فصخت العبايه والنقاب والحجاب ...؟

[بنوتهـ قمر]

قصه سمعتها

وحبيت انقلها لكم بس بطريقه مختصره

وبعدين نتناقش فيها





وحده الله يستر عليها

تدرس بمعهد التجاري والبنت منقبه وعباية راس

ولكن للاسف

هالشي كان جدام اهلها ... ومجرد ما ابوها

يوصلها الكليه واهو أمأمن عليها ... تخون ثقة اهلها

وتقط العبايه والنقاب وتقعد بالملهلب ضحك وصراخ

ومصخره ويا ارفيجاتها ...

وعلى هالحال يوميا ... وعبايتها طبعا مقطوطه بالحمام

عزكم الله ... ويا باجي الملابس

لين ماصار اليوم اللي الله بغى يفضحها

جدام اهلها ... يت عاملة النظافه مالت الحمام

وشالت الجيس الي فيه عبايه وملابس

وقطته بالزباله عزكم الله مره ثانيه

واهني صارت الصفعه بويه البنت وباجي ارفيجاتها اللي

على نفس النمونه ... اغراضهم كلها انقطت وتعالو شوفو

البجي ومناحه بالمهلب ...

اشلون ابوها بيي ياخذها ... ؟؟؟

واشلون بيشوفها بهاللبس لا عبايه ولا حجاب

ولا عمات عين ... ؟؟؟

الصراحه مادري شصار بالبنت بعدين ...

هل راحت شرت ملابس ... ولا اهلها

ذبحوها ... ؟؟؟




المهم ...

هاذي حاله واقعيه تصير بجميع الكليات والمعاهد بالكويت ...

ولكن عقب الفضيحه الي انكتبت بالجرايد ...

احتل التجاري المركز الاول بالسمعه السيئه ...

وطبعا ظلم نسبه كبيره من البنات المحترمات

الي يدرسون اهناك ... ماعلينا




شنو تعليقكم على القصه اللي كتبتها لكم ... ؟؟؟

هل صادفتو قصه مشابهه بحياتكم ... ؟؟؟



شنو الاسباب الي تخلي البنات يسوون

هالحركات من ورى اهلهم ...؟؟؟

وليش توصل لي درجة فصخ الحجاب والتفصخ

جدام الناس ... ؟؟؟




اخر شي تعليقكم على الموضوع بشكل عام واذا عندكم

اضافاات او نقد او نصيحه لهالبنات ...

فحياكم ...


منقووووووووووووووووول

وشكرا[/CENTER]​

​

​

​

 

[dectora 7elwa]

الله يهداهم ويستر عليهم ولا يبلانا يارب

 

[سارا ديور]

رد : فصخت العبايه والنقاب والحجاب ...؟

ههههههههههه ذكرتيني بلعبه كنا نلعبها بالمنتدى

اسمها يالله خل نألف قصه

وكل وحده تحط جمله واللي وراها تكملها

**************************

بالنسبه للتجاري

هذي تقط ملابسها بالحمام الله يكرم السامع

عيل اللي نعرفه انهم يدخلون هالصالونات ويحطون عباياتهم عند صاحبة الصالون .. او اللي قاعده على الكاشير .. الصالونات اللي جبال التجاري

طبعا بفلوس تاخذ 5 دنانير الله ياخذها

اتصدقين عاد بكل مكان تلاقين هالاشكال

انا لما كنت بكلية التربيه الأساسيه

كانت وحده من زميلاتي بالتخصص وصادقتها لفتره

لكن اللي شفته ان امها تقطها من الباب البدنيه عقب تطلع اهي من باب الباصات والمشكله تقول لي اخر المحاضرات لا تطلعين علشان امي تدري

اني معاج .. اخاف تسألج عني تخيلو عاد اكون مخلصه من الساعه 1 الظهر وتزرعني ليما الساعه 3 العصر اخاف اطلع امها تشوفني وتسألني عنها

يااااااااربي ما احب المشاكل انا .. مسكتها ثاني يوم قلت لها طول ما انت تمشين بهالطريج انا اسفه ما اقدر اصادقج .. ههههههههههههههه

طبعا ما عجبها الحجي .. ولما اطلع من الكليه والقى امها بالصدفه اتفاجأ ان الام تطالعني من فوق لي تحت حسبنا الله ونعم الوكيل فيها وفي بنتها

والمشكله تزوجت وزوجها وااااااايد زين معاها لكن للأسف لميا الحين تمشي بهالطريج الله يرفع عنها ولا يبلانا

************************************************************

بالنسبه للي قلتي عنهم بالتجاري

لا تخافين عليهم تلقينهم دبرو روحهم

اقل شي تقول لأهلها

كنت بالحمام اتوضى للصلاة وانسرقت عباتي .. طرشولي عبات ونقاب

عبالج صعبه عليهم

اللي تخدع اهلها تسوي كل ما يخطر على بالج

الله يكافينا شرهم

 

[نعومه حدي]

لا حول ولا قوة الا بالله
انا صج لي الحين مادخلت الجامعه بس بقولكم عن وحده بالمدرسه معانا طبعا بالهده حجاب بو حنج
وعباية عالراس وشكلها حييييييييييييل برئ من تي المدرسة تقلب تفصخ الحجاب وشعرها حاشته والاحلى من جذي تبدى صياعه طبعا اهيه بـــــــــــويـــــــــــــــــــه <<<<<<<خخخخخخ
بس لمن تطلع من المددرة براءة الدنيا كلها فيها جنها داعية مو بوية وصياعتها بالمدرسة بس والغلط بعد من الاهل عبالهم لمن يشوف بنتهم عباية ونقاب وحجاب خلاص اهيه زينه ياخذون عالظاهر ويخلوون الاهم


اتا اتوقع هذا كلله من التربية وقلة الوازع لديني يعني القصة اللي قلتيها ان البنت تفصخ حجابها بالسوق ما خافت
ان احد من هلهاا يشوفها بالحاله غبيه اللله يستر علينا يارب

 

[ReeM ^ Style]

الله يهديها

ويستر عليها ان شاءالله

مشكوره حبيبتي

 

[درة أهل الطولات]

تدرين انا لما اسمع هالدقات اللي تصير فيهم استانس خل ينفضحون علشان ما ينشرون الداااااااااااااااء بين باقي البنات

 

[ديـمه]

مافي قناعه داخليه عندهم بالحجاب ولا الستر
بعدهم صغار ماكبرو
هم انجبرو من غير مايبينون لهم اهلهم
هذا غير المجتمع الحين تغير صارت البنت الي تتحجب او تطلع بعباه وتكون ساتره نفسها لالالالالالالالالالازم تكون شجاعه وجريئه وقلبها قوي
لان الناس الحين تغيرت صرتي لما تكونين ستيره البنات يطيحون فيك معاير وانك داثره وقرويه وماتفهمين ودأه أديمه واشيا كثيره
انا مالومهم قد مالوم المجتمع المفروض يحلون بعينهم الستر ويخلونهم يعتنقون الحجاب بقناعه مش اجبار

 

[passion]

بلاوي المعهد التجاري ماتخلص

اذكر وايد بنات كانو جذي

ايون مع السايق وبيدهم جيس شكبره

يدشون لابسين ويطلعون فاصخين

 

[BNT KWT]

ايي واللله

شكثر سمعت عن هالسوالف ان من تدش الكليييه تقط عبايتها وهالشي من زماان يعني امي كانت بالتجاري تقوول كنت اشوف البنت ابوها منزلها

متستره تدش تطلع متفصخه وتطلع مع رفيجها استغفر الله

وغيير الي تدش الجامعه ويهها اصفر تدش الحمام تطلع ويهها لطخ مكيااج

حلاته الشي تسوييينه بعلم اهلج شتسوى لا انفضحتيي و شافوج قاطه عبايتج و حجابج خلاص انجبرتي ماعلييه خل تقول عشان ربي لو انا منجبره

الله يستر عليييهم ياارب

 

[iron women]

اى شي صدمتيني ابيه وين قاعدين ؟بالكويت اكيد؟ شنو تلبس وتفصخ بالسوق وا خزياه ينو ذيلا!!

يعني ياتكونين متحجبة يا مومتحجبة هاذا الطبيعي اللي نعرفة لاكن اتحجب ابيتنا واتفصخ بالسكة قوية صج صج سكنهم مساكنهم

مع الاسف شي مخجل ويحزني ان وصلنا حق هالحالة بعدين منو اللي يستاهل انها اضحي بسمعتها عشانه

وحق منو هاذا كلة؟

يعني لي سوت جذيه من ورى اهلها وخربطت وبربطت لايكون صاحبنا بيفكر يتزوجها طل بعينها الا بيشهر فيها ويفضحها

لا حول ولا قوة الا بالله
على يوم اذا رحت حدا هالمجمعات بدش تكرمون الحمام واذا لقيت اعبي بزخهم و بنحاش بخلي ويهم فاهي
خخخخخ نحاسة

 

[الغدق]

أول شي أكيد ما في وجهها حيا
أوكيك أنا متنقبة ومرات أطلع مع أهلي
نتعشى أو غدا بمكان عام أبوي وأمي يقولون لي قطي نقابج
وأكلي والله ماأقدر استحي احسني مفصخه إلا إذا كنا
بصاوله صاده أوكي ميخالف
وحتى لو كانت مجبروه عالحجاب أو النقاب المفروض
اتكون تعودت عليه
بس مثل ماتقولين ماكو قنااااااااااعة من داخل ورفيجاتها مشجعينها
وأكيد أول سبب أنهم للحين مراهقات وكبت وأول مرة يحسون أنهم بحرية
مع أنها والله مو أهم الأسباب
لأن اعرف وحده والله يابنات أهلها معطينها حرية فوق ماتصورون
وعادي اتنام عند رفيجاتها واتروح معاهم الأهل طبعا واثقين
والبنت نظام حجاب وبدل
تخيلوا أنها مرات تطلع اتكون جدام اهلها مالها خلق تلبس بدله
ولابسه عبايه وحجاب طبعا تحت العباة نفنوف قصير حدا حدا
أو تنورة قصيرة ومزلط بس تركب السيارة قطت العباة والحجاب

لأنها مو مقتنعة بالحجاب

 

[ليتني مـآ كبرت]

بصراحة آنا مع ديمة

صاجة مجتمعنا تغييييييييير حييييل

آنا ألبس عباة راس ومنقبة بس تعالوا شوفوا النظرات و التعلقات من بعض البنات

أذكر وحدة كنا بالترفيهية و آنا رايحة ألعب أخوي الصغير وركبت وياه جان تقط نغزة قالت :

والله ماندري أنتي من أهل النار و إلا من أهل الجنة !!!!!!

مايدرون ان الستر نعمة مايتمتع فيها إلا القليل ..

حتى اللي يبيعون بالمحلات إذا شافوج مستترة مايعطونج وجة ولا يساعدونج يمكن لو بكيفه ماحاسب لج بعد

و الصالونات و المطاعم و المطار و كل الأماكن العامة نفس الطقة

يعني اللي لابسة العباية عن قناعة مستحيل تتأثر بالفئة اللي ذكرتها

أما اللي لابستها غصب عنها أكيد راح تتأثر من نظرة المجتمع و أتوقع صاحبة القصة لابستها مغصوبة

عشان جذي تفصخها ورا أهلها ..

 

[super bnotah]

وااااااااااااي اليوم شووووف عيونيييي رحنا المهلب حق سنيما انا وخواتي وكان تو الناس عالفلم قلنا نتغدى بفدركرز دام يم السنيما دشينا ولا قروب بناات كلهم عبي بس البلوه كلهم قاطين نقاباتهم !!! ووحده منهم فاصخه جوتيها وماده ريلها عالكرسي منسدحه جدام خلق الله وثلاث ترباع ريلها طالعه !!! وطبعا سوالفهم حدث ولا حرج كل عن شباب وكله بصوت عالي وتضحك انا بفهم صج انه المطعم كان شبه خالي ومافيه الا ريالين بالصوب الثاني وما يبينون بس مو هامهم انزين والعمال الي رايحين رادين ما يعتبرونهم رياييل وبعدين اسمه مكااان عااام عييييييب امبي ماكو مستحى ولا حيااا ؟؟؟:s واغلب هالاشكال تنشاف بالمهلب لانه ممنوع يدخلون شباب المجمع فيضمون ان ما يشوفون ابهاتهم او اخوانهم وياخذون راحتهم هذا غير المواعد الي بالهبل عند باب المجمع بس والله عيب واشكالهم غلط اساسا روحوا حزت الدوامات وشوفوا الاشكال ربي لا تبلانا الله يكملهم بعقلهم :s142:

 

[super bnotah]

مافي قناعه داخليه عندهم بالحجاب ولا الستر
بعدهم صغار ماكبرو
هم انجبرو من غير مايبينون لهم اهلهم
هذا غير المجتمع الحين تغير صارت البنت الي تتحجب او تطلع بعباه وتكون ساتره نفسها لالالالالالالالالالازم تكون شجاعه وجريئه وقلبها قوي
لان الناس الحين تغيرت صرتي لما تكونين ستيره البنات يطيحون فيك معاير وانك داثره وقرويه وماتفهمين ودأه أديمه واشيا كثيره
انا مالومهم قد مالوم المجتمع المفروض يحلون بعينهم الستر ويخلونهم يعتنقون الحجاب بقناعه مش اجبار

بالعكس محد يعايير الملتزمين بس يفرق من ستر لي ستر في ستر على سنع وفي ستر علي غير سنع والحين الاغلب على غير سنع ويقولون احنا متسترين والله اشكالهم تشد الواحد اكثر من الي تلبس وتكشخ ,, الي لابسه عباة مخصره وخط ملابسها الداخليه مبين وحاطه علبه المكياج بويها والشعر كله طاقه الهوا الله يكملهم بعقلهم ويستر عليهم اييبون الكلام حق نفسهم انا عندي تقط العباة اشرف لها بدال ما تشوه مكانته الحجاب والعباة

 

[lovely jojo]

شوف عيني لما كنت بالجامعه وحدة كانت بالخالدية اتقط العباية والملفع وبكيفان تلبسهم
شنو هالازدواجية؟؟؟؟؟

 

[جلاديلياس]

استغفر الله ربي الله يهديهم انشالله

 

[احب المنتدى]

رد : فصخت العبايه والنقاب والحجاب ...؟

الله يستر عليهم و يهديهم ياااااااااااااارب

 

[nono93]

اعوذ بالله

اللهم استر على بناتنا يا رب


قله الدين

قله الادب


مافي عقل

اعوذ بالله

 

[ميونة الحلوة]

مثل ما قالو الخوات تلقينهم مغصوبين على الحجاب و مو مقتنعين فيه غير انهم شافو من يشجعهم على هالشي و الي اهما رفيجاتهم و انا شفت مرة بالتربية الاساسية وحده دخلت حتى كانت لابسة جوتي فوشي و عقبها قطت العباة بس للامانه مادري اذا هي طلعت برى الكلية جذي و لا لأ مادري بس ماله داعي تفصخ العباة و الله اكره ما عندي الي متحجبة و مطلعه قذلتها على قولة دكاترة الجامعه >> ستارة
تلوع جبدي لا شفتها لا احترمت الحجاب و احترمت رب العباد الي شرع هالحجاب

و اذكر مرة اني كنت داخل مكتبة الجامعه بالشويخ و بطلع من المكتبة و انا طالعه جدامي بنتين و لاحظتهم مو تكانه المهم كانو جدامي طلعت صارو وراي و اسمعها تعيب علي قالت تششششششششششششششششششششش يعني فليت يعني انا ذبانة بس سويت روحي ما سمعت شي و قلت ماني منزلة مستواي و احط عقلي بعقل تافهين

الله يهديهم و يصلحهم ان شاء الله توهم بمرحلة المراهقة ما نضجو ليما الحين

 

[Tom ♥ Jerry]

.


اي وآيد جذي

حتى بالثأنوية و المعهد عندنأ

يفصخون النقاب ينزلونه جدآم الدكتتره جنه المو كويتي مو ريال !!

الله يهديهم يارب و الله فشله


السبب يمكن الله يسلمج
1/ أهيه مآ تنقبت من رضآهآ و لا عشان ترضي ربها
تلقينهآ تنقبت عشان العادات و التقاليد .و عشان أهلها ..

و لا انا اعرف بنت عندهآ نقاب أوكي ؟
اذا طلعت بدون لا تحط ميكب مآلها خلق تحط ميكب تلبس نقاااب !!!!!!

بهالدرجه راي الشباب يهمج استغفر الله اللهم لا تؤأخذنآ بمآ فعل السفهاء منآ يارب العآلمين ..

و السبب الثآني

2/ رفقآء السوووء ..

يعني رفيجآتهآ يحرضونهآ على هالـ شي .. و يشجعونهآ و اهيه تلقين الوآزع الديني شبه ممحي عندهآ
فـ تفصخ على طووول


يا كثرهم بالمعهد هالأشكال ..