فزعتكم ياهل الكويت اول زيارة لي

[نوران ستايل]

السلام عليكم ورحمه الله وبركاته
اتمنى لاخووننا بالكويت افادتي احنا رايحين بر 3 ايام للكويت
من يوم الاربعاء 12 فبراير الى يوم السبت

حاولت اشوف بعض المواضيع عن السياحه لكن لاسف لاتظهر لي الصور ابداااا

فارجو افادتي

اريد اولا حضور مسرحيه طارق العلي

اتمنى ذلك افاتنى بطريقه الحجز رقم او جوال للحجز

ثانيا اريد منتجع يضم بركه خاصه فيني او شاليه امان او فندق مثل مايقولون يكفي ويوفي
كل شي حواليك اشهى المطاعم والكوفيات السينما
افضل المجمعات التجاريه اريد اكون مقابل الشاطى وهل توجد فاعليات
ماريكم فندق اربيلا وفندق مارينا
اتمنى افادتى
واسف على الاطاله

ملاحظه لااريد فندق فخم فقط من دون اى فاعليات يحتويها الفندق او المنتجع لااكتفي بفخامه الغرفه فحسب اريده مطل على الشاطى على الفاعليات
اريد منطقه شامله وماريكم في البدع اعذرونى فانا جاهله جداااا بالكويت

 

[نوران ستايل]

معقووول ولا رد 32 مشاهدة يعني اي وحدة من اهلها بتعرف المعلومات البسيطه

بليز عطوني رد ناويه احجز باقرب وقت

 

[F.Strawberry]

جوفي يا محفوظة السلامة :
الشاليهات روحي شاليهات المهنا هااديه و اسعارهم حلوة و يطلون على خور
المجمعات احسن شي حاليا الافنيوز كبيير و كل شي فيه
الفنق انصحج بميسوني لان مكانه اينن و يطل عالبحر و تحته مجمع و كوفي شوبات
السينما تروحين و تحجزين من هناك احسن روحي شرق ولا المهلب لان غالبا مايكونون زحمه نفس الافنيوز
المطاعم الله ما كثرها بالكويت :
تبين سمج روحي فش ماركت عالبحر
تبين ستيكات لحم عجيبه روحي تيكساس رود هاوس بالافنيوز
تبين هندي روحي دعوات ببنيد القار
تبين كويتي روحي بزه في بكيفان و في ببنيد القار

ان شاءالله اكون جد فدتج ...

 

[نوران ستايل]

جوفي يا محفوظة السلامة :
الشاليهات روحي شاليهات المهنا هااديه و اسعارهم حلوة و يطلون على خور
المجمعات احسن شي حاليا الافنيوز كبيير و كل شي فيه
الفنق انصحج بميسوني لان مكانه اينن و يطل عالبحر و تحته مجمع و كوفي شوبات
السينما تروحين و تحجزين من هناك احسن روحي شرق ولا المهلب لان غالبا مايكونون زحمه نفس الافنيوز
المطاعم الله ما كثرها بالكويت :
تبين سمج روحي فش ماركت عالبحر
تبين ستيكات لحم عجيبه روحي تيكساس رود هاوس بالافنيوز
تبين هندي روحي دعوات ببنيد القار
تبين كويتي روحي بزه في بكيفان و في ببنيد القار

ان شاءالله اكون جد فدتج ...

اشكرك اختى على الرد
بس تقصدين فندق ميسوني بالبدع
وهل البدع موجودة بالسالميه نوريني لاعرف الكويت ؟؟
وهل الفندق يوجد به سينما عربيه وانجليزيه وماقصدك بمجمع شرق والمهلب هم مجمعات تجاريه ؟؟
تتواجد بها سينما ؟؟ طيب لاعنتى مسرحيات وين تقام بالضبط مثلا حقت طارق العلي

كيف استطيع الوصول لها

ولم تذكرو شي عن مجمع ليلى جاليري ؟؟
ياريت الكل يتفاعل وماقصرتي اختى

 

[Cutenesss]

good luck

 

[نوران ستايل]

ماهقيتها 170 مشاهدة والردود اثنين

وين الكويتيات ماعتقد استفساراتي صعبه
​

 

[سكر-زيااااده]

ليلى جاليري الحين محد يروح له فاااضي الا اذا نبي فساتين اعراس نروح له والمهلب مجمع في حولي وفيه سينما وشرق بعد مجمع اسمه سوق شرق وهم حلو سوق شرق مجمع المارينا بالسالميه حلو عباره عن مجمعين بينهم جسر واحد يطل عالبحر فيه الفندق اللي انصح فيه وبشده وفيه كافيهات ومطاعم تطل على البحر القعده فيهم حلوه وعندج كافيهات البدع حلوه اللي عند فندق الموفمبك بس بالليل يكون جوها صاخب وتنترس من الشباب والسياكل فيصير ازعاج حلاتها بالنهار وماعرف وين مسرحيه طارق العلي راح اسال واول ما اعرف اكتب لك

 

[أميرة-]

موفنبيك البدع فيه حمامات سباحة خاصة ومكان حلو وراقي وفندق المارينا موقعه زين

كل المجمعات تقريبا فيها سينمات ومطاعم .. الافنيوز حلو بس السينما دايم عليها زحمة عشان جذي قالت لج الاخت روحي المهلب ولا شرق

المهلب بحولي وشرق بشارع الخليج على البحر

البدع على البحر فيها كافيات وفنادق ومطاعم

المسرحيات مادري انا بنصحج وانتي كيفج سنين اروح اودي الجهال زحمة موت والوضع بايخ والتذاكر نار لو تشوفينها دي في دي احسن لج وانتي بكيفج ..

ليلى جاليري مافيه شي بس ملابس سهرة ومايعتبر مجمع حي

المجمعات : الافنيوز - المهلب - شرق - الفنار شارع سالم المبارك فيه كذا مجمع
الكوت - البيرق بالمنطقة العاشرة هالمجمعات

روحي ارض المعارض مشرف زوري قرية كويتي وافتخر وقرية الرمال بس بفبراير موجودين

روحي المباركية
والمطاعم ياكثرها المجمعات والفنادق كلها مطاعم ..

 

[نوران ستايل]

فديتكم سكر زيادة واميرة ماقصرتم ربي يسعدكم
كفيتو وفيتو​

 

[رشا الهواء]

البدع يعجيج