فضفضة إمرأة على وشك الإنهيار

[N.o.d]

حبيبتي التعب لج ولو شتسوين الريل ما يساعد
عندج خيارات البنات

وبعدين شنو مشكلتج مع الخدامه

شدعوه ترا انسانه انتي لازم تقدمين تنازل عشان تعدلين وضعج
ترا هم ريلج له حق عليج !

والايدالوحده ماتصفق

انتي فكري و استخيريوالله ايسر امورج

 

[انت حب حياتي]

حبيبتي كان الله في عون كل الموظفات اجمعين وانا معاكم .... ببساطة الموضوع بدو اشويت ترتيب ورح يخف عنك الضغط يعني الطبخ اقسمي بالنصف اسلقي الدجاج او اللحم وثاني يوم طبقي الاكل وفيكي تستخدمي كرات لحم او دجاج في العديد من الوصفات والشيش طاووق المثلج والشاورما في العديد من الوصفات السهلة والسريعة يعني مو كل يوم لازم اكلة كبيرة طنة ورنة في منتجات كثير لامريكانا بتساعدك اني تبدعي بس بدها اشوي لمسات وبتصير اكلة غير شكل بدك ممكن اساعدك واعطيكي وصفات وجربيها وما رح تندمي موضوع التنظيف جيبي شغاله بالساعة تنظف بعمق وانتي عليكي انك تكملي الباقي جيبي غسالة اتوماتيك نشافة غسالة صحون مكوايه بخار حتى السطلة وممسحت الارض في كثير ماركات بتساعدك انك تخلصي بثواني البيت كلو بلا تعب بس الموضوع بدو اشويت ذكاء وصبر ومثل ما قالو الك البنات العمر بيخلص والشغل ما بيخلص قسمي وقتك واعمل جدول رح ترتاحي وتريحي

 

[بقلبي انت]

الحل
خدامه نص دوام تجي الظهر تنظف وتغسل وتكوي والمغرب تمشي
جهزي اكلج بالليل طبخيه مثل الدجاج واللحم والمرق بس ولجيتي من الدوام كبسي العيش بس
ولاتقولين زوجي مايحب مراح يدري اصلا انه مجهز من امس لانه الطعم مايفرق انا اسوي جذي
بنتج حطيلها طيور الجنه او براعم عالتلفزيون خليها بحباستها وكل شوي طلي عليها
ولاتنسين تسويلج شاي نعناع يهدي اعصابج لوصلتي بيتج وبعد الغدا خذيلج شور سريع ونامي علي نومة بنتج

الحل الابدي والمريح لج الخدامه واذا خايفه تقعد بالبيت بروحها مع زوجج اخذيها قطيها عند اهلج او اختج الصبح لرحتي دوامج

 

[ام سلطان86]

اختي اول شي الله يعينج انا ماداوم وعندي خدامه ومو ملحقه
مادام ماتبين خدامه لازم تنظمين حياتج يعني تسويلج برنامج بالنسبه للطباخ متلا لو بتسوين مجبوس لحم طبخيه باليل بس فوحيه ولما تردين من الدوام سوي العيش ودخليه الفرن شدراه انه مال امس وبعدين مافيه شي حاولي تلجي قدر ماتقدرين تقصيهم بالويكند نفس التوم الزنجبيل وغيره عشان الوقت بالنسبه للغسيل حطي الغساله باليل عشان ماتردين من الدواه اليوم التالي الا خالصين والاوتي خليه المغاربيع جدي اذا انتي تنامين العصر اما المواعين انصحج تشترين الغساله واذا مو عندج لا تخليهم اتكودون عليج لو استعملتي قفشه غسليها اريح لج اه بالنسبه للاوتي لا تحطينهم فسله حاولي تعلقيهم عشان تشوفين الاهم و تباشين فيه والاوتي حطيه بمكان فيه تلفزيون وقعدي واشتغلي ماتحسين بالوقت ههه العشا خفايف
انا هذا برنامجي اول ماتزوجت ههه

 

[امـ خــزامـى]

الله يكون بالعون حالت الاحباط امر فيها اياام خصوصا اذا كان فيه ضغط


بالنسبه لي عندي بنت باقي كم شهر وتتم ثلاث
وبيتي دور ارضي حوش وانظف ومايفيد على طول غبار

الفرق مااداوم اتوقع لو موظفه بتتحر خخخخخخ

التنظيف احسن خطه ناسبتني هي
كل يوم اسوي شي
يعني اليوم امسح الطاولات واي شي ينمسح وبكرا اكنس البيت كله
وبعده امسح الارضيات
ويوم اغسل الحمامات والمغاسل
والغسيل نفس حالتك دايما غسالتي والمجفف شغالين يوم للابيض ويوم للغوامق ويوم للملون ويوم مفارش
والمطبخ طبعا كل يوم تنظيف
وحتى باقي البيت لو توسخ شي انظفه على طول


اما بالنسبه للطبخ انا ماريحني الا اني اجهز كل شي وبكميات كبيره وبالفريزر

يعني عندي خضار كثير كوسه وبطاطس وجزر وباذنجان وفلفل بارد اقطعهم شرايح بالطول
واقلي ااو اشوي اللي يحتاج واللي مايحتاج احمسه مع البهارات
وبعدين اكيسها على قد حاجتي وافرزنها
لو احتجت اسوي صينيه مكرونه او رز طلعت من هالخضار وبس اسلق المكرونه واحط الحمسه عليها وادخلها الفرن تتحمر
ولو حبيت اضيف قشطه وجبن واحطها عليها وتصير باشاميل


اممم اسوي حمسة كودو وهالحمسه تتستخدمينها مع الساندويش او الفوتيشيني


عموما الله يكون بالعوون ومخططه اذا حملت بقدم شغاله
لان طاقتي واصله حدها اكثر من كذا مااقدر
لان محد يساااعد ابد
وزوجي يوسخ ويحوس اكثر من بنتي ههههههه

 

[glby7sas]

حبيبتي مو ضروري كل يوم تنظيف البيت كامل يعني اهم شي المواعين ونص الاسبوع ييبي خدامه بو ساعه تنظفلج البيت كله قولي مرتين بالاسبوع اما غسيل الملابس فالله يعافيج الغساله الاوتوماتيك والله راحه نفسيه حطي الهدووم وانسيهم اهي تغيلهم وتنشفهم وانتي ماعليج الا الكوي عادي حطيهم وطلعي مع بنتج انا ساعات احطهم وانام ثاني يوم اطلع الهدوم عادي يعني جذي بيكون في وقت لج ولبنتج وبينج بالنسبه للطباخ الله يعينج من الليل طلعي ديايج او اللحم وتبليهم وحطيهم بالثلاجه لمه تردين مجرد بس تطبخينهم حتى تقصص بطاط وبصل وجذي قصصي من الليل وحطيهم بالثلاجه يعني تردين شغلج كله زاهب

 

[اذوب بكلامه]

الله يعينك كله بأجره بإذن الله
شوفي ياقلبي مع التنظيم راح يتحسن الوضع
ملابسك وملابس البنت مره بالاسبوع غسليهم وملابس زوجك عند المصبغه
وبالنسبه للغدا الدحاجه تكونين مطلعتها من الصبح فإذا جيتي على طول غسليها وحطيها بقدر الضغط ربع ساعه وهي خالصه ومولازم كشنه وريحه البهارات كفايه وبعدين طلعي الدجاجه وحطي عليها بهارات وخليها تتحمر بالفرن وحطي الرز على المرق سبع دقايق بالضبط وهو خالص والدجاجه تكون تحمرت والسلطه الحمره سوي كميه ثلاث ايام وحطيها بالفريزر وخلاص احلا غدا والصحون كلها قدر الضغط والصينيه الي بالفرن والصحن الي بتفرغين فيه وصحن السلطه وكم ملعقه بس وانتي تسوين الغدا خلي بنتك معاك بالغرفه وانتي تبدلين على مايخلص الغدا لانك مابتطولين بالمطبخ وغديها معاكم لان الغدا مابيطول تتغدون كلكم و تنامون للمغرب وبعدين تصحين تسوين قهوه وتجلسون كلكم مع بعض وانتي مرتاحه مو شايله هم الشغل المطبخ نظيف والملابس مره بالاسبوع

 

[BubbLe87]

والله يا حبيبتيانتي شاقية عمرج اوكي درينا ما تبين خدامة ييبي ام نص دوام تنظف لج البيت و انتي شقة يعني خمس ساعات تسوي كل الشغل
و شكو انتي االلي تودين و تيبيين بنتج هذي مسؤولية ريلج خلاص من اليوم و راي هالشي عليه اهوا
يعني خففي عن نفسج شوي و ريحي

 

[ورد الجناين]

لا تنسين تسبيح السيدة فاطمة رضي الله عنها و أرضاها قبل النوم .. لأنه يبعث في النفس نشاط و طاقة عجيبة
سبحان الله 33 ، الحمد لله 33 ، الله أكبر 34
و ادعي لج ربي يصلح لج الحال

 

[mrs.abk]

خذي غسالة صحون

 

[همي رضى خالقي]

انتي ماقصرتي ويا الكل

بس قصرتي بحق نفسج