فطور رمضان 2012 بالصور

[أحلى همبه كويتية]

ما شاء الله تبارك الرحمن
كل سفرة احلي من الثانية

يعت والله يعت الحين


عوووووووووووووووووافي

 

[ريمه الكويت]

(TigerWomanمن عيوني الماش اولا اسلق البطاط لما يستوي تقريبا على كل 4 بطاطات اهرسهم احط ربع قالب زبده وملح وفلفل اسود وشوي اوريجانو ونص كوب حليب بعد اسوي الصوص الي اهو قفشه من خلطه خاصه للماش اخذها من اللولو هايبر وفيه خلطه بعد مالت الستيك هم احط منها شوي احمسهم بشويه زيت وماي

ممكن بدالهم نص مكعب ماجي تحمسينه مع فلفل اسود وقفشه وسط طحين تحمسينهم وبعدين صبي ماي واغليهم لما تثقل




فيروز خانوم انشالله ادزه لج بالخاص لان طريقته طويله




Snow angel شكرا حبيبتي كلج ذوووووق

منورتنا مواصله



لمن اكون بالعافيه وكل سنه واختج بخير

بالعافيه نارنجه وايد افكارج حلوه ومبدعه

يعافيج الشيف نانا واطباقج فايف ستار


زعفرانة_ يعافيج ربي

جاره القمر تسلمين قلبي

 

[ريمه الكويت]

مواصله اطباقج تهبل وكيكتج تونس ياحلاتها ونطالبج بطريقه دياي منال العالم

يعافيكم بناااااااااات

فطورنا البارحه

نبدي بشوربه بروكلي




سلطه الخس بالجبن بالخلطه



مكرونه



خبز عروق



شورما لحم وطحينه








كيكه الاسكا شغل بنتي







عيد ميلاد زوزو حبيبتي







​

 

[شادن33]

ريمه وااااي شنو هذا كل مره ادخل هالموضوع عشان اشوفج اشحاطه اموووت من اليوع
وما اطل عليه الا وانا صايمه هههه

واللي يعافيج عطيني طريقه كيكه الاسكا
شكلها سههههههل

 

[Kirsten storms]

مباركم عليكم الشهر حبااايبي

انا بس صورتلكم شغلي

يييييييييييم والحين مييييييييييته ابي اكل

 

[لمن اكون]

ريووم وانتي بصحه وسلامهه

انا وين داخلهه الداخله الموضوع الحين

^^ اللهمم اني صائم عهههه

 

[شادن33]

مواااااصله وينج وايد طلبات عليج
محد قالج تحطين الصوووور المجرمه هذي ههههه

أنا ابي طريقه كيكه السينابوون واللي يعافيج لاتنسين طلبي

والله يخليلج بوضرس ههههه

 

[saroona1998]

يا جماعة الله يجزاكم خير اللي تحط شغلها خل اتحط اللنك اللي فيه الطريقة او تكتب طريقتها عشان نستفيد اطباقكم حدها عجيبة الله يعطيكم العافية

 

[شادن33]

اي صح سارونه سال لعابناواحنا ننطر الطريقه
بس اظنها صعبه اشويه عليهم ماااافي وقت

 

[فيلسوفة تتفلسف]

فـطورنـا امس

سلطة افوكادور وحلوم

سلطة سيزر

كبب وخبز عروق

تــارت مالــح

فته لحم

ديـاي بالفرن

مرقوق

تــارت حــلو

تراميسو

والحمدالله على النعمه :yaaaaaarb:
​

 

[كوين74]

فطورنا امس كان

تبوله وسلطة سيزر وسمبوسه وجبده بدبس الرمان وشوربة هريس














الاطباق الرئيسيه كانت

صينيه كفته وعيش ابيض / ربيان مشوي / ريش مع بطاط بالعشاب

الله يتقبل طاعتكم و هني وعافيه

ممكن طريقة الربيان و لا عليج أمر​

 

[lovely jojo]

عوافي بنات ..
ريمة ياقلبي ضروري طريقة المحشي دمااار شامل

 

[نهى الأحمد]

مبارك عليكم الشهر


وعليكم بالعافيه

ماشاءالله كل سفرة احلى من الثانيه

تسلم الايادي

 

[(TigerWoman)]

ريوومه

تسلملي عيوونج حيااااتي

تسلميييييين عالطريقة حوووبي :*​

 

[لمن اكون]

فطورنا اليوم ...��

اليوم مو سوين واايد لان الوالده بسلامته رايح العمره فما في الا انا واخواتي ثنتين

والهمبه جايبه اخوي من رحلته من الهند

الحمداللهه ع نعمهه
وعواافي ع قلووبكمم

 

[Mjnont '3lay]

عليكم بالعافيه بنااات

ريووووم اسدحي لي طريقة الشورما لاهنتي والطحينه والسلطه ماشاءالله طبخج حلو تسلم ايدج والله يخلي لج بنيتج سنعه على امها عسى تقر عينج بشوفتها عروس

..

همبوووش ابي طريقة البيتزا اللي نفس قيصر

,,


بنات مادري منو من العضوات حطت طريقة سلطة الحلوم ابي الطريقه شلون

 

[Mjnont '3lay]

مذهله طريقة السيزر لاهنتي

 

[مواصله]

مواصله باالعافيه حياتي بس شنو طريقه دحاج اخر وحده شكلها حلووو

هذي الطريقه:

-تغسلين اجنحة الدجاج وتقطين الطرف المدبب وبعدها تقطعين الجوانح من المفصل

-في طاسه تجهزين:ربع كوب طحين ،ربع ملعقة بيكنج باودر

ملعقة ملح صغيره،رشة بابريكا ورشة فلفل اسود،تخلطينهم وتقلبين الدجاج فيها

-في زيت غزير نقلي الدجاج على نار متوسطه 5دقايق تقريبا


في هذا الوقت جهزي الصلصه العجيبه:

ملعقة زبده في المقلاه تبشرين عليها فص ثوم +3ملاعق سكر قلبي ليما يذوب

وبعدها حطي ربع كوب شطه ورشة ملح وعصرة ليمونه

شيلي الدجاج وقلبيهم بالصلصه و قدميه وهني وعافيه ام اللذاذه

 

[مواصله]

?????وااااو عافيه عليكم


مواصله عمررري ممكن طريقه المسقعه اللي فوقها البششاميل وهم ابي طريفه قوارب البطاط عفيه بتنفتنقً عند اهلي

تفضلي طريقة المسقعه:

تحمرين البيدجان والبطاطس بعد ماتقطعينهم حلقات وتصفينهم بصينيه

فوقها توزعين حمسة اللحم المفروم انا حمسته عادي: بصل وطماط مفروم شوي بقدونس

مكعب ماجي ملعقه صغيره طماط صلصه

فوقهم طبقة الباشاميل :كوب حليب سايل تخلطين معاه ملعقتين طحين تحطينه ع النار

+شريحتين جبن +كوب موزريلا ) تدخلينه الفرن ربع ساعه من تحت

وفوق بس يتحمر دقايق وطلعيه وبالعاااافيه


قوارب البطاطس:

تسلقين 6حبات بطاطس تقريبا او اقل حسب العدد ربع ساعه تقريبا

بعدها تقطعين ربع منها من فوق مثل الصوره وتفرغينها بملعقه وتحطين فيها الحمسه هذي:

شوية زيت تحطين فص ثوم مبشور بعدها الدجاج المفروم +جزره مبشوره +مكعب ماجي

ملعقتين او3ذره حب وملعقتين زيتون شرائح

قبل ماتطفين عليها النار تضيفين ملعقة جبن وملعقة مايونيز وكوب موزريلا وتخلطينهم عدل

تحشين فيها البطاطس وترشين ع الوجه موزريلا وتلفينهم بقصدير من تحت وتدخلينهم الفرن

ربع ساعه من تحت ومن فوق بس تتحمر وبالعافيه :

 

[مواصله]

كل عام وانتم بخير ومبارك عليكم الشهر من اوله الى اخره
ماشاءالله عليكم تسلم ايد الكل
الغاليه مذهله ياليت تقولين لنا عن طريقة الربيان المشوي شكله يشوق
والطيبه مواصله اي كتاب حق منال العالم تقصدين كتابها الكبير واذا سمحتي ابي طريقة كيكة السينابون واسفه ثقلت عليكم

كتابها الطبخ مال 2009 ايوه كبير و لونه اخضر

وان شاءالله بكتب طريقة السينابون بعد شوي لاني مو حافظتها بجيبها من الكتاب

بس بعد مااشحن الجهاز البطاريه خلصت:d