العصيمية
New member
- إنضم
- 14 يونيو 2008
- المشاركات
- 2,150
- مستوى التفاعل
- 0
- النقاط
- 0
درسنا عن ( عدة الماكياج ) Makeup Tools..... يعني الفراشي وملحقاتها .
وهو اساس الماكياج الناجح .
يمكن الاغلبيه يحتارون ، أي الماركات افضل ؟ ...
وش الفراشي المهمه ؟ ....
كيف ننظف الفراشي ؟
كيف نختارها ؟
بإذن الله راح أجيب على كل هالاسئله .
نبتدي بأفضل الماركات:
شخصيا أفضل ميك اب فور ايفر بالذات فراشي النايلون .
ايضاً فراشي بوبي براون أكثر من رائعه .
فراشي شواميرا ممتازه بالرغم اني ماقتيت اي فرشه منهم .
فراشي المصممين العالميين ، ممتازه بس عيبها محدوده يعني فراشي للاستخدام الشخصي مو البروفيشينال ، وأروعهم لانكوم .
بالنسبه لفراشي ماك جيده بس شخصيا ماحبيتها لانها خشنه شوي .
فراشي سماش بوكس ممتازه أيضا . ومجموعتهم صغيره .
فراشي ماكياجي وسيفورا عاديه جدا بالنسبالي أقل مما يجب .
هذي الماركات اللي جربتهم ، ممكن تكون فيه فراشي رائعه بس ماسبق وجربتها .
البعض ممكن يقول الفراشي غاليه حرام هالسعر :
الغالي سعره فيه بالذات الفراشي من المفترض انها تعيش معك فتره طويلة جدا ، فالافضل تشترين الافضل عشان تستحمل الكرف وكثرة التظيف . والغاليه عمرها أطول من الرخيصه .
ولاتنسين نوعية الفراشي لها دور بالسعر، يعني نوع الشعر( شعر طبيعي ، نايلون ، شعر مهر ) يحدد سعرها وايضا كمية الشعر ، نوع المسكه ، إذا بلاستك بيكون رخيص ، الخشب أغلى . الستانليس ستيل أغلى وأغلى ، وايضا نوع تعتيق الخشب ، بالغالب يستخدمون أخشاب معتقه على أقل تقدير اربع سنوات ، لان التعتيق يعطيها مرونه وراحه بالاستخدام . لذلك كل فرشه لها مزايها اللي تستحق فيه سعرها .
كيفية اختيار الفرشه :
ركزي على طول المسكه ، إذا تفضلينها قصره أو طويله ، شوفي اللي يريحك بالرسم واختاري على اساسه .
مرري شعر الفرشه على المنطقه المخصصه لها ، إذا حسيتي انها خشنه ، يعني غير جيده ، لازم تكون لطيفه ولا تخدش البشره .
واهم شي اختبري تماسك الشعر . وحاولي تفركينها شويه وتسحبينها بخفة إذاتساقط شعرها ، يعني فرشه أي كلام . اشتري شعر متماسك ومايتساقط .
فراشي لايمكن الاسغناء عنها :
فرشه او ثنتين للظل . حسب الرسمه اللي تفضلينها .
فرشة البلاشر .
فرشة الأي لاينر .
أما الباقي ممكن تستخدمين العده اللي تجي مع المنتجات ، او تستخدمين أصبعك .
كيفية العنايه بالفراشي:
بالنسبالي انا عجوله ومو فاضيه كل شوي أغسل الفرشه وانتظرها تجف .
لذلك أخذ أسرع طريقة وأسهلها . وهي استخدام منظف الفراشي .
الطريقه:
هاتي منديل وبليه بالمحلول وامسحي الفرشه ، وارجعي وهاتي منديل ناشف وامسحي من جديد الفرشه .
وهذا هو المحلول . اسمه ( بروش كلينسر ) من ميك اب فور ايفر . وعلى فكره يقعد معك كثير .
فيه طريقه غير عمليه وممكن تلوث الفرشه بس إذا أتبعتي الارشادات بدقه ان شاء الله ما تتلوث .
بللي الفرشه ، وبراحة يدك صبي شامبو ناعم او غسول ناعم وافركي الفرشه براحة يدك ، وارجعي اشطفي الفرشه وتأكدي انك تخلصتي من كل باقايا الشامبو .
الحين هاتي منديل ناشف وامسحيها .
اهم خطوه جيبي الاستشوار ونشفي الفرشه ، ضروري تنشفينها ، لانها إذا ضلت نديه بتتكون بكتيريا وعفونه ممكن ماتحسينها او تشوفينها لكن بتسببلك حساسيه أو فطريات أنت بغنى عنها .
بقولكم أساسيات في اختيار الفراشي . تعتبر مفتاح لكم في أي ماركه ومنها تعرفون وظيفة الفرشه من شكلها . بغض النظر عن رقمها .
فيه نوعين من شعر الفراشي .
النايلون :
ويستخدم للماكياج المائي او الكريمي او يستخدم بالبل . اي شي فيه كريم او جيل نستخدم معه فرشة نايلون . وتلقونه بكل الماركات تقريبا بس بماركة فور ايفر محددينلها خط خاص ومسمينها فرش N .
ميزة هالشعر انه يمتص الضربات ، يعني مايترك خطوط بعد المد . لذلك إذا استخدمتيه مع الظلال البودره ماراح ينفع لانه مابياخذلك اللون .
طبعا يختلف نوعها حسب المنطقه ، يعني فرشة الاساس تكون سميكه نسبيا عشان تقدرين تمدين الاساس ، وايضا عشان ماتذبل الفرشه من الكريم .
الشعر الطبيعي :
فيه نوعين الخشن والناعم ، الناعم لمد البلاشر والظل على سبيل المثال ، والخشن لو تبين تاخذين لون ياخذلك اللون أكثر من الناعم .
طبعا نوعية القص لها تأثير كبير في تكنيك الفرشه .
على سبيل المثال الفرشه اللي تجيك مسطحه مافيها تدرجات ، تستخدم لو تبين تمدين لون واحد ، ولو ماتبين تكونين دقيقه .
الفرشه الللي قصها مائل وسميكه تاخذل لون اكثر وتستخدمين لو تبين تنحتين شي .
الفرشه اللي يجي شعرها غزير وبمستوى واحد بالغالب للدمج في مساحات كبيره .
وعلى فكره الفراشي لها اكثر من استخدام ، وحسب الرسمه اللي ببالك تقدرين تستخدمين الفرشه بالطريقه اللي تناسبك . بس هذي قواعد أساسيه تدلك على استخدام الفراشي .
وبعرضلكم كل فرشة واستخدامها ، عشان ترسخ المعلومه أكثر
لحــد يــرد:016:
يتــبع ..
وهو اساس الماكياج الناجح .
يمكن الاغلبيه يحتارون ، أي الماركات افضل ؟ ...
وش الفراشي المهمه ؟ ....
كيف ننظف الفراشي ؟
كيف نختارها ؟
بإذن الله راح أجيب على كل هالاسئله .
نبتدي بأفضل الماركات:
شخصيا أفضل ميك اب فور ايفر بالذات فراشي النايلون .
ايضاً فراشي بوبي براون أكثر من رائعه .
فراشي شواميرا ممتازه بالرغم اني ماقتيت اي فرشه منهم .
فراشي المصممين العالميين ، ممتازه بس عيبها محدوده يعني فراشي للاستخدام الشخصي مو البروفيشينال ، وأروعهم لانكوم .
بالنسبه لفراشي ماك جيده بس شخصيا ماحبيتها لانها خشنه شوي .
فراشي سماش بوكس ممتازه أيضا . ومجموعتهم صغيره .
فراشي ماكياجي وسيفورا عاديه جدا بالنسبالي أقل مما يجب .
هذي الماركات اللي جربتهم ، ممكن تكون فيه فراشي رائعه بس ماسبق وجربتها .
البعض ممكن يقول الفراشي غاليه حرام هالسعر :
الغالي سعره فيه بالذات الفراشي من المفترض انها تعيش معك فتره طويلة جدا ، فالافضل تشترين الافضل عشان تستحمل الكرف وكثرة التظيف . والغاليه عمرها أطول من الرخيصه .
ولاتنسين نوعية الفراشي لها دور بالسعر، يعني نوع الشعر( شعر طبيعي ، نايلون ، شعر مهر ) يحدد سعرها وايضا كمية الشعر ، نوع المسكه ، إذا بلاستك بيكون رخيص ، الخشب أغلى . الستانليس ستيل أغلى وأغلى ، وايضا نوع تعتيق الخشب ، بالغالب يستخدمون أخشاب معتقه على أقل تقدير اربع سنوات ، لان التعتيق يعطيها مرونه وراحه بالاستخدام . لذلك كل فرشه لها مزايها اللي تستحق فيه سعرها .
كيفية اختيار الفرشه :
ركزي على طول المسكه ، إذا تفضلينها قصره أو طويله ، شوفي اللي يريحك بالرسم واختاري على اساسه .
مرري شعر الفرشه على المنطقه المخصصه لها ، إذا حسيتي انها خشنه ، يعني غير جيده ، لازم تكون لطيفه ولا تخدش البشره .
واهم شي اختبري تماسك الشعر . وحاولي تفركينها شويه وتسحبينها بخفة إذاتساقط شعرها ، يعني فرشه أي كلام . اشتري شعر متماسك ومايتساقط .
فراشي لايمكن الاسغناء عنها :
فرشه او ثنتين للظل . حسب الرسمه اللي تفضلينها .
فرشة البلاشر .
فرشة الأي لاينر .
أما الباقي ممكن تستخدمين العده اللي تجي مع المنتجات ، او تستخدمين أصبعك .
كيفية العنايه بالفراشي:
بالنسبالي انا عجوله ومو فاضيه كل شوي أغسل الفرشه وانتظرها تجف .
لذلك أخذ أسرع طريقة وأسهلها . وهي استخدام منظف الفراشي .
الطريقه:
هاتي منديل وبليه بالمحلول وامسحي الفرشه ، وارجعي وهاتي منديل ناشف وامسحي من جديد الفرشه .
وهذا هو المحلول . اسمه ( بروش كلينسر ) من ميك اب فور ايفر . وعلى فكره يقعد معك كثير .
فيه طريقه غير عمليه وممكن تلوث الفرشه بس إذا أتبعتي الارشادات بدقه ان شاء الله ما تتلوث .
بللي الفرشه ، وبراحة يدك صبي شامبو ناعم او غسول ناعم وافركي الفرشه براحة يدك ، وارجعي اشطفي الفرشه وتأكدي انك تخلصتي من كل باقايا الشامبو .
الحين هاتي منديل ناشف وامسحيها .
اهم خطوه جيبي الاستشوار ونشفي الفرشه ، ضروري تنشفينها ، لانها إذا ضلت نديه بتتكون بكتيريا وعفونه ممكن ماتحسينها او تشوفينها لكن بتسببلك حساسيه أو فطريات أنت بغنى عنها .
بقولكم أساسيات في اختيار الفراشي . تعتبر مفتاح لكم في أي ماركه ومنها تعرفون وظيفة الفرشه من شكلها . بغض النظر عن رقمها .
فيه نوعين من شعر الفراشي .
النايلون :
ويستخدم للماكياج المائي او الكريمي او يستخدم بالبل . اي شي فيه كريم او جيل نستخدم معه فرشة نايلون . وتلقونه بكل الماركات تقريبا بس بماركة فور ايفر محددينلها خط خاص ومسمينها فرش N .
ميزة هالشعر انه يمتص الضربات ، يعني مايترك خطوط بعد المد . لذلك إذا استخدمتيه مع الظلال البودره ماراح ينفع لانه مابياخذلك اللون .
طبعا يختلف نوعها حسب المنطقه ، يعني فرشة الاساس تكون سميكه نسبيا عشان تقدرين تمدين الاساس ، وايضا عشان ماتذبل الفرشه من الكريم .
الشعر الطبيعي :
فيه نوعين الخشن والناعم ، الناعم لمد البلاشر والظل على سبيل المثال ، والخشن لو تبين تاخذين لون ياخذلك اللون أكثر من الناعم .
طبعا نوعية القص لها تأثير كبير في تكنيك الفرشه .
على سبيل المثال الفرشه اللي تجيك مسطحه مافيها تدرجات ، تستخدم لو تبين تمدين لون واحد ، ولو ماتبين تكونين دقيقه .
الفرشه الللي قصها مائل وسميكه تاخذل لون اكثر وتستخدمين لو تبين تنحتين شي .
الفرشه اللي يجي شعرها غزير وبمستوى واحد بالغالب للدمج في مساحات كبيره .
وعلى فكره الفراشي لها اكثر من استخدام ، وحسب الرسمه اللي ببالك تقدرين تستخدمين الفرشه بالطريقه اللي تناسبك . بس هذي قواعد أساسيه تدلك على استخدام الفراشي .
وبعرضلكم كل فرشة واستخدامها ، عشان ترسخ المعلومه أكثر
لحــد يــرد:016:
يتــبع ..
