فشلت باول تجرب لتربية السلاحف

[جلكسيه اس 3]

بنااااات
سلحفاااتي ماتت للاسف و الثانيه تعبانه الظاهر تعادت منها حياتي الله يرحمها و بسالكم يصير ادفنها و لالا
ما كنت متوقعه ان تربية السلاحف صعبه
بس الحين بتبرع بالسلاحف الثانيين شرط تاخذهم وحده اتحب تربية السلاحف و تهتم لهم
واي انا حبيتهم والله انهم يونسون بس حرام مابيهم ايموتون :eh_s(11)::eh_s(11):

 

[مطلقه وأفتخر]

سكرتيره شالسالفه

عاد كنت ناويه اشتري سلاحف بس خرعتيني بصراحه
توقعتهم يطولون اكثر من العصافير والكتاكيت(الأعمار بإيد الله سبحانه)



من وين شاريتهم وشنو ياكلون
صوريهم بشووووووف

 

[جلكسيه اس 3]

هلا يا قلبي
انا بعد توقعتهم يطولون
بس مادري يمكن لانهم صغار يمرضون بالجو البارد
و انا مو شاريه لهم غير حوض صغير

ثاني شي اذا مرضو يبيلهم روحة بيطري وانا نا معاي مصروف
المعاش طار
شريتهم من حولي بارك و اكلهم الي بالعلبه الصفره

 

[a7la-86wa]

عصري شوي بالماي برتقاله...ترا البرد ماله شغل اصغر سلحوفه عندي حاطتها عن مغسله قريب من الدريشه واييلها تيار برد انتي زيدي الماي لازم يكون لهم كميه يقدرون ينخشون فيها ويقدرون يرفعون راسهم شوي ........قطيها بماي عميق خل تصحصح وتسبح شوي

 

[a7la-86wa]

اذا على الفشل...انا شريت سلحفاه ويوم حطيتها بحوض اكبر لقيت ذيلها مقطوع وصدفتها من فوق لينه لانها مكسوره ...وللحين عندي ..اما دكاتره السلاحف هاذي تبع مكان حق الثروه السمكيه مايقدر يفيدج طبيب بيطري بسوق الحمام لاني جربت قبل......انتي لاتخافين وحاولي فيها ..والمره الجايه اذا بتشترين تاكدي انها نشيطه وتتحرك عشان مأتعبج بالاكل

 

[جلكسيه اس 3]

احلى قطوه مشكوره ياقلبي عصرت لهم اشوية برتقاله و الي مريضه خليتها بروحها و هم عصرت لها اشوية برتقال. بس ممكن سوال اشمعنى البرتقال و شنو فوايده لهم
و انا لما شريتهم حتى ماتاكدت اذا زينين ولالا
*

 

[جلكسيه اس 3]

عاد انا ما ادل لا سوق الحمام و لا الثروه
انا اصلا اشوي اشوي قاعده اطلع و الحق الاهل بسيارتي
و بعدين حرام اشلون انقطع ذيلها
اتوقع ماله شغل انه غيرتي الحوض اكيد احد حايشها

 

[tnkora]

سكرتيره

طلي علي موضوعج
الكروان

 

[مطلقه وأفتخر]

سكرتيره اللي شريتيهم حيل صغار؟

انا ابي الكبيرة شوي اللي بحجم الكف تقريباً
لازم احطها بماي والا عادي؟


خاطري فيها من زمان بس مادري من وين اشتريها وأخاف تطلع مريضه اشلون اعرف انها زينه ؟



اللي تعرف تقولي

 

[جلكسيه اس 3]

حبيبتي مطلقه والله مادري اذا اكو سلاحف مائيه بحج الكف بس الي شفتهم كلهم بحولي بارك صغار
اتوقع السلحفه البريه اهيا الي تكون كبيرهعلى فكره انا مو خبيره فيهم سالي البنات و ان شاء الله يفيدونج
او دوري مواضيع بقوقل

 

[حجيه هيونه]

انا شريت 2 مرهوحده كانت نشيطة ماشاء الله وتتحرك والثانيه مالها خلقالي مالها خلق ماتت بسرعه الظاهر كان فيها شي وباعني اياها والاولانية اهديتها حق بنات رفيجتي

 

[حالة حنان]

هههههههههههههههههههههههههههههههههه ههههههههههههههههه
والله عاد كان ضايق خلقي بس الله يجزاك الجنه
الله يرحمها ويعوضج غيرها

 

[حالة حنان]

بس مارديتم عليها يصير تدفنها ولا لا
أنا بعد أبي أعرف

 

[a7la-86wa]

ديري بالج من الدفايه لا يتعودون على الجو الحار ..مو زين بعدين...اما السلحفاه اللي عندي الله يسلمج انا شريتها جذي ومأنتبهت الا لين حطيتها بحوض كبير ..اهو بالشحن يصير جذي ..اكيد وحده عاضتها ...احنا ماعندنا بالكويت ناس تنتج سلاحف فاييبونها شحن من بره بكميات..وحولي بارك سلاحفه يشتريها من سوق الحمام ويرد يبيعه بمحله ضعف السعر اذا شاريتها اكثر من دينار يعني قاص عليج....وقطاوته يشتريهم جمله من موقع مزاد او سوق الحمام ...اعرف المحل هاذا عدل وحتى انا قاص علي قبل كنت ابيعله هامسترات جمله ههههههه اذكر عصب يوم قلنا له اذا مازدت السعر بنعطيهم للمحل الثاني هههههه

 

[a7la-86wa]

ترا السلحفاه هاذي تعمر صح.. بس حجمها ما يكبر حيل ..يصير حجمها كبر الصحن العادي اذا كانت نثيه والذكر نص حجمها ..واذا كبرت ماعاد توكلينها هاذا الربيان مايكفيها ..تاكل مرتديلا ولحوم وهم خصراوات وخبز....جربي عطي الصغار اللي عندج صدر ديايه نتفيه صغير صغير على شكل خيوط وحطيلهم

 

[جلكسيه اس 3]

فينيزا ان شاء الله دوم اتكونين مستانسه مع انه الموضوع ما يضحك ابد و مشكوره على الدعوه
احلى قطوه والله مو مذكره السعر بس اذا ما خاب ضني كانه عطاني السلاحف الوحده على دينار النصاب و الحوض بنص و اكلهم بنص هذا الي متذكرته

هههههههه. والله انا ما افهم بسوالف البيع والمشترا ابد
المهم بغيت اقولج مشكوره على نصيخة البرتقال السلحفاة الثالثه كانت شبه ميته و صحصحت منه والحين اتراكض مع السلاحف
ترا تشبيه بلاغي لانها تسبح ماتركض ههههه مو عبالكم من صج تركض

 

[جلكسيه اس 3]

ترا السلحفاه هاذي تعمر صح.. بس حجمها ما يكبر حيل ..يصير حجمها كبر الصحن العادي اذا كانت نثيه والذكر نص حجمها ..واذا كبرت ماعاد توكلينها هاذا الربيان مايكفيها ..تاكل مرتديلا ولحوم وهم خصراوات وخبز....جربي عطي الصغار اللي عندج صدر ديايه نتفيه صغير صغير على شكل خيوط وحطيلهم

زين والله بس اخاف يتغير شكلها اذا كبرت
يامعوده اخاف اعطيها اكل ثاني و تموت
انا المشكله كل اشوي قاعده اغسل حوضهمم حاشني وسواس و اخاف يموتون

 

[جلكسيه اس 3]

و ما شاء الله عندج وايد معلومات عنها

 

[a7la-86wa]

اكيد بيكون عندي خبره راعي الحرفه هاويها

اقولج ..خلي جزء عميق وجزء مرتفع من الحوض لان السلاحف تحب تاخذ نفس وتقعد تحت الماي ..ومرات ترفع راسها وتخلي بس خشمها طالع بره الما ي..وهم مرات يحبون يقعدون نص فوق ونص تحت ...بس مايحبون ينشفون بره ......واذا لاحظتي ان الصدفه بدت تتقشر على مربعات واتطيح قشر كبيره ترا عادي يعني السلحفاه تكبر والصدفه قاعده تكبر

 

[جلكسيه اس 3]

هلا احلى قطوه بس اشلون اخلي جزء عميق و جزء مرتفع. لاني الي الحين ما شريت لهم لاحوض ولا اغراضهم
شكلي بنطر على المعاشات وناسه ياليت يكبرون
اقولج ترا السلحفاة الثالثه بعد كانت مريضه ما شاء الله من حطيت البرتقال تعافت