فائدة المر للبشره االى تحب شغل العطارين

[rasaliangel]

:

eh_s(17):

السلام عليكم و رحمة الله و بركاته
جايبة لكم موضوع جديد و ارجو ان تستفيدوا خصوصا البنات .
هل سمعتم عن المر و البعض يسميه المره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المر له فوائد عديدة منها يشد البشرة و ينقيها بما فيه من مطهرات طبيعية و هذا و الله عن تجربة شخصية و الله على ما اقول شهيد .
كنت استخدم المر بعد كل و لادة للبطن و الظهر و اماكن اخرى فكان يقوم بشد الجسم .
ولكن الجديد سمعت بانه ايضا يبعد حب الشباب و الكلف فاخبرت اختي الوسطى فكانت تعاني من حب الشباب بشدة و لكن بعد استخدامها للمر اختفى الاثر و بدء يخف حب الشباب و هي استخدمته اسبوع فقط
الموضوع من اختىفروحه .​

 

[me'3tarba]

شكراا

 

[Harmony]

شلون تستخدمينها بالظيط؟
الله لا يهينج قوليلنا بالتفصيل من تشترينها لأخر شيء

 

[omneyaty]

اي والله بالفصيل لو سمحتي حق حبيب قلبي وليدي

طالع له حب الشباب مأذيه ولا له خلق الادويه

 

[Pink GirL]

انا سمعت بعد عن هالشغلة بنت عمي قالتلي عنها لأن مره شافت نفرة على ويهي قالت لي حطي مره

عطتني مره وقالتلي نقعيها شوي بماي واخذي بقطنه وحطي على مكان النفرة وخليها تييبس تصير جنها ماسك والصبح غسليها

بس ريحة المره تلزق

 

[HoNeY_GirL]

صاجه المره وايد زينه والكل يمدحها بس يبيله الوحده تدامو عليه جم يوم

انا اكسره اشوي وانقعه بالماي من الليل للصبح وبعدين بقطنه امسح على ويهي واحطه عالحبوب
وعاد ريحته لاباس فيها حطوا بعدين ماي ورد
ومشكوره حبوبه بروح انقع لي مره اللحين حق باجر

 

[masaa]

يعطيج العافيه اختي انا اعرف ان المره فائدتها الطبيه كبيره لانها
مثل المضاد الحيوي للجسم بس اول مره اسمع انها تشد الجسم
شلون نستخدمها للشد اختي ياليت تفيدينا وماتقصرين

 

[أغلى حبيبه]

عطينا طريقتها حق الشد واللي يعافيج

 

[barbya_q8]

انا أعرف وحدة راحت امريكا تسوي عملية حق بنتها المهم سوتها والحمدلله وكانت تعطي بنتها مره واهي بالمستشفي فشافتها السستر وقالت لها شنو تعطينها مايصير لازم احللها وحللت المره وقالت لها عطيها هذي عباره عن مضاد حيوي واستانست لانهم مايعرفونها وقالت لها ابي منها وعطتها من الي يابته معاها

 

[DBDOB3 DES]

يعطيج العافيه ياقلبي

 

[ملاك-77]

المره مفيده


يعطيج العافيه

 

[LaSt WoMeN]

المرة عجيبة .. يقولج المرة دواء ل 99 داء بس كثرتها في حالة الأكل موزينة تسبب حصوة ..
استخدامها للويه كالتالي :
تنقعينها بماي في بطل زجاجي أفضل ... و رجيه عدل علشان تذوب .. و كل ليلة بعد ما تنظفين ويهج
مسحي بقطنة من ماي المرة .. .و صج تهبل للبشرة ..

تبون استخداماتي الثانية لها ؟
حق احتقان البلاعيم حطيها تحت لسانج و مصيها ..
و تغرغري في منقوع المرة المخلوط مع الملح و شوفي شلون ترتاحين ..
و حق الكحة شربي منقوع المرة 3 مرات .. مو تكثرين الكمية تقريبا فنجان قهوة ..

و سلامتكم ..

بما ان فيني انفلونزا حاليا و بلاعيمي تعورني فإنا حاطتها بجنطتي على طول

 

[DKNY]

اي والله مرررررررره زيييييييينه المره لكل شي وريحتها مو شينه حيل

 

[راماالسعوديه]

مشكورة

 

[frashah_q8]

عجيبببببببببببببببببة عجيببببببببببببببببببة عجيببببببببببببببببببببة وعن تجربه

 

[مشتاقة لأمي]

فيه مثل يقول بيت الحره مايخلى من المره

عن تجربة والله إذا طفلك يرجع أو مستغث (يشعر بالغثيان) شربية منقوع المرة أو فركيها بين اصابعك لحد ماتطلع ريحتها وشمميها له إذا ما رضى يشرب.

بعد اللي مسوي عملية اي شي فيه جراحة (خياطة) عشان ما يستشم الجرح نشربه منقوع المرة ،الأطباء مومقتنعين ان الجرح يلتهب من ريحة العطورات بس التجارب اثبتت ذلك والمرة اثبتت مفعولها ضد ريحة العطورات اللي تلهب الجراحة.
بالنسبة للحب الشباب مجربته والحمدلله نفع مع بنتي بس ولدي مانفع معاه.

 

[لهفه الخاطر]

يعطيج العافيه اختي

 

[om yousif]

اي والمرة وايد عجيبة بس انا اول مرة ادري ان المرة تشد الجسم ,,, علمينا شنو الطريقة

 

[Beyonce_spichal]

اي يتهبل المره
عجييييييييييييييييييبه انا جربتها حق حب الشباب مو طبيعيه
يعطيج العافيه

 

[ام سليمان 2008]

مشكورة اختي على الموضوع بصراحة فوايد المرة وايد

وانا اذكر اني يبت ولدي بقيصرية وكانت امي الله يخليها لي كل يوم تاخذ قطنة وتسمح الجرح بماي المرة ماشاء الله الحين حتى شق العملية مو مبين