نزلتك يا بو خالد هزت قلوب الملايين
حي الله هالويه وحي شوف شوفك
فاجاتنا بيولتك يا عسى فرحتك دووم امين
ويا عسى رجل وطت فرح ما تعوفك
رزفت ورزفتك دقت قلووب المتابعين
ورزف ويااك عالم عشق سيدي طيوفك
عسى يمناك اللي نزلت جنة الخالدين
يا بو خالد تسلم ويسلم لنا طيب معروفك
عيد الوفا رفرف علينا نسيمه
و اتفتحت بالورد و الود لاكمام
و اتميزت بين الأصوات الرخيمه
عصما اتوج بالثنا مفرق الهام
مافي معانيها حروف ذميمه
حشيمه تختال ما بين لاحشام
من مخمل الدانات دره يتيمه
كالكاعب اللي من نظرها بها هام
يا زايد اللي لك خصال كريمه
كالشمس ما تخفى على الخاص و العام
للمجدفي الدنيا شروط عظيمة
مسطرات في الصحايف بالأقلام
من مطلبه شهم قوي العزيمه
في حومة الميدان تلقاه جدام
و نفس على بذل الندى ما تليمه
سمحا تنافس بالسخا طيب لانسام
و قلب فلا يرضى بسو يضيمه
عزيز ما ينذل جاره و لا يضام
و انته لزيم المجد و انته نديمه
و انت الكريم اللي بك اتشيد لاكرام
و انته حبيب الشعب و انته زعيمه
يا درع شعبك من رعايا و حكام
و الله لو مالك على الوطن شيمه
يشهد بها شيخ العشيرة و لغلام
و لو ما تصدرت الأمور الجسيمه
و لو ما تحملت المتاعب و الآلام
ولو ما بذلت اسمى المروات قيمه
ما رفرفت باعلى سواريك لاعلام
و لولا جهودك بالنوايا السليمة
بالله يا صرح الإمارات ما قام
و لا اختارنا لك جواهر نظيمة
فيها الولا لي ما يثمن و لا يسام
نذكر فضل زايد و نذكر لزيمه
الشيخ راشد لي له السبعة أنعام
جازاه ربي من فضايل نعيمه
عنا بجنات بها حور و انعام
و مكتوم نبراس المزايا الحكيمة
الجود همه و الحلم طبع و الهام
واهل الوفا لي نطلب الله يديمه
شيوخنا لي للامارات حكام
سلام يا عيد يرفرف نسيمه
أعادك الله .. مشرق الوجه بسام
