فطور رمضان 2012 بالصور

[فروووح 92]

بـنـأآأت يعطيكم الع ــافية مبدعيين بطبخ
ريمية الكويت لو ما عليج امر بعرف شنو مكوناات صلصلة ترتار ؟؟
ام حسووون ابي بطاط حرة والحلو سويتن كب يعطيج العاافية وشكرا

 

[Mjnont '3lay]

تمره تسلمين بعد قلبي على هالدعاوي الحلوه وعليكم بالعافيه ابي طريقة كاستر بالجيلي شكله حلو بس الطعم شلوون ؟

,,

ريمه تسلمين حبيبتي على هالدعوه الحلوه وعليكم بالف عافيه فطووركم وحلو التغيير احسن من كل يوم عيش او تشريب

,,

سوري بنات اذا مارديت على احد بعد بس مشكوووورين كل اللي دعولي بالحمال لكم بالمثل ان شاءالله
اولهم ناااارنجه

 

[نهى الأحمد]

صباحكم ورد


شلونكم


تقبل الله طاعتكم يا خواتي


نارنجه

ريوووومه

فيلسوفة

تمره

عسل

ام حسوووون الحلوة هههههههههه


Mjnont '3lay عسى ربي يرزقج بالذرية الصالحة عاجلا وليس اجلا انتي وكل ام محرومه من الضنا ياااااااااااارب



عليكم بالف عافيه حبيباتي

وتسلم هالايادي يااااااارب

 

[نهى الأحمد]

فطورنا امس



سمبوسه

أصابع موزوريلا بالبقسماط

اكل صيني من طباخي انا

عيش

كبــه برغل

وللأسف ماقدرت اصور باقي الاطباق ماكان عندي وقت


واللهم لك الحمد والشكر على نعمك

 

[سيده نفسي]

عوافي

 

[ريمه الكويت]

تمرة بالعافيه بدعتي بالاطباق صينيه الدياي تشوق واهي سايحه وعسى الله يتقبل منج ويبرد على قلبج



أحلى همبه كويتية من عيوني اولا تنظفين الربيان وتخلين بس الذيل وتشقين الظهر وتشيلين الخيط وتبلينه بخل ابيض وخليه نص ساعه وزهبي خلطه التامبوره نص كوب طحين عيش ناعم ونص كوب طحين ابيض مع قفشه طحين ذره ورشه ملح ونص قفشه وسط بيكن باودر تخلطينه مع ماي لما تصير العجينه سائله ثقيله

تشيلين الربيان من الخل ورشيه بهارات( كزبره خظره مفرومه وكزبر بودر مع فلفل احمر واسود ورشه ملح) بعدين غمسيه بالخلطه واقليها بزيت غزير



شكرا ياقلبي كيفانية المنبع

أم حسون الكيك يشوق هذا شغلج ؟؟؟؟


نهى الأحمد بالعافيه كل اطباقج تهبل حتى سمبوستج غير تسلم الايادي

ولايهمج فروووح 92 الصلصه عباره عن كوب مايونيز وعصير نص ليمونه وقصصي مخلل خيار وبقدونس وفلفل بارد من كل نوع شويه وقصيه ناعم وخلطيه معاهم

 

[blue ocean]

ماشالله عليكم تسلم اياديكم ..

روعه اطباقكم نفتح النفس عليكم بألف عافيه :eh_s(17):​

 

[نهى الأحمد]

تمرة بالعافيه بدعتي بالاطباق صينيه الدياي تشوق واهي سايحه وعسى الله يتقبل منج ويبرد على قلبج



أحلى همبه كويتية من عيوني اولا تنظفين الربيان وتخلين بس الذيل وتشقين الظهر وتشيلين الخيط وتبلينه بخل ابيض وخليه نص ساعه وزهبي خلطه التامبوره نص كوب طحين عيش ناعم ونص كوب طحين ابيض مع قفشه طحين ذره ورشه ملح ونص قفشه وسط بيكن باودر تخلطينه مع ماي لما تصير العجينه سائله ثقيله

تشيلين الربيان من الخل ورشيه بهارات( كزبره خظره مفرومه وكزبر بودر مع فلفل احمر واسود ورشه ملح) بعدين غمسيه بالخلطه واقليها بزيت غزير



شكرا ياقلبي كيفانية المنبع

أم حسون الكيك يشوق هذا شغلج ؟؟؟؟


نهى الأحمد بالعافيه كل اطباقج تهبل حتى سمبوستج غير تسلم الايادي

ولايهمج فروووح 92 الصلصه عباره عن كوب مايونيز وعصير نص ليمونه وقصصي مخلل خيار وبقدونس وفلفل بارد من كل نوع شويه وقصيه ناعم وخلطيه معاهم

هلا والله ريوم ياقلبي

الله يعافيج حبيبتي تسلمين والله يسلمج يا الغاليه

اذا اطباقي تهبل

انتي اطباقج رووووووعة وست بيت سنعه ماشاءالله عليج :eh_s(15):

 

[Mjnont '3lay]

نهى الاحمد حبيبتي تسلمين يالغلا على هالدعوه الطيبه الله يسمع ويتقبل منج دعاج يارب
وعليكم بالعافيه
ما باقي شي على رمضان الله يتقبل صيامنا ويكفر عننا ان شاءالله

 

[جارة القمر]

ماشاء الله



تسلم الايادي



وبالعافيييييييييييييييييييييييية




وعسي ربي يحفظكم يارب

 

[ريمه الكويت]

نهى الأحمد تسلمين حبيبتي

اليوم الفطور





اولا تقصه من الجيران



مربين ورطب وكيك كاكاو ومعجنات عجيبه

فطورنا اولا سلطه التفاح والشمندر بصلصه خل المنجا



عيش ومرق لحم






بنتي مسويه صينيه رولات الدياي

وودينا نقصه



الحلو

كيكه الجيران يممممممممم



وانا مسويه تشيز كيك الرازبيري

 

[روح فزاع]

مبارك عليكم باقي الشهر حبايب قلبي
وتسلم الأيااااادي ياااارب
ماشااااء الله كل طبق يقول الزود عندي 

حبيبتي تمرررره بغيت منج طريقتج لصينية الديااي
شكلها يشوووق واهي ساااايحه

 

[تمرة]

حبيبتي تمرررره بغيت منج طريقتج لصينية الديااي
شكلها يشوووق واهي ساااايحه

علينا وعليك حياتي :eh_s(7):
وعسى الله يعودنا ويعودكم عليه بكل خير وصحه وعافيه

حبيبتي عليج بالعافيه مقدماً

تامرين أمر ولك طريقة صينية الدياي( تكفي بايركس كبير)
1- ديايه وحده مسلوقة وبعد ما تستوي اشيل الجلد عنها وأنتفها مثل الشاورما بدون عظم .

2- أقص بصلة كبيره في مقلى وأحط عليها الديايه اللي جهزتها أحط عليها شويه زيت وأحط كاري شويه وفلفل أسود ومكعب ماجي وأحمسهم مع بعض راح تلصق عندك .

3- تكونين مجهزة 2 كريمه حمرا صبيهم فوق الدياي وعلبة وحدة ذرة تكونين زاله الماي عنها وعلبه وحده بزاليا تقدرين تستغنين عنها تحطينهم مع بعض بس يقلب مرتين بس شيليهم من على النار وذوقي الملح (يعني بس مجرد يطبخ شيليه سيده من على النار).

4- في البايركس تكونين مقصصه بطاط حلقات شوي سميكه صبي عليها الخلطة وإذا تبين رشي عليه شويه جبن موزريلا من فوق تطلع عجيبة وحطيه بالفرن .

تقريبا تاخذ معاج الصينية عشان تستوي تقريبا ساعه ونص .

وعليكم بألف بالعافيه

 

[ريماR]

اب اب

 

[تمرة]

تمرة
حبيبتي تسلمين ع هالدعوات الحلوة
ربي يرزقك من نعيمه

شنو طريقة اللفائف؟

بعد عمري همبوش ... الله يعافيك يارب

من عيوني طريقة اللفائف تامرين :
1- آنا سويت نص ديايه سلقتها تالي نتفتها وحمست بصل وبهارات ماأكثر وشويه فلفل أسود ولومي أسود شويه وملح وحطيت عليها ذرة انت وتقديرك وقصيت فلفل أخضر (فليفلة) شرايح خفيفة كلهم مع بعض مع الدياي حمستهم عشان تطلع الريحه .

2- طفي عنه النار وحطي عليهم مايونيز (حسب ماتحبين)

3- خبز المطاحن أقسمها بالنص يعني أفك الطبقتين عن بعض تصير عندنا خبزتين خفاف حلو ...

4- كل شريحه من الخبز أقطعها بالسكين أربع قطع يعني يصير عندك بالخبزه ثمان قطع ... أوكي

5- أمسك كل قطعه واحط فيها حشوة الدياي وألفها مثل الكرواسان وأثبتها بعود الأسنان عشان ما تتفكك عندي .

6- أغمسها بالبيض والبقسمات وأحطهم شوي بالفريزر تقريبا عشر دقايق ... بعدين تقلى بالزيت .

وألف عافيه حبيبتي :eh_s(7):

 

[تمرة]

تمرة حبيبتي شهالابداع تسلم ايدياتج حبيبتي وبالعافية يارب

الله يسلمك حبيبتي

ويعافيك دنيا وآخره اللهم آمين

 

[تمرة]

تمره تسلمين بعد قلبي على هالدعاوي الحلوه وعليكم بالعافيه ابي طريقة كاستر بالجيلي شكله حلو بس الطعم شلوون ؟

الله يسلمك حبوبة .. والله يعافيك يارب

من صجج طعمه عجيب وااايد حلو

طريقته وايد سهله سوي الكسترد أول شي وصبيه بالمواعين اللي تبينها أقل من النص عشان تخلين مكان للجلي وخليه تقريباً ساعين يبرد عدل عدل وبعدين تكونين مسويه الجيلي ويكون بارد بس ماتكونين حاطته بالثلاجه وبس تقومين تصبينه على الكستر شوي شوي عشان لا يخترب عندك الكسترد وبعدين تدخلينه بالثلاجه . ...

وعوافي على قلبكم

 

[تمرة]

ريومه تسلم الأيادي على السفرة

عاد احنا كويتيين يزوغ قلبنا على العيش ماشاء الله تبارك الرحمن شكل المرقه لذييييييييذة ....

سلّم الايديات اللي طبخت وصورت ... عوافي

 

[(TigerWoman)]

هني وعافيه

ريومه

تبارك الرحمن سفره عامره يارب تسلم ايدج وايد بنوتج عليكم بالف عافيه يارب​

 

[Mjnont '3lay]

ريمه هني وعافيه على قلووبكم حبيبتي

,,

تمره مشكوره حبيبتي على الطريقه بس الكاستر شلون تسوينه ولا مره جربت اسويه
وشلون اخليه ثقيل شوي مو مثل الماي