فطاير التفاح لذيذ وسهل (صور)

[ريمه الكويت]

وايد لذيذ لايطوفكم وسهل بعد

تاخذين عجينه بف باستري تفردينها على سطح مرشوش وتقطعينها دوائر

الحشوه
تاخذين 4 تفاحات خضر تبشرينهم
حطي على النار قفشه كبيره زبده مع 2 قفشه شكر وقفشه دارسين( قرفه) خلي الزبده تسيح مع باجي المقادير بعدين حطي فوقهم التفاح المبشور واذا حبيتي حطي قفشتين جوز مكسرته صغار وخليهم 5 دقايق على النار لما يذبل التفاح ويتشرب الصوص

نطريه يبرد وبعدها حشي الداوئر الي فردتيها وسكريها على شكل نص دائره وبالشوكه سكري اطرافها

سخني الفرن

ودهني صينيه فرن وصفي الفطاير وبفرشه دهني كل فطيره بزبده سايحه وخبزيها بالفرن الحار وخليها تحمر من فوق وتحت

صلصه لتلميع الفطاير
3 قفشه مربى طبخيها مع 2 قفشه ماي وبالفرشه لمعي فيها الفطاير بعد ماتستوي



وقدميها بالعافيه_03BA:

 

[بدوية اصيلة]

مشكوووووورة حبيبتى وايد سهلة بس انتى تستعملين عجينة بيف باسترى المربعات اهيه صغيرة اشلون الفطيرة كبيرة؟

 

[ريمه الكويت]

اختي بدويه اي نوع من البف باستري عادي انتي راح تفردينها وتقصينها بالقطاعه الي عندح

 

[جارة القمر]

مشكووووووره


وتسلم ايدج

 

[ريمه الكويت]

الله يسلمج جارونه

 

[basema]

تسلم الأيادي

 

[الاطلالة]

الله يعطيج العافية

 

[ريمه الكويت]

الله يسلمج بسمه

 

[ريمه الكويت]

ياهلا بالاطلاله

 

[sho-sho_93]

تسلم ايدج لكن ما احبه

 

[ريمه الكويت]

شوشووووووو انزين سويه على فراوله او كاكاو اذا تحبينه


بحلول عيد الفطرأهديك
أجمل الورود
وأغلى البخور
يا أروع مخلوق

 

[Mis$ LeO]

تسلم ايدج

 

[ريمه الكويت]

مس ليو ياهلا والله وماشالله طبقج الي بتوقيعج يهبل

 

[أمانيQ8]

يسلموووو

 

[مش بالكلام]

يسلموووو

 

[srsr]

تسلم ايدج على الوصفة الحلوة

 

[ريمه الكويت]

هلا والله اماني

 

[ريمه الكويت]

مش بالكلام هلا وغلا

 

[ريمه الكويت]

انتي الاحلا سرسر

 

[أسـيـل]

عجيبه وتسلم ايدينك