فديت كم واسوني فقط مجرد فضفضه

[خادمة القرآن-]

السلام عليكم حبايبي اللي مخليني أسجل بالمنتدى تعاملك الراقي بالردود والاحترام اللي بينكم المهم أنا يابنات جايه اطرح مشكلتي مجرد أفضفض لان ماعندي احد أفضفض له خوات ماعندي غير وحدة عمرها 8سنوات أنا اعتبركم خواتي وكل شئ أنا يا صبايا عمري 21متزوجة وعندي بنت ومتزوجة لي 3سنوات المشكلة والله يابنت أني تعبت نفسيا نفسيا وهي الحاله المادية زوجي راتبه يادوب يكفينا ومتوظف بشركه والرواتب ما ينزل على شهره يتأخر المشكلة سلفاتي وما إدراك ما سلفاتي يوم نتجمع مع بعض مع أهل زوجي كل وحدة تتكلم تقول أنا شريت كذا واشتريت أثاث لبيتي فخم وزوجي سفرني أنا من داخلي اتقطع أروح من عندهم ادخل الحمام وأبكي. وأبكي آه آه لين يجيني الم بالقالون واروح المشفى غير أهديها بالإبر يابنات تخيلو سلفاتي كل وحدة وساكنه بيت ملك لها وأنا ساكنه بملحق 3غرف قسم بالله غرف استقبل فيها صحباتي وغرف أكلنا فيها وغرف نوم بس حتى دولاب لبنتي عجزت أجيب لها لان مافي مكان إحطه لها آه آه يابنات أنا تتعبانه كلن يناظرني من سلفاتي بشفقه علي حتى سفر ما أسافر الداخل السعوديه ولاشي تعبت وأنا نفسي أتدلع واللبس وأنا أصغر سلفاتي لان سلفاتي أنا كبر بناتهم آه آه والله مدري شاقول تخيلو بقول لكم موقف وحدة من سلفاتي ولدت ورحت ازورها بيت أهلها وأبي اوجبها بفلوس100ريال تخيلو يوم جئت أروح سلمت على ولدها ومديت الفلوس قالت لي إذا تبغينها خذيها يعني أنا محتاجه اه اه حتى والله كان بيجوني حريم يدقون علي مآقدرت ارد ع جوالي عشان ماعندي شئ إحطه لهم من اكل أه اه تكفون صبايا واسوني وأدعو أن ربي يرزق زوجي الوظيفة الرسمية لان هم قالو مافي وظائف نهائيا مافي غير شركه تعبت تعبت والله شكلي مع النفسية مرا سواد فضيع تحت العين ويوميا ابكي واحيانا أصيح مثل الطفل والله خاطري عندي بيت ملك لي كبير ونفسي أسافر مثل خلق الله صرت اكرة الزوجات والزيارات عزلت نفسي والله خاطري بسفر بيت وسيارة لزوجي وكل شئ بس الحمد الله ...مجرد أفضفض لكم ربي يوفقكم ..دعواتكم لي ربي يسري لإكمال حفظي للقرآن ومع السلامة ​

 

[ناتشوو]

الصبر الصبر الصبر
واتركي المقارنة
معاهم
وانت بنفسج قلتي بعمر بناتهم
يعني هل هم من بداية زواجهم سكنو ف بيوت بروحهم ؟
اكيد مرو بظروف ويمكن اصعب منج
شوفي النعم اللي عندج
واستمتعي فيها
وانشالله الجاي خير
وبتتعدل الظروف
اللهم امين
لا تعيشين نفسج بهم لدرجة الامراض
وهو في الواقع مايسوى
تفاءلي
واستمتعي ع قدج
وبتعلمج الايام

 

[sh_mashael]

اللي بيذبحج المقارنه

تأقلمي مع ظروف ريلج

و سويلج انتي معاه بيزنس خاص فيكم

و مو عيب انج ساكنه ب، ملحق

بعضهم غرفه!

الله يرزقكم

 

[عزيز قلبي]

يابنت الحلال قولي الحمد لله عمرج ما راح ترتاحين الا اذا اقتنعتي بحالج
وحمدتي ربج عليه ولا تطالعين غيرج تري الناس مظاهر والبيوت فيها
بلاوي انتي ما تدرين عنها تري غيرج ما عنده بيت يسكنه وغيرج محروم من الضني
والدنيا متروسه الحمد لله علي الصحه والعيال والله انهم بالدنيا ضحكي وخلج قنوعه

 

[*مطبخ الذواقة*]

أولا الله يفرج همج ويوسع عليج في دارج ورزقج ..

ثانيا :

ارضي بنصيبج وبقسمه الله لج ... ﻻ تحملين نفسج شي فوق طاقتها ..تقولين ساعات ابجي وعندي قولون ياحبيبتي والله ما في بعد الصحه شي مهم ..احمدي الله على الصحه والعافيه وعلى الستر ....وﻻ تقارنين نفسج مع أحد ..

اكثري الاستغفار ...فالاستغفار مفتاح للرزق والبركه

وحاولي لما تشوفين غيرج يملك مالا تملكين قولي اللهم بارك لهم ورزقني يا ارحم الراحمين ...



تقربي من الله أكثر ...وتاكدي انه ما راح يردج خايبه




وأسأل الله الفرج العاجل غير الاجل ..لج ولكل المهمومين


وربي يرزقكم من حيث ﻻ تحتسبون ....

 

[منال $]

شوفي حبيبي ممكن تكون 3 غرف وعايشة فيها مبسوطة مع زوجك احسن من ككتيرناس عايشين بقصور وحياتهم تعيسة
انت مشكلتك الظاهر بس بالمادة الموضوع بايدك
كتري من الاستغفار وادا في مجال انةانتي كمان تشتغلي اشتغلي وساعدي زوجك لحد مايلاقي وظيفة افضل وبراتب احسن

 

[قمورتي فطوم]

عادي حبيبتي عليك بالصبر
هذا انا وزوجي الاشهر اللي طافت لين هالشهر مطفرين حدددنا
وديون وخراب السيارة من جهه وتصليحها فوق راتب زوجي بواجد
وحمدلله ممشين حالنا قد مانقدر


عليك بالصبر دوري لك ع وظيفه انتي
او اشتغلي مندوبة بشركة من هالشركات ايفون وفور ايف وماي واي
سووا مشروع صغير


استغفر الله ربي واتوب اليه

 

[Patcholli]

واظبي على سورة الواقعه

 

[توتة UAE]

حبيبتي ارضي باللي عندج لأن السعادة مب فامتلاك المادة
دوم شوفي اللي أقل منج وبتشوفين كيف عندج أشياء ماعندهم
تفائلي وخلي نظرتج للحياة جميلة بتشوفين كل شيء جميل
اشكري ربج عاللي عندج وبيزيدج من خيره . . لا تاكلين قلبج
لسبب تافه . . كل شي مقدر ومكتوب ف عيشي وانتي مرتاحة
الصياح وتبهدلين عمرج ما بيفيدج . .

فديتج استغري ربج واحمديه واقري سورة البقرة لو ترومين
اشتغلي بعد والله بيرزقج وبيفرحج آمين وتعيشين بسعادة
ورضى وقنااااعة 3>

 

[M!SS.LOBY]

الله يفرجها عليكم

 

[امـ خــزامـى]

مع اختي ناتشو

سلفاتك على قولتك كبااااااار والزمن علمهم
واكيييييييد ماكان هذا حالهم اول زواجهم

بنت خالتي زوجها على قد حاله بداية زواجهم تخيلي راتب زوجها 3000 ريال
بس ماشاءالله بحسن تدبيرها واقتناعها ورضاها
كانت ذوق ولبسها مرتب هي وبناتها
وعزااايم وكررررررررررررررررررررم ماشاءالله ولا تجااار

والحمدالله كبرواا الحين وربي رزقهم وسكنوا بدور ملك واثثت اثاث جميل
ولبست اححلى اللبس
وسااافرت وعاشت حياااتها اللي كانت تتمناها

ربي يصبرك ويرزقك ويحقق منااكم

 

[لسووعه]

الله يرزقكم من خيره إن شاء الله

انتي لا تقارنين نفسج بغيرج دايماً بداية الزواج صعبه وتوكم صغار العمر جدام والله بيرزقكم إن شاء الله

ليش تبچين وتضيقين خلق زوجج حرام اهو مابيده شي لاتزيدينه بالعكس استانسوا بأبسط شي

وهذي مرت حماج وقحه شكو ترد الفلوسس اتوقع اميه ريال يعني عشره تقريباً شكثر حريم يهدون عشره واهم عندهم فلوس ومرتاحين

 

[ام الدرر]

حياتي منو فينا ما عانى في بداية حياته الزوجية
كلنا الراتب ما كان يوصل اول 10 ايام من الشهر ونقعد باقي الشهر ننطر الراتب اللي وراه
الحمدلله صبرنا وربي فرجها

قال صلى الله عليه وسلم
((من بات امنا في سربه معافى في بدنه ومعه قوت يومه فكانما حيزت له الدنيا ))
تمعني بالحديث حبوبة
لاتطالعين اللي اعلى منج
طالعي اللى اقل حياتي
في ناس ماعندها بيت تسكنه
وصحتها معدومه
وما عندها 100 فلس لكيس خبز
احمدي ربك عاللي عندك غاليتي
عسى الله يفرج همك ويوسع رزقك ويمنن عليكم من واسع فضله​

 

[مولاي الفرج]

اختي قولي الحمدلله ان يشتغل ويمشيله راتب

والله يرزقكم ان شاءالله

 

[ام الحلوااات]

الصبر الصبر الصبر
واتركي المقارنة
معاهم
وانت بنفسج قلتي بعمر بناتهم
يعني هل هم من بداية زواجهم سكنو ف بيوت بروحهم ؟
اكيد مرو بظروف ويمكن اصعب منج
شوفي النعم اللي عندج
واستمتعي فيها
وانشالله الجاي خير
وبتتعدل الظروف
اللهم امين
لا تعيشين نفسج بهم لدرجة الامراض
وهو في الواقع مايسوى
تفاءلي
واستمتعي ع قدج
وبتعلمج الايام

مـــعـــــاهـــــــــا :eh_s(15): :eh_s(15):
عـــســى اللـــه يــرزقــكـــم مــن اوســـع ابـــوااب رزقـــه يــاااارب​

 

[يوم وليلة]

ضاقت ولما استحكمت حلقاتها فرجت وكنت أظنها لن تفرج

 

[روجَ آحمرَ ..×]

اخلقي من طموحك وظيفه
لا تقعدين بالبيت
دووري لك شغل

 

[احلا المزايين]

حبيبتي حاسة فيج والمادة تلعب دور بالنفسيةبس لايكلف الله نفسا الا وسعها
هاذي قسمتج اللي ربي قسمها لج واذا زوجج حبوب وطيوب ويحاول يسعدكم
احمدي الله
المقارنة موت بطيء وان كان ولابد قارني نفسج باللي اقل منج
بتقولين الحمدالله من قللللب
وانتي ياقلبي تووج ببداية حياتج
ولازم اتواجهين هالتحديات بصبر وووساعة صدر
لا تنعزلين عن المجتمع خالطيهم وونسي نفسج
وانتي والله عندج نعمة عظييييييمة اللي هي العافية
تدرين اذا احب الله عبدا ابتلاه شتبين بعد اكثر
وقال تعالى ومايلقاها الا الذين صبروا
لابد من الصبر بعد الصبر فرج اسأليني
ايامج بتمشي بجيتي زعلتي رضيتي فمشيها بسلام
لاتجيبين لنفسج الامراض من كثر التفكير
قال صلى الله عليه وسلم ارض بماقسم الله لك تكن اغنى الناس

 

[miss.unique]

الي متعبج هو المقارنة .. وقفي مقارنات بينج وبين سلفاتج و تذكري المثل (( ضاقت فلما استحكمت حلقاتهافرجت وكنت أظنها لا تفرج ))


و رددي دايــــــــــــــــــــــما ربي اني لما انزلت الي من خير فقير .. و ان شاء الله الموضوع مسألة وقت يا عمري تصبري

 

[اسبانيه]

القناعه كنز لا يفنى

الله يرزقكم الرزق الحلال... ادعي حبيبتي ورب العالمين يفرجها عليكم يارب