فطور رمضان 2012 بالصور

[دلوول 2006]

ما شاء الله تسلم يدياتج شغل عدل
الله يخليج علمينا طريقة البنك باستا والأوزي شهيتينا

 

[rwn 92]

ريمه يا قلبي شنو محشيه الكاساديا فديتج :*

اطباقج روووعه وعسى يخلي لج بنيتج يا ربي

 

[أم حسون]

عوافييي
ريوم ابي طريقة البينك باستا

كبب

دياي بالفرن



شوربة دياي مع ذره

الحلو من كيك اند بيك

فاصوليا يابانيه

 

[Mjnont '3lay]

http://hh7.an3m1.com/

كبة التوست بالجبن وفطيرة الدجاج بالمشروم






http://hh7.an3m1.com/



http://hh7.an3m1.com/

http://hh7.an3m1.com/

حلو التك

http://hh7.an3m1.com/

ماشاءالله تبارك الله عليكم بالف عافيه حبيبتي
اطبااااقج تشووووق :eh_s(15):

لاهنتي ابي طريقة هالثلاث اطباق بس الله يعافيج ياليت تشرحين بالتفصيل المقادير والطريقه كيفج عالسريع لانه ساعات ازيد او انقص من كيفي ملح ولا بهارات وتطلع الطبخه كلها مو حلوه

 

[Mjnont '3lay]

​

كاساديا​

​

الحلو شغل بنتي​

ولكم باك حبيبتي حياج الله نورتي :eh_s(7):
وعليكم بالف عاااافيه ماشاءالله شغلج يهبل تبارك الله وبنيتج مشاءالله سنعه على امها

بقولج شغله طريقة المحاشي طلعت حلوه تهبل بس في شي
حوشة الكوسا والورق عنب مع الطبخ كلهاااا طلعت بره بالجدر

مااادري ليش انا حطيت الكوسا بالعرض بالجدر مو بالطول وسكرت الكوسا براس الكوسا اللي قصيته بس مادري شلون صار جذي حدي زعلت وضاااق خلقي والله
مادري شسوي ودي اجربها مره ثانيه يمكن تضبط :eh_s(10):
وللعلم ترى ماعرف الف ورق عنب عدل يعني اول مره الف ورق عنب ولفي اي كلام يعني وحده حبتها كبيره والثانيه صغيره ووحده ضعيفه ووحده سميكه مادري شكله يضحك بس الطعم يهبببل طلع
الله يعافيج لي بغيتي مره ثانيه تلفين ورق عنب صوري لي الخطوات بشوف شلون الطريقه بالضبط
ولو ماعليج امر بغيت طريقة كاساديا مع الحشوه وحلو بنيتج :eh_s(7):

 

[Mjnont '3lay]

ام حسووون عليج بالعافيه حبيبتي
انا خليت كل اطباااقج وقعدت اطالع بالمشروب اللي اول صووره ماعرف شنو هذا بس شكله يشووووق
اذا انتي مسويته شلون طريقته

 

[Mjnont '3lay]

بنااااات مره وحده من العضوات حطت طريقة شربت ورد
يا مواصله او مذهله او زعفرانه ماني متذكره بالضبط ابي طريقته بنات خاااطري فيه

 

[مذهلة 78]

ماشاءالله تبارك الله عليكم بالف عافيه حبيبتي
اطبااااقج تشووووق :eh_s(15):

لاهنتي ابي طريقة هالثلاث اطباق بس الله يعافيج ياليت تشرحين بالتفصيل المقادير والطريقه كيفج عالسريع لانه ساعات ازيد او انقص من كيفي ملح ولا بهارات وتطلع الطبخه كلها مو حلوه

الله يعافيج حبيبتي

كبة التوست

كيس توست منزوع الاطراف يفتت بمحضره الطعام

وتعجنينه مع علبه ونص حليب كرنيشن

بعدين تحشينها الجبن اللي تحبينه

انا حطيت حلوم وقشقوان وموزاريلا

بعدين تكورينها وتغمسينها بالطحين وتالي ببيض مع فلفل اسود وآخر شي البقسماط

حطيه بالفريزن وقبل لاذان بنص ساعه اقليه

وقدميه مع صلصه البيتزا الجاهزه او اللي محضرتها بالبيت


فطيره الدجاج بالسبانخ

صدرين دجاج مسلوق ببهاراتج وبس يستوي تنتفينه

ملح / فلفل اسود / 3 حبات بصل تقطعينه جوانح / علبه كبيره فطر / علبه جبن كرافت الحجم الوسط اللي يصرفونه بالتموين / علبه كريما حامضه / بف باستري وكميته تحدد على جسب حجم البايركس او الصينيه اللي عندج / نص قالب زبده / زيت ذره / جيس سبانخ مثلجه


الطريقة

1- تحطين الزبده مع الزيت عالنار لين تحتر

2- ضيفي البصل وقلبيه لين يصير لونه مايل للذهبي

3- ضيفي عليه الفطر وقلبيه لين يتحمر

3- ضيفي الملح والفلفل الاسود بس لا تكثرين ملح لان الكرافت مالح يعني قفشه وسط كافي او اقل بشوي

4- ضيفي السبانخ وقلبيهم لين تحسين ان الماي نشف

5- ضيفي الجبن مع الكريما الحامضه وقلبيهم عدل تالي شيليهم
​

6- اخذي البايركس ودهنيه زيت تالي صفي طبقة بف باستري وفوقها حطي الخلطه وبعدين طبقة بف باستري وفوقلها الخلطه واخر طبقة بف باستري

7- بسجين سوي مربعات عالطبقه الاخير للعجينه تالي دهنيها بصفار بيض مع فلفل اسود ودخليها الفرن

اول شي تشبين الفرن من تحت بس تتحمر طفي تحت وشغليه فوق انا كنت اشيل الصينيه من الفرن واطل تحت واشوف الاحمرار عشان جذي ما احترقت

ملاحظه مهمه جدا": السبانخ المستخدم راح يكون مثلج اول شي حطيع بمشغل وغسلينه لين يتبطل وخليه بالمشخل عشان ينزل الماي اللي فيه وروحي كملي باجي شغل علما يستوي الدجاج وتخلص الخلطه الا السبانخ ناشفه من الماي وراح يبقي كميه قليله وهالكميه راح تتبخر وقت الحماس مع الدجاج وقبل اضافه الكريما والجبن
​

حلو التك
بسكوت تك المالح / علبه حلب صغيره / 3 علب قيمر ( 2 كبار وعلبه صغيره ) /علبتين كريم كراميل / 1/2 علبة نسلته المحلى هذا اذا كان الحجم الكبير بس اذا عندج لصغار حطي 2 يعني اذا كان حجم العلبه 90 جم حطي علبتين / شعربيه باكستانيه

الطريقه
​

1- تسخنين علبه الحليب لصغيره

2- تغمسين فيها البسكويت اللي عندج وتالي ترصينه بالطبق اللي بتقدمين فيه بحيث يكون بالارضيه والاطراف يعني دار مدار الماعون

3- تحطين بالخلاط الكريم كراميل البودره بس مع القيمر والحليب المحلي وتخلطينهم عدل لين يصير الخليط متجانس

4 تالي تصبينه على البسكويت اللي عندج

5- تاخذين ربع جيس الشعريه الباكستانيه وتحمرينه بشوي زيت وبس يبرد يعني يصير بارد مو دافي لاء بارد اخذيه وزيني فيه الطبق وتالي صبي الكراميل اللي داخل علبة الكريم كراميل على الوجه وحطيه بالثلاجه ويقدم بارد

وبالعافيه مقدما​

 

[ريمه الكويت]

مذهلة 78 عيونج الحلوه قلبي

دلوول 2006 كم عيوني الاوزي تاخذين عجينه البف باستري وتفردينها وتسوين هالحشوه 0 عيش امريكي مغسل ومنقع وتحمسين بصل وصنوبر لما يحمر الصنوبر تحطين ربع جيس لحم مفروم وتقلبينهم بعدين حطي بهارات مجبوس ومسمار بودر ودارسين وجوزه الطيب وملح ولما تتشرب البهارات حطي كوب بزاليا مثلجه وهم قلبيهم وبعدها كبي العيش وحركيهم عدل وحطي ماي مغلي وملح وجبسيهم

حطي العجينه المفروده بطاسه صغيره واحشيها بالحمسه وسكريها من فوق وقلبيها بصينيه فرن مدهونه ولما تخلصين المقدار دهني ويهم في بيضه مخفوقه مع رشه بهار عن زفره البييض ودخليهم فرن من تحمر تحت شعلي الشوايه من فوق وحمريها من فوق وبس

البنك باستا من تقعد بنتي اخليها تكتبها

بعد قلبي rwn 92 الكساديا كان عندي دياي زاد من قبلها بيوم قصصته وخلطته من طماط مفروم وخس مفروم ودهنت الخبز بكريمه حامضه ورشيت جبنه قشقوان مبشوره عالكريمه وعليهم خلطه الدياي طلعت لذيذه مع الشواي


أم حسون انشالله اخليها تكتبها لكم


ويييي Mjnont '3lay عرفت ليش لازم بعد ماتصفين الكوسا والمحاشي بالجدر تحطين عليهم صحن ثقيل من فوقهم بدزلج صوره عشان تبينها لج

​

وحطينا البطاط فوقه وشويه ملح على البطاط لايطلع ماصخ وكملنا باجي الزيت اللي باقيلنا

​

طريقه لف الورق عنب طبا اللمعه تكون بره
اللي على اليمين اهيا تمام

​

​

نيب صحن فخار ونصكرعلى الورقعنب عشان لايتبطل وقت الطباخ
طبعا قده بالظبط مو اصغر ولا اكبر

 

[فيلسوفة تتفلسف]

عوافـــي

فطورنا أمس

سلطة تفاح

شوربة خضار

كبب + سمبوسه

كبــة باللبن

يريــش

والحلو : موس شوكلت

وحلــو النسكافيه

والحمدالله ع النعمه :yaaaaaarb:

​

 

[ريمه الكويت]

فيلسوفة تتفلسف بالعافيه واحب سلطه التفاح والجريش


قرقيعانا البارحه بيت اهلي





وسوينا نون بعد

 

[كوشيه فوشيه]

ريميه شكل القرقيعاااان يووونس حيييل

ابي المانكير اللي فيه الوانه تشوووق

 

[أحلى همبه كويتية]

علييييييييييكم بالعلفيه كلكم
كل سفرة تقول الزود والحلا عندي

 

[أحلى همبه كويتية]

علييييييييييكم بالعلفيه كلكم
كل سفرة تقول الزود والحلا عندي

 

[جارة القمر]

ريمه الكويت



ماشاء الله تسلم ايدج وعوافي علي قلبكم :eh_s(7):



وخوش قرقيعان ونون صبغ الأظافر حده عجيب:eh_s(7):بالعافية عليج :eh_s(7):





فيلسوفة ننفلسف



عوافي علي قلبكم



وتسلم الأيادي:eh_s(7):





أم حسون





تسلم ايدج وبالعافييييييييييييييييييييية:eh_s(7):




مذهلة




تسلم الأيادي:eh_s(7):

 

[ريمه الكويت]

طريقه الاطباق الي طلبتوها

 

[إم بــــرٍآك]

سفرة عامره ماشاء الله تبارك الله الله يديم النعمه
كنت بسالج مذهله عن حلوى التك وطريقه الباستري بس الحمدالله سبقتيني. كتبتيها شكلهم روعه ماشاء الله


حبيت اششششكركم بنات لان صج تفننت هالسنه بالاطباق طبعا ماراح يكون برمضان بس حتى بعد الشهر الفضيل
تسلمون والله يعطيكم العافيه ماراح احدد ولاوحده فيكم لانكم كلكم طباخات وماتقصرون ويشهد ربي اني حبيتكم نفر نفر هههه وادعو لكم كل يوووم

 

[مذهلة 78]

السلام عليكم شلونكم شخباركم

يعطيكم العافيه كلكم وتسلم ايدكم حبايبي وعساكم من عواده

فكوري اليوم كان سلطو ناتشوز وسلطة بطاط وكنت حاطه صورهم بالصفحات السابقه

المقبلات كانت اجنحة دجاج تندر / شوربة هريس / كباب عروق / ورق عنب









وسويت برياني ربيان / وكساديا دجاج مع كريمه حامصه وصلصة الواكامولي/ كبة باللبن /هريس










والحلو باقي من امس حلوك
فما سويت بس سويت قيمات وكب كيك السينابون

 

[كوشيه فوشيه]

عوااافي

فطورنا اليوم

مجبووس دجااج

لفائف دجاج والكريمه

معكرونه دجاج وخضار

دونات وبيتزا وزعتر ولفائف مقليه

وفي شوربه وسلطه بس تعاجزت اصور > سودانيه هههه

 

[مذهلة 78]

هذي صورة الاجنحه التندر