| فــــن الاتـيـكـيـت | ...@ بـ بساطته و عمقـه @... لتزدادي رونقًا و رقيًا و أنوثة

[princess89]

رد : | فــــن الاتـيـكـيـت | ...@ بـ بساطته و عمقـه @... لتزدادي رونقًا و رقيًا و أنو

موضوع حلوو ومفييييد وااااايد أشيااء إستفدتهااا

الله يعطييييج العاافية يالغلا

 

[تبطي عظم!]

مووضوعج روعه التكمله رائعه
سوري رديت قبل لا يكتمل الموضوع بس عبالي خلص الموضوع
مجهودج واضح وتشكرين عليه

 

[((لقيت روحي))]

ثـــــ^__*ــــــاكـــــس خيــــــتووو

 

[Ameeraaaaaa]

شكرااااااااااااااااااااااااااااا
موضوع حلووووو وايد
الله يجعله في ميزان حسناتج
والبنات لازم يعرفون ان الاتيكيت مو تمثيل لان في النهاية راح تبين البنت علي حقيقتها من اي موقف
يار يت تكملين حورية عن اتكيت الاماكن العامة : مثل الدخول للاسانسير , اولوية الدخول ,, اتكيكت قيادة السيارة
انتظار الدور ...... الخ

مشكورررررره مرة ثانيه

 

[الموزموزيل شقحه]

يزآج الله خير

 

[عروس الكويت2010]

مشكوره عالموضوع

 

[al-musk]

يعطيج العافية قريته وعجبني

 

[حـوريـه]

شـكرًا لكم بنـات على الردود الحلـوه

و في تكمله إنشالله لعيونكم

 

[حـوريـه]

عندمآ تظطرين المبيت عند أقاربك

خليج ضيفة خفيفة جيتج لهم و روحتج خفيفه عليهم !

تعليمات بسيطة :

رتبي فرآشج لما تقعدين من النوم و ردي كل شي مكـآنه ..

اذا آلبيت زحمه و ضغط عليهم .. غسلي أطباقج وأغراضج بنفسج

آذا آلناس عندهم شغل .. لاتلهينهم .. حاولي تقرين كتاب ، تشبكين ، تتابعين التلفزيون .. عشان مايخلون شغلهم و يقعدون معآج كـ ضيفة

خلي أغراضج الشخصية بروح مثل فرشآتج معجونج صآبونتج حطيهم ببوكس آو شي يحفظهم ..

لمآ تتسبحين نظفي الحمآم"وانتي بكرامه" من بعدج و احرصي يكون نظيف ومرتب و انتبهي اذا شعرج بالارضية حاولي تشيلينه ..

اذا حطوآ السفرة .. وخلصتوآ من الاكل .. قدمي مساعدة وشيلي بعض من الاطباق


ألتزمي بمواعيد نومهم وقعدتهم ، عشان تكونين متواجدة باوقات الاكل الرئيسية ومايحاتونج .. كليتي ماكليتي

البسي لبس محترم و زين . وابتعدي عن الملابس القطنيه والبجاما اللي نلبسها ببيتنا ، والبسي شي لايق و مريح

حاولي تكون الاغراض اللي ماخذتهم معاج خفيفة من ملابس واغراض عشان ماتضايقين النآس

تأقلمي مع العايلة مهما كانت ولا تكلفينهم فوق طاقتهم المادية



وبتكونين أتيكيت بهالموضوع :sfg:


​

 

[حـوريـه]

فن التعامل مع المخطئ

إذا أخطئ أحد شلون تتعاملين معـاه !

بالبداية هل الشخص مقتنع انه غلطان ؟ ولا بنظره هو مو غلطان ؟

اذا هٌو عارف نفسه غلطان ، الحمدالله

لكن اذا ماكان معترف بخطأه تعلمي سياسة الرسول صلى الله عليه وسلم
لما جاله شاب زاني يستسمح من الرسول الكريم

قاله الرسول : أترضاه لأختك ؟

قـال : لا

قال الرسول الكريم : فإن الناس لايرضونه لأمهاتهم
ثم قال أترضاه لأختك ؟

قال : لا

قال الرسول الكريم : فإن الناس لايرضونه لأخواتهم


كان الرسول مع عظمة غلطة الشاب ألا كان اسلوبه هادئ عقلاني
فيه حوآر .. و اقناع بنفس الوقت


( أبتعدي عن اللوم )

اللوم مايودي ولا يجيب بل بالعكس ، لما يخطئ الشخص ينحاش منج
خوفًا من اللوم اللي راح ينقال له
فـ أي شخص بالدنيا مايحب اللوم


أستخدمي عبارات و جمل وأسلوب لطيف مع المخطئ وتجنبي العصبية واللوم الشديد

مثل : لو سويت جذي كآن أحسن بس الحمدالله قدّر الله وماشاء فعل

أحسن من لمآ نقول : ماتفهم ، انت غلطان ، كم مره قلت لك ، شكلك مجنون !!

بالعكس فرق شاسع بين الاساليب ، الاسلوب الاول يحس الانسان براحة ويعترف بغلطته ويتكلم فيهآ لان الشخص اللي قدامه متفهم !
اما الاسلوب الثاني يخلي الشخص مايعترف ويركب راسه الغلط !

( أبتعدي عن الجدال )

الشخص أعلم بغلطته غالبًا و متندم لو ماظهر عليه ..
لكن بالجدال يدافع المخطئ عن نفسه وكرامته و ماتخلين له مجال الرجوع والاصلاح بالعكس تسدين المجال ، وتخلينه بس يدافع عن نفسه

( حطي نفسج بمكانه )

أكيد حنآ مهما سوينآ وفعلنآ نتمنى الناس يسامحونا مهما كانت كبيرة غلطتنا
لذا سآمحي إن أمكن
وحطي نفسج بمكانه ليش سوى جذي ؟ شنو الاسباب ؟


( الرفق ثم الرفق ثم الرفق )

" ماكان الرفق في شيء إلا زانـه "

بالرفق نكسب و نصلح الخطأ ، ونحافظ على كرامة المخطئ


( دع الامر للمخطئ )

شلون ؟

خلي المخطئ يكتشف غلطته بنفسه و الحل بنفسه
عشان يتشجع لتنفيذ الحل لأنه فكرته هو وراح يحس بشعور طيب
انه يصلح خطأه بنفسه و بإراداته وبفكرته !


( أصلح الأخطاء الظاهرة و اترك الأخطاء الخفية )

ليش ؟

لأن ذلك "يفسد القلوب"

والله سبحانه وتعالى نهى عن تتبع عورات المسلمين


( أحسني الظن )

لمآ أحد يقولج عن غلطة أحد ثآني ، إسألي الشخص الثاني بحسن الظن
واشعريه بالاحترام والتقدير ..

مثل : وصلني كلام بس اظن هالاشياء ماتطلع منك لأن اخلاقك احسن
وزله بإذن الله ماتغير اخلاقك أنت أكبر

عشان يشعر الشخص بالخجل ويتكلم عن نفسه بأنه هو أكبر من الغلط
ويمدح اخلاقه ويندم شلون طلع هالشي منه .. إلخ


( أستبدلي الكلمة القاسية بمرادفها الطيب )

لان الكلام يعلق بالاذهان ، ومايننسى حاولى تختارين ألفاظ طيبه وخفيفه


آخر شيء تذكري مهما كانت غلطة المخطئ
فإن الاشخاص يتصرفون بعواطفهم لا بعقولهم في أغلب الاحيان


:33_1185028183:

بالنهاية كوني شخص .. اذا غلط شخص مآ حواليج
مايخاف يواجهج بالغلط لحدة اسلوبج وانفعالج و لومج
خلج شخص متفاهم .. الكل يعترف له بكل صراحة


:33_1185028183:​

 

[حـوريـه]

..{ فن الاتيكيت بين الزوجين }..
:edbf4317b9:

وجودكم في بيت واحد مايمنع انج تطقين الباب قبل دخول غرفة بالمنزل بالعكس لازم الاستئذان احترام للخصوصية ..


اذا قعدتي من النوم ، او كان زوجج بغرفة ثانية .. لازم تقولين السلام عليكم ..

اذا بتروحين غرفة ثانية أو مكان ثاني إسألي : تبي شي ؟

اذا غيرتي مكان شغلة تخص زوجج او غرض من أغراضه ، رديه لمكانه الاول

اذا شفتي ورقة أو فاتورة أو أي شيء ماتخصج ، لاتقرينها .. احفظيها بمكان ، لما يرجع قولي هالورقة تخصك لقيتها .. وهو بكيفه يخليج تقرينها أو لآ .. لاتقولين هذا زوجي واغراضي اغراضه
بالعكس في مواقف انتي ماراح تحبين زوجج يكون قاري لج فاتورة او شغلة خصوصية

اذا غلطتي بشغله كبيرة او صغيرة اعترفي بغلطتج بكل خجل دون مايلح عليج بالاعتراف

اذا غلط زوجج سامحيه ولاتكثرين من الجدال واللوم

لاتنامين و زوجج زعلان منج ، عشان لايتعود على الزعل ويصير عنده عادي

دايمًا خلي اسلوبج هادي واختاري احلى الكلمات وبعدي عن الكلام الغير محبب

احترمي هواياته و اهتماماته .. مثلا في وحده زوجها متعلق بلعبة بالنت عن الحروب وهالاشياء
وكان يقضي تقريبًا ساعتين مجابلها وكانت تغضب منه
ليمآ قام مايبطلها جدامها .. ويروح بالديوانية ويقعد فوق الـ4 ساعات بعذر القعدة مع ربعه
وهو بالاساس يلعب هاللعبه اللي من هواياته
لذا خليه يمارس هوايته قدامج واحترمي هوايته و أسأليه عنها شصار ع اللعبه جم نقاطك
حسسيه بالاهتمام واحترمي هواياته ..


اذا عصب الزوج .. تحلي بالسكوت .. واذا كنتي بتوضحين وجهة نظرج وضحيها بكل احترام وبنبرة هاديه مافيها هجوم

حاولي مهما كانت غلطتج تعترفين وتعتذرين .. خلج صريحة مهما غلطتي
هالشي راح يحترمه هو داخليًا .. بأنج صريحة مهما كانت الاسباب

اذا كان الزوج متضايق وانتي فرحانه ، لاتفرحين قدامه بل احزني مع حزنه وواسيه
واذا فرح .. وانتي متضايقة تظاهري بالفرح .. وكوني معاه مهما كانت الظروف

لا تكذبين زوجج امام الناس ، اذا سرد سالفة او موضوع .. وفيها كذبه برأيج
خليه يكمل كلامه دون مقاطعتج عشان ماتقللين احترامه
وبعدين فاتحيه بهالموضوع يمكن يكون قايلها لج غلط وناسي معلومة
لكن حذارج تجذبينه قدام الناس


:edbf4317b9:
​

 

[حـوريـه]

..{ فن الاتيكيت في الموبآيل }..​

اولاً اتصلي بأوقات مناسبة بين 5 العصر إلى 9 بالليل ..
الا اذا كانوا اشخاص جدًا جدًا مقربين وتعرفين اوقاتهم !​

اذا اتصل احد عليج وانتي معاج مكالمه .. اطلبي من الشخص اللي بالمكالمه الاولى الانتظار

واعتذري منه بالرد على المكالمه الثانية ثم الرجوع بسرعة
لما تستقبلين المكالمه الثانية لاتطولين لان مو من اللباقة تتركين الشخص الاول "تعليق" لمدة طويلة
وعطي خبر الشخص اللي بالمكالمه الثانية انج بتردين تدقين بعد ماتخلصين مكالمتج الاساسية
​

اذا احد خلآج "تعليق" .. لاتسكرينه على طول .. أنطري دقيقتين
اذا تأخر الشخص سكري ورآح يرجع يتصل فيج !
​

لاتدقين بأيام الدوامات على الناس فترة الظهر لان الناس تتغدى وتعبانه
ولاتتصلين الفجر عشان مايخترعون !

اذا دقيتي على شخص ومآرد .. لاتدقين مره و مرتين وألف
اكيد المكالمه بتطلع عنده "لم يرد عليها" وبيرجع يتصل فيج
اذا ماكان مشغول

:blueSmCLR:​

 

[حـوريـه]

..{ آتيكيت خلع الحذآء }..

إذا زرتي شخص وطلب منج خلع نعالج وانتي بكرامه قبل دخولج بيته لاتستغربين
وتقولين حنآ مو باليابان !
احترمي رغبة الشخص و اخلعيهم وحطيهم بمكان مناسب
لان في بعض الاشخاص مايحبون يتلوث بيتهم بآثار الشارع والاشياء اللي دآسها الحذاء وانتي بكرامه .. !!
​

​

اما اذا زرتي بيت مفروش كله سجاد ، بديهيًا لازم تعرفين انج لازم
ماتدشين بنعالج وانتي بكرامه
لان السجاد أبدًا مايصير تمشين عليه بالحذاء
قطي النعآل وانتي بكرامه .. و أسألي وين أقدر اخليهم ودشي بكل رضآ

اذا كان الشارع ملوث وتلوث حذائج .. قبل تدخلين بيت احد
أسألي الشخص قبل الدخول وين اقدر انظف نعالي وانتي بكرامه
أو خليهم بـرى واستأذني الشخص انج بتتركينهم بهالمكان لان فيهم اثار ملوثه وماتقدرين توصخين البيت فيه

:blueSmCLR:​

 

[حـوريـه]

..{ آتيكيت التقديم للضيوف}..

زهبي الاغرآض بالمطبخ .. يعني القهوه و الحلى مع بعض .. والجآي مع الحلويآت
عشآن تقدمين للضيوف بالترتيب ماتتلخبطين وتطولين عليهم
أو جهزي كل أغراضج بعربة وحطيهم كلهم .. وقدمي الاغراض


لاتقدمين الشاي أبداً بأيدج .. حطي البيآله مع صحنهآ بصينيه

وأسألي الضيف شكثر يحب السُكر قبل تصبين آلجآي .. إذا امكن
أو حطي قطع السكر الصغيرة بجنب البيآلة بهالشكل :

اذا ماتبين تقدمين شآآي للضيوف و تستبدلينه بالعصير ..

حطي العصير بأكوآب شكلهآ راقية و بصينية رآقيه وحاولي إذا أمكن تزينين القلآص بهالشكل

اذا بتقدمين القهوه .. خلي الدلّه أو المطاره بايدج اليسآر و الفنآجيل بايدج اليمين ..
وقدمي مع القهوه تمر ـ رطب ـ حلىـ موالح مثل الغريبه وهالاشياء ولاتقدمين مع القهوه الكيك أبداً

الكيك وهالحلويات الدسمه تقدمينها مع الشآي أو العصير ..
والمكسرات خليها دايم مع الشآي

و حطي قدام كل ضيف طاولة ضيافة .. أو بين كل ضيفين طاولة ضيافة وحده
ولاتنسين تحطين علبة كلينكس مرتبه


وبعد مآتقدمين كل شي من فطآير وحلويآت وشاي وقهوه .. جيبي صينيه وحطي فيهآ قلآصات كشخة وصبي مآي بآرد لكن مو شديد البرودة بعدد الضيوف ومري عليهم ..



:sfg:

 

[عذبة السجآيآ]

يعطيج الف عافيه حبيبتي

فعلا موضوع روعه

 

[حـوريـه]

.. { الاتيكيت في الاعراس } ..​

​

ممنوع منعًا باتًا تآكلين علج "لبان" في العرس
لانه يشوه مظهرج ويخرب برستيجج ويدمر جمالج وأناقتج
​

ممنوع منعًا باتًا تنزعين "حذائج" آخر السهر وتمشين حآفيه
وخاصه ياهل العروس والعريس لوول دربآلكم

واذا كنتي عارفة نفسج بتتعبين حاولي تلبسين كعب لكن مو طويل
او خليج ببداية السهره بكعبج العالي وقبل تنتهي اذا تعبتي تكونين جايبه
معاج كعب أوطى وتبدلينه فيه​

( الجلوس على الأرض وقت البوفيه )
اذا ماكو مكان تقعدين ولا فيه كراسي ولا طاولات ..
لاتفكرين تحطين صحنج على الارض وتقعدين تاكلين
لأن منظرج بيصير ماله داعي على قولة وحده تقول "حجة باسطة فصفص ولوز بس الفرق أنج عليج مكياج"
حاولي تدورين كرسي و تحطين منديل على فستانج وتاكلين من الصحن وانتي قاعده ع الكرسي بكل لباقه​

( وضع شنطة السهرة في كتفك )
مهما كانت جميلة.. أو لها سلسلة طويلة ..
شنطة السهرة لا توضع على الكتف أبدًا..
بل تحمل في كف اليد وليس تحت الابط


​

( لبس القبعات في الأعراس )
انسي تلبسين قبعة في العرس مــاله داعي ..

​

( حمل التلفون النقال )
ليه اخترعوآ شنطة السهرة أجل..؟
لاترقصين ونقآلج بإيدج أو معلق بوآسطة شيء مآ لوول
حتى لو كآنت فيه مكالمات مهمه .. حطيه بجنظة السهره
واذا بتجيلح مكالمه مهمه .. انطري لين تستقبلينها عقب دخلي النقال
وروحي ارقصي ..​

( لاتنسين تحطين مزيل العرق )
خليه أول شيء و أهم حتى من نفنوف العرس :wqedqw:
:aha:​

 

[((*فروووحه*))]

حــــوووريــــه ~~~
بدعتـــي حبــوووبه ~
وجـــزااااج الله الف خيــر خيتــوو ~~

 

[حـوريـه]

The End
________
_____________
___________________
__________________________


بجذي أكون خلصت كل مآعندي عن الاتيكيت :blueSmCLR:
وأكيد بكل موقف وحالة ..
نعرف شنو التصرف اللبق وشنو التصرف الغير لآئق ،
واذا حآبين تضيفون شي طبعًا تقدرون تضيفونه

وأتمنى قدمت لكم شيء مفيد ،
وآنشالله يعجبكم الموضوع يـارب

​

:hjy5jewf:

 

[حـوريـه]

فروحه _ السنآفيه _ المسك _ عروس الكويت 2010 _ الموزموزيل شقحه _ أميره _ لقيت روحي _ تبطي عظم_ برنسس89
وآقعية حلم _ وصية جآبر _ دلع شاعر _ كويتية بكل فخر _ سوبر كول _ ألطرقآ _ توتي فروتي

شكرًا لكم على الردود الحلوه
لآخلا ولآعدم منكم يارب
نورتوني واآآآللهي ^_^

 

[حور العيون]

رد : | فــــن الاتـيـكـيـت | ...@ بـ بساطته و عمقـه @... لتزدادي رونقًا و رقيًا و أنو

ياعمري جزاج الله خييير