فرنسا يابنات

[أم وصايف]

السلام عليكم ورحمة الله وبركاته

شلووووووووونكم يابنااااااااات

انا انشالله اذا الله كتبلي بروح فرنسا بالصيف

عاد ابي فزعتكم يابنات

عندي جم سؤال ودي تجاوبوني عليه وهم :

1 ماهي أفضل المناطق السياحيه في فرنسا؟
2 ماهي أفضل الاماكن السياحيه؟
3 ماهي اسماء المجمعات التسوقيه الرخيصه؟ (طبعن تدرون بالميزانيه واحنا نبي الحلو الرخيص مو الغالي عاد سامعه ان كل شي فيها غالي الله يستر)
4 ماهي افضل المطاعم؟

 

[أم وصايف]

آفااااااااااااااااااا محد رد علي

 

[noty]

هلا و غلا يا قلبي

فرنسا حلووه الصراحه و عندي ورقه كاتبين فيها جم مكان اتمنى انه احصلها

بس عالعموم الاسواق غاليه طبعا

بس في اوت ليت يصير ورا دزني تروحينه بالقطار هذا حلوو

اهو عباره عن مجمع كبيره و بره يكون فيه اوتليت الماركات

و السوق اللي بالسنتر في عندج مجمع لافييت وايد حلوو لا اطوفينه

و عندج ايتام مالهم اينن تقريبا 6 ادورا

المطاعم و الله شوفي شارع الشانزيليزيه مترووس مطاعم

بس انا احب الايطالي فدايما نختار المطاعم الايطاليه

و في فرسنا عندج طبعا المتحف الشهير اذا تحبين هالسوالف

و عندهم ايريا اللي فيها الكنيسه واايد حلووه اذا تحبين جذي

و عموما باذن الله ادور لج اللورقه ان شاء الله اجصلها و اعطيج الاسامي بالضبط

 

[أم وصايف]

مشكــــــــــــوره noty

ويعطيج العافيه هالمعلومات

وبانتظار الاسامي

 

[زهرات]

فرنسا وايد حلوة وفيها وايد اماكن سياحية
وراح اذكرلج اللي اتذكره

عندج ديزني لاند .. لازم ما تطوفينها

ومتحف اللوفر حلو واكثر شي عجبني فيه لوحة الموناليزا وقصر نابليون .. والمتحف وايد كبير واذا انتي تحبين سوالف الاثار والتاريخ بتستانسين عليه

متحف الشمع

قصر فرساي

برج ايفل

رحلة بنهر السين

الاسواق : عندج غاليري لافييت وفي شارع جنه اسمه شاتليه

وفي هضبة نسيت اسمها .. فيها كنيسة وفيها رسامين ومحلات شعبيية
والحي اللاتيني فيه كله مطاعم وكافيهات

وطبعا شارع الشانزلزيه متروس مطاعم ومحلات والقعدة فيها حلوة

والجو بفرنسا حتى بالصيف عجيييب
وبالليل اصلا يصير شوي برد .. يبيلج جاكيت

 

[dandoosh]

انا رحت باريس 2006 ..
انا ما عندي واايد معلووومات بس حبيت اقوولج ترى اذا بتروحين دزني لاند قعدي بالفندق هنااك..اصير ارخص و هم تدخلوون الالعااب بدووون دور..والدوور عاد الله لا يوريييج..
اتمنى اني اكوون فدتج بهالمعلوومة الصغيره

 

[dandoosh]

اي صح نسيت اقوولج في شارع بباريس وايد ناس يعجيهم..والمحلات اللي بالشاارع وايد حلوة و فخمه..بس عاد اذا ما عجبج لا تدعين علي..هههههه لان في ناس ما تحب جذي..بس اهو حييــل مشهوور

 

[أم وصايف]

يعطيكم العافيه بنات ماتقصرون

بس هالاماكن متى تفتح ومتى تسكر ؟

طيب ماقلتولي بنات ماكو جزر حلوه هناك ومنو راحت لغير باريس منطقه ثانيه مثل كان ؟

 

[MaZyOoOoNa]

اب اب لان هم انا ابي اعرف

 

[دار الوقار]

جم يوم تكي فرنسا ووين احسن منطقة للسكن

 

[knafa-q8]

فرنسا وايد حلوه بس الله لايوريج شعبهم:s
احلى الاماكن اللي صج صج صج لاتطوفينها اكيد ديزني لاند وقصر فرسااااي واااااااااااااااااااااااااااااااااايد عجبني تحسين جنج قاعده بفلم
لأن صج في فلم مااذكر اسمه عدل بس جنه ذوالقناع الحديدي كانوا مصورين بحديقه القصر
وعندج متحف اللوفر حلووو
اممممم
سوقه فرنسا وااااايد غاليه
ولافاييت غالي اذكر شرينا منه ميك اب
لوووووووووووووول عندهم سوق مثل سوق اليمعه
اسمه سوق الاحد جنه يونس روحيله عن الحسافه
بس مارحنا جزر بفرنسا
احنا رحنا مدن فرنسيه عن طريق سويسرا تصير وايد اقرب
واذا تذكرت شي بعد راح ارد اقولج​

 

[أم وصايف]

يعطيج العافيه knafa-q8

انا ودي اروح قصر فرساي بس وينه بالضبط وبجم التذكره وندخله داخل ولا بس من برا

وشسم السوق الي يشبه سوق اليمعه؟

 

[knafa-q8]

يعطيج العافيه knafa-q8

انا ودي اروح قصر فرساي بس وينه بالضبط وبجم التذكره وندخله داخل ولا بس من برا

وشسم السوق الي يشبه سوق اليمعه؟

والله مادري بجم تذكرته حق الشخص الواحد لأن احنا كنا قروووب كبير وكنا نحجز مره وحده
اكييييد تدخلييينه اينننننن تحسين نفسج بالعصور القديمه
السوق اسمه سوق الاحد

 

[أم وصايف]

الله عاد انا شفت قصر فرساي بالصور والافلام ودي اشوفه بالطبيعه

بصراحه انا ميزانيتي شويه عشان جذي ابي اسواق تكون اسعارها معقوله مو غاليه

 

[فرنسا]

بالنسبة للاماكن السياحية لاطفال:دزني لاند,,استريكس ,,سيتي ساينس(مدينة العلوم)وتفتح الاحد بعد ,,اكوابوليفارد حديقة مائية,,ملاهي الشانز
الاماكن السياحية :متحف اللوفر,,كنيسة نوتردام ,,قصرفيرساي ,,رحلة بنهر السين
الاسواق الرخيصة عندج منطقة الشاتليليال ,,,وبرة بمنطقة الاوبيرا تمشي فيها تلقين فيها ...الاوت لت
الاسواق الغالية :الافيت ,,اوبغانتوة ,,بومارشية..مونتينيا
مناطق برة باريس اذا بالسيارة تقريبا 5 ساعات عندج مدينة انسي يم جبال الالب على حدود سويسرا وطلعي منها على سويسرا تمشي فيها
وبالنسبة للمطاعم ..... ندج بيتزا بينو بالشانز لازم تاكلين فية اكلة عجيب ايطالي ,,,,, عندج مطعم العجمي لبناني بس سعرة مرتع شوي .... مطعم الديوان سسعرة زين بس انا ماحب قعدتة ... في بالشانز مطعم اير اني كل ما اصير حيل يوعانة اروح لة لانى اصير ابي عيش
والباجي طبي وتخيري كل المطاعم تونس

 

[أم وصايف]

مشكووره اختي فرنسا