقني وزوجي رزقاُ حلال مبارك طيباً...

وتسلمين على الموضوع..

 

[Ms. luxury]

هلا بنات ...مشكورة ديمة على إضافتج الروعة ..حبيبتي تسلمين وماقصرتي انتي وباقي الخوات ..ماشاء الله ايه نبيكم جذيه وتذكروا طريج الالف ميل يبدأ بخطوة

 

[نهر سكر]

حبينتي مشكوره على الطريقه الحلوه بس ياليت أعرف أجمع نفسج والله مافدرت أوفر حتى عيالي حاطه لهم توفير وسحبته ودي أجمع ومقهوره إن معاشي يروح وأنا ماجمعت ولاشئ...

 

[نيــلــوفــر]

انا ليحين طالبة و بصراحة انا معذورة لانه اعانتي كلش كلش ما تكفي انه ايمع حدي اسبوع وافلس لانه مصاريف البانزين
والرصيد و شويه ملابس واكل الجامعه يعني صج 100 ما تكفي المفروض يزيدونها
بس ان شاء الله انا مفكرة ايمع فلوس لما اتوظف عالاقل 150 كل شهر

مشكورة حبيبتي على فكرتج الحلوة و تصدقين امي نفس تفكيرج بالضبط حتى تعاملنا جذي ما نروح مطاعم غالية و لا نشتري ملابس كله ماركات بالعكس نلبس الشي الحلو والبسيط و ما نصرف عالفاضي الحمدالله و لاحظت انه تفكيري وايد غير عن بنات اليوم اللي يصرفون ما وراهم و دونهم وداخل اسبوع يفلسون

 

[@ام ضاري@]

اممممممم يعطيج العافيه حبيبتي فكرتج حلووه بس انا اقول انها راح تصرفها اذا جمعتهم بالكبت ومخبا بين الملابس

تحط جمعيه مع كذا وحده وتوفر احسن ان ماتروح تقول والله احتج المبلغ وطلعت اصبحت انها ماجمعت شي

احنا جذي اندش جمعيات ب 100 او 50 او 30 ع حسب وانا الحين داشه 20 مع 10 حريم ويجيني 200 حلوو

واذا بغيت اكثر اكيد بزيد المبلغ ع حسب المزيانيه انا ال20 مو محتاجتهم فا دشيت فيهم جمعيه لتوفير او اى شي بخاطري اشتريه

 

[نــعــوومــه]

......................يعطيج العافيه......إن شاءالله بحاول اجمع من مصروفي مع إني اعتبر هالأمر جهاد مع النفس...لأنه صعب.......

 

[لافلي روز]

يهبل

موضوع يهبل كثييييييييييييييييييييييييير

وان شاء الله بحاول اطبقه بكل جد

لان بصررررررررررررررررررررراحة يالسة بالبيت كذا ومااعرف شو اسوي وريلي يعطيني شهريا 100 ريال عماني

وحابة اسويلي مشروع صغير بس ماعارفة بشو استغله

 

[أم-مبارك]

والله شيشتيني خلاص ان شالله بجمع وودي اسويلي مشروع بس مدري شنو ؟؟؟؟؟؟؟؟؟؟

 

[bombo]

ماشاء الله عليج

 

[Q8 New Style]

مشكوووووووووووووووووووره

 

[doja alward]

:eh_s(6)::eh_s(6):موضوووعج حلو وعجبني بس صعب التنفيييذ