فصلات اليهااااال

[Daleela]

اب اب اب

 

[هيبة الطاووس]

اب اب اب

 

[lovkom]

انا الصراحه مو متزوج بس بنات خالتي واااي فصله فصله ...


تونا مسوين غرفتي وجذي دشت الصغيره عمرها 4 سسنين

جان تقول : ابعلن دارج لذيذه باكلها شكلي !

ومره قاعده معاي وخالتي قالتلها باجر ييبي هدومج اسبحج .. قالتلها اوكي

اليوم الثاني يايه وتقعد يمي وتشوف تلفزيون وياي جان تقولي اقولج

قتلها نعم جان تقولي وين خالتنا

قتلها نايمه مادري فوق > وانا مندمجه حدي بالمسلسل .>

جان تقولي اوكي بس اذا شفتيها قوليلها رتاج تقولج ترا اللي يقطع الوعد الله يقطه بالنار > كااااااك بس انا مسكت ضحكتي بكمل بشوف شنو اخرتها ..

قتلها اي وعد انتي الثانيه ؟

جان تقول وعدتني تسبحني بس عاد كيفها قطعته والله يحطها بالنار ويقطعها قطع صغار صغار ايييييييييييييي عاد كلش ولا الوعد ترا ديريبالج

ههههههههههههههه ضحكتني بيومها ,

 

[JBRNI AL-W8T]

لوووووول اليهال عليهم فصلات ,

قبل فترة اختي كانت موديتني المستوصف وبنتها عمرها 4 سنوات
انا ييت بنزل ولا تبجي بنت اختي الا تبي تنزل معاي
واقوولها ترا بنزل الطبيب راح يغزني ابرة ويغزج انتي بعد والعنيدة تقول عادي خل يغزني :|
جان اختي تقولها انتي ماكو شي يعورج قعدي
ولا تقول بنت اختي امبلى رموشي يعوروني لووووول


وعيال اختي الثانيه , بنيه وصبي , الصبي عمره 6 سنوات والبنيه 5
يايين عند ابوي ومستانسين احنا صلينا قبل لا يأذن لووووووول

 

[Zoozie]

هههههههه حلوين اليهال
الله يخلي لكم عيالكم
,

 

[Om-Faty]

بااااااااااااااااااك
هلا حبايبي
فديتج هيبة الطاووس
انا الحمدلله بخير
انتي شلونج شخبارج
فقدتج وفقدت المنتدى والله لكم وحشه
بس كانت عندي ظروف وفوق هذا بنتي مو مخليتني اسم الله عليها

 

[ميما الاموره]

حركات الاولاد وكلامهم دائما حلوا ويضحك
الله يخليهم لاهلهم ويعطي كل مشتهي يا رب
ابني لما كان عمره 2 سنه كان ينادي ابن عمه اسمه صالح (أ ئييييي) هو حر اختصر اسمه بهالطريقه
وكان ينادي اخته اسمها مايا (نون) لليوم مو عارفين سبب اختصاراته الغريبه
اما بنتي الصغيره بس بدها ترضع تحمل مشايه البيت او اي شي بايديها الثنتين وتيجي ترضع لازم تكون حامله شي بايديها
وعندها عقده من الي يكون حافي لازم تجيب حذائه وتعطيه اياه
لما ييجي عندنا ناس تصير تجيب الاحذيه وتحطه امام كل واحد​

 

[queenbeeuty]

هههههه لووووول

 

[Jaguar??]

اما انا ولدي فصلاته غير طبيعته يحب يسهر ومرة حبسته بالغرفه على اساس ينام قعد يبجي تقريبا ساعه ويحاول فيني اطلعه وبالاخير قعد يصرخ ويبجييي ويقول والله لاروح للشرطه واقولهم هذي الام تقول ..الشعب يريد اسقــــــــــاط النظام ...ويلحنها بعد علشان يجون ويحبسوني ..انا هنيه حطيت الكتاب على وجهي وفصلت ضحك مابيه يشوفني على اساس اني معصبه واخرتها طلعته ...هذا احلى موقف سواه مع انه مواقفه لاتعد ولا تحصى الله يخليه لي ويخلييلكم عيالكم

 

[هيبة الطاووس]

سلاموووو
ام فاتي انا بخيرولله الحمد الله يخلي البنوته لج

الكل مشغول الله المعين

 

[om-3azo-83z]

الله يخليهم لكم انشالله

 

[جلكسيه اس 3]

عيل انا مت من الضحك على فصلة ولدي
قاعدين يلعبون مع اليهال
و كل شوي يقول النجده
طااح واحد من اليهال جان انا اقول افلان قوي ماتعور
و لا ولدي يقول فلان البطل الخارق يعني خاارق متنا من الضحك هههههه

 

[* ملكني الخوف *]

انا اختي يوم كان عمرها 3 سنين فصخت كل ملابسها وتبي تدش الفرن تبينا نشويها نفس الديايه ههههههههه وبنتي بسم الله عليها عمرها سبع شهور تموت على حركه اهي مكتشفتها تيب لعبه او مخده او شرشف تثبتها على ويها لاااازم تثبتها ماتبيها تطيح وخصوصاً اللعبه اللي فيها شعر كشه عشان تضبط الحركه صح وتحطها على ويها وترافس واااايد وتضحك حيييل وتحب تخنق نفسها ههههههههه ياربي يننتني اذا شلت المخده من ويها تبجي حيييل مادري ليش جذي

 

[f6oma 1991]

انا اختي يوم كان عمرها 3 سنين فصخت كل ملابسها وتبي تدش الفرن تبينا نشويها نفس الديايه ههههههههه وبنتي بسم الله عليها عمرها سبع شهور تموت على حركه اهي مكتشفتها تيب لعبه او مخده او شرشف تثبتها على ويها لاااازم تثبتها ماتبيها تطيح وخصوصاً اللعبه اللي فيها شعر كشه عشان تضبط الحركه صح وتحطها على ويها وترافس واااايد وتضحك حيييل وتحب تخنق نفسها ههههههههه ياربي يننتني اذا شلت المخده من ويها تبجي حيييل مادري ليش جذي

وااي جنه ولد خالي يموت على كمبله على ضفدع اصلن قطن هالكمبل و يبييه و يسوي نفس حركه بنتج اسم الله عليها

 

[جلكسيه اس 3]

عيل شوفو فصلة ولد اخوي
قالهم حجي اشكثره طبعا من الحجي انا ما حبكم وانتو ليش يبتوني هالبيت
و ليش انتي امي انا ما بيج
هههههه
طبعا كل هذا عشان ما شروله لعبه الي يبيها مع انه قبل يومين شارينله لعبه

 

[f6oma 1991]

وحلاتهم والله شوقتوني ودي اوولد يشوف اللي ببطني

 

[om_3azoz]

انا امس رحت بيت ابوي عاد ولدي قاعد يتحرش باخته الصغيره يطقها ابوي صرخ عليه قاله عزوز اقعد عاجل تعور دادا بعدين تبجي هههههههههه ماشوف الا واحد سكت ولا يقولي ماما يالله نروح البيت يعني زعل ابوي يحاجيه ماكو مايرد عليه يقولي يالله ماما نروح البيت

 

[متوترة]

الله يخليهم لكم
عقبال ما احمل واولد واعلمكم بفصلاتتتتتتتتتتتتتتتتتتهم .. يارب ياكريم انا وكل المحرومات .


ههههههههههههههههههههه مواقفكم روعه من اول صفحه جالسه اقرا مستمتعه على الاخر . والله وانا اقرا احسهم قدامي
اصغر اخواني سبع سنين يعني مافي صغير اتذكر شطانته ههههههههههههههههه

 

[om-3abodey]

اسم الله عليهم

 

[Om-Faty]

ههههههههههه الله يخليلكم عيالكم ويرزق كل محرومه يااارب :yaaaaaarb:
ويني عن الموضوع من زمااان لوووول صارلي فتره مادري عنه