فضفضهـ

[Nmnoum]

قوة بنات

إممـ صرآحة مادري شلون أتكلم أحس افكآري مو مرتبة

أنا انسانة اجتماعية و فرفوشة و هادية .,

وايد أحب إن يكون عندي رفيجآت

والحمدالله عندي جم رفيجه مثل البلسم ينحطون ع الجرح يبرى .,

بس من تخرجت من الثنويه وانا بعيدة عنهم

إشتقتلهم حيييل .,

صدقوني التواصل معاهم صار صعب بحكم ان كل وحده فينا بكلية وكل وحده فينا بصووب

وايد ناس وخروا عني لاني دشيت الجامعة

وايد ناس وخرو عني لان خلاص مالهم مصلحة عندي

والله شي يحز بالخآطر

مادري شسوي

ودي تكون عندي لوو رفيجة وحدة تكون لي إخت دنيآ

نسولف حق بعض و نفضفض حق بعض و ندعي حق بعض

بس نآآآآآدر جدا ن نلقى نآس نيتهم صآفيه

حتى بالجامعه لمن تعرفت على بنات دايما يسألون و جذي بس من خلص الكورس مآتعرفون بعض !!


اشدعوواا ترى الدنيا بخير و عيال الحلال موجودين
بس وين !!!

بنات والله مادري احس اني ضايعه

انا نوعي لمن اتعرف على بنت احب اني اسأل عنها ونسولف مع بعض و ندرس شخصيآت بعض بس مادري ما لقيت رفيجآت

الشي اللي يخليني أستغرب انكم لووو وين تحطوني أسولف و اتعرف على بنات

بس بالجامعة " إنسووووووو


ماجني آنا


آسفة بنات طولت عليكم بس هالشي حيل حاز بخاطري وماعندي أحد أشكيله آنا أكبر خواتي و أكبر البنات اللي ب أهلي ما عندي أحد ;$

​

 

[لمى الهاجري]

شخصيتج حلوة بس تعرفين الجامعة يبي لها تفرغ وجهد واغلبهم ممكن يكنون مخطوبين وجامعة ومتزوجين بس اذا حابة تكونين رفيجتي على عيني وراسي وهاي تجمع بنات هني بحط لج الرابط

 

[لمى الهاجري]

http://www.q8yat.com/t1017144.html

 

[حولة مركزة]

ارفعي ايديج للي عينه ماتنام وادعي وربي يرزق لج الصديقه الوفيه ي حياتي ^_*
ويسعدني اكون اول صديقه لك ي عشل

 

[عاشقة الدوحة]

حياة الجامعة جذي اختي

حتى انا. . دوم البنات ما يعرفوني الا بداية الكورس لين نخلصه بس

وعقب ولا يدرون عنج
انا خلاص تأقلمت ع الجو...

بس بقولج.. مرة كنت بالجامعة قاعدة ومتضايقة ومحد معاي. . تميت أذكر الله وادعي. . سبحان الله جات وحدة ماشالله يبين عليها مؤدبة وخلوقة. . طلبت مني شي وعقب من نفسها قالت لي ان شالله نكون صديقات. . والله فرحتني هالبنت. . وهذا من فضل ربي


اما البنات اللي كانوا معاي بالثانوية انقطعوا والله. .

بس انتي بالجامعة حاولي تكونين اجتماعية وتعاملين البنات بطريقة حلوة لله. . وان شالله بتلقين اللي ترافجج مو للمصلحة. ..

 

[معي احلى]

الله يرزقش بالصديقة الصالحه عاجل غير اجل ..

 

[بندووشه المطيري]

الله يرزقج الصديقه الوفيه

وشخصيتج حلووه حسيتج طيووووبه ^_^

 

[دلوعة أبوهآ]

الجآمعه الحين تغيرت
اذا مادخلتي الجامعه بصديقاتك ! صعب تلاقين صديقات اللي بمعنى الصدآقه جد ..


الموجود الحين زمآله فقط ...!

اللي له حاجه يدور حاجته عند غيره
واللي مآله شي خلآص ...




بدعي لك مثل توقيعك والله يحقق لك اللي تبينه يآرب

 

[Patcholli]

واي حبيبتي حاسه فيج
بالظبط نفس اللي صار معاي
بس والله ما الومهم
لان الدراسه فعلا يبيلها تفرغ كامل وغصبن عليج تلهين تحسين ماعندج وقت توجبين او تطلعين او تتزاورين مع احد
انا مثلج عقب الثانويه فقدت ارفيجاتي اللي قضيت معاهم احلى 4 سنوات اللي دشت الجامعه والي تزوجت وانقطعت واللي مره وحده ماندري شصار فيها
بس والله والله ما الوم احد لاني بروحي لو ابي اتواصل معاهم ماراح اقدر ارد نفس قبل صج الدنيا تلاهي والظروف مظيقه علينا الوقت .. خاصه مع الوظيفه والزواج وشغل البيت واذا ريلج حكره ومايحب جمعات البنات ..

 

[mama-dodo]

والله حالي من حالج بالضبط

يسعدني اكون صديقتج

 

[Miss Eteket]

آلكل جذي بس تدرين آحلى ششي لمآ تتوظفين تتعرفين على وحدا تكون خلاااص اهي اختج و رفيجتج بنفس الوقت (":


بس اناا الحمدالله كل رفيجاتي معااي بالتربيه و هذي نعممه ان من يومي بالمتوسطه لين الكليه و اهم معاااي

الله لا يفرقنا :"$

 

[Nmnoum]

وآي بنآت والله ريحتوووني ., و اتشرف بصداقة كل وحده منكم :*

 

[قمر بيت أبوها]

ياروحي مو لازم صديقتك اللي تفضفضين لها تكون معاك بنفس الجامعه
انا نظامي عكسك تمام تخرجت يذكروني وانا زين اذكر الشكل من غير الاسم
اسولف اضحك كل ابو شي معاهم
بس اسراري مااعطيها اي بنت
وصديقاتي من كثرهم مااعدهم امس اطالع جوالي لقيتهم فوق 104 تخيلي
يمكن اللي علاقتنا حييييييييييييييييييييل مع بعض 7 بس
الباقين يتصلون لا صار لهم سالفه وحبوا يستشيروني فيها
ولا عرس يبونا نقلبه مرقص
ولا بزواجها ولا ولادتها
بس 7 تقريبا هم اللي بيننا تواصل يمكن مو كل يوم بس كل اسبوع
ونفس الوقت نعرف كل شي عن بعض
وازيدك من الشعر بيت هال7
كل وحده لها ظروف مختلفه عن الثانيه من ناحية قبيلتها وحالتها الاجتماعيه ومدينتها وحتي تعليمها
مو كلهم معرفة دراسه اغلبهم معرفة بمكان عام

شلي فكرة ان الصديقه لازم تكون دارسه معاك شليها من راسك وامشي علي نظامي
ترتاحين والله

 

[بـربـوشـآ]

واللي يـقول لج

مآعندهـ لآ اخت ولا أم ولا صديقـه ولا خاله ولا بنت خاله ولا عمه ولا بنت عمـه

ولآ أحد قريب ..



بسسس دآم ربي معآي كل شيء يهون

 

[Pinky -cat]

لا تسري الرياح بما تشتهي السفن ، هالشى طبيعي حبوبه واللى يبيج حياه لله وللي مسوي روحه مدير عام مجموعة شركات

وما يسالون ومصلحة ما يشوفون شر

 

[Nmnoum]

مشكوورين بنآت ., والله كلامكم عين العقل و ريحني :*

 

[al-musk]

الدنيا تلاهي وباجر شوي شوي راح تلقين صديقاتج الصح ودايم ادعي ربج يسهل عليج ويحط جدامد الصحبه الصالحه ويبعد عنج كل شر

 

[عادت ذكرياتي]

ادعي ربج إن يرزقج الصديقة الصالحة اللي تحبج وتخاف عليج مثل اختج ...

 

[مهندسة الابيات]

الله يرزقج بالصديقة اللي تكون لج اكر من اخت

ويشرفني اكون صديقتج