فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

[غيدآء]

السلام عليكم ورحمة الله وبركاته

صباح الخير ومساء الخير للي عنده مساء


شلونكم حبوبات عساكم بخير؟



عرايسنا الحلوات,,, بغيت اسألكم بخصوص الشوفه الشرعيه من خلال الخطبه ( شوفة المخطوبه والخاطب ) ههههه


بغيت اخذ تجاربكم بالشوفه الشرعيه من كل النواحي...

هل احط ميك اب خفيف او استغني عنه ؟

وهل اطلع شويه من شعري بيوم الشوفه ..يعني اكون لابسه ملفع ومطلعه شويه من القذله لووول

ويابنات محتاره من ناحية اللبس البس عباة جتف او بدله ناعمه؟:eh_s(22):

للعلم انا منقبه



بليز بنات لا تبخلون علي بنصايحكم

بانتظاركم:sfg:

ودعواتكم ياحلووات


وعسى ربي يوفق الجميع يارب ​

 

[دهن العــود]

رد : فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

هلااا حبوووبه الف مبروووك انشالله
اول شي اسمها الرؤيه الشرعيه لووووول
ثاني شي يفضل لا ميك اب ولاهم يحزنووون وتلبسين عباايه طبعااا لان الولد يبي يشوووفج علشان يخطب او لا


وبصراااحه انا طلب من ابوي الرؤيه الشرعيه ورفضت قلت مستحيييييييل اشوووفه ويشووفني مادري احس ان بهالشي اكبر بعينه

والله يوفقج ويكتب لج الي فيه الخير

 

[سيره ستايل]

رد : فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

مبروك مقدما

واب لعيونج​

 

[bride collection]

اب اب

 

[≈ ω ђ ṃ]

رد : فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

^^

خلج سمبل ~


يعني كحله ومسكره كآفي ~

لبسي عبآة وملفع ~>


آبوي يطلع خوآتي بلبس الصلاة هههههههههههه

=)

 

[الأميرة جوري]

رد : فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

الله يوفقج

 

[!! شوق !!]

بالنسبه لي طلعت
بعبايه .. مو مطلعه شعري او شي

وكحل خفيييييييييييييييييف .. لانه بيستنكر المكياج شلون طالعه عليه واهو مو محرم لج وممكن يتم الزواج ولا لا
واذا ربج كتب نصيب صار ماجت لا على مكياج اوو شعر

 

[غـــلاتـــي]

رد : فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

مثل ما قالولج خواتي حطي كحله خفيفه بس يعطي نظره لعيونج ولبسي عبايه ولا تطلعين شعره من شعر راسج

الله يوفقج انشاءالله

 

[شطانه طفله]

رد : فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

الف مبروك حبيبتي لا انا ما اييد تحطين شي الريال يبي يشوف وحده طبييييعيه وكل ما تكونين محتشمه يحترمج ويتعلق فيج اكثر مايبي علاقه صداقه هذا زواج

والله يوفقج حبيبتي انشالله ويوفق كلاللي عاييزين

 

[Flower20]

رد : فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

بصراحة مادري اذا لازم تقطين النقاب او لا

بس خلج خجولة كثر ما تقدرين لووول

واذا هالمعرس فيه خير لج ان شالله تتيسر امورج ونفرح فيييييج

 

[ﺂلعيوטּ ﺂلناعسـﮧ]

حبيبتي اخذي نصيحتي هذي قلتها لقبلج حق رفيجتي ؤطبقتها بالحرف الؤاحد ؤالحمدالله تمت الخطبه على خير ؤملجت

حطي مسكرة خفيفه حييييييييل ؤكحله داخليه خفيفه مع قلؤس بس مؤلمعه لاااااا ديري بالج ؤخطي حؤاجبج خلي مكياجج طبيعي حددده

ؤالبسي عباة ؤلا تطلعين شي من شعرج

ؤتؤكلي على الله سبحانه

ؤعسى الله يتم عليج يااااااااااااااااااااااااااااااارب ​

​

 

[تبطي عظم!]

مثل كلام اختي الي فوق

انا سويت جذي بالنظره الشرعيه

والله يتمم لج على خير ~

 

[L A T T E]

السلام عليكم

اختي عن تجربة و خبررررة انا اقوولج شتسوين

اولا : حطي ستايل النوميكاب.. اللي جنج مو حاطة شي بس انتي حااااطة .. يعني شكلج يكون طبيعي حيل وناعم

انا ماراح اقولج شتحطين بالضبط بس اهم شي ان اذا بشرتج مو صافية حطي مثلا كونسيلر طبيعي تحت عيونج علشان توحدين اللون,, الكومباكت حطي منها بالفرشة علشان يكون خفيييف حيل على ويهج ومايبين انج حاطة .. و حطي كحل ناعم.. مسكرا.. حمرا طبيعية حيل.. بلشر خفيف علشان ينوّر ويهج,, الحواجب مرسومين بشكل ناعم..

اما العباية خل تكون مرتبة,, ابتعدي عن العبي الضيجة وهم ابتعدي عن العبي الوااسعة اللي تضيع شكل جسمج.. يعني لبسي شي قدج,, لبسي اكسسوارات ناعمة.. ساعة ذربة,, خاتم راقي,, تكرمين حتى الجوتي يكون زقرتي.. لان الريال اذا ماشاف ويهج يمكن من الحيا عيونه على جوتيّج

والله يوووفقج يااارب بس انسييي تطلعين قذلتج او شعرج..

 

[سارة ة]

الله يوفقج

 

[مناوووي]

ان شاااااء الله ياااااارب اذا فيه خير يتمم عليج يااارب



خليج طبيعيه احسن مسكره وحمره

والله يوووووووووووفقج

 

[اخت خالتهم]

رد : فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

انا كنت حاطه مسكره عشان تبين عيوني اوسع وحطين كحل خفيييف طرف عيني
و حمره فاااتحه ومسحتها شوي بالكلنكس وبس
ولابسة عباة اسلامية وشيلة من حناين
ودخلت افرك بايدي هههههههههههههه وقعدت جدامه
اذا سألوج شي جاوبي بصوت واطي و هااادي
وبس

 

[JNOON ||~]

رد : فـــزعتكم يا آحلى عــرآيس لاختكم بنت جابر ( الشوفه الشرعيه ) ...^_^

موووفقه ~َ

 

[غيدآء]

فديتكم لا خلا ولا عدم

آمموااح :*

 

[حنين]

حبيتي خليج طبيعيه ولا تحاتين بيمشي امورج ع خير جوفي شنو ترتاحين علي
لبسي عبايه وحطي كريم اساس خفيف مثل بشرتج انا انصحج بكريم نيفيا وردي رقم 3 وحطي مسكرا وكحل وقلوز خفيف
ودعيلي

 

[غيدآء]

تسلمين حنين