فرِي كوووويت !

[monmon12]

رفيجتج المفروض تضحك على نفسها

اشلون تحكم على مجتمع من مسلسلات من قبل مألفين ؟؟؟

يعني اشوي خل اشتغل مخها اشوي أحكم وأعمم من مسلسل !!!!!!!!!!!!

 

[حصه11]

اي صح كلامهاااا بس لاحد يزعل انا كان على بالي كل شي فري لين ما دخلت هالمنتدى وانصدمت حتى اقول لاخواني السالفه يوم اقرى ردود البنات واشارك ... بالعكس انا حاليا ماخذه فكره حلوه عنكم من خلال هالمنتدى والله ولا ما كنت اعرف شي ؟؟؟؟ اسفه

ما ابي حد يزعل مني

كله من المسلسلات اللي معطيه صوره مو زينه عن الكويت ^^ بس الحين اتضحت الصوره لي ربي يحفظكم ويحفظ اهل الكويت

سامحوناااا فديتكم ^^

 

[غماآزهـ]

رد : فرِي كوووويت !

شوفي حبيبتي ،
دام إن هالإنسانة تحكم ع شعب كاآمل لمجرد شافت مسلسل ولا برنامج ،
فهني تشرهين ع عقليتها !
يعني إذا إنتي الكويتية تقوليلها إحنا مو جذي وتقولج لأ إمبلا !!
فهل إهيا أعلم فينا من نفسنا مثلاً ؟؟
،،
صحيح ما ننكر إن المسلسلات الكويتية تعرض أفكار جرثومية
وقلة أدب ،
لكن الأشياء اللي تنعرض تمثل أصحابها ..
وما تمثل شعب كامل ،
وهالشي للأسف واآيد ناآس مو راضين يستوعبونهـ !!
،،
هذا رايي
~ شكراً ع الطرح ~​

 

[Tom ♥ Jerry]

.


الصرآحه مآ تنلام لمآ تاخذ عنه فكره !
من بعض سوالف البنات و لبسهم و اشكالهم اولا
ثانيا من المسلسلات
اهيه صج مآ تمثل المجتمع الكويتي
بس تمثل الكويت > كونهآ طلعت بقناه كويتيه
و اغلب ممثلين المسلسل كويتيين

الله الهآدي

 

[جوانا2011]

رد : رد: فرِي كوووويت !

اي حبيبتي ما تشوفينهم شيطلعون بمسلسلاتهم
يطلعون احسن شي بالديره
و انهم المدينه الفاضله
و احنا نطلع الخياس كله و نحطه بالمسلسل
و شنو ناخذ فكره عنهم و اهما شنو ياخذون فكره عنا

كلامك صحيح ... لا واللي يغث بزود ان الممثلات اللي يعطون هالصوره اغلبهم موكويتيات والله العظيم شي يقهر وينقل صوره سلبيه حق الدول الثانيه ترى انا سعوديه بس ما ارضى على خواتي الكويتيات لاني اعرف الديرة واعرف بناتها اصل وفصل وما تطلع منهم سوالف المسلسلات الي تفشل تقبلي مروري

 

[زهرآء]

بنات البنت مو متخلفه كم مسلسل عن الكويت ينعرض في رمضاان !!

وكلهم نفس الشي مخدرات ....خيانه...شباب وبنات

اكيد بناخد فكره كدا اذا كل المسلسلات نفس الشي مافيه مسلسل واحد يثبت العكس


وعلى فكره معروفين بالغرور

<<هذا اللي اسمعه

لكن خل يدخلون المنتدى اتوقع بتتغير النظره
نفسي تماما

 

[لؤلؤية]

رد : فرِي كوووويت !

ايه حبيبتي
هذي وسائل الاعلام الكويتية
بما فيها تلفزيون وصحافة واعلان
هم اللي شوهوا صورتنا جدام الدول الثانية
وتدرين شنو اللي يقهر
انه غالبية اللي يمثلوننا ...مو كويتيات من الاساس الا القلة منهم

بس

مانقول الا حسبي الله ونعم الوكيل فيهم
وذنب كل كويتية شريفة وعفيفة برقبتهم...لانه هذا بمثابة القذف...في تصوري

 

[كويتيه مذهله 87]

ما الومها علي هالمسلسلات الي بحطوونها اكيد بتمثل الكويت

 

[monmon12]

انزين احنا مسلسلاتنا مشوه صورتنا عدل؟؟

انزين والبارات الموجوده في دول الخليج

والخمر الي ينباع عندهم مع الديسكوات والمراقص والملاهي ؟؟؟

وبنات الي يوقفوفن بالشارع ويقولون how much

هل يخايني أحكم انه هذي الدوله أهلها فري؟؟؟

مع العلم احنا مسلسل منؤلف وايهم واااقع موجود بأرضهم؟؟

أرجوكم احنا عل الأقل في ديرتي ما ابيع خمر ولا عندي ديسكو علني ارحوكم بس فكروو اشوي

 

[eman12]

والله صح كلامج وشوفي لي رحنا السعوديه بالعمره والا الحج شلون ينظرون لنا وشيقولون لنا

 

[كاندي بينك]

اصلا حتى المنتدى هذا مشوه سمعة الكويتين نعم مشوهها لان كله مشاكل شنو خنت ريلي طلعت ويا رفيجي زوجي طلقني شهاالمشاكل

 

[HeR HiGHNeSs 90]

من الحرره

مالج شغل فيهم عل اقل احنا دولتنا معطيتنا حريه مو غاصبينا على شي ولي سافرنا نطلع حرتنا

 

[mf6nt el3lat]

اي والله شي يقهرررررر ويحرررررر بعــد............!؟
الله يعيناا

 

[In pinK]

رد : فرِي كوووويت !

بصراحه اهي ماتستحي وماعندها سالفه لأن أحنا بالأخير شعب خليجي..

وحتى لو انها كلش ماتعرف اي شي عن الكويت والكويتيين الا من المسلسلات مفرووض ماتقولج هالكلام..

مفرووض تراعي أنها تكلم رفيجتها واهي كويتيه..

بعدين حتى الجهال يدرون المسلسلات مبالغ فيها ومو مرتبطة بالواااقع..

لاا اهم شي احنا اخذنا فكره وماراح نغيرهاا..

خليها تولي هاذي مو رفيجه..، هاذي بنت ماتستحي وماتعرف الذرابه والذووق..

 

[ابي قطوة]

رد : فرِي كوووويت !

حبوبة ليش تعصبين بكل مكان في ناس فري و ناس مو فري مو بس عندنا !

 

[حرم القيصركمودس]

رد : فرِي كوووويت !

وااااااااااااي جن رديتي عليها بعشر شنو تغلط على ديرتي وانا ساكتة

الي يحط عقله بمسلسل ويحكم غلطاااان ومتخلف
الله يهداهم بس

 

[MoonDiamond]

لاحول ولاقوة الا بالله
هالمسلسلات اللي بالينا فيها!!!

ورفيجتج شدعوه عليها تقول ما عندنا رياييل بويهج جذي
وين الذوق ؟؟!!!!

 

[أنفاسي دخون]

حسبي الله على فجر السعيد هي اللي شوهت صورة ديرتنا

 

[Miss Cherry]

ايه ليش معصبين ماغلطت


انا وحده لو اني مو كويتيه ولا عمري جيت الكويت وماعرف عنها الا المسلسلات اللي تنتجها بقول هذا شعب وسخ ماعنده قيم ولا اخلاق .. المشكلة كل مسلسلاتنا الحين جذي وحيل قاموا يخورونها اخر السنين لدرجة والله مرات استحي اشوف المسلسل قدام اخواني ولا ابوي

ونفس الشي اللي يجون زيارة ويشوفون نقول بعض الاشكال اللي بمجمعاتنا واللي نصهم زلمات بس يتكلمون كويتي والنص الثاني ماوراهم والي بقول هذي ديرة وسخة واللي فيها وسخ

هالصورة اعلامنا الفاسد هو اللي رسخها بعقول الناس حتى الدول الخليجية اللي هي اقرب شي لنا والمفروض يعرفون انه عاداتنا مثل عاداتهم خذوا عنا صورة مو زينه ... وانا على كثر سفراتي سواء دول الخليج ولا برا يستغربون لما يعرفون اني كويتيه شلون كويتيه ومتغطيه الظاهر على بالهم نمشي مفاصيخ

 

[معزوفة عشق&]

رد : فرِي كوووويت !

الله يهديها كان قلتي لها اصابع يدها مو سوا

واالحين دول الخليج كلها مثل بعض سعوديه = كويت
كويت = بحرين ...الخ
وين المشكله يعني
ومثل مايشوفون المسلسلات وياخذون عنهم فكره شينه ليش مافكرت تاخذ فكره زينه عن الشيخ محمد العوضي نبيل العوضي طارق السويدان

هالزمن الناس ماتفكر الا ف الاشياء السلبيه وووبس استغفر الله العظيم