فزعتكم بنات ابي اسوي غدا :)

[((نبض الغلا))]

السلام عليكم


اول شي فديتكم ومشكورييين على مواضيعكم الحلوة استفدت منكم حيييييل 

بنات ابي طلب صغير ابي طريقة عيش ودجاج سهل وحلو ودي اسويه لاهلي باجر عالغدا

لاتخيبون ظني فيكم ساعدوني لو بروابط مواضيع قديمة


بليييييييييييييييييييييييييز ابي الرد قبل باجر 

 

[((نبض الغلا))]

شدعوى ما في ولا رد 

 

[جارة القمر]

هالطبق عجيب



http://www.q8yat.com/t837491.html

 

[@ DLOO3TAH@]

ـأب

 

[درة أهل الطولات]

من النتــ ::

المقادير

نصف دجاجة - بصل مقطع حلقات -بهارات مشكلة - عصير ليمونة - ملح فلفل اسود - كركم - كوبين أرز بسمتي


الطريقة بالخطوات المصورة


ناخذ الدجاجة بعد غسلها و تنظيفها و نفركها بالبهارات و الملح والكركم

و عصير الليمون والفلفل الاسود

ثم نضع بالقدر قليل من الزيت و نصف حلقات البصل و نضع فوقها الدجاجة

و نقصر النار ع الاخر و نغطيه بقصدير اهم شي تكون النار هادية

و نتركها لمدة 45 دقيقة و اكيد بدون اضافة ولا نقطة ماي لانه راح

يستوي ع البخار اهم شي اكتمي القدر

و غطيه بالقصدير شكله بعد 45 دقيقة بيكون

بعدها نضيف فوقه العيش المنقوع و المغسول و نملحه
ثم نضيف كمية الماء المغلي المناسبة للرز ( العيش )

و هي اللي يغطي الرز


بعدها نعلي النار لحد ما ينشف العيش ثم نقصرها اقصر شي و يفضل نحط

حديدة تحت الجدر لحد ما يستوي العيش ثم نصب زعفران منقوع بماي ورد على الجنب

للامانة ماكان عندي زعفران خلطت شوي كركم مع ماي ورد و حطيته

 

[Dewdrops]

مجبوس:
1: غسلي الدجاج عدل تبين تقطعينه او تخلينه على عداله كيفج
2: حطي جدر فيه ماي حار وسلقي الدجاج 45 دقيقة طبعا اول شي بيطلعلج الزفر على الماي
شيليه كله عشان ما يطلع بالعيش بعدين حطي ملح وهيل ومسمار وفلفل اسود ولومي اسود
كلهم بهارات صحيحة ما كو شي مطحون تقريبا 3 حبات من كل نوع وخليها 45 دقيقة

3: بعد 45 دقيقة تكونين مغسله العيش وناقعته ربع ساعه حطي العيش مكان الدجاج وخليه ليما يقرض
الماي تكونين مجزه زعفران منقوع بماي ورد صبية على وجه العيش وخليه على نار هادية تقربا نص ساعه

4: الحين الدجاج برى ونشف من الماي نفس خلطة الزعفران وماي الورد عطي عليه وقليه

5: الدقوس: 4 طماط مفروم صغار + 5 ثوم + زيت + ملح + شوي معجون "اختياري"
حطيهم كلهم بجدر مع بعض و خليهم يطبخون مع بعض واذا احتاج ماي زيدي شوي

6: الحشو:
تحمسين بصل مفروم ناااعم بدون زيت ليما ينشف مايه تصبين عليه كل شوي نتفه ماي
راح يتحمر معاج اخر شي حطي شوي زيت وشوي هيل دارسين وفلفل اسود مطحون

عاد هني اختياري شنو تبين تحين مع الحشو
تبين مكعبات بطاط مقلي- جزر مبشور ومقلي
وانا احب احط معاه ماش اصفر اسلقة بماي وشوي ملح وكركم


ترى الكلام يخرع بس الطريقة سهله وعلى ضمانتي

 

[غصن ريان]

عواافي

 

[((نبض الغلا))]

مشكورين بنات عالاب

وعالطريقة .. أجلت طبخي للويكند عشان دوامي إن شاء الله تضبط

 

[سارونه الامورة]

اب اب اب

 

[زهره الجلنار]

اب اب