فحص الامراض الوراثيه للاجنه ؟؟

[0oR0R0 honeyo0]

السلام عليكم


شلونكم


ابي اعرف منو الدكاترة الي يتعاملون مع مختبرات لفحص الاجنه من الامراض الوراثيه سواء بالكويت او اي دوله


لانه على حد علمي انهم بالكويت ماعندهم مختبرات تفحص الامراض الوراثيه ولازم تندز للخارج عينه وتنفحص


السؤال ابي مستشفى فيها الطبيب والمختبر وماتندز ولويه فهمتو ؟؟


الله يرزق الي ترد توأم سليم معافى والي تتمناه
ويرزقني معاكم يارب


عفيه الي ماعندها فكرة ترفع الموضوع لو بدعوة
شكراااااااان *

 

[0oR0R0 honeyo0]

معقوله ولا وحدة سوت فحص للاجنه للتشوهات والامراض الوراثيه بأطفال الانابيب



 

[ام الزين2000]

حبوبه انا صديقتي سوت فحص الاجنه عن الامراض الوراثيه لانه عندهم مرض وراثي بالعايله
سوته في مختبر مستشفي الهادي وحبوبه مايدزونه بره اسونه بالمختبر نفسه يعني الارجاع للاجنه اكون في اليوم الخامس او السادس
تري حبوبه اغلبية المختبرات اسونه عندج بعد مختبر رويال حياة ومستشفي العرف

 

[0oR0R0 honeyo0]

ماقصرتي بعد قلبي الله يرزقج الذريه الصالحه انتي ورفيجتج..







الي متعامله مع دكتورة بالكويت تفحص الاجنه من الامراض الوراثيه تفيدني
ابي اسم دكتورة او دكتور يفهم بهالحالات لاني رحت لناهض مايعرف بهالسوالف
فيدوني الله يرزقكم الي تتمنونه ياااارب

 

[خطف قلبي]

رويال حياة الفريق البلجيكي يسوونه على حد علمي بدون لا يطرشونه
دقي استفسري من المستشفى احسن

 

[0oR0R0 honeyo0]

ماقصرتي خطف قلبي عسى الله يرزقج الذريه الصالحه

 

[0oR0R0 honeyo0]

ابي اسم دكتور او دكتورة يفهم بهالحاله لان موالكل فاهم بحالتنا تكفون

يارب تسهل علينا وعلى الجميع وترزقنا يارب

 

[ام الزين2000]

عندج عاليه الفضلي فوزيه القطان
والدكتور فاطمي وحفصه وعماد عزاوي هذيله في مستشفي رويال حياة
بس حبوبه لازم اتكون عندج تقارير تثبت ان عندكم امراض وراثيه انا جذي رفيجتي سوت وغصب اقتنعت عاليه الفضلي مو بسهوله

 

[0oR0R0 honeyo0]

ابي اعرف سعر فحص الاجنه من الامراض الوراثيه لاني رحت لدكتورة عطتني سعر خيالي
الي تعرف سعر الفحص تقولي عفيه ؟؟

 

[ام الزين2000]

اعتقد ٧٠٠ دينار

 

[cat_women]

ان شاء الله البنات يفيدونج

 

[0oR0R0 honeyo0]

ماقصرتو الله يرزقكم من حيث لاتحتسبون

 

[روحي82]

هلااا حبيبتي فحص الاجنه مووو جووود بمستشفي الصباااح قسم اطفاال الاناابيب وانا بعد بغيت اسووي فحص بس الفحص مع اغرس بالرحم يكلف تقريباا ٦٠٠٠ الف ديناار هذا كلاام دكتوور علاء بمستشفي والوراثه وقاال اذا بغيتي تحملين تعاالي عشاان نعطيج تحويل

لان عندي اثنين سليمين واثنين معااقين واخااف الحين من الحمااال واجيب معااق والحمدالله علي كل حااال الخااص راح يااكلج اكااال بس اذا رحتي الصبااح يبيلج تحاليل وفحوصاات بعدين يسوولج وياارب يرزقج بالطفل السليم اللهم امين وكل وحده تتمني الظني ياارب

 

[0oR0R0 honeyo0]

هلا روحي عاد اغلى من سعر دكتورتي ليش انتي نفس حالتي الله يرزقنا الاطفال السليمين المعافين يارب ويرزق كل محرومه بالضنا الي يملي عليها حياتها *

 

[روحي82]

هلااا فييج انتي جم قااالتلج الدكتووره سحب الاجنه مع الفحص بعدين غرسهاا بالرحم هذاا يكلف واايد لانهم يختاااروون الجين السليم ومنوو دكتوورتج

والله يرزقنااا ياارب بالاطفاال السليميين اللهم امين ويرزق الجميييع

 

[0oR0R0 honeyo0]

تامرين حبيبتي بدزلج ع الخاص

يارب يرزقنا بالذريه السليمه المعافاة يارب ويرزق كل محرومة


ماقصرتو حبايبي يارب كل من ردت علي او شافت موضوعي ودعتلي ترزقها بالتوم السليم المعافى
ربي لاتذرني فردا وانت خير الوارثين *

 

[عسل حدي]

استغفر الله العلي العظيم واتوب اليه
استغفر الله العلي العظيم واتوب اليه
استغفر الله العلي العظيم واتوب اليه