فرحوا عيالنا عيال الكويتيه نبي الفرحه تكتمل!!!

[7elwa&3soola]

رد : رد: رد : رد: رد : رد: رد : رد: رد : رد: رد : رد: فرحوا عيالنا عيال الكويتيه نبي

راجعي ردودج وشوفي اشلون كنتي تغلطين وتجرحين موبس حقي حق اي وحده تختلف معاج بالراي

ومن اول النقاقش ما غلطت ولا قللت من احترام احد وكنت اشوف نغزاتج ومصخرتج واطوفلج ارتقاء للنقاش

واحترام لصاحبة الموضووووووع الله فوقي اذا انه غلطت بحقج واذا انتي غلطتي انه مسامحتج ومحللتج

بس خلي روحج رياضيه بالنقاش واسلوبج ارقى من جذي مره ثانيه

ردوودي مافيها الا الخير لكم والدعاء وانتي ياقلبي ليش طبعج تلبسين الواحد تهمه

الله فوق الجميع ياعمري والي غلط الله بيحاسبه سواء انا ولا انتي

والله العالم منو اللي ينغز ويتمصخر من اليوم عالناس ويتطنز ع ابناء الكويتية وتقولين انهم قرقيعان مشكل من دول

وتقولين ان احنا مالنا حق وتهاجمينا وتنغزين وتقللين من قيمة الناس كلهم

وانتي ماحترمتى صاحبة الموضوع وهاجمتيها بردج

ولا احترمتي وجودنا ياعمري الله يجزاج بالخير

وروحي رياضية جدا وتلعب جميع انواع الرياضه فديتج

واذا تحسين اني غلطت عليج اعتذر لج جدام الملأ اسفه وحقج علي

وحياج الله عزيزتي كيتي اخت عزيزة وغالية

والله يوفقج يارب

 

[عذوره 2010]

رد : فرحوا عيالنا عيال الكويتيه نبي الفرحه تكتمل!!!

اقول يا بنات لا تكثروون الحجي:wqedqw: الكويتيه المفرووض تعامل مثل الكويتي حالها حاله تزوج بدون اتزوج هندي بنغالي كيفها بس حالها مثل حال الكويتي لا تقعدون تفلسفون من عندكم وان شاء الله بيطلع لنا حق وبناخذه غصبن عن اللي مو راضي :050103nbh_prv:وحسبي الله ونعم الوكيل علي الظالم​

 

[7elwa&3soola]

رد : فرحوا عيالنا عيال الكويتيه نبي الفرحه تكتمل!!!

وانا ماهجمت ولا اي احد انا تكلمت عن نفسي وناشدت حكومتنا الرشيدة فقط !!!

راجعو الردوود من صفحة 1 وتأكدو من الي هاجم الثاني

وفي ناس تثير الفتن اهني اعوذ بالله تحرش الناس بطريقة غير مباشرة يتحرشون فينا

الله يهديهم يارب ويهدينا لطاعته

 

[7elwa&3soola]

رد : فرحوا عيالنا عيال الكويتيه نبي الفرحه تكتمل!!!

انا وحدة من الناس مابي جنسية ابي اعيش نفس الناس

ابي اتوظف واعيش من عرق جبيني

ابي اتزوج بعقد زواج رسمي

ابي اخواني المعاقين يتعالجون بالخارج

ابي اختي الصغيرة تدرس حالها من حال بنات الكويتيات بلاش مع العلم امي كويتية مادة اولى وبنتها تدرس بالخاص!!

ابي لمن اموت يكون لي شهادة وفات !


وجزاااكم الله الف خير


بس هذا اللي نبيه


هذا ياجماعه الي كتبته بالبدايه وهذا مطلبي فقط !!

 

[اريج الجوري]

رد : رد: فرحوا عيالنا عيال الكويتيه نبي الفرحه تكتمل!!!

القرار ما فيه تفرقه اكيد الدوله بتعطي وتميز مواطنينها شنو الدوله مسكينه سبيل للكل

الوافدين يبون واعيال الكويتيه يبون وباجر الخليجين يبون بعد

لا والله خير الكويت حقها وحق اعيالها وغير الكويتين الوافدين عايشين عيشه ما يحلمون فيها بديرتهم ما يبون يرجعون بلدهم اصلا

وكل سنه ييبون اهلهمواعيالهم لان الحمدلله شايفين نعمه الخير والنعمه والامان اللي الكويت ما بخلت فيه على احد

من حقنا كمواطنين نتميز ببلدنا وكل دوله تميز مواطنينها عن باقي الجنسيات الاخرى

واعيال الكويتيه اهم موكويتين ديرتهم وديرة ابوهم ملزومه فيهم بالشرع والقانون والدين المراه تتبع ريلها والريال ملزوم

يصرف على مرته واعياله ولا شنو فايدته ريال متزوج طمع بالكويتيه وفلوسها؟؟

معاج بكل حرف ,,,

 

[اريج الجوري]

رد : فرحوا عيالنا عيال الكويتيه نبي الفرحه تكتمل!!!



عندي سؤال من عمر محيرني ,,,

شنو يعني بدون ؟؟؟

نابتين مع الزرع ؟؟؟

مالهم اصل ؟؟؟

لاتقولون من عمرهم بالكويت ,,, لو يستاهلون الجنسيه جان خذوها ,,,

شنو اصلهم ؟؟؟ من وين جايين ؟؟؟

واذا اوضاعهم مو عاجبتهم ويتحلطمون على العيشه بالكويت ليش مايردون لدولهم ؟؟؟

تدرون ليش ؟؟؟

لأنه على كثر حوبتهم تحلطمهم مايلقون عيشه افضل من عيشه الكويت ,,,

عشان جذيه مايبون يطلعون منها ,,,

وترى مو ناقصين اهم يشتغلون كل شي وفلوسهم اكثر منا ,,, وبعدين عيال الكويتيه ذبحتونا فيهم ترى ,,, الولد يتبع ابوه شرعا وقانونا ,,, خل تروح ديره زوجها وعيالها ,,, واللي تقول كويتي ومتزوج عراقيه او خليجيه او غيره وياخذون المنحه ,,, اي ياخذونها وعليهم بالف عافيه لأنهم كويتيين ,,, مايتبعون امهم ,,, والله منطقج غريب تبين عيال الكويتيه يتبعونها وعيال الكويتي اللي امهم مو كويتيه مايتبعونها ؟؟؟ شالسالفه ؟؟؟ وترى ماصارت منحه اللهم لاحسد ...

 

[7elwa&3soola]

رد : فرحوا عيالنا عيال الكويتيه نبي الفرحه تكتمل!!!

عندي سؤال من عمر محيرني ,,,

شنو يعني بدون ؟؟؟

نابتين مع الزرع ؟؟؟

مالهم اصل ؟؟؟

لاتقولون من عمرهم بالكويت ,,, لو يستاهلون الجنسيه جان خذوها ,,,

شنو اصلهم ؟؟؟ من وين جايين ؟؟؟

واذا اوضاعهم مو عاجبتهم ويتحلطمون على العيشه بالكويت ليش مايردون لدولهم ؟؟؟

تدرون ليش ؟؟؟

لأنه على كثر حوبتهم تحلطمهم مايلقون عيشه افضل من عيشه الكويت ,,,

عشان جذيه مايبون يطلعون منها ,,,

وترى مو ناقصين اهم يشتغلون كل شي وفلوسهم اكثر منا ,,, وبعدين عيال الكويتيه ذبحتونا فيهم ترى ,,, الولد يتبع ابوه شرعا وقانونا ,,, خل تروح ديره زوجها وعيالها ,,, واللي تقول كويتي ومتزوج عراقيه او خليجيه او غيره وياخذون المنحه ,,, اي ياخذونها وعليهم بالف عافيه لأنهم كويتيين ,,, مايتبعون امهم ,,, والله منطقج غريب تبين عيال الكويتيه يتبعونها وعيال الكويتي اللي امهم مو كويتيه مايتبعونها ؟؟؟ شالسالفه ؟؟؟ وترى ماصارت منحه اللهم لاحسد ...

جزاج الله خير يالغالية لا اكثر ولا اقل

واذا احنا زرع انتي وردة شتبين بعد

 

[دراما كوين]

انا ملاحظه شي ولله الحمد والمنه , ان الردوود اللي مايده صاحبه الموضوع اكثر من الردود المعارضه , وهذا شي جدا طيب ويبعث على السرور , ويدل على ان الدنيا للحين بخييير


وانا استغرب ان الكوتيه تظلم اختها الكويتيه وتوقف بويها وبويه حقوقها وهالشي يحز بالخاااطر بصراحه

 

[دراما كوين]

ترى على فكره ترى احنا مو قاااعدين نتناقش بهالموضوع قضية البدوون من وين ياييين وهل اهم فقع والا مخلوقات فضائيه والا دينصوورات ؟؟؟

لا احنا قاعدين نناقش موضوع معين
احنا قاعدين نقووول ان عيال الكويتيه سواء بدون او غيره ياخذون الحق اللي كقله لهم القانون الكويتي !!!!
لاتقولون ماكو قانون بهالشي !!!!!!!!!!!!
لا في يا عمري ودارسته وقاريته بنفسي , ان عيال الكويتيه الارمله او المطلقه يستحون الجنسيه , وكذلك زوجه الكويتي تستحق الجنسيه ,,,,,, هذا قانون انوضع بالكويت وخالصين منه ,

شنو معناة هالحجي؟؟ ان القانون يقول ان عيال الكويتيه سواء طال الزمان والا قصر بيتجنسون يعني بيتجنسون ,,,,لان , وهالقانون نادى فيه كل الاعضاء والعضوات المحترمااااات , ووزير الداخليه بنفسه كاااان يقوووول انا مع تجنيس عيال الكويتيه ,,,,,,,,,,,,,,,,,,,
دام هالامر مذكور بالقانون يعني هالشي حق من حقوق عيال الكويتيه ,,,, وعدم تطبيق هالامر فيه ظلم ,, اي ظلمممم متى ما انحذف هالقانون بنسكت وبنقول لا عيال الكويتيه مالهم حق , بس ان شي مذكور بالقانون وماتطبق معناته ان في ظلم حاااصل



وتقووولون هالشي ماصار بولا ديره ؟؟؟؟؟؟؟
لا يا عيوني صار , امريكا وببريطانيا وغيره وغيره
ومؤخرا مصر اقرت هالقانون , بعد ما شافوا معانا المصريااااات اللي ماخذين غير مصرييين وعايشين بمصر ,,وعندهم ابناء , اهم اللي طالبوا بهالشي , وظلوا وناظلوا لغاية ما اقروا هالشي بمصر ان عيال المصريه من اب غير مصري يستحقون الجنسيه ,



--------------


واللي يقولون هالشي ما يقره الدين الاسلامي , اقووول لهم يا حلواااااات ان نظام الحكم بالكويت مو اسلامي !!!

من شهر جذي
الطلبه بالجامعه قلبوا الدنيا وقعدوها على مجرد منشوووور وزعوووه احدى القوائم بالجامعه ينادي بالحجااااب , والجامعه بكبرها اعتذرت عن هالمنشوووور وطالبت بمحاسبة الجهه اللي اصدرت المنشووور

مو قصدي ادخل بموضوع ثاني , بس القصد ان اقوولكم ان الحكم بالكويت مو مبني على الشريعه الاسلاميه ياللي تقولون تجنيس الكويتيه لا يقره شرع ولا دين


!!!!!!!!!!!!!!!!!!

 

[لمسه حزن]

رد : فرحوا عيالنا عيال الكويتيه نبي الفرحه تكتمل!!!

صاحبه الموضوع

وكل وحده قالت كلمه حلوه

بحق الكويتيه وابنائها البدون

جزاكم الله خير

وربي يجعلها بميزان حسناتكم

الكلمه الطيبه صدقه

ويكفي نشوف الديره بخير

وسلام

تحياتي لكم

 

[سكون الورد]

عسى الله يفرج كربتهم ويفرح قلوبهم مثل ما فرح قلوبنا

وبوناصر ماراح يقصر اكيد هذا العشم


للاسف ماضيع الديره الا القلوب السودة الشحيحه
بالاول كان الواحد يقسم لقمته بينه وبين جاره وما يتهنى بشي الا وعند جاره مثله
وهذا سبب الخير اللي كنا فيه والامان
والحين اللهم نفسي

 

[~ مآ يهمـ ~]

رد: رد : فرحوا عيالنا عيال الكويتيه نبي الفرحه تكتمل!!!

عندي سؤال من عمر محيرني ,,,

شنو يعني بدون ؟؟؟

نابتين مع الزرع ؟؟؟

مالهم اصل ؟؟؟

لاتقولون من عمرهم بالكويت ,,, لو يستاهلون الجنسيه جان خذوها ,,,

شنو اصلهم ؟؟؟ من وين جايين ؟؟؟

واذا اوضاعهم مو عاجبتهم ويتحلطمون على العيشه بالكويت ليش مايردون لدولهم ؟؟؟

تدرون ليش ؟؟؟

لأنه على كثر حوبتهم تحلطمهم مايلقون عيشه افضل من عيشه الكويت ,,,

عشان جذيه مايبون يطلعون منها ,,,

وترى مو ناقصين اهم يشتغلون كل شي وفلوسهم اكثر منا

الله يسامحج يارب

 

[ToOoFe]

لاحول ولاقوه الا بالله
والله مانبي هالمنحه اللي بتسوي كل هالمشااكل
الحمدالله نايمين ماكلين بصحه وعاافيه
مومحتاجين شي
بس بناات اللي تقول ليش لكويتيه تتزوج بدون ؟؟
ليش هالكويتيه لما تزوجت بالثمانينات او بالسبعينات كانت تدري بيصير غزو وبتتفرق الكويت ؟
انا امي وخوالي كويتيين وكل قرايبنا تقريبا
بس والله رفيجتي كويتيه وخالاتها كويتيات بس لاتسمعون كلامهم والله سوريين اصل وفصل حتى اشكالهم شقر والعيون زرق وبيييض ومايقولون حتى كلمه كويتيته بالله هذيلا يستاهلون الجنسيه ؟؟
فكروا شوي بمنطق ..

 

[blue diamond]

أخذ حقه بالنقاش
الموضوع مغلق