فعلا احتاجكم .... عرسي عقب جم وماقدر اتنظف والسبب!!!

[أحلى عروس 2012]

ربي يوفقج يالله ابدي عناية
أنا صج موظفة ولله الحمد بس من الحين
بادية عناية
انت عليج بالراحة النفسية

 

[mi corazon]

شكورين بنات ماتقصرون

من المحاتاة يتنس الدوره مبجر يومين

يعني بتخلص مني قبل العرس بأسبوع تقريبا الحمدلله

الحين ماقدر اسوي غير عنايه بإيدي وريلي وباستخدم الرولر حق ويهي مع فيتامين سي واي واخذ فيتامينات لأن الكل يقول عني مسلوله وخاقه حيل مع انه بالواقع كيلو واحد اللي نازل

وبالنسبه للنفسيه ستل اكس ،،، بطلب من العويد التلبينه بجربها

وودي اجرب انبولات التفخ علشان بالعرس ويهي لايصير شاحب جني عيوزه وبجرب بعد قطرة العين للتبييض علشان عيوني صايرين صفر من الارهاق


ومشكورين مره ثانيه حبيباتي

ام عزو واختي خلطات بجرب اللي اقدر عليه ان شالله :*

 

[ما يهزك ريح]

الف مبروك حبيبتي والله يتمم لكم على خير ويشخركم لبعض ويرزقكم الذريه الصالحه

 

[دانة_ دبي]

لازم تاخذين قبل العرس اسبوووع اجازة
ولو بتيييج العادة سوي حمام مغربي قبل الدورة
و سوي سكراب كامل للجسم
مع مساج كامل
وحمام جاكوزي
لا تنسين الحمام المعطر
و ابدي من الحين حطي كريمات

 

[:: Diva ::]

سهالاااااااااااااااات
بس انتي لانج حطيتيهم حده حده

بشرتج و ايدج و ريولج ماله شغل تقدرين تباشرينهم و انتي عليج الدوره
الحمام المغربي يوم تطهرين و لا قبله بيوم عااااااااااااادي

انا ما غبت لااااااااااا و داومت يوم عرسي رديت نمت و رحت الصالون
ههههههه اهم شي النوم و الراحه النفسيه


هونيها تهون حبيبتي

 

[@ كويتيه @]

اول شي الف الف مبروك وان شاء الله تجتمعون على خير وتصير حياتج احلى واحلى

ثاني شي ابتدي على راحتج حمامات من اليوم وكملي شرب ادويه عشان الدوره تنزل مبجر

وعآدي ترى حتى لو بيوم العرس مسويه حمام . اهم شي مزآجج رآيق

والمدرسه عطييي امممهم طااااف الزم ماعلينآ راحتج ي عرووس

وبالتوفيق :*

 

[نور مغليها]

الله يوفقج ويهنيج ياررب

 

[ALMooOooN]

حبوبه بالنسبه حق التبييض عندي سيرم فتااااااك

لج

نتيجته تبان من استعمال ثلاث ايام

للجسم و المناطق الحساسه

راسليني و مالج الا طيبه الخاطر

و لج خصم خاص

حبوبتي

 

[* فيونكه *]

الله يوفقج ،


اشتري صابونة البابايا غسلي فيها وجهج
صبح وليل وهي تنششششفج حيل
وبعدها رشي ماي ورد علئ بشرررتج


وسوي بديكير منيكيرر
واخلطي جلسوويد وفازلين وفكس وليمون
ودهني رجوولج بالليل والبسي دلاغات

واقري سورة البقره

والله يوفقج

وتذكري دايم اهم من نفسج مافي
باجر انتي بتتزوجين وراج رجال وعيال ومسؤوليه

مهما كان انتي اهم لاتعطين شي اهم منج
وموفقه

 

[درر و ألماس]

من توقيعج واضح ان صارلج 11 يوم
الله يتمم لج على خير و ييسر اموورج

 

[ya al3rosa]

اب

اب

 

[مآنشسترآوية]

اول شى الله يوفقج يارب اهم شى التوفيق

والعناية المفروض حتى من قبل التجهيز لان بالتجهيز الواحد ينسى نفسه شوي
وماكو عناية قبل العرس بشهر او شهرين
المفروض العناية من زماااااااان

المهم دام الوقت فات خلاص لاتتحسفين
ترا اهم شى النفسية

 

[mi corazon]

تسلمون حبيباتي عساني ما اخلا منكم


الحمد لله التوافيق من رب العالمين قدرت بثلاث ايام احصل عالنتيجه اللي ابيها

استخدمت خلطة الازمات وسويت خلطة مغربيه لتبييض اليدين والريل عباره عن معجون حلاقه وعلبه صغيره اكسجين ويلا ٦٪ ادهن بالليل والبس دسوس وجيس ودلاغ والصبح مغربي وسكراب وهرده ..

سويت اكسجين لجسمي امس ووايد فرق

وحاجزه سكراب الذهب في سباتايم اليوم ان شالله

النتيجه اللي حصلت عليها بالنسبه للتبييض ٧٠٪
النعومه ١٠٠٪ للامانه انا مصدومه من النعومه الحمدلله صايره جني زبده من امس المس جسمي
الاشراق ٦٠٪ لأن ويهي تدمر من المحاتاة فا اللي قدرت عليه اني اعدله بهالنسبه

بس تعبت والله

بليز ادعولي لأني حدي متوتره


بعدين بنزلكم برنامجي السريع والفعال .. بس خل يعدون هاليومين على خير

سلام

 

[عادت ذكرياتي]

الله يتمم لج على خير

 

[ورقات]

موفقه

 

[Glamour-mutir]

اولا مبروك ثانيا اكييييد اخذي اجازه قبل العرس واهتمي الصبح بنفسج وبليل قضي اغراضج الناقصه قبل وقت الدوره والله يهميج حبيبتي

 

[katkoota90]

بالعكس حبيبتي المفروض اول شي تعتنين فيه هالاشياء



يالله ما عليه

حاولي تتفركين بالبيت
وتلبسين دسوس عن الشمسس

سوي جلسات نضاره بصالون ساس ! يمدحونه

روحي مغربي بالويك اند !!
ولازم تستمرين بالعنايه لي بعد عرسج ب اسبوع مع النفسيه صدقيني بتتعدلين

وسوي تشقير جسمج كامل ترى يبيض حيل
بالصالون


الله يوفقج والف مبروك حبيبتي

 

[pinkoosha]

عالبركه ياقلبي وموفقه يارب والله فرحتلج يوم قريت توقيعج،

 

[جامعييه]

مبرووك قلبي والله يووفقج

 

[Swerziya]

وااااي انا نفس حااااالتج باقي سبوعين على عرسي و مو مسويه شي  امس سويت حمام مغربي بس احس ما فرقت وااايد بليييز ساعديني قوليلي شسويتي انا صج نفسيتي ااااااكس و ويهي مسمر من الشمس و ايدي و ريولي و ركبي و كل شي امبي صج ضاااايعه ما احس اني عرووس ساعدوووني 