فزعتكم يا بنات التربيه الاساسه ..لا تخيبون ظني :(

[][شموخ][]

السلام عليكم ورحمة الله وبركاته
..
مبارك عليكم الشهر
..
حبيباتي اللي سجلت بالتربيه الاساسيه ومتوهقه حدها
..
تخاف يقبلونها وهي ما تبي الا جامعه الكويت
..
سؤال..
1- هل بإمكانها تحول جامعه الكويت على الكورس الثاني اذا رفعت نقاطها؟؟ وهل لازم يكون بنفس التخصص اللي بالتربيه الاساسيه ولا عااادي تغير؟؟
..
لان تخصصات التربيه الاساسيه مو عاجبتها كللش إهي تبي كليه البنات اللي بالعديليه ..يعني في امل تحول لها ولا لا؟؟
..
والدراسه في الأساسيه بكلريوس ولا بس دبلوم؟؟
وجم المكافئه حق الكويتين والغير كويتيين؟؟
وبالتربيه الاساسيه تدرس تخصصها على طول ولا لازم سنه تحضيريه وعقب تتخصص؟؟
..
والله يوفق اللي بتساعدني وترد على الأسئله
..
ومشكورين مقدماً

 

[wardia]

وعليكم السلام


اول شي مافي اسمه تحويل من تربيه اساسيه(تطبيقي) لي جامعة الكويت اذا تبي هناك جامعة الكويت لازم تسحب ارواقها وتقدم هناك

والدراسه هناك بالتربيه الأساسيه بكالريوس 4 سنوات وعن المكافئه 100 دينار سواء كان تربيه أساسيه او او جامعه هذي حق الكويتين
اما غير الكويتين مادري بس اعتقد انهم ماياخذوون مكافئه

هاذي المعلومات الي اقدر افيدج فيها

والعفو حبوبه

 

[مطيريه ماركه]

أول شي مآتبي الاسآسية ليش تقدم عليهآ ؟

إذآ معدلهآ مآيدخلهآ الجآمعة شي ثآني

ومآيصير تحول من أسآسية للجآمعة مستحييل

إذآ معدلهآ زين خل تقدم عاالجآمعة لأن مآكو تحويل كلللش

هذي مؤسسة وهذي مؤسسة

والتربية الأسآسية بكآلريوس 4 سنوآت

تخصص الوحدة حسب معدلهآ ورغبآتهآ من أول كورس

فيه موآد عآمة وموآد تخصص

المكآفئة الاجتمآعية لأي طآلب كويتي 100 دينآر للطآلبة والطآلب الأعزب

أمآ الطآلب المتزوج له 200 دينآر سوآء جآمعي أو حتى دورآت خآصة !!

والتخصصآت كثيرة بالأسآسية في منهآ توظف معلمة مثل :-

التربية الاسلآمية ، اللغة العربية ، اللغة الانجليزية ، علوم أسرة ومستهلك ، ريآض الأطفآل

وهالتخصصآت تدخلينهآ بدون اختبآر قدرآت عدآ اللغة الانجليزية فيهآ اختبآر قدرآت

ولكلآ القسمين العلمي والأدبي

ريآضيآت ، علوم ، حآسب آلي

للقسم العلمي فقط وبدون اختبآر قدرآت

فيه تخصصآت ادآرية

مكتبآت ، تكنولوجيآ التعليم

خل تشوف التخصصآت آنآ دآرسة بالأسآسية ومجربة الأجوآء والدكآترة صج تمشين مو تدقرين صج مو سهل سهل بس مو اللي صعب والدكآترة اسكت !!

إذآ نسبتهآ على قدهآ خل توكل على الله

وعلى فكرة تدريسنآ روضة ، ابتدآئي ، وإذآ فيه نقص تدرس متوسطة

ومعآشآتنآ نفس خريجة التربية بجآمعة الكويت كلنآ بكآلريوس

إذآ نسبتهآ زينة خل تسحب أورآقهآ لآ توهق روحهآ بشي مآتبيه

وخل تحط فبآلهآ التدريس مو مهنة من لآ مهنة له

لآزم تكون عندهآ رغبة تربوية تعد أجيآل

وتختآر التخصص اللي هي تبيه

لأن بيبقى معآه 15 سنة جدآم إلى أن تتقآعد

فشلون بتدرس طلبة ؟ وهي مآتحب تخصصهآ

اسمحيلي نصحت وآجد لأن جد فيه بنآت يدشون كلية التربية على رغبة أهلهم وهم مآيصلحون يدرسون كلللش

صج كلية التربية تعد بس مآ تخلق الدآفع

الدآفع من الإنسآن نفسه نآشئ من رغبته

وبالتوفيق

 

[][شموخ][]

يعطيكم العافيه حبيباتي wardia و مطيريه ماركه
..
مااا قصرتوا على خدمتكم
..
تحياتي