فضفضة إمرأة على وشك الإنهيار

[-فلانة-]

السلام عليكم بنات..
شلونكم؟ عسى لونكم أزين من لوني المچولح؟:eh_s(2):
تعبت يا بنات تعبببببت و أحس إني على وشك أنهار خلااااااااص ماعاد فيني..
وضعي كالآتي..
متزوجة و عندي طفلة عمرها سنتين إلا شوي و موظفة و ماعندي خادمة ومستقلة بسكن بروحي بعيد عن أهلي و أهل زوجي اللي ما حصلت من وراهم إلا التعب..ماعلينا مو هذا الموضوع..
الموضوع إني تعبت هلكت زهقت اكتئبت كل شي ردي بالدنيا صار فيني عسى ما تحوشني جلطة بس.
يعني أفز من الصبح أودي بنتي الحضانة و تالي اروح دوامي الغثيث و أخلص عقب وأروح آخذ بنتي و أرد البيت طبعاً زوجي اذا مو مداوم يكون نايم و اذا مداوم يرد و يحط راسه و ينام يعني ما طاح إلا انبطح..
أرد و أغدي بنتي من الموجود وعقبها أحطها بالكرسي و أدش الممطبخ أطبخ لأن الحبيب مستحييييييل ياكل أكل بايت يعني سالفة أطبخ بالليل حق ثاني يوم ما تدور عنده.
طبعاً أثناء ما انا بالمطبخ بنتي تحن و تصيح عشان أنزلها واخذ ازعاج ولوية واذا دخلت معاي المطبخ تظل تحوس تدور شنو الغلط وتسويه و أظل انا على أعصابي.
يقعد زوجي من النوم يتغدى و يقعد مع بنته شوي هالكلام يكون على 5 العصر يعني من أرد من الدوام واقفة على حيلي حتى غدا ما أتغدى..
الساعة 7 تبدي بنتي تحن موعد نومتها..يسبحها أبوها وتنام على 8..
طبعاً عقبها يصير موعدي مع التنظيف و غسيل الملابس و المواعين وأجهز شغل بنتي و جنطتها حق الحضانة تكون صارت الساعة 10 و أكون انا صرت حولة من التعب أتعشى أي لقمة موجودة و أحط راسي و أنام.
بالويكند أختي تمرني تاخذ بنتي ساعتين و تردها،بهالساعتين انا أنظف و أكرف طبعاً..
انزين و الحل؟؟؟؟ لي متى؟؟ انا مابي خادمة و مستحيل أدخل إنسانة غريبة بيتي..
شنو في طريقة ثانية أعيش حالي حال هالحريم المرتزين بالكافيهات و المجمعات و الويه منور جنه خبزة إيرانية اللهم لا حسد!!
ويهي انصفق من التعب..و زوجي الله خير لو الطوفة تساعدني ما ساعدني..
عطوني حل قبل لا أنهار..
قولولي كلمة تريحني..
زهقققققققت

 

[MaryamQtr]

الله يعينج والله
ماعرف شقول
ان شاء الله البنات يساعدونج

 

[Combat]

شوفي اهو في حل مادري اذا يناسبج
في الحريم الي يطبخون بالبيت ويبيعون
تتفقين معاها تطبخ لج من الاحد للخميس مثلا وتحاسبينها شهرياً وبس اتمرين عليهاعقب الداوم وتاخذين منها هذا البنات وقت اختبارات الفاينل يسون جذي
واهي عاد تسويلج كل يوم اوبشنز وجذي ويكون حق شخصين
وحل انه اتيبين خدامه بالساعة
وبالنسبة للاندري مو لازم يومياً خليه الخميس والاثنين مثلاً
ولاتشتطين وايد روقي والله العمر يخلص والشغل مايخلص خلج باردة الي ماسويتيه اليوم باجر يصير وخل ريلج يساعدج مثلاً يجيب البنت من الحضانه ا

 

[مآيكبرني نك]

هههه ضحكتيني تدور شنؤ الغلط وتسؤيه

اؤل شي الله يآجرج ع كل هآلتعب اللي تتعبينه

عندج حلين يآ تييبين خدامه تشتغل بالساعه

اؤ تفنشين من دوآمج

 

[عاشقة الدوحة]

الله يعينج
ان شاء الله ازمة وتعدي

 

[نوووران]

الله يكتب اجرك حبيبتي خلي غسيل الملابس يوم او يومين بالاسبوع والغدا مرات ساندويشات كودو او أي شيء خفيف وتقدرين تجهزين مقاديرك من بالليل متبلتها وبصينيتها بس تجين من الدوام حطيها بالفرن او على النار والسلطات من بالليل بدون تتبيل عشان تكون فرش وبعدين مو كل يوم كنس ومسح ماعندك احد ريحي لا تكدين عمرك لهدرجة

 

[free SpiriT]

السلام عليكم

حاولي تنظمين وقتج حطي جدول تمشين عليه للتنظيف وشغل البيت

و اخذي وقت لنفسج هذا شي ضررروري روحي صالون مساج و استرخاء حسي بالجمال والاسترخاء

حتى لو في البيت سوي شي تحبينه لما تنام بنتج بدل التنظيف و الكرف....لاحقه عليه

خلي البنت عند ابوها و طلعي رفهي عن نفسج لو مرة بالاسبوع

 

[cute_mama83]

اختي كلنا ودنا نقوم بامور بيتنا من الالف الي الياء بسس الانسان له طاقه
وانتي بعد موظفه يعني الله يكون في عونج شغل برا وداخل البيت

حبيبتي حاوولي تخففين الشغل ع نفسج مثلا
- حددي يومين بالاسبوع لغسل الملابس
- التنظيف يوم وترك
- الطبخ ممكن تخلين بيت اهلج يجهزون لج الغدا ايام دوامج والويك اند انتي تجهزين لكم او تغدون برا
او ممكن تيبين لج خدامه بالساعات تنظف لج

 

[shak!shoka]

اول شي الخبز الايراني مووووو منور ! تخيلت وحده ويها مثل الخبزه الايرانيه ههههه


شوفي حبيبتي اهوا حل واحد دامج ما تبين خدامه دايمه

1/غداج انتي وبنتج جاهز من الليل و حتى لو جهزتي الدياي او اللحم من الليله الي قبلها ما اعتقد زوجج بيصيدج ! جربي

2/ خدامه بالساعات ورا المغرب او العصاري حزت نوم زوجج تساعدج و تضبط شغلج و تتوكل ع الله

3/ غسيل الملابس اول باول لا تكدسين شي ابدا واذا غسالتج عاديه اشتري اتوماتيك واااايد تريح و الاوتي البخار بعد حلو و سريع




4/ لااااااااا تفكرين تحملين هههههه اسفه لقافه بس جد وضعج متعب و دوام و بدون خدامه




5/ حاولي تهيئين نفسيتج و تتقبلين فكرة الخدامه الدايمه لانها شر لابد منه خاصتا وانتي موظفه






الله يكون بعونج و يقويج و يفرج همج

 

[um muhsen]

1- في وايد طباخات يبيعون شغلات تقدرين اتفرزينها مثل سمبوسه و فطاير و انواع دياي ، اشتري منهم و فرزي عشان حق العشا او الغدا بس تقلينهم او بالفرن
٢- يبيلج خدامه اتيي ساعتين او ثلالث لمن زوجج نايم عشان تكوي و اتنظف معاج
٣ - قعدي مع زوجج علي يوم لمن يكون ريلاكس و هادي و كلميه و قوليله انج تحتاجين مساعده في البيت و لو معنويا، و قوليله بالضبط شنو تبينه يسوي لانه اكثر الرياييل مايعرفون شنو يسوون الا اذا قلتي لهم بالحرف الواحد، خلي مثلا يقره قصص او يلعب مع بنتج و يساعدج ابغسل الصحون بعد الغدا مثلا

 

[Aloe Vera]

خلي بعض ملابسكم عالمصبغة
حطي غساله صحون عجيبة
حطيلج نشافه ملابس امريكية تطلع الملابس ماتحتاج كوي
شوفي الاجانب شلون عايشين دشي بلوقاتهم و مواقعهم و اخذي منهم الافكار
و اكلكم تبليه و جهزيه من الليل يعني ما يكون مطبوخ
و اذا كارهه وظيفتج غيريها او استقيلي و جابلي بيتج و انتي مرتاحه
الله يوفقج

و بنتج و انتي تشتغليم خطيها بالحباسه او تلفزيون او تلون او قوليلها قصة تقعد ساكته

 

[هيبة ملك]

ضروري. خدامة. راح تتعبين. بدونها. او تخلين. الدوام

 

[activewriter]

في زوجات اسبوع يطبخون واسبوع يطلبون من المطعم او باجازة الويكند ريحي من الطبخ لان من حقج تاخذين اجازة لنفسج لان الطبخ مو من واجبات الزوجه بس يعتمد على تفهم الزوج

 

[-فلانة-]

حبيباتي تسلمولي كلكم لا خلا ولا عدم..
سبحان الله كل الأفكار اللي قلتوها انا قايلتها حق غيري من قبل بس من اللوية اللي انا فيها مو قادرة أركز..
الله يحفظكم جميعاً و ما قصرتوا عالأقل حسستوني إن فيه أحد فاهم وضعي.

 

[popa]

الحل خدامه

 

[أمورته]

الخدداااااامه صرراحه وخليها ع ثمان تدخل دارها وماتطلع عشان تكون عندج خصوصييييه

 

[فجرر]

الحل خدامة بالساعة تنظف وتروح

 

[البابانه توته]

الحل خدامه
واذا انتي تكرهين الخدامه على طول
اخذي خدامه بالساعه

تراا الخدم شر لابد منه
تخيلي شكلج بعد سنين وعندج يهال ولويه تدريس صدقيني ماراح تلحقين

الحلول الي قالوها بعض البنات حلوووول مؤقته
الحل الجذري خدامه

 

[Royof]

حبيبتي

عندي لج جم حل

أول شي اذا ع الطباخ سوي الأكل بالمرحلة الأولى اللي هي لما تخلصين طبخج يبقى تكتين بس العيش خشيه لي ثاني يوم لا رجعتي كتي داخله العيش ماراح يبين انه بايت وبلولو هايبر في عند رف الشوربات أكياس كنور للكبسات تهبل وجنج ذابحه روحج بالطباخ

والتنظيف جيبي يومين بالأسبوع الشغالات اللي بساعات تخلي البيت يلق

والملابس الله يخلي غسالات الاتوماتيك والصحون هم في جهاز جلي المواعين يفكج منهم

وخميس وجمعه روحي لاهلج ريحي نامي عندهم خلي خواتج يقومون بنتج وانتي ريحي اخذي طاقه للأسبوع اللي وراه هههههههه

 

[yam_yam]

ههههههههههههههههههه

اعرف ناس من هاللي يقعدون بالمجمعات
لا يغرونج يكونون مومتزوجات او منفصلات او بالغالب مايدرون عن بيوتهم
و في منهم معتمدين عالخدم و في منهم يخلصون شغلهم و يطلعون


حياتي ذكرتيني بنفسي يوم اول ايام زواجي بدون خدامه
كنت نفس جدولج احوس طول اليوم و اطبخ و انا اصلا ماعرف اطبخ اتعلم و ادق على امي و احوس و احرق الاكل و ارجع اطلع اييب غدا من امي و ارجع
لا اللي طبخت و لا اللي مواعيني نظيفه ههههههههههههههههههه

شوفي الحل تحطين خدامه انا شقتي الخدامة لها غرفه بروحها بداية الشقة تفتحين باب رئيسي و عاليمين غرفتها و حمامها بعدها شقتي
تقدرين تقفلين الباب الرئيسي و ماتطلع
هي تسوي كل شي و تنظف و تروح غرفتها
انتي اذا حمولتج او امج يمج خليها تنظف بالبيت بعدها تروح لهم او اذا تقدرين تاخذين شقه ثانية تناسب وضعج ان يكون لج خصوصية

لان صج صعب انج موظفة و ماعندج خدامة و عندج بيبي

نصيحة لج

تقبلي مروري​